بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>ورتالىقتىڭ ءۇنى

شي جينپيڭ شياڭگاڭ ەرەكشە اكىمشىلىك رايونى ۇكىمەتىنىڭ قارسى الۋ كەشكى قوناعاسىنا قاتىناستى ءارى ماڭىزدى ءسوز سويلەدى

2017.07.03 16:49     كەلۋ قاينارى : حالىق تورابى


  «حالىق گازەتى»، 30 – ماۋسىم، شياڭگاڭ (تىلشىلەر ليان جينتيان، دۋ شاڭزى، ۋاڭ ياۋ). مەملەكەت ءتوراعاسى شي جينپيڭ 30 – ماۋسىم كۇنى كەشتە شياڭگاڭ ەرەكشە اكىمشىلىك رايونى ۇكىمەتىنىڭ قارسى الۋ كەشكى قوناعاسىنا قاتىناستى ءارى ماڭىزدى ءسوز سويلەدى. شي جينپيڭ مىنالاردى دارىپتەدى: 20 جىلدا «ءبىر ەلدە ەكى ءتۇزىمنىڭ» شياڭگاڭداعى امالياتى ونىڭ بەينە جاس مايساداي بوران – شاشىندا تولىسا ءوسىپ، مول جەمىس بەرگەنىن دالەلدەدى. ءبىز وزىمىزگە سەنەمىز، شياڭگاڭعا سەنەمىز، مەملەكەتكە سەنەمىز، «ءبىر ەلدە ەكى ءتۇزىمدى» جولعا قويعانداعى العاشقى ماقساتىمىزدى وزگەرتپەيمىز، بەكىمىمىزدەن اۋىتقىمايمىز. «تەڭىز تۋلاپ،دۇلەي تولقىن كوتەرىلگەن شاقتاردا، جەلكەن جايىپ، بۇلتتى ءتىلىپ الىپ كەمە تارتتى العا» دەگەن سەنىممەن، «ميحىناتپەن ءجۇز ەلەپ، مىڭ شايقاساڭ، قۇمنان التىن ارىلادى بايقاساڭ» دەگەندەي تۇرلاۋلىلىقپەن «ءبىر ەلدە ەكى ءتۇزىمنىڭ» شياڭگاڭداعى امالياتىنىڭ ءتىپتى دە زور تابىسقا جەتۋىن ىلگەرىلەتۋىمىز كەرەك.

  قوناعاسى زالىندا شاتتىق كۇلكىسى ەسىپ، مەرەكە مەرەيىنە شومدى. ساعات 18 مولشەرىندە شي جينپيڭ مەن حانىمى پىڭ لييۋان شياڭگاڭ ەرەكشە اكىمشىلىك رايونىنىڭ اكىمى لياڭ جىنيىڭ مەن حانىمى لياڭتاڭ چيڭ – يدىڭ سەرىك بولۋىمەن قوناعاسى زالىنا كىردى، بۇكىل زالداعى قاۋىم دۇركىرەتە قول سوعىپ قارسى الدى.

  شي جينپيڭ شاتىرلاعان شاپالاق ءۇنى ىشىندە ىستىق ىقىلاسقا تولى ءسوز سويلەدى. ول ەڭ الدىمەن ورتالىق ۇكىمەت پەن بۇكىل ەلدەگى ءار ۇلت حالقى اتىنان بارلىق شياڭگاڭ تۇرعىندارىنا ىقىلاستى سالەم جولدادى جانە ىزگى تىلەك ءبىلدىردى. شي جينپيڭ بىلاي دەپ اتاپ كورسەتتى: «ءبىر ەلدە ەكى ءتۇزىم» − جۇڭگونىڭ ۇلى جاسامپازدىعى. بىرلىككە كەلگەن مەملەكەتتە مەملەكەتتىڭ نەگىزگى تۇلعاسىنىڭ سوتسياليستىك ءتۇزىمدى جولعا قويۋى، ءىشىنارا رايونداردا زاڭ بويىنشا كاپيتاليستىك ءتۇزىمنىڭ اتقارىلۋى ادامزاتتىڭ بۇرىنعى ساياسي امالياتىندا بولىپ كورمەگەن. بۇرىنعىلار ەرەن ەرلىكپەن ىزدەنىس جاساپ، تىڭعا تۇرەن سالدى، كەيىنگىلەر ونى بەرىك سەنىم ارقىلى امالياتتا كورسەتۋى جانە دامىتۋى كەرەك.

  شي جينپيڭ مىنالاردى اتاپ كورسەتتى: شياڭگاڭنىڭ ەلەۋسىز جاتقان شاعىن بالىقشىلار قىستاعىنان دامىپ دۇنيەگە ايگىلى وسىزاماندانعان ءىرى قالاعا اينالۋى نەشە ۇرپاق شياڭگاڭدىقتاردىڭ كۇرەسىمەن ىسكە استى. شياڭگاڭدىق باۋىرلاستارعا ءتان وتاندى ءسۇيۋ، شياڭگاڭدى ءسۇيۋ، ءوزىن تالماي الۋەتتەندىرۋ، ەرلىكپەن العا ۇمتىلۋ، يكەمدىلىكپەن سايكەسۋ رۋحى − شياڭگاڭنىڭ تابىسقا جەتۋىنىڭ تەتىگى. ەرەكشە اتاپ وتۋگە ءتيىستىسى، شياڭگاڭدىق باۋىرلاستار مەملەكەتتىڭ رەفورما جاساۋ، ەسىك اشۋ جانە وسىزامانداندىرۋ قۇرىلىسىنا بەلسەنە اتسالىسىپ، ماڭىزدى ۇلەستەر قوستى. مۇنى ورتالىق ۇكىمەت پەن بۇكىل ەل حالقى ۇمىتقان ەمەس. شياڭگاڭدىق باۋىرلاستاردىڭ شياڭگاڭدى ويداعىداي باسقارۋعا، گۇلدەندىرۋگە، دامىتۋعا قابىلەتى، اقىل – پاراساتى جەتەدى، سونداي – اق مەملەكەتتىڭ دامۋىندا، ءتىپتى دۇنيە ساحناسىندا ءوز كەرەمەتىن ۇزدىكسىز ايگىلەي تۇسەدى.

  كەلۋ قاينارى: حالىق تورابى
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

سۋرەتتە: ارال تۇرمەسىندە، 29 – ماۋسىم كۇنى ۇزدىك كوممۋنيستەر مەن كادر – ساقشىلار 359 – بريگادانىڭ تىڭ يگەرۋ ەسكەرتكىش سارايىندا پارتياعا كىرۋ سەرتىن قايتادان ەسكە الىپ، قاھارمانداردى ەسكە ءتۇسىرۋ  فورماسىمەن جۇڭگو كوممۋنيستىك پارتياسى قۇرىلعاندىعىنىڭ 96 جىلدىعىن قىزۋ قۇتتىقتادى. ۋاڭ جيڭ فوتوسى

سۋرەتتە: ءۇرىمجى قالاسى سايباق رايونى ساڭفاڭگۋ رايوندىق باسقارۋ كوميتەتى ساڭيۋان الەۋمەتتىك رايونى «شىن نيەتپەن پارتياعا تىعىز ىلەسۋ» تاقىرىبىندا «1 – شىلدەنى» قارسى الۋ ماقساتىمەن ۇلتتار ىنتىماعىنىڭ ۇلى شاڭىراعى قىزىل ءان جارىسىن وتكىزىپ، الەۋمەتتىك وڭىردەگى 100گە جۋىق قىزمەتكەر، جۇپ قۇراپ، تۋىس بولعان ءار ۇلت تۇرعىندارىنىڭ ۋاكىلدەرى ءبىر ارادا باس قوسىپ، پارتيانىڭ تۋعان كۇنىن قۇتتىقتادى. شينجياڭ گازەتىنىڭ ءتىلشىسى حان لياڭ فوتوسى

سۋرەتتە: پارتيا مۇشەلەرى 28 – ماۋسىمدا پارتياعا كىرۋ سەرتىن قايتا ەسكە الۋدا. سول كۇنى بۇراتالا قالاسى جۇڭگو كوممۋنيستىك پارتياسى قۇرىلعاندىعىنىڭ 96 جىلدىعىن ەسكە ءتۇسىرۋ ءماجىلىسىن وتكىزىپ، ۇلتتار ىنتىماعىن ىلگەرىلەتۋدەگى ۇزدىك نەگىزگى ساتى پارتيا ۇيىمدارىنان 20 ۇيىمدى، ۇلتتار ىنتىماعىن ىلگەرىلەتۋدەگى ۇزدىك كوممۋنيستەردەن 50 ادامدى ماراپاتتادى. چين جۇن فوتوسى