بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>ورتالىقتىڭ ءۇنى

مەملەكەتتىك ەكى ءماجىلىستىڭ از ۇلت ۋاكىلدەرى مەن مۇشەلەرىنىڭ شاي ءماجىلىسى بەيجيڭدە وتكىزىلدى

شي جينپيڭ، لي كىچياڭ، جاڭ دىجياڭ، يۇي جىڭشىڭ، ليۋ يۇنشان، ۋاڭ چيشان، جاڭ گاۋلي ماجىلىسكە قاتىناستى

2017.03.12 15:16     كەلۋ قاينارى : حالىق تورابى


  شينحۋا اگەنتتىگى، 11 - ناۋرىز، بەيجيڭ. جۇڭحۋا ۇلتتارى ءبىر شاڭىراقتا باس قوسىپ، ءبىر نيەتپەن جۇڭگو ارمانىنا قاتار قانات قاقتى. ج ك پ ورتالىق كوميتەتى بىرلىكساپ ءبولىمى، مەملەكەتتىك حالىق قۇرىلتايىنىڭ ۇلت كوميتەتى، مەملەكەتتىك ۇلت ىستەرى كوميتەتى، مەملەكەتتىك ساياسي كەڭەستىڭ ۇلت جانە ءدىن كوميتەتى 11 - ناۋرىز كەشتە بەيجيڭدەگى حالىق سارايىندا شاي ءماجىلىسىن وتكىزدى. پارتيا مەن مەملەكەت باسشىلارىنان شي جينپيڭ، لي كىچياڭ، جاڭ دىجياڭ، يۇي جىڭشىڭ، ليۋ يۇنشان، ۋاڭ چيشان، جاڭ گاۋلي مەملەكەتتىك 12 - كەزەكتى حالىق قۇرىلتايىنىڭ 5 - ءماجىلىسى مەن ساياسي كەڭەس مەملەكەتتىك 12 - كەزەكتى كوميتەتىنىڭ 5 - ماجىلىسىنە قاتىناسىپ جاتقان از ۇلت ۋاكىلدەرمەن، مۇشەلەرمەن ءبىر اراعا باس قوسىپ، مەملەكەتتىك ەكى ءماجىلىستىڭ جەڭىسپەن اشىلعانىن تويلاپ، ۇلى وتاننىڭ گۇلدەنىپ - كوركەيە بەرۋىنە تىلەكتەستىك ءبىلدىرىپ، جۇڭحۋا ۇلتتتارىنىڭ جارقىن بولاشاعى تۋرالى اڭگىمە شەرتىستى.

  پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى ۇلت قىزمەتىنە وسكەلەڭ ءمان بەرىپ، از ۇلتتار مەن ۇلتتىق رايوننىڭ دامۋىنا باسا نازار اۋدارىپ كەلەدى. باس شۋجي شي جينپيڭ كوپ رەت ۇلتتىق رايوندارعا بارىپ تەكسەرۋ - زەرتتەۋ جۇرگىزىپ، از ۇلت بۇقاراسىنىڭ ىستىعىنا كۇيىپ، سۋىعىنا توڭىپ، ۇلت قىزمەتى جونىندە جان - جاقتى ورنالاستىرۋ جاسادى. پارتيا ورتالىق كوميتەتىنىڭ پارمەندى باسشىلىعىندا، ۇلتتىق رايوندار ورايدى مىقتى يگەرىپ، رەفورمانى تەرەڭدەتىپ، جاڭالىق اشۋدى ىلگەرىلەتىپ، سىن - سايىستارعا توتەپ بەرىپ، رەفورمادا، دامۋدا تىڭ قادام باسىپ، جاڭا ناتيجەلەرگە قول جەتكىزدى.

  حالىق سارايىنىڭ قوناق زالىندا شامدار شۇعىلا شاشىپ، جارقىن جۇزدەردەن شاتتىق كۇلكىلەر ەسىپ، زال دىر - دۋمانعا بولەندى. ساعات 19دان 45 مينۋت وتكەندە، ويناقى مۋزيكا ءۇنى ىشىندە، شي جينپيڭ باستاعان پارتيا مەن مەملەكەت باسشىلارى زالعا كىردى، بۇكىل زالدان دۋ قول شاپالاق ءۇنى كوتەرىلدى. شي جينپيڭ باستاعان باسشىلار ۇلتتىق كيىمدەرىن كيگەن از ۇلت ۋاكىلدەرمەن، مۇشەلەرمەن كۇلىمسىرەي، ىستىق ىقىلاسپەن قول الىسىپ، ەسەن - ساۋلىق سۇراستى.

  «باس شۋجي، سالەمەتسىز بە!» شي جينپيڭنىڭ جانىنا وتىرعان لاسا قالاسى چىڭگۋان رايونى ناجين اۋىلى تاما قىستاعى پارتيا ياچەيكاسىنىڭ ءبىرىنشى شۋجيى گىساڭجوگا ۋاكىل شي جينپيڭمەن تەبىرەنە امانداستى. شي جينپيڭ ونان جەرگىلىكتى بۇقارانىڭ ءوندىرىس - تۇرمىس جاعدايىن ۇعىستى. گىساڭجوگا باس شۋجيگە تاما قىستاعىنىڭ بۇرىن الىس - جۋىققا ايگىلى كەدەي قىستاق ەكەنىن، قازىر وقۋعا اقشا تولەمەيتىنىن، اۋرۋدى قىستاقتىڭ وزىندە ەمدەيتىنىن، زەينەتكەرلىكتەن الاڭدامايتىنىن، ۇيلەردىڭ قالاداعىدان كەم ەمەس ەكەنىن، جۇرت تاماشا داۋىرگە كەز بولدىق دەپ ىشتەي سۇيىنەتىنىن ايتتى. مۇنى ەستىگەن شي جينپيڭ ايرىقشا قۋانىپ، ودان اۋىلداستارعا وزىنەن سالەم ايتۋدى ءوتىنىپ، جۇرتتىڭ تىنىس - تىرشىلىگىنىڭ كۇن سايىن جاقسارا بەرۋىن تىلەدى. مامەترەيىم ءمامتىمىن ۋاكىل شينجياڭ ۇيعۇر اۆتونوميالى رايونى شەريا اۋدانى شەريا اۋىلى باش ۇجمە قىستاعى پارتيا ياچەيكاسىنىڭ شۋجيى، قىستاق كوميتەتىنىڭ مەڭگەرۋشىسى. ول باس شۋجيگە ءوز جەرىنىڭ ەكونوميكانى دامىتۋ، حالىق تۇرمىسىن جاقسارتۋ، ەكولوگيانى قورعاۋ، ۇلتتار ىنتىماعىن كۇشەيتۋ سياقتى جاقتارداعى جاعدايىن تانىستىردى. شي جينپيڭ وعان ۇلتتار ىنتىماعى قىزمەتىن شىنايى جاقسى ىستەپ، كوپشىلىكتى باستاپ، ءبىر نيەتپەن ىنتىماقتاسىپ، دوڭگەلەك داۋلەتتى قوعام قۇرۋعا قۇلشىنۋدى تاپسىردى.

  لي كىچياڭ، جاڭ دىجياڭ، يۇي جىڭشىڭ، ليۋ يۇنشان، ۋاڭ چيشان، جاڭ گاۋليلەر دە از ۇلت ۋاكىلدەرمەن، مۇشەلەرمەن ىقىلاسپەن اڭگىمەلەسىپ، كوپشىلىكتى پارتيا مەن مەملەكەتتىڭ وزەك قىزمەتىن تىعىز ارقاۋ ەتىپ، قىزمەتتى مۇقيات اتقارىپ، بەلسەنە ۇسىنىس - پىكىر بەرىپ، رەفورمانى جەبەيتىن، دامۋدى جوسپارلايتىن، حالىق تۇرمىسىنا تيىمدىلىك جاسايتىن ناقتى ىستەردى كوبىرەك ىستەپ، ءار ۇلت حالقىن ىنتىماقتاستىرىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ ءۇشىن قۇلشىنۋعا ىنتالاندىردى.

  كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار