ءتىلشى بايقاۋى
بەس اۋىز سالماقتى ءسوز ۋاڭ ي مينيستردىڭ تەگەۋرىنىن اڭعارتتى
جاۋ چيڭ
2017.03.09 16:20 كەلۋ قاينارى : حالىق تورابى
8 – ناۋرىز تۇستەن بۇرىن مەملەكەتتىك 12 - كەزەكتى حالىق قۇرىلتايىنىڭ 5 – ءماجىلىسى مەديا ورتالىعىندا تىلشىلەردى قابىلداۋ جينالىسىن وتكىزدى. سىرتقى ىستەر مينيسترى ۋاڭ ي «جۇڭگونىڭ ديپلوماتيا ساياساتىنداعى جانە ديپلوماتيالىق قارىم - قاتىناسىنداعى» قاتىستى ماسەلەلەر جونىنەن جۇڭگولىق - شەتەلدىك تىلشىلەردىڭ سۇراۋلارىنا جاۋاپ قايتاردى.
بۇگىنگى تىلشىلەردى قابىلداۋ جينالىسىندا ۋاڭ ي – دىڭ بەس اۋىز سالماقتى پوزيتسياسى ادامدارعا تەرەڭ اسەر بەردى.
«ءارقانداي ادام، ءارقانداي كۇش جۇڭگونىڭ ەڭ سوڭىندا مەملەكەتتى تولىق بىرلىككە كەلتىرۋىنە بوگەت بولا المايدى»
ءبىر ءتىلشى: تايۋان بيلەۋشىلەرى «ءبىر جۇڭگو» جولىنان الشاقتاپ بارادى، ولار قۇردىمعا باتا ما، جوق پا؟ ــ دەپ سۇراعاندا، ۋاڭ ي باتىلدىقپەن: ءارقانداي ادام، ءارقانداي كۇش جۇڭگونىڭ ەڭ سوڭىندا مەملەكەتتى تولىق بىرلىككە كەلتىرۋىنە بوگەت بولا المايدى، ــ دەپ جاۋاپ قايتاردى.
«ەندىگارى بەتىمەن كەتۋىنە بولمايدى، ويتپەگەندە زاردابى وزگەگە دە، وزىنە تيەدى»
بيىلعى جىل ــ جۇڭگو مەن وڭتۇستىك كورەيانىڭ ديپلوماتيالىق قاتىناس ورناتقانىنىڭ 25 جىلدىعى. ءبىر ءتىلشى: بيىلعى جۇڭگو – وڭتۇستىك كورەيا قاتىناسى قالاي بولادى، جۇڭگونىڭ جۇڭگو – وڭتۇستىك كورەيا قاتىناسىن دامىتۋدا نەندەي جوسپارى بار؟ ــ دەپ سۇراعاندا، ۋاڭ ي بىلاي دەدى: قازىر جۇڭگو – وڭتۇستىك كورەيا قاتىناسىنا ىقپال جەتكىزەتىن ەڭ ۇلكەن ماسەلە ــ ا ق ش پەن وڭتۇستىك كورەيادا تالاس – تارتىسقا تولى «ساد» باسقارىلمالى بومبىعا قارسى تۇرۋ جۇيەسىن ورناتۋعا قاسارىسىپ وتىرۋى.
ول مىنانى دارىپتەدى: «ساد» باسقارىلمالى بومبىعا قارسى تۇرۋ جۇيەسىنىڭ باقىلاۋ، ولشەۋ ساقتىق كولەمى كورەي تۇبەگىنەن الدەقايدا اسىپ كەتتى، ونىڭ جۇڭگونىڭ ستراتەگيالىق حاۋىپسىزدىگىن زيانداۋ قاسكۇنەمدىگى ەكەنىن جۇرتتىڭ ءبارى بىلەدى. سوندىقتان «ساد» جۇيەسىن ەنگىزۋدىڭ قاتە تالعام ەكەنى ءشۇباسىز، بۇل كورشىلىك قاتىناسقا قايشى كەلىپ قانا قويماي، وڭتۇستىك كورەيانى دا حاۋىپتى كۇيگە كىرىپتار ەتۋى مۇمكىن.
ۋاڭ ي بىلاي دەدى: «ءبىز وڭتۇستىك كورەياداعى كەيبىر كۇشتەرگە ەندىگارى بەتىمەن كەتپەۋگە ءناسيحات ايتامىز، ويتپەگەندە ويتپەگەندە زاردابى وزگەگە دە، وزىنە تيەدى. جۇڭگو وڭتۇستىك كورەياعا وتپەن ويناماۋدى، «ساد» جۇيەسىن ورنالاستىرۋدى دوعارۋدى، قاتە جولعا قايىرىلماي ءتۇسىپ كەتپەۋدى ەسكەرتەمىز».
«جاپونيا الدىمەن ءوزىنىڭ ‹جۇرەك اۋرۋىن› ەمدەپ السىن»
جاپونيانىڭ ءبىر ءتىلشىسى: جۇڭگو مەن جاپونيا قاتىناسىنىڭ دامۋىن قالاي ىلگەرىلەتۋگە بولادى؟ ــ دەپ سۇراعاندا، ۋاڭ ي: جاپونيا الدىمەن ءوزىنىڭ «جۇرەك اۋرۋىن» ەمدەپ السىن، جۇڭگونىڭ ۇزدىكسىز دامىپ – گۇلدەنە بەرەتىنى سىندى اقيقاتتى ءتۇسىنسىن جانە قابىلداسىن، ــ دەدى.
«شەتەلدەر زاڭنان تىس قالمايدى، قىلمىستان قاشۋشىلارعا شىعار جول جوق»
ءبىر ءتىلشىنىڭ قىزىل ءتۇستى قۋعىنداۋ بۇيرىعىن شىعارۋ جونىندەگى سۇراۋىنا جاۋاپ بەرگەندە ۋاڭ ي بىلاي دەدى: شەتەلدەر زاڭنان تىس قالمايدى، قىلمىستان قاشۋشىلارعا شىعار جول جوق، پارتيانىڭ 18 – قۇرىلتايىنان بەرى سىرتقى ىستەر مينيسترلىگى مەن شەتەلدەردەگى ەلشىحانالار ەل ىشىندەگى باسقارۋشى تاراۋلارمەن بارىنشا سەلبەسىپ، جالپى 90 مەملەكەت پەن رايوننان جەمقورلىق ىستەپ، ەكونوميكالىق قىلمىس وتكىزىپ شەتەلدەردە قاشىپ جۇرگەن 2 مىڭ 500 دەن استام ادامدى قايتارىپ الىپ كەلدى، مۇنىڭ ىشىندە قىزىل ءتۇستى قۋعىنداۋ بۇيرىعى شىعارىلعاندارى 38 ادام.
ۋاڭ ي بىلاي دەدى: ءبىز دۇنيە جۇزىندەگى 70 مەملەكەتپەن وتكىزىپ بەرۋ شارتىن جانە ءادىليالىق سەلبەسۋ شارتىن جاساستىق، دۇنيە جۇزىندەگى ۇلكەن قۇرلىقتارداعى باستى مەملەكەتتەردى شارپىعان قاشقىن جەمقورلاردى تۇتقىنداۋ تورابىن نەگىزىنەن قالىپتاستىردىق، سونداي – اق APEC、G20 ماجىلىستەرىن وتكىزۋ ارقىلى حالىقارالىق قوعامنىڭ جەمقورلىققا ورتاق قارسى تۇرۋ تانىمىن قالىپتاستىردىق، جۇڭگونىڭ وسى جاعىنداعى نيەتى مەن قول جەتكىزگەن تابىسى حالىقارالىق قوعامنان جاپپاي جاقسى باعا الدى، ەلىمىز حالىقارادا تاماشا وبراز سومدادى.
«قورعاۋدان باس تارتپاي، بار كۇشپەن كىرىسەمىز»
كونسۋلدىق قورعاۋ ــ ءار جىلعى اقپار جاريالاۋ ماجىلىسىندە ۋاڭ ي مينيسترگە قويىلاتىن سۇراۋلاردىڭ ءبىرى، ول ءاربىر جۇڭگولىقتىڭ ءتول مۇددەسىنە سايادى.
«جۇڭگونىڭ سىرتقى ىستەر مينيسترلىگى مەن جۇڭگونىڭ ەلشىحانالارى كونسۋلدىق قورعاۋ جاعىندا قانداي قىزمەتتەر ىستەدى؟» دەگەن سۇراققا جاۋاپ قايتارعاندا ۋاڭ ي بىلاي دەدى: باۋىرلاستارىمىزدىڭ ءولىم - ءومىر ارپالىسىندا ەڭ الدىمەن ويلايتىنى ەلشىحانا، مۇنداي سەنىم مەن جاۋاپكەرلىك جونىنەن قورعاۋدان باس تارتپاي، بار كۇشپەن كىرىسەمىز.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
