مەملەكەتتىك 12 - كەزەكتى حالىق قۇرىلتايى 5 – ءماجىلىسىنىڭ تىلشىلەردى قابىلداۋ جيىنىندا لي كىچياڭ زۇڭلي جۇڭگولىق – شەتەلدىك تىلشىلەردىڭ سۇراۋلارىنا جاۋاپ قايتاردى
2017.03.16 16:27 كەلۋ قاينارى : حالىق تورابى
شينحۋا اگەنتتىگى، 15 – ناۋرىز، بەيجيڭ. مەملەكەتتىك 12 - كەزەكتى حالىق قۇرىلتايىنىڭ 5 – ءماجىلىسى 15 – ناۋرىز تۇستەن بۇرىن حالىق سارايىندا تىلشىلەردى قابىلداۋ جيىنىن وتكىزدى، مەملەكەتتىك كەڭەستىڭ زۇڭليى لي كىچياڭ ءماجىلىستىڭ مالىمدەمەشىسى فۋ يىڭنىڭ ۇسىنىسىمەن جۇڭگولىق – شەتەلدىك تىلشىلەرمەن كەزدەستى ءارى ولاردىڭ سۇراۋلارىنا جاۋاپ قايتاردى.
تىلشىلەردى قابىلداۋ جيىنى باستالاردا لي كىچياڭ بىلاي دەدى: جاڭا باسقارۋشىدان ەستۋىمشە، كەلۋشىلەر كوپ بولعاندىقتان كوپتەگەن ءتىلشى بۇل اراعا 2 – 3 ساعات بۇرىن كەلىپ الىپتى، جاپا تارتتىڭىزدار، مۇنىڭ ءوزى سىزدەردىڭ كاسىپشەڭدىك رۋحتارىڭىزدى تولىق بەينەلەدى، جۇڭگولىق – شەتەلدىك تىلشىلەردىڭ جۇڭگونىڭ «ەكى ءماجىلىسىن» حابارلاۋدا قاجىرلىلىقپەن ەڭبەك سىڭىرگەنىنە راقىمەت ايتامىن. ۋاقىت قىسقا، سۇراۋ – جاۋاپقا تىكەلەي وتەيىك، ءتىلشى دوستاردىڭ سۇراۋلارىنا جاۋاپ قايتارۋعا قۇلشىنامىن.
ا ق ش سىمدى تەلەۆيزياسى اقپارات تورابىنىڭ ءتىلشىسى: پرەزيدەنت ترامپ باستان - اياق جۇڭگوعا قاراتا سىن سيپاتىندا ءسوز سويلەپ، جۇڭگونىڭ ا ق ش – تىڭ كاسىپتەنۋ ورنىن قىمقىرىپ العانىن ايتۋدا، جۇڭگونىڭ سىندىرىلىم ساياساتى مەن وڭىرلىك حاۋىپسىزدىكتى قورعاۋدا ىستەگەن جۇمىستارى جەتەرسىز بولۋدا دەپ سىن ايتۋدا. ۇعىسۋىمىزشا، ەرتە بولعاندا كەلەر ايدا جۇڭگو مەن ا ق ش ەكى ەلدىڭ باسشىلارى كەزدەسۋى مۇمكىن ەكەن. ءبىز ا ق ش – تىڭ جۇڭگودان نەلەرگە قول جەتكىزبەك بولىپ وتىرعانى جونىندە كەيبىر تانىمعا يە بولدىق، سۇرايىن دەگەنىم، جۇڭگو ا ق ش – تا نەلەرگە قول جەتكىزبەك؟ جۇڭگونىڭ جۇڭگو مەن ا ق ش – تىڭ قاتىناسىن اقاۋسىز، ءۇرتىس دامىتۋعا قوياتىن تومەنگى شەگى نە؟ ءسىز جۇڭگو مەن ا ق ش – تىڭ وسىنداي قاتىناسىن دامىتۋعا سەنىمدىسىز بە؟ الدە الداعى جول ءبىرشاما بۇراڭ دەپ قارايسىز با؟لي كىچياڭ: ءسىزدىڭ سۇراۋىڭىز وتكەن جىلدىڭ قىركۇيەگىن ەسىمە سالدى، سول كەزدە مەن ب م ۇ – عا بارىپ ب م ۇ قۇرىلتايىنداعى جوعارى جىكتەگىلەردىڭ جەلىلەس ماجىلىستەرىنە قاتىناسۋ كەزىندە ا ق ش نيۋ – يورك ەكونوميكا كلۋبىنا بارىپ لەكسيا جاسادىم، سول كەزدە ا ق ش – تىڭ پرەزيدەنت سايلاۋى ورلەۋ ساتىسىنا وتكەن بولاتىن، بىرەۋ مەنەن: جاڭا پرەزيدەنت سايلانسا، جۇڭگو مەن ا ق ش – تىڭ قاتىناسىندا زور وزگەرىس بولا ما، جوق پا؟ __ دەپ سۇرادى. مەن: ا ق ش – قا كىم پرەزيدەنت بولىپ سايلانسا دا، جۇڭگو – ا ق ش قاتىناسى قانداي بۇراڭدىقتاردى باسىپ وتسە دە، ۇزدىكسىز العا باسادى، مەن بۇعان وڭ پوزيتسيا ۇستانامىن، __ دەدىم. ترامپ پرەزيدەنت بولىپ سايلانعان سوڭ ءتوراعا شي جينپيڭ پرەزيدەنت ترامپپەن تەلەفوندا سويلەستى، ەكى ەل باسشىلارى جۇڭگو – ا ق ش قاتىناسىنىڭ دامۋىن بىرگە ىلگەرىلەتەتىندەرىن ءبىلدىرىستى. پرەزيدەنت ترامپ پەن ا ق ش جاڭا ۇكىمەتىنىڭ جوعارى دارەجەلى ءمانساپتىلارى دا ءبىر جۇڭگو ساياساتىندا تاباندى بولاتىندارىن ءبىلدىرىستى، بۇل __ جۇڭگو – ا ق ش قاتىناسىنىڭ ساياسي نەگىزى، اۋمالى – توكپەلى جاعدايلار مۇنى وزگەرتە المايدى. وسىنداي ساياسي نەگىز بولعان ەكەن، جۇڭگو مەن ا ق ش – تىڭ سەلبەستىك بولاشاعى كەڭ بولا بەرەدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
