شياڭگاڭنىڭ وتان قۇشاعىنا ورالعانىنىڭ 20 جىلدىعىن تويلاۋ جينالىسىنا جانە شياڭگاڭ ەرەكشە اكىمشىلىك رايونى 5 - كەزەكتى ۇكىمەتىنىڭ مىندەتكە وتىرۋ سالتىنا قاتىناسۋ ءارى شياڭگاڭدا قىزمەت تەكسەرۋ ءۇشىن
شي جينپيڭ شياڭگاڭعا باردى
شياڭگاڭ ەرەكشە اكىمشىلىك رايونىنىڭ اكىمى لياڭ جىنيىڭ قاتارلىلار اۋەجايدان قارسى الدى
2017.06.30 17:21 كەلۋ قاينارى : حالىق تورابى
«حالىق گازەتى»، 29 – ماۋسىم، شياڭگاڭ (تىلشىلەر ليان جينتيان، دۋ شاڭزى، فىڭ شۋەجى). ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 29 - ماۋسىم تۇستە ارناۋلى ۇشاقپەن شياڭگاڭعا باردى، ول 1 - شىلدەدە وتكىزىلەتىن شياڭگاڭنىڭ وتان قۇشاعىنا ورالعانىنىڭ 20 جىلدىعىن تويلاۋ جينالىسىنا جانە شياڭگاڭ ەرەكشە اكىمشىلىك رايونى 5 - كەزەكتى ۇكىمەتىنىڭ مىندەتكە وتىرۋ سالتىنا قاتىناسادى ءارى شياڭگاڭدا قىزمەت تەكسەرەدى.
تۇسكى ساعات 12 مولشەرىندە شي جينپيڭ وتىرعان ارناۋلى ۇشاق شياڭگاڭ حالىقارالىق اۋە جايىنا باياۋ قوندى. شي جينپيڭ مەن حانىمى پىڭ لييۋان ۇشاقتان شىعىپ، قارسى الا شىققان قاۋىمعا قول بۇلعاپ قۇرمەت ءبىلدىردى. شياڭگاڭ ساقشى وركەسترى ويناقى اۋەندەگى قارسى الۋ مۋزىكاسىن اۋەلەتكەندە الاڭ بىردەن قىزۋ بەينەگە ەندى. باسبالداقتىڭ جانىندا شياڭگاڭدىق 2 ءوسپىرىم شي جينپيڭ مەن پىڭ لييۋانعا جايقالا اشىلعان گۇل شوقتارىن تارتۋ ەتتى. شياڭگاڭ ەرەكشە اكىمشىلىك رايونىنىڭ اكىمى لياڭ جىنيىڭ مەن حانىمى لياڭتاڭ چيڭ - يدىڭ سەرىك بولۋىندا، شي جينپيڭ مەن پىڭ لييۋان قارسى الا شىققاندارمەن ىقىلاسپەن قول الىستى. اۋەجايدا ءار سالادان كەلگەن نەشە ءجۇز ۋاكىل قولدارىنا ۇستاعان مەملەكەت تۋىن، اكىمشىلىك رايون تۋىن جانە گۇل شوقتارىن بۇلعاپ، شي جينپيڭدى قىزۋ قارسى الدى.
شي جينپيڭنىڭ بۇل جولى شياڭگاڭعا بارۋى ەل ءىشى - سىرتىنىڭ نازارىن ايرىقشا اۋداردى، جۇڭگو مەن شەتەلدىڭ 160 نەشە ءتىلشىسى اۋەجايعا كەلىپ شي جينپيڭدى توستى. شي جينپيڭ سۇحپات بەرەتىن رايونعا بارىپ تىلشىلەرمەن امانداستى ءارى ولار ارقىلى شياڭگاڭداعى قالىڭ قالا حالقىنان شىنايى حال سۇرادى جانە ىزگى تىلەك تىلەدى. ول: بۇل جەرگە 9 جىلدان كەيىن تاعى دا كەلگەنىمە قاتتى قۋانىشتىمىن، شياڭگاڭنىڭ دامۋىنا ەجەلدەن بەرى نازار اۋدارىپ كەلەمىن، ەندى 2 كۇننەن كەيىن شياڭگاڭنىڭ وتان قۇشاعىنا ورالعانىنا 20 جىل تولادى، بۇل مەملەكەتىمىز جونىنەن جانە شياڭگاڭ جونىنەن العاندا، ءىرى ءىس، قۋانىشتى ءىس سانالادى، __ دەدى.
شي جينپيڭ بىلاي دەدى: بۇل جولى باستىسى مىناداي ءۇش ءتۇرلى ماقساتپەن كەلدىم. ءبىرىنشى، ىزگى تىلەك ءبىلدىرۋ. شياڭگاڭ ەرەكشە اكىمشىلىك رايونى قۇرىلعان 20 جىلدان بەرى قول جەتكىزگەن وراسان زور تابىستى ىستىق ىقىلاسپەن قۇتتىقتايمىن، شياڭگاڭنىڭ تاعى دا شۇعىلالى ناتيجە جاراتۋىن شىن جۇرەكتەن تىلەيمىن. ەكىنشى، قولداپ - قۋاتتاۋدى ايگىلەۋ. 20 جىلدان بەرى ورتالىق باستان - اياق شياڭگاڭنىڭ دامۋىنىڭ قۇدىرەتتى سۇيەنىشى بولىپ كەلدى. ورتالىق شياڭگاڭنىڭ ەكونوميكاسىن دامىتۋىن، حالىق تۇرمىسىن جاقسارتۋىن ءباز - باياعىسىنداي قولداي بەرەدى. ءۇشىنشى، بولاشاق جونىندە جوبا - جوسپار جاساۋ. شياڭگاڭداعى ءار سالامەن بىرگە وسى باسىپ وتكەن 20 جىلدىق وزگەشە بارىسقا قايىرىلا قاراپ، تاجىريبەنى قورىتىندىلاپ، بولاشاققا نازار تاستاپ، «ءبىر ەلدە ەكى ءتۇزىمنىڭ» ورنىقتى قاداممەن باياندى جالعاسۋىنا كەپىلدىك ەتەمىز.
شي جينپيڭ بىلاي دەدى: شياڭگاڭنىڭ وسى جىلدارداعى تىڭ وزگەرىستەرىن شىنايى سەزىنگىم كەلەدى. شياڭگاڭداعى ءبىر قىدىرۋ قيمىلدىڭ ءبىزدىڭ شياڭگاڭدا ويداعىداي قۇرىلىس جۇرگىزۋ، شياڭگاڭدى تىڭعىلىقتى دامىتۋ سەنىمىمىزدى، ءسوز جوق، كۇشەيتەتىنىنە سەنەمىن.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
