شي جينپيڭ پۋتينمەن كەزدەستى

2017.07.05 16:37   كەلۋ قاينارى : حالىق تورابى

　　شينحۋا اگەنتتىگى، 3 – شىلدە، ماسكەۋ (تىلشىلەر ليۋ حۋا، جۋ دۇڭياڭ). سول جەر ۋاقىتى بويىنشا 3 – شىلدە كەشتە جاڭاعا عانا ماسكەۋگە جەتكەن مەملەكەت ءتوراعاشى شي جينپيڭ كرەمل سارايىندا رەسەيدىڭ پرەزيدەنتى پۋتينمەن كەزدەستى. ەكى ەل باسشىلارى ورتاق كوڭىل ءبولىپ وتىرعان كەلەلى ماسەلەلەر جونىنەن ىشكەرىلەي پىكىر الماستىرىپ، ەكى ەلدىڭ دوستىعىن اقتارىلا اڭگىمەلەپ، ەكى ەل قاتىناسىنىڭ بولاشاق دامۋىن بىرگە كەڭەستى.

　　شىلدەنىڭ باسقى شەنى، ماسكەۋدە سالقىن سامال ەسەدى. كرەمل سارايى كەشكى شاپاق الاۋىنا بولەنىپ، ەرەكشە كوز تارتادى.

　　شي جينپيڭ بىلاي دەدى: رەسەيگە تاعى دا مەملەكەتتىك ساپارمەن كەلگەنىمە ءارى پرەزيدەنت پۋتينمەن بىرگە ورتاق كوڭىل ءبولىپ وتىرعان ماسەلەلەر جونىنەن پىكىر الماستىرعانىما ايرىقشا قۋانىشتىمىن. جۇڭگو مەن رەسەي __ جالپى بەتتىك ستراتەگيالىق ارىپتەستەر، كەلەلى ماسەلەلەردە تىعىز پىكىرلەسىپ، كەڭەسۋىنىڭ توتەنشە زور ماڭىزى بار. ەكى جاعىمىز سەلبەستىكتى كۇشەيتىپ، ءبىر – ءبىرىنىڭ ءوز جاعدايلارىنا ۇيلەسەتىن دامۋ جولىمەن جۇرۋلەرىن باتىل قولداپ، قارسى جاقتارىنىڭ مەملەكەتتىڭ يەلىك ۇقىعىن ، حاۋىپسىزدىگىن، دامۋ مۇددەسىن قورعاۋ جاقتارىنداعى ساياسات، شارالارىن باتىلدىقپەن قولداۋلارى كەرەك. ەكى جاق كەلەلى حالىقارالىق جانە وڭىرلىك ماسەلەلەردە ساياساتتىق پىكىرلەسۋ مەن ارەكەت جاعىنداعى سەلبەسۋدى كۇشەيتىپ، قاتەر مەن سايىستى بىرگە باسەيتىپ، دۇنيە ءجۇزىنىڭ بەيبىتشىلىگىن، ورنىقتىلىعىن، گۇلدەنۋىن بىرگە جەبەۋلەرى كەرەك.

　　كەلۋ قاينارى: حالىق تورابى