ج ك پ ورتالىق كوميتەتى، مەملەكەتتىك كەڭەس تەلەگرامما جولداپ ەلىمىزدىڭ تەڭىزدەن جانعىش مۇزدى سىناق رەتىندە الۋدا تۇڭعىش رەت تابىسقا جەتكەنىن قۇتتىقتادى
2017.05.19 16:30 كەلۋ قاينارى : حالىق تورابى
«حالىق گازەتى»، 18 – مامىر، جۋحاي (ءتىلشى لي گاڭ). بۇگىن تۇستەن بۇرىن ساعات 10 مولشەرىندە وتانىمىزدىڭ ۇلى قۇرلىعىنان 300 كيلومەتردەن استام قاشىقتىقتاعى ەلىمىز نانحاي تەڭىزىنىڭ سولتۇستىك بولەگىندەگى شىنحۋ تەڭىز الابىنداعى «كوك قاپتال كيىت – 1» تەڭىز ءۇستى بۇرعىلاۋ تەكشەسىندە مەملەكەت جەر بايلىعى مينيسترلىگىنىڭ مينيسترى، مينيسترلىك پارتگرۋپپاسىنىڭ شۋجيى، مەملەكەت جەرىنىڭ باس باقىلاۋشىسى جياڭ داميڭ بىلاي دەپ جاريالادى: ەلىمىزدىڭ تەڭىزدەن جانعىش مۇزدى سىناق رەتىندە الۋى تابىستى بولدى. ج ك پ ورتالىق كوميتەتى، مەملەكەتتىك كەڭەس تەلەگرامما جولداپ، وسى رەتكى مىندەتتى ورىنداۋعا قاتىناسقان بارلىق زەرتتەۋشى ورىنداردى جانە قىزمەتكەرلەردى قىزۋ قۇتتىقتادى!
بۇل __ ەلىمىزدە، سونداي – اق دۇنيە جۇزىندە بايلىق مولشەرى دۇنيە ءجۇزى بايلىق مولشەرىنىڭ ٪90 تەن استامىن قۇرايتىن، اشۋ قيىندىعى ەڭ زور ۇنتاق شايىر تيپىندەگى تابيعي گاز ـ سۋ قوسپاسىنىڭ تۇڭعىش رەت حاۋىپسىز، ءساتتى اشىلۋى. بارلاۋدا ءمالىم بولۋىنشا، نانحاي تەڭىزىنىڭ شىنحۋ تەڭىز الابىندا 11 كەن شوعىرى بار ەكەن، اۋماعى 128 شارشى كيلومەتر كەلەدى ەكەن، بايلىق قور مولشەرى 150 ميلليارد تەكشە مەتر بولىپ، 150 ميلليون توننا مۇناي قورىمەن تەڭ كەلەدى ەكەن.
تابيعي گاز ـ سۋ قوسپاسى جانعىش مۇز دەپ تە اتالادى، سۋ مەن تابيعي گاز جوعارى قىسىمداعى تومەن تەمپەراتۋرا جاعدايىندا قالىپتاستىرعان مۇز فورماسىنداعى كريستال زات، 1 تەكشە مەتر جانعىش مۇز ىدىراتىلعان سوڭ شامامەن 0.8 تەكشە مەتر سۋ جانە 164 تەكشە مەتر تابيعي گاز ءبولىپ شىعارادى. جانعىش مۇزدىڭ جانۋ ءمانى جوعارى، لاستاۋى از، قورى مول بولۋ سياقتى ەرەكشەلىكتەرى بار، ءار ەل جاعىنان بولاشاقتا مۇناي مەن تابيعي گازدىڭ ورنىن باساتىن ستراتەگيالىق ەنەرگيا دەپ قارالۋدا.
10 – مامىردان باستاپ مەملەكەت جەر بايلىعى مينيسترلىگىنىڭ جۇڭگو گەولوگيالىق بارلاۋ مەكەمەسى ەلىمىز نانحاي تەڭىزى شىنحۋ تەڭىز الابىنىڭ سۋ تەرەڭدىگى 1266 مەتر كەلەتىن تەڭىز ءتۇبىنىڭ 203 – 277 مەتر ارالىعىنداعى جانعىش مۇز قازبا بايلىعىنان تابيعي گاز اشا باستادى. 17 – مامىر 15 ساعاتقا دەيىن سىناق رەتىندە جالپى 120 مىڭ تەكشە مەتر تابيعي گاز الىندى، ەڭ جوعارى ءونىم مولشەرى كۇنىنە 35 مىڭ تەكشە مەترگە جەتىپ، كۇندىك ورتاشا مولشەرى 16 مىڭ تەكشە مەتردەن استى، مۇنىڭ ىشىندە شالشىق گازىنىڭ مولشەرى ەڭ جوعارى بولعاندا ٪99.5 كە جەتىپ، نىسانالى مىندەت ءساتتى ورىندالدى، تابيعي گاز ـ سۋ قوسپاسىن سىناق رەتىندە اشۋدا تاريحي قامال الىندى، سونىمەن بىرگە، نازاريا، تەحنيكا، ينجەنەريا جانە جابدىقتاۋ جاقتارىندا تىڭ جاڭالىق جاراتىلدى. بۇل تابىس ەلىمىزدىڭ ەنەرگيا حاۋىپسىزدىگىن قامتاماسىزداندىرۋدا، ەنەرگيا قۇرىلىمىن جاقسارتۋدا، ءتىپتى دۇنيە ءجۇزىنىڭ ەنەرگيامەن قامداۋ جاعدايىن وزگەرتۋدە بەلەستىك مانگە يە.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
