لي كىچياڭ جاڭا زەللاندياداعى رەسمي ساپارىن باستادى
2017.03.27 15:46 كەلۋ قاينارى : حالىق تورابى
«حالىق گازەتى»، 26 – ناۋرىز، ۆەللينگتون (تىلشىلەر جياۋ شياڭ، لي فىڭ، باۋ جيە). مەملەكەتتىك كەڭەستىڭ زۇڭليى لي كىچياڭ جاڭا زەللانديانىڭ پرەمەر مينيسترى بيلل ەڭگليشتىڭ شاقىرۋىمەن سول جەر ۋاقىتى بويىنشا 26 – ناۋرىز تۇستەن كەيىن ارناۋلى ۇشاقپەن ۆەللينگتون اۋەجايىنا جەتىپ، جاڭا زەللاندياداعى رەسمي ساپارىن باستادى. لي كىچياڭ زۇڭليدىڭ حانىمى چىڭ حۇڭ سول ۇشاقپەن بىرگە باردى.
جاڭا زەللانديانىڭ پرەمەر مينيسترى بيلل ەڭگليش پەن حانىمى ماريا ەڭگليش اۋەجايعا بارىپ قارسى الدى. ەكى ەل زۇڭليلەرى مەن حانىمدارى ۇشاق باسپالداعىنىڭ جانىندا امانداسىپ، شىن ىقىلاسپەن اڭگىمەلەستى. جۇڭگونىڭ جاڭا زەللاندياداعى باس ەلشىسى ۋاڭ لۋتۇڭ دا اۋەجايعا بارىپ قارسى الدى.
لي كىچياڭ بىلاي دەدى: جۇڭگو مەن جاڭا زەللانديانىڭ ديپلوماتيالىق قاتىناس ورناتقانىنىڭ 45 جىلدىعى ساتىندە جاڭا زەللانديادا ساپاردا بولعانىما وتە قۋانىشتىمىن. ەكى ەلدىڭ قاتىناسى باياندى دامۋدا، ۇزاق ۋاقىتتان بەرى جۇڭگونىڭ دامىعان ەلدەرمەن قاتىناسىندا الدىڭعى قاتاردا كەلەدى. مەن وسى رەتكى ساپار ارقىلى جاڭا زەللانديامەن ەكى ەل قاتىناسى جانە ورتاق كوڭىل ءبولىپ وتىرعان ماسەلەلەر جونىنەن ىشكەرىلەي پىكىر الماستىرىپ، ءارقايسى سالاداعى سەلبەستىك دەڭگەيىن جوعارىلاتىپ، حالىقتار دوستىعىن نىعايتىپ، ەكى ەل قاتىناسىنىڭ ۇزدىكسىز تىڭ ساتىعا كوتەرىلۋىن جەبەۋدى نيەت ەتىپ وتىرمىن.
لي كىچياڭ بىلاي دەدى: قازىر دۇنيە ءجۇزى ەكونوميكاسىنىڭ قالپىنا كەلۋى ءالى دە باياۋ، جاھاندانۋعا قارسى تۇرۋ جانە قورعانىمپازدىق نىسايى باس كوتەردى. جۇڭگو مەن جاڭا زەللانديا ــ ەركىن ساۋدانىڭ دارىپتەۋشىلەرى جانە ىسكە اسىرۋشىلارى. تالاي جىلدىڭ الدىندا ەكى ەل ەكى جاقتى ەركىن ساۋدا كەلىسىمىنە الدىمەن قول قويدى، قازىرگى جاعدايدا قورعانىمپازدىققا قارسى تۇرىپ، ساۋدانىڭ، قارجى قوسۋدىڭ ەركىن، قولايلى بولۋعا بەت الۋىن بىرگە جەبەۋ سىندى بەلسەندى سيگنال تاراتۋ ءتىپتى دە قاجەت. بۇل ەكى جاقتىڭ ورتاق مۇددەسىنە سايكەسۋدەن تىس، وسى ءوڭىردىڭ جانە دۇنيە ءجۇزىنىڭ ورنىقتى دامىپ، گۇلدەنۋىنە دە ءتيىمدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
