شي جينپيڭ گەرمانيانىڭ پرەمەر مينيسترى مەركەلمەن كەڭەس وتكىزدى
2017.07.06 15:29 كەلۋ قاينارى : حالىق تورابى
ەكى ەل باسشىلارى جۇڭگو - گەرمانيا قارىم - قاتىناسىنىڭ تىڭ بيىككە كوتەرىلۋىن ىلگەرىلەتۋگە ءبىر اۋىزدان ماقۇل بولدى«حالىق گازەتى»، 5 – شىلدە، بەرلين (تىلشىلەر ما شياۋنيڭ، دۋ شاڭزى، گۋان كىجياڭ). مەملەكەت ءتوراعاسى شي جينپيڭ 5 - شىلدەدە بەرليندە گەرمانيانىڭ پرەمەر مينيسترى مەركەلمەن كەڭەس وتكىزدى. ەكى ەل باسشىلارى جۇڭگو مەن گەرمانيانىڭ ءداستۇرلى دوستىعىن جوعارى باعالاپ، جۇڭگو مەن گەرمانيانىڭ جالپى بەتتىك ستراتەگيالىق ارىپتەستىك قاتىناسىنىڭ كەلەسى كەزەڭدەگى دامۋىنا جاڭا جوبا ازىرلەپ، جاڭا نىسانالاردى ايقىنداپ، جاڭا جول جوبالادى، ساياسي سەنىمدىلىكتى تەرەڭدەتىپ، ىسكەرلىك سەلبەستىكتى كۇشەيتىپ، گۋمانيتارلىق بايلانىستى تەرەڭدەتىپ، كوپ جاقتى سايكەستىكتى نىعايتىپ، جۇڭگو - گەرمانيا قارىم - قاتىناسىنىڭ تىڭ بيىككە كوتەرىلۋىن ىلگەرىلەتۋگە ءبىر اۋىزدان ماقۇل بولدى.
شي جينپيڭ بىلاي دەدى: جۇڭگو مەن گەرمانيا ديپلوماتيالىق قاتىناس ورناتقان 45 جىلدان بەرى ەكى جاقتى قاتىناستىڭ دامۋى «تابىس اڭگىمەسىندەي» ەكى ەل مەن ەكى ەل حالىقتارىنا قۇت باعىشتادى. 2014 - جىلى مەن گەرمانياعا تۇڭعىش رەت مەملەكەتتىك ساپاردا بولعان كەزىمدە جۇڭگو مەن گەرمانيا جالپى بەتتىك ستراتەگيالىق سەرىكتەستىك قاتىناستىڭ جاڭا ورنىن تۇراقتاندىرعان بولاتىن. 3 جىلدان بەرى جۇڭگو - گەرمانيا ەكى جاقتى مەحانيزمى ەكى ەل بايلانىسىنىڭ بارلىق سالاسىن دەرلىكتەي قامتىدى، ەكونوميكا - ساۋدا، تەحنيكا، ەكى جاقتى قارجىلىق سەلبەستىك قارىشتاپ دامىدى، گۋمانيتارلىق بايلانىستاردىڭ ىشكى مازمۇنى بايي ءتۇستى، جۇڭگو - گەرمانيا قارىم - قاتىناسى جوعارى دەڭگەيدەگى دامۋ كەزەڭىنە قادام تاستادى. بيىل جۇڭگو مەن گەرمانيانىڭ ديپلوماتيالىق قاتىناس ورناتقانىنا 45 جىل تولادى، ەكى ەل قاتىناسى تاعى دا تىڭ بەلەسكە كوتەرىلدى. ءبىز گەرمانيا جاقپەن سەنىمدى بەكەمدەپ، ورتاق تانىمعا كەلىپ، مۇمكىندىكتەردەن اشىق پايدالانىپ، ەكى ەل سەلبەستىگى مەن ءوزارا بايلانىس، ءوزارا قاتىناس ارنالارىن كەڭەيتىپ، جۇڭگو مەن گەرمانيانىڭ جالپى بەتتىك ستراتەگيالىق سەرىكتەستىك قارىم - قاتىناسىنىڭ تىڭ بەلەسكە كوتەرىلە بەرۋىن ىلگەرىلەتۋدى قالايمىز.
كەلۋ قاينارى: حالىق تورابى
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
