مەملەكەتتىك 12 – كەزەكتى حالىق قۇرىلتايى 5 – ءماجىلىسىنىڭ ۋاكىلدەر ورتاعا قويعان كەڭەستىك جوبالاردى ءبىر جاقتى ەتۋ پىكىرى جونىندەگى بايانداماسى
(2017 – جىلى 14 – ناۋرىزدا مەملەكەتتىك 12 – كەزەكتى حالىق قۇرىلتايى 5 – ءماجىلىسى ءتوراعالار القاسىنىڭ 3 – جيىنىندا ماقۇلداندى)
2017.03.15 15:37 كەلۋ قاينارى : حالىق تورابى
مەملەكەتتىك 12 – كەزەكتى حالىق قۇرىلتايى 5 – ءماجىلىسىنىڭ ورىنباسار باس حاتشىسى شين چۇنيىڭ
مەملەكەتتىك 12 – كەزەكتى حالىق قۇرىلتايى 5 – ءماجىلىسىنىڭ ءتوراعالار القاسىنا:
ءماجىلىس حاتشىلار باسقارماسىنىڭ تاپسىرۋىمەن ءماجىلىس ءتوراعالار القاسىنا وسى رەتكى ماجىلىستە ۋاكىلدەر ورتاعا قويعان كەڭەستىك جوبالاردى ءبىر جاقتى ەتۋ پىكىرى جونىندە تومەندەگىدەي بايانداما جاسايمىن.
ۋاكىلدەردىڭ كەڭەستىك جوبا تاپسىرۋداعى ۋاقىت شەگى دەپ بەلگىلەنگەن 11 – ناۋرىز ساعات 12 گە دەيىن جالپى 514 كەڭەستىك جوبا تاپسىرىپ الىندى. مۇنىڭ ىشىندە زاڭ شىعارۋعا قاتىستى 492 كەڭەستىك جوبا، باقىلاۋعا قاتىستى 16 كەڭەستىك جوبا، ۇيعارىمدارعا قاتىستى 6 كەڭەستىك جوبا بار. ۋاكىلدەر ۇيىرمەلەرى ۇسىنعان كەڭەستىك جوبا 8، ۋاكىلدەر بىرىگىپ ۇسىنعان كەڭەستىك جوبا 506.
ۋاكىلدەر ارناۋلى تەكسەرىپ – زەرتتەۋ، تەكسەرۋ جۇرگىزۋ نەمەسە سۇحپاتتاسۋ، جاعداي ۇعىسۋ جولدارىمەن دايىنداعان كەڭەستىك جوبا 350 پارشا بولىپ، جالپى كەڭەستىك جوبا سانىنىڭ ٪68.09 ىن قۇرادى. ورتاعا قويىلعان زاڭ تۋرالى جوبادا زاڭ جوباسىنىڭ نۇسقاسى قىستىرىلعانى 209 پارشا، بۇل جالپى زاڭ جوباسى سانىنىڭ ٪42.48 ىن قۇرادى.
بيىلعى ۋاكىلدەر ورتاعا قويعان كەڭەستىك جوبالاردىڭ دەنى زاڭ جوبالارى. مۇنىڭ ىشىندە زاڭ جاساۋعا قاتىستى 219 پارشا بولىپ، ٪44.51 ىن قۇرادى، زاڭعا وزگەرىس ەنگىزۋگە قاتىستىسى 272 پارشا بولىپ، ٪55.28 ىن قۇرادى. مازمۇندارى باستىسى مىناداي بىرنەشە جاققا شوعىرلاندى: ءبىرىنشى، مەملەكەتتىڭ باقىلاۋ ءتۇزىلىس رەفورماسىن تەرەڭدەتۋدى زاڭمەن باسقارۋ جاعىنان قامتاماسىزداندىرۋ. پارتيا ورتالىق كوميتەتىنىڭ كەلەلى شەشىم، ورنالاستىرۋلارىن دايەكتى تياناقتاندىرۋ تۇرعىسىنان اكىمشىلىك باقىلاۋ زاڭىن مەملەكەت باقىلاۋ زاڭىنا وزگەرتىپ، شوعىرلى دا ءبىر تۇتاس، بەدەلدى دە ءونىمدى مەملەكەتتىڭ باقىلاۋ - تەكسەرۋ جۇيەسىن ورناتۋ. ەكىنشى، دامۋدىڭ جاڭا ءتۇزىلىسىن قۇرۋدى توڭىرەكتەپ زاڭ – ءتۇزىمدى كەمەلدەندىرۋ. ەلەكتروندى ساۋدا زاڭى، جەكە ينفورماتسيالاردى قورعاۋ زاڭى سياقتىلاردى جاساۋ، ورتا، شاعىن كاسىپورىنداردى جەبەۋ زاڭى، ەگىنشىلەردىڭ كاسىپتىك كووپەراتيۆى زاڭى، اكتسيا زاڭى، ولشەمدەندىرۋ زاڭى، پاتەنت زاڭى سياقتى زاڭدارعا وزگەرىس ەنگىزۋ، وسى زامانعى بازار جۇيەسىن كۇش سالا كەمەلدەندىرۋ ورتاعا قويىلدى. ءۇشىنشى، سوتسياليستىك دەموكرتيالىق ساياسيدى دامىتۋ، حالىق قۇرىلتايى تۇزىمىندە تاباندى بولۋ جانە ونى كەمەلدەندىرۋ، نەگىزگى ساتىنىڭ دەموكراتيا ءتۇزىمىن كەمەلدەندىرۋ، ءادىليا جۇيەسىن كەمەلدەندىرۋ. جەرگىلىكتى ۇيىمدار زاڭى، قالا تۇرعىندار كوميتەتىنىڭ ۇيىمدىق زاڭى، قىستاق تۇرعىندار كوميتەتىنىڭ ۇيىمدىق زاڭى، حالىق سوت مەكەمەسىنىڭ ۇيىمدىق زاڭى، حالىق پروكۋراتۋراسىنىڭ ۇيىمدىق زاڭى سياقتىلارعا وزگەرىس ەنگىزۋ ورتاعا قويىلدى. ءتورتىنشى، حالىق تۇرمىسىن شىنايى قامتاماسىزداندىرۋ جانە جاقسارتۋ، قوعامدى جونگە سالۋ جۇيەسىن كەمەلدەندىرۋ، سالاماتتى جۇڭگو قۇرىلىسىن ىلگەرىلەتۋ. كاسىپتىك اعارتۋ زاڭى، ازىق – تۇلىك حاۋىپسىزدىگى زاڭى، ءدارى – دارمەك باسقارۋ زاڭى، كامەلەتكە تولماعانداردى قورعاۋ زاڭى سياقتىلارعا وزگەرىس ەنگىزۋ ورتاعا قويىلدى، الەۋمەتتىك وڭىرلەردە تۇزەتۋ، قوعامدىق كومەك، مەكتەپ حاۋىپسىزدىگى، نەگىزدىك ەمدەۋ – دەنساۋلىق ساقتاۋ سياقتىلار جونىنەن زاڭ شىعارۋ كەڭەستىك جوبالارى ورتاعا قويىلدى. بەسىنشى، ەكولوگيالىق وركەنيەت قۇرىلىسىن جەبەۋ، حالىق بۇقاراسى نازار اۋدارىپ وتىرعان كورنەكتى ماسەلەلەردى شەشۋ. توپىراقتىڭ لاستانۋىنان ساقتانۋ، سازداردى قورعاۋ سياقتى جاقتاردا زاڭ شىعارۋ، كليماتتىڭ لاستانۋىنان ساقتانۋ زاڭى، سۋدىڭ لاستانۋىنان ساقتانۋ زاڭى، اينالمالى ەكونوميكانى جەبەۋ زاڭى سياقتىلارعا وزگەرىس ەنگىزۋ ورتاعا قويىلدى. التىنشى، مادەنيەت ىستەرى مەن مادەنيەت كاسىبىن دامىتىپ، حالىقتىڭ مادەنيەت ۇقىعىن قامتاماسىزداندىرۋ. الەۋمەتتىك كىتاپحانا زاڭى، بايىرعى استانالاردى قورعاۋ زاڭى، مەملەكەتتىك تاريحي – مادەني ايگىلى قالالاردى قورعاۋ زاڭى سياقتىلاردى جاساۋ ورتاعا قويىلدى. سونداي – اق زاڭدىق باقىلاۋدى كۇشەيتۋ جاعىندا ۋاكىلدەر 16 كەڭەستىك جوبانى ورتاعا قويىپ، ءدارى – دارمەك باسقارۋ زاڭى، ونىمدەر ساپاسى زاڭى، قاتتى جاراقسىزداردىڭ ورتانى لاستاۋىنان ساقتانۋ زاڭى، تۇقىم زاڭى، توراپ حاۋىپسىزدىگى زاڭى سياقتى قاتىستى زاڭداردىڭ اتقارىلۋ جاعدايىنا زاڭ اتقارۋ تۇرعىسىنان تەكسەرۋ جۇرگىزۋ تالاپ ەتىلدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
