شي جينپيڭنىڭ قازاقستانعا ساپارىندا مىناداي تۇيىندەرگە نازار اۋدارۋدى ۇمىتپاڭىز
2017.06.08 13:22 كەلۋ قاينارى : حالىق تورابى
قازاقستان پرەزيدەنتى نازاربايەۆتىڭ شاقىرۋىمەن، جۇڭگونىڭ مەملەكەت ءتوراعاسى شي جينپيڭ 7 – ماۋسىمنان 10 – ماۋسىمعا دەيىن قازاقستاندا مەملەكەتتىك ساپاردا بولادى ءارى شاڭحاي سەلبەستىك ۇيىمىنا مۇشە ەلدەر باسشىلارى القالار كەڭەسىنىڭ 17 – كەزەكتى ماجىلىسىنە جانە استانا الەمدىك كورمەسىنە قاتىناسادى.
سىرتقى ىستەر مينيسترلىگىنىڭ ايتۋىنشا، شي جينپيڭنىڭ بۇل رەتكى ساپارى بيلعى جۇڭگونىڭ قازاقستانمەن جانە ەۆرازيا وڭىرىمەن بولعان «ماڭىزدى ديپلوماتيالىق قيمىلى» ەسەپتەلەدى. شي جينپيڭنىڭ مەملەكەتتىك ساپارى باستالار الدىندا ءتىلشى مىناداي بىرنەشە ءتۇيىندى مەجەلەيدى:
ءبىرىنشى وزەكتى ءتۇيىن: «جىبەك جولى ەكونوميكالىق بەلدەۋى» دارىپتەمەسى ورتاعا قويىلعان ورىن
شي جينپيڭنىڭ بۇل رەتكى قازاقستانعا ساپارى بەيجيڭدە «ءبىر بەلدەۋ، ءبىر جول» حالىقارالىق فورۋمى ءساتتى تۇردە وتكىزىلگەننەن كەيىن، جۇڭگونىڭ مەملەكەت باسشىسىنىڭ تۇڭعىش رەت شەتەلگە ساپارلاۋى.
زەر سالا قاراعان ادامدار مۇنداعى «ءدال توعىسقان» جاعدايدى وڭاي بايقاي الادى ــ ءتوراعا شي جينپيڭ 2013 – جىلى قازاقستانعا ساپارلاي بارعاندا «جىبەك جولى ەكونوميكالىق بەلدەۋى» دارىپتەمەسىن ورتاعا قويعان.
شي جينپيڭنىڭ قازاقستاداعى ساپارىندا، ەكى ەل باسشىسى ءمانى بولەك قيمىلعا ــ جۇڭگو – قازاقستان ەۆرازيا شەكارا اتتاعان تاسىمال ورنىمەن بەينەفون ارقىلى حابارلاسۋ سالتىنا قاتىناسادى. سول كەزدە بەينەفونمەن حابارلاسۋ ارقىلى، «ءبىر بەلدەۋ، ءبىر جول» قۇرىلىسىنداعى ءوزارا بايلانىس پەن ءوزارا توعىسۋدى ىلگەرىلەتۋدىڭ ەڭ جاڭا نىشاندىق جەتىسىتىكتەرى جۇرتقا جاريا بولادى.
ەكىنشى وزەكتى ءتۇيىن: جۇڭگو شاڭحاي سەلبەستىك ۇيىمىنا ءتوراعالىق ەتۋ مىندەتىن وتكىزىپ الادى
2001 – جىلى ماۋسىم ايىندا قۇرىلعان شاڭحاي سەلبەستىك ۇيىمى جۇڭگوداعى قالانىڭ اتىمەن اتالعان تۇڭعىش حالىقارالىق ۇيىم. الدا وتكىزىلەتىن استاناداعى سامميتتە تاراپتار شاڭحاي سەلبەستىك ۇيىمىنىڭ دامۋ احۋالىن، مىندەتى مەن بولاشاعىن تالقىلايدى، حالىقارالىق جانە وڭىرلىك ماڭىزدى ماسەلەلەر تۋرالى پىكىر الماسادى ءارى ءۇندىستان پەن پاكيستاندى ۇيىمعا قابىلداۋ ءتارتىبىن ورىندايدى.
وسى رەتكى سامميتتەن كەيىن جۇڭگو شاڭحاي سەلبەستىك ۇيىمىنىڭ كەزەكتى ءتوراعالىق مىندەتىن وتكىزىپ الادى ءارى 2018 – جىلى كەلەسى كەزەكتى سامميتتى وتكىزەدى. مامانداردىڭ ايتۋىنشا، جۇڭگو كەزەكتى ءتوراعالىق ەل مىندەتىن اتقارعان مەزگىلدە قانداي قىزمەتتەردى ىستەيدى، 2018 – جىلعى سامميت قايسى قالادا وتكىزىلەدى، مىنە بۇل نازار اۋدارارلىق تۇيىندەر.
ءۇشىنشى وزەكتى ءتۇيىن: جۇڭگو – قازاقستان قارىم – قاتىناسىنىڭ جيىلەۋى دوستىقتى نىعايتادى
بۇل شي جينپيڭنىڭ 2013 – جىلدان بەرى ءۇشىنشى رەت قازاقستانعا ساپارلاي بارۋى. مەملەكەتتىك ساپار، شاڭحاي سەلبەستىك ۇيىمىنىڭ سامميتىنە قاتىناسۋدان سىرت، تاعى ءبىر ماڭىزدى جۇمىس ــ ءتوراعا الەمدىك كورمەنىڭ اشىلۋ سالتىنا قاتىناسادى.
دوس – جاران، تۋعان – تۋىستار جيى ارالاسقان سايىن جاقىنداي تۇسەتىن بولادى. شي جينپيڭ پەن نازاربايەۆتىڭ قايتالاي كەزدەسۋى ەكى ەل قارىم – قاتىناسىنىڭ ۇزدىكسىز، ىشكەرىلەي، اقاۋسىز دامۋىنا جول اشاتىنى داۋسىز.
مامانداردىڭ ايتۋىنشا، شي جينپيڭنىڭ بۇل رەتكى ساپارى ءبىر مەملەكەتكە شوعىرلانعان، ەكى جاقتىلى ديپلوماتيالىق قارىم – قاتىناسپەن ۇشتاستىرىلعان، ساپار كۇن ءتارتىبى تىعىز ورنالاستىرىلعان، مازمۇنى مول، ءمانى زور، بۇل جولعى ساپار ىقپالى تەرەڭ ديپلوماتيالىق قيمىل ەسەپتەلەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
