بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>ورتالىقتىڭ ءۇنى

مەملەكەتتىك 12 - كەزەكتى حالىق قۇرىلتايىنىڭ 5 - ءماجىلىسى ءۇشىنشى جالپى جيىنىن وتكىزدى

2017.03.13 16:06     كەلۋ قاينارى : حالىق تورابى

  شينحۋا اگەنتتىگى، 12 – ناۋرىز، بەيجيڭ. مەملەكەتتىك 12 - كەزەكتى حالىق قۇرىلتايىنىڭ 5 - ءماجىلىسى 12 - ناۋرىز كۇنى تۇستەن بۇرىن حالىق سارايىندا ءۇشىنشى جالپى جيىنىن وتكىزدى، جيىندا ەڭ جوعارى حالىق سوتى مەكەمەسىنىڭ قىزمەت بايانداماسى جانە ەڭ جوعارى حالىق پروكۋراتۋراسىنىڭ قىزمەت بايانداماسى تىڭدالدى جانە قارالدى.

  شي جينپيڭ، لي كىچياڭ، جاڭ دىجياڭ، يۇي جىڭشىڭ، ليۋ يۇنشان، ۋاڭ چيشان، جاڭ گاۋلي جيىنعا قاتىناستى.

  جيىنعا قاتىناسۋعا ءتيىستى ۋاكىل 2 مىڭ 924 ادام، قاتىناسقان ۋاكىل 2 مىڭ 829 ادام، 95 ۋاكىل قاتىناسا المادى، قاتىناسقان ۋاكىل سانى زاڭدا بەلگىلەنگەن ادام سانىنا ۇيلەسەدى.

  ەڭ جوعارى حالىق سوتى مەكەمەسىنىڭ باستىعى جوۋ چياڭ ەڭ جوعارى حالىق سوتى مەكەمەسىنىڭ 2016 – جىلعى مىندەتىن زاڭ بويىنشا اتقارۋ جاعدايىن 5 جاقتان باياندادى: ءبىرىنشى، جالپى تۇلعالىق مەملەكەت حاۋىپسىزدىگى كوزقاراسىن تىڭعىلىقتى دايەكتىلەندىرىپ، قىلمىستى زاڭ بويىنشا جازالاپ، كىسىلىك ۇقىققا كەپىلدىك ەتتىك؛ ەكىنشى، جاڭا دامۋ تانىمىن تىڭعىلىقتى دايەكتىلەندىرىپ، ەكونوميكانىڭ، قوعامنىڭ باياندى، اقاۋسىز دامۋىنا قىزمەت كورسەتتىك جانە ونى قامتاماسىز ەتتىك؛ ءۇشىنشى، حالىقتى وزەك ەتكەن دامۋ يدەياسىن تىڭعىلىقتى دايەكتىلەندىرىپ، حالىق تۇرمىسى ۇقىق – مۇددەسىن شىنايى قامتاماسىزداندىردىق؛ ءتورتىنشى، سوت مەكەمەسىن قاتاڭ جونگە سالۋدا تاباندى بولىپ، ادال، كىرشىكسىز، جاۋاپكەرلىك ارقالايتىن حالىق سوتى مەكەمەسىن قۇردىق؛ بەسىنشى، باقىلاۋدى سانالىلىقپەن قابىلداپ، ءادىليانىڭ حالىق ءۇشىن ءادىل جۇرگىزىلۋىن جەبەدىك.

  ەڭ جوعارى حالىق پروكۋراتۋراسىنىڭ باس پروكۋرورى ساۋ جيانميڭ بۇكىل ەلدەگى پروكۋراتۋرا ورگاندارىنىڭ 2016 – جىلعى قىزمەتتەرىنە 8 جاقتان شولۋ جاسادى: ءبىرىنشى، حاۋىپسىز جۇڭگو قۇرىلىسىن بەلسەنە ىلگەرىلەتىپ، مەملەكەتتىڭ حاۋىپسىزدىگى مەن قوعامدىق جالپى جاعدايدىڭ ورنىقتىلىعىن قورعاپ، تۇتقىنداۋدى بەكىتۋ، ارىز ايتۋ سياقتى فۋنكتسيالاردى زاڭ بويىنشا اتقاردىق؛ ەكىنشى، جاڭا دامۋ تانىمىن دايەكتىلەندىرىپ، تياناقتاندىرىپ، ەكونوميكانىڭ ورنىقتى، اقاۋسىز دامۋىن ارقاۋ ەتە وتىرىپ، مىندەتتى اتقارىپ، جاۋاپكەرلىكتى ادا ەتىپ، ەكونوميكا دامۋىنىڭ جاڭا كۇيىنە ىرىقتىلىقپەن سايكەسىپ، جالپى جاعدايعا قۇلشىنا قىزمەت كورسەتتىك، جالپى جاعدايدى قۇلشىنا قامتاماسىز ەتتىك؛ ءۇشىنشى، جەمقورلىققا قارسى تۇرۋدا، قياناتشىلدىقتى قاتاڭ ءبىر جاقتى ەتۋدە تاباندى بولىپ، مىندەتتىك قىلمىستى زاڭ بويىنشا تەكسەرىپ ءبىر جاقتى ەتىپ جانە ودان ساقتانىپ، «جولبارىستى سوعۋ»، «شىبىندى قاعۋ»، «تۇلكىنى اۋلاۋ» قىزمەتىن بىرگە يگەردىك؛ ءتورتىنشى، قىلمىستىق ىستەر، ازاماتتىق ىستەر، اكىمشىلىك ارىز – شاعىمدار جونىندەگى زاڭدىق باقىلاۋدى كۇشەيتىپ، حالىق بۇقاراسىنىڭ ءاربىر ءادىليالىق دەلودا ادىلدىكتى، تۋراشىلدىقتى سەزىنەۋىنە قۇلشىنا مۇمكىندىك جاسادىق؛ بەسىنشى، حالىق ءادىلياسىن حالىق ءۇشىن جۇرگىزۋدە تاباندى بولىپ، حالىق تۇرمىسىن اناعۇرلىم قامتاماسىز ەتىپ جانە ونى جاقسارتىپ، حالىقتىڭ كوكەي تەستى ماسەلەلەرىنە جاۋاپ قايتارىپ، حالىقتىڭ ۇقىق – مۇددەسىن قورعادىق؛ التىنشى، ءادىليا رەفورماسىن تەرەڭدەتىپ، ءادىليانىڭ ادىلدىگىن جەبەپ، ءادىليانىڭ سەنىمدىلىگىن جوعارىلاتىپ، شەگە قاعۋ رۋحى ارقىلى پارتيا ورتالىق كوميتەتىنىڭ ءادىليالىق ءتۇزىلىس رەفورماسى جونىندەگى ءتۇرلى ورنالاستىرۋلارىنىڭ تياناقتانۋىن مىقتى يگەردىك؛ جەتىنشى، بولات – تەمىر سوعۋعا قۇرىش بىلەك قاجەت دەگەندى ەستە بەرىك ساقتاپ، ىسىلعان قوسىن قۇرىلىسىن قاتاڭ، شىنايى كۇشەيتىپ، سەنىمى بەرىك، ءادىليانى حالىق ءۇشىن جۇرگىزەتىن، جاۋاپكەرلىكتى باتىلدىقپەن ارقالايتىن، پاك تە كىرشىكسىز پروكۋراتۋرا قوسىنىن قۇلشىنا قۇردىق؛ سەگىزىنشى، حالىقتىڭ باقىلاۋىن سانالىلىقپەن قابىلداپ، پروكۋراتۋرا ۇقىعىنىڭ زاڭ بويىنشا ءادىل جۇرگىزىلۋىنە كەپىلدىك ەتىپ، پروكۋراتۋرا ۇقىعىنىڭ حالىق باقىلاۋىندا بولۋىنان جازبادىق.

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار