بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>ورتالىقتىڭ ءۇنى

لي كىچياڭ حىنان ولكەسىندە تەكسەرىپ – زەرتتەۋدە بولعاندا رەفورمالاۋ، قاقپا اشۋ ورەسىن جوعارىلاتىپ، حالىق تۇرمىسىنداعى قيىن ماسەلەلەردى ءتۇيىندى شەشۋدى دارىپتەدى

بۇنىڭ ورتا بولەك رايونداردىڭ دامۋىن ىلگەرىلەتۋدە ماڭىزدى جەبەۋشىلىك رولى بار

2017.05.10 16:08     كەلۋ قاينارى : حالىق تورابى

  شينحۋا اگەنتتىگى، 9 – مامىر، جىڭجوۋ. 8 – مامىردان 9 – مامىرعا دەيىن، ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي كىچياڭ حىنان ولكەلىك پارتكومنىڭ شۋجيى شيە فۋجان، ولكە باستىعى چىن رۇن – ىردىڭ سەرىك بولۋىمەن كايفىڭ، شينشياڭ، جىڭجوۋ قالالارىندا تەكسەرىپ – زەرتتەۋدە بولدى.

  حىنان ەركىن ساۋدا سىناق رايونى مەملەكەتتىڭ ورتا بولەك رايوندا قۇرعان تۇڭعىش ەركىن ساۋدا رايونى. لي كىچياڭ كايفىڭ تارماق رايونىنا كەلگەندە، جاۋاپتى بۇل ارانىڭ سەرىكتىكتەردىڭ جۇمىس بىتىرۋىنە ءتىپتى دە زور دارەجەدە قولايلىلىق جاراتىپ، «22 كۋالىكتى بىرلىككە كەلتىرۋ» رەفورماسىن اتقارىپ وتىرعانىن، وتكەندەگى 50 كۇن سارپالداڭعا ءتۇسىپ، اياعىنان تاۋسىلىپ، كورىنگەن ەسىكتى توزدىراتىن راسميات وتەۋ ءتۇرىنىڭ قازىر ىقشامدالىپ «ءتىنتىۋىردى جىلجىتىپ» بىرنەشە كۇندە عانا راسميات وتەۋگە وزگەرگەنىن ەستىگەندە لي كىچياڭ القاۋلى لەبىزىن ءبىلدىردى. ول جۇمىس بىتىرۋگە كەلگەن جۇرتشىلىق جانە كاسىپ جاراتۋدان كەڭەس العالى كەلگەن ستۋدەنتتەرمەن پىكىر اۋىستىرعاندا، كوپ ساندى ادامداردىڭ تەڭىز جاعالاۋلارىنداعى دامىعان ولكەلەردەن، ءتىپتى، شەكارا اتتاپ شەتەلدەن قارجى قوسۋ ءۇشىن وسى اراعا ات باسىن بۇرعانىن بىلگەننەن كەيىن لي كىچياڭ بىلاي دەدى: قازىر بازار باسەكەسى كۇن سايىن شيەلەنىسىپ بارادى، تەك اكىمشىلىكتى ىقشامداپ، ۇقىقتى تومەنگە بەرۋ، باسقارۋدى ەركىنە جىبەرۋدى توعىستىرعاندا، قىزمەت وتەۋدى ساپالىلاندىرىپ، ءتۇزىم سيپاتتى ساۋدا قۇنىن زور مولشەردە تومەندەتكەندە، رەفورمالاۋ، قاقپا اشۋ تيىمدىلىگىن جاراتقاندا عانا، ءتىپتى دە كوپ سانداعى قارجىگەرلەردى باۋراۋعا، بۇكىل قوعامنىڭ جاڭالىق جاراتۋ، كاسىپ كوزىن اشۋ قىزعىندىلىعىن جەبەۋگە بولادى. ال ۇكىمەت تاراۋلارى ىشكى جاقتاعى باسقارۋ فۋنكتسياسىن رەتتەۋدى مىقتى ۇستاپ، كاسىپورىندارعا بەكىتۋ سالۋ راسمياتتارىن بارىنشا ازايتىپ جانە ىقشامداپ، بەكىتۋدى بارىنشا ىقشامداپ، باقىلاپ – باسقارۋدى كۇشەيتىپ، قىزمەت وتەۋدى ساپالىلاندىرۋ كەرەك.

  لي كىچياڭ كايفىڭ قالاسىنداعى لاشىقتار رايونى مەن كونە قالا رايونىن وزگەرتىپ سالۋ قىزمەتىنەن بەرىلگەن دوكلادتى تىڭدادى. ول داچيڭ الەۋمەتتىك اۋماعىنداعى تۇرعىننىڭ سەمياسىنا كەلگەندە، بۇل اراداعى ۇيلەردىڭ توزىعى جەتكەنىن، قىستا جىلمايتىنىن، جازدا جاڭبىر تامشىلايتىنىن، ەلەكتر جولدارىنىڭ ەسكىرگەنىن كورىپ – ەستىگەننەن كەيىن، بۇل ارانىڭ توزىعى جەتكەن جاعدايىن تىزگىن ۇشىمەن وزگەرتۋدى تاپسىردى. ول بىلاي دەدى: بايىرعى قالالاردى وزگەرتىپ سالۋ تاريحي جاۋاپكەرشىلىك بولسا، كونە قالا رايونىنداعى تۇرعىندار ورتاسىن جاقسارتۋدى كەزەك كۇتتىرۋگە، ەكەۋىن ءبولىپ – جارىپ قاراۋعا بولمايدى. بۇندايدا مەحانيزمدا جاڭالىق جاراتىپ، ءبىر تۇتاس جوسپارلاۋدى جاقسى ىستەپ، تۇرعىن ءۇي قيىنشىلىعى بار كوپ ساندى تۇرعىنداردىڭ ەڭسەلى ۇيلەردە وتىرۋ ارمانىن جۇزەگە اسىرۋمەن بىرگە، مادەني مۇرالاردى دا جاقسى قورعاپ، ءداستۇرلى وركەنيەت قاينارىمىزدى ساقتاپ قالۋىمىز كەرەك.

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار