بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>ورتالىقتىڭ ءۇنى

شي جينپيڭ قازاقستانعا مەملەكەتتىك ساپارمەن بارادى ءارى شاڭحاي سەلبەستىك ۇيىمىنا مۇشە ەلدەر باسشىلارى القالار كەڭەسىنىڭ 17 - رەتكى ءماجىلىسى مەن استانا مامانداندىرىلعان الەمدىك كورمەسىنىڭ اشىلۋ سالتاناتىنا قاتىناسادى

سىرتقى ىستەر مينيسترلىگى جۇڭگولىق - شەتەلدىك اقپارات قۇرالدارىن جاعدايدان حابارلى ەتۋ ءماجىلىسىن وتكىزىپ قاتىستى جاعدايلاردى تانىستىردى

2017.06.06 13:18     كەلۋ قاينارى : حالىق تورابى

  «حالىق گازەتى»، 5 – ماۋسىم، بەيجيڭ (تىلشىلەر ۋاڭ شينپيڭ، جياڭ بو). سىرتقى ىستەر مينيسترلىگى 5 - ماۋسىمدا جۇڭگولىق - شەتەلدىك اقپارات قۇرالدارىن جاعدايدان حابارلى ەتۋ ءماجىلىسىن وتكىزدى. سىرتقى ىستەر مينيسترىنىڭ كومەكشىسى لي حۇيلاي ءتوراعا شي جينپيڭنىڭ مەملەكەتتىك ساپارمەن قازاقستانعا بارۋىنداعى جانە شاڭحاي سەلبەستىك ۇيىمىنا مۇشە ەلدەر باسشىلارى القالار كەڭەسىنىڭ 17 - رەتكى ءماجىلىسى مەن استانا مامانداندىرىلعان الەمدىك كورمەسىنىڭ اشىلۋ سالتاناتىنا قاتىناسۋىنداعى قاتىستى جاعدايلاردى تانىستىردى ءارى تىلشىلەردىڭ سۇراۋىنا جاۋاپ بەردى.

  لي حۇيلاي بىلاي دەدى: بۇل جۇڭگو جاقتىڭ «ءبىر بەلدەۋ، ءبىر جول» حالىقارالىق سەلبەستىك فورۋمىن ءساتتى وتكىزگەننەن كەيىنگى ءتوراعا شي جينپيڭنىڭ شەتەلگە العاشقى ساپارى، جۇڭگونىڭ بيىل قازاقستان مەن ەۆرازيا وڭىرىندەگى اسا ماڭىزدى ديپلوماتيالىق ءىس - شارالارىنىڭ ءبىرى، جۇڭگونىڭ قازاقستان سياقتى ەۆرازيا ەلدەرىمەن قارىم - قاتىناسىنىڭ دامۋىن نىعايتىپ، سان سالالى ءوزارا ءتيىمدى سەلبەستىكتى تەرەڭدەتىپ، شاڭحاي سەلبەستىك ۇيىمىنىڭ ۇزدىكسىز اقاۋسىز، ورنىقتى دامۋىن ىلگەرىلەتۋدە ماڭىزدى مانگە يە.

  لي حۇيلاي بىلاي دەدى: قازاقستان ــ جۇڭگونىڭ دوس كورشىسى جانە جالپى بەتتىك ستراتەگيالىق سەرىكتەسى، جۇڭگو جاقپەن «ءبىر بەلدەۋ، ءبىر جولدى» قاتار قۇرىپ، حالىقارالىق وندىرىستىك قۋات سەلبەستىگىن ورىستەتۋشى ماڭىزدى سەلبەستىك سەرىكتەسى. ديپلوماتيالىق قاتىناس ورناتقان 25 جىلدان بەرى جۇڭگو مەن قازاقستاننىڭ قارىم - قاتىناسى تۇراقتى، اقاۋسىز دامىپ، كورشىلىك دوستىق پەن ءوزارا پايدالى سەلبەستىكتىڭ جارقىن ۇلگىسىنە اينالدى. بۇل ــ ءتوراعا شي جينپيڭنىڭ قازاقستانداعى 3 - رەتكى ساپارى.

  لي حۇيلاي بىلاي دەدى: قازاقستانداعى ساپارى كەزىندە ءتوراعا شي جينپيڭ ارنايى شاقىرۋ بويىنشا استانا مامانداندىرىلعان الەمدىك كورمەسىنىڭ اشىلۋ سالتاناتىنا قاتىناسادى. بۇل ــ ورتا ازيا ەلدەرىنىڭ الەمدىك كورمەنى العاش رەت وتكىزۋى، الەمدىك كورمەنىڭ تاقىرىبى ــ «بولاشاق ەنەرگياسى»، جۇڭگو جاق 1000 شارشى مەترلىك ەڭ ۇلكەن سارايدا كورمەگە بەلسەنە ات سالىسادى.

  لي حۇيلاي بىلاي دەدى: شاڭحاي سەلبەستىك ۇيىمى قۇرىلعاننان بەرى قاشان دا وڭىرلىك حاۋىپسىزدىكتى قورعاپ، ورتاق دامۋدى ىلگەرىلەتۋدى ءوز بورىشى ەتىپ كەلەدى. 16 جىلدان بەرگى دامۋ ساپارىندا مۇشە ەلدەر «شاڭحاي رۋحىن» بەرىك ۇستانىپ، ساياسي، حاۋىپسىزدىك، ەكونوميكا، گۋمانيتارلىق سالالارىنداعى سەلبەستىكتى تىڭعىلىقتى ىلگەرىلەتىپ، وڭىرلىك جانە حالىقارالىق ىستەردە سىندارلى رول اتقارىپ، حالىقارالىق قارىم - قاتىناستىڭ سەلبەستىك پەن ءوزارا تيىمدىلىككە نەگىزدەلگەن جاڭا ۇلگىسىن كورسەتتى. وسى رەتكى باس قوسۋ كەزىندە ءتوراعا شي جينپيڭ ءار ەلدىڭ باسشىلارىمەن بىرگە ارنايى ساۋىق كەش، بەيرەسمي قوناعاسى، كولەمدى جانە شاعىن كەزدەسۋلەر، قول قويۋ مۇراسىمى، قارسى الۋ قوناعاسى سياقتى قيمىلدارعا قاتىناسادى ءارى باس قوسۋعا قاتىناسقان قاتىستى مەملەكەت باسشىلارىمەن ەكى جاقتى كەزدەسۋلەر وتكىزەدى.

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار