لي كىچياڭ: جىلجىمايتىن مۇلىكتى قورعاۋعا قاتىستى زاڭ – ەرەجەلەردى زەرتتەپ ۇسىنىس جوبا جاساۋدى قاتىستى ورىندارعا تاپسىردىم

2017.03.16 15:04   كەلۋ قاينارى : حالىق تورابى

　　حالىق تورابى، 16 – ناۋرىز، بەيجيڭ. ءتىلشى: ەكى ءماجىلىس قارساڭىندا، جۇڭگو ۇكىمەت تورابى 27 توراپ مەديالارىمەن بىرلەسە وتىرىپ، «مەنىڭ زۇڭليعا ايتارىم» اتتى قيمىل وتكىزىپ، بۇقارالاردىڭ زۇڭليعا نە ايتپاقشى بولعانىنا تەكسەرۋ جۇرگىزدى. قازىرگە دەيىن، 21 ميلليون 310 مىڭ توردوس «70 جىلدىق قورا جاي مەنشىك ۇقىعىنىڭ ۋاقىتى تولعاننان كەيىن قايتەمىز؟» دەگەن سۇراققا بەلەت تاستاعان. زۇڭلي، مەملەكەت بۇل ماسەلەنى قالاي شەشپەك؟ راحىمەت.

　　لي كىچياڭ: كوپشىلىكتىڭ 70 جىلدىق قورا جاي مەنشىك ۇقىعىنىڭ ۋاقىتى تولعاننان كەيىن قايتەمىز دەگەن ماسەلەگە اسا نازار اۋدارعانىن تۇسىنۋگە بولادى. مەملەكەتتىك كەڭەس قاتىستى ورگاندارعا بۇل ماسەلەنى شەشۋدى تاپسىردى، بىلايشا ايتقاندا، جالعاستى ۋاقىتىن ۇزارتۋعا بولادى، ەش قانداي ءوتىنىش جاساۋدىڭ قاجەتى جوق، ەش قانداي تالاپ قويىلمايدى، قوراجايدى ساۋدالاۋعا دا اسەرى بولمايدى. ارينە، كەيبىر ادامدار سەندەر تەك اۋىزدا ايتاسىڭدار، زاڭ ارقىلى كەپىلدىك ەتە الاسىڭدار ما؟ دەيتىن شىعار. مەن اتاپ ايتايىن، مەملەكەتتىك كەڭەس جىلجىمايتىن مۇلىكتى قورعاۋعا قاتىستى زاڭ – ەرەجەلەردى زەرتتەپ ۇسىنىس جوبا جاساۋدى قاتىستى ورىندارعا تاپسىردى. راحىمەت.

　　كەلۋ قاينارى: حالىق تورابى