حالىق قۇرىلتايى تىلشىلەردى قابىلداۋ جيىنىن وتكىزدى، وقۋ – اعارتۋ مينيسترلىگىنىڭ مينيسترى قولامتالى ماسەلەلەرگە جاۋاپ قايتاردى
وقۋ – اعارتۋدى رەفورما جۇرگىزىپ دامىتۋدا كۇش سالۋ ءتۇيىنىن ءدال تابۋ كەرەك
«حالىق گازەتىنىڭ» ءتىلشىسى ديڭ ياسۇڭ
2017.03.13 16:09 كەلۋ قاينارى : حالىق تورابى
12 – ناۋرىز تۇستەن كەيىن مەملەكەتتىك 12 - كەزەكتى حالىق قۇرىلتايىنىڭ 5 – ءماجىلىسى وتكىزگەن تىلشىلەردى قابىلداۋ جيىنىندا وقۋ – اعارتۋ مينيسترلىگىنىڭ مينيسترى چىن باۋشىڭ قاتىستى قولامتالى ماسەلەلەرگە جاۋاپ قايتاردى.
وقىتۋشىلاردىڭ اۋىل – قىستاققا بارۋىنا، اۋىل – قىستاق وقىتۋشىلارىنىڭ تۇراقتاپ تۇرۋىنا، وقۋشىلاردى جاقسى تاربيەلەۋىنە مۇمكىندىك جاراتۋ كەرەك
چىن باۋشىڭ بىلاي دەدى: اۋىل – قىستاق وقىتۋشىلارى ــ نەگىزدىك اعارتۋدىڭ تىرەكتەرى، 2015 – جىلى «اۋىل – قىستاق وقىتۋشىلارىن قولداۋ جوسپارى» شىعارىلدى، بۇل اۋىل – قىستاق وقىتۋشىلارى قوسىن قۇرىلىسىنىڭ مەملەكەتتىك ستراتەگيا دارەجەسىنە كوتەرىلگەنىن اڭعارتادى.
اۋىل – قىستاق وقىتۋشىلارى قوسىن قۇرىلىسىن كۇشەيتۋدە مىناداي ءۇش ءتۇرلى ءىستى ويداعىداي شەشۋ كەرەك: ءبىرىنشى، اۋىل – قىستاققا وقىتۋشىلاردىڭ بارۋىنا مۇمكىندىك جاراتۋ كەرەك، جوسپار جاريالانعاننان كەيىن «ەرەكشە جۇمىس ورنىنداعى وقىتۋشىلار جوسپارى» ىشكەرىلەي اتقارىلدى، تۇتاسقان ەرەكشە كەدەي رايوندار مەن تۇتاسقان ەرەكشە كەدەي رايوندارعا جاتپايتىن ولكە، قالالارداعى 265 اۋدان وسى كولەمگە ەنگىزىلىپ، اۋىل – قىستاق وقىتۋشىلارى كەمدىگىن بەلگىلى دارەجەدە شەشتى؛ ەكىنشى، اۋىل – قىستاق وقىتۋشىلارىنىڭ تۇراقتاپ تۇرۋىنا مۇمكىندىك جاراتۋ كەرەك، ورتالىق قازىنا 5 ميلليارد 253 ميلليون يۋان قارجى قوسىپ اۋىل – قىستاق وقىتۋشىلارىنىڭ قوسىمشا قاراجاتىن كوبەيتتى، 400 مىڭ اينالمالى ءۇي سالىپ، اۋىل – قىستاق وقىتۋشىلارىنىڭ وتىرۋىنا بەردى، اۋىل – قىستاقتا 30 جىلدان استام وقىتۋشىلىقپەن شۇعىلدانعان ءبىر ميلليون 60 مىڭ وقىتۋشىعا داڭق كۋالىگىن تاراتتى؛ ءۇشىنشى، اۋىل – قىستاق وقىتۋشىلارىنىڭ وقۋشىلاردى جاقسى تاربيەلەۋىنە مۇمكىندىك جاراتۋ كەرەك، بىلىكتى وقىتۋشىلاردى اۋىل – قىستاققا بارۋعا شابىتتاندىرۋ، اۋىل – قىستاق مەكتەپتەرىنىڭ مەڭگەرۋشىلەرىن تاربيەلەۋ سياقتى تاسىلدەرمەن اۋىل – قىستاقتىڭ وقىتۋ دەڭگەيى بىرتىندەپ جوعارىلاۋدا.
چىن باۋشىڭ بىلاي دەدى: «اۋىل – قىستاق وقىتۋشىلارىن قولداۋ جوسپارىن ءۇرتىس دايەكتى تياناقتاندىرۋ كەرەك، الداعى نىسانامىز ــ وقىتۋشىلاردىڭ شتات، اتاق باعالاۋ سياقتى كاسىپتىك دامۋداعى ماسەلەلەرىن ءتۇزىم جاعىنان ويداعىداي شەشۋ».
«ەكىدە الدىڭعى قاتاردا بولۋ» ــ شىت جاڭا جوسپار
چىن باۋشىڭ تۇسىنىك جاساپ بىلاي دەدى: «ەكىدە الدىڭعى قاتاردا بولۋدىڭ» وزەگى ــ جۇڭگوشا ەرەكشەلىك، دۇنيە ءجۇزى بويىنشا الدىڭى لەكتەن بوي كورسەتۋ، بۇل «985» جوسپارى مەن «211» جوسپارىنىڭ تۇرلەندىرىلگەن نۇسقاسى ەمەس. «ەكىدە الدىڭعى قاتاردا بولۋ» ــ شىت جاڭا جوسپار، تاريحتىڭ جاڭا اعىمىندا ءدۇنيە جۇزى بويىنشا الدىڭعى قاتارداعى ۋنيۆەرسيتەتتەر قۇرۋ، الدىڭعى قاتارداعى پاندەردى اشۋ كەرەك.
چىن باۋشىڭ بىلاي دەدى: «ەكىدە الدىڭعى قاتاردا بولۋدى» 4 اۋىز سوزبەن جيناقتاۋعا بولادى: باسەكە بويىنشا ۇزدىكتەردى تاڭداۋ، ماماندار باعالاپ تاڭداۋ، ۇكىمەت سالىستىرىپ تاڭداۋ، ديناميكالىق سۇرىپتاۋ. ءبىز وسى جىلدىڭ العاشقى جارىمىندا ءبىرىنشى توپتا قۇرىلاتىن مەكتەپتەر مەن پاندەردىڭ تىزىمدىگىن جاريالاۋعا قۇلشىنامىز.
كاسىپتىك اعارتۋ ــ وقۋ – اعارتۋدا قۇدىرەتتى ەل قۇرۋدىڭ ماڭىزدى بۋىنى
چىن باۋشىڭ بىلاي دەدى: بىرىنشىدەن، «جاساۋ كاسىبىندەگى دارىندىلاردى دامىتۋ جوسپار سىلتەمەسى» بويىنشا «جۇڭگو جاساۋ كاسىبىنىڭ 2025 – جىلعا دەيىنگى جوسپارىنا» ۇيلەسەتىن تەحنيكالىق دارىندىلاردى تاربيەلەۋدى تەزدەتۋ؛ ەكىنشىدەن، كەدەيلىكتەن ارىلتۋدان قامال الۋ شايقاسىنىڭ جوسپارىنا ساي ءاربىر كەدەي وتباسىدان ءبىر ادامدى ونەرگە تاربيەلەپ، ولاردىڭ وتباسى كىرىسىن ارتتىرۋىنا مۇمكىندىك جاراتۋ؛ ۇشىنشىدەن، ءوندىرىس پەن مەكتەپتى توعىستىرۋدى جەبەپ، ءوندىرىس جەلىسىنەن كاسىپ اشۋ، اشۋ رايونىنان مەكتەپ قۇرۋ كەرەك؛ تورتىنشىدەن، مەكتەپتەر مەن كاسىپورىنداردىڭ سەلبەستىگىن جەبەپ، كاسىپورىن تەحنيكتەرىن مەكتەپتەرگە ساباق وتۋگە، مەكتەپتەردىڭ وقىتۋشىلارىن كاسىپورىندارعا قىزمەت ىستەۋگە جىبەرىپ، توعىسپالى مەحانيزم ورناتىپ، كاسىپورىنداردىڭ وزدەرىنە تاۋەلدى دارىندى تاربيەلەۋ بازاسىن قۇرۋىنا مۇمكىندىك جاراتۋ كەرەك؛ بەسىنشىدەن، ساباقتى دا وقىتا الاتىن، جۇمىستى دا ىستەي الاتىن وقىتۋشىلاردى جەتىلدىرۋ كەرەك؛ التىنشىدان، كاسىپتىك اعارتۋ زاڭىنا وزگەرىس ەنگىزىپ، قوعامدىق كوزقاراستا بۇرىلىس جاساۋعا جەتەكشىلىك ەتۋ، كاسىپتىك اعارتۋعا اناعۇرلىم دەن قويىپ، كاسىپتىك اعارتۋدى تاربيەلەنۋشىلەردىڭ جەتىلۋىندەگى ماڭىزدى جولعا اينالدىرۋ كەرەك؛ جەتىنشىدەن، ەمتيحان تاپسىرىپ ورلەپ وقۋ تۇزىمىنە رەفورما جۇرگىزىپ، كاسىپتىك اعارتۋ مەن ادەتتەگى اعارتۋ ءبىر – ءبىرىن جەبەيتىن «ايقاسپالى كوپىر» قالىپتاستىرۋ كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
