شينجياڭعا باعىتتامالى كومەكتەسۋ قىزمەتىنىڭ مەملەكەتتىك 6 - رەتكى ءماجىلىسى قاشقاردا اشىلدى

2017.07.13 14:00   كەلۋ قاينارى : ءتاڭىرتاۋ تورابى

　　شينجياڭعا باعىتتامالى كومەكتەسۋ قىزمەتىنىڭ اناعۇرلىم جاقسى دامۋىن ىلگەرىلەتىپ، شينجياڭنىڭ قوعام ورنىقتىلىعى مەن باياندى تىنىشتىعىن جەبەيىك

　　يۇي جىڭشىڭ ماجىلىسكە قاتىناستى ءارى ءسوز سويلەدى

　　سۇن چۇنلان ماجىلىسكە قاتىناستى ءارى ءماجىلىستى باسقاردى، ياڭ جيڭ قورىتىندى ءسوز سويلەدى جوعارىداعى سۋرەتتە: شينجياڭعا باعىتتامالى كومەكتەسۋ قىزمەتىنىڭ مەملەكەتتىك 6 - رەتكى ءماجىلىسى 9 - شىلدەدەن 11 - شىلدەگە دەيىن قاشقاردا اشىلدى. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى يۇي جىڭشىڭ باستاعان باسشىلار شينجياڭعا باعىتتامالى كومەكتەسۋدەگى ماداقتالىپ - سيلانعان مەملەكەتتىك وزاتتارعا كۋالىك تاراتتى.

　　شينحۋا اگەنتتىگىنىڭ 11 - شىلدەدە ۇرىمجىدەن بەرگەن حابارى. شينجياڭعا باعىتتامالى كومەكتەسۋ قىزمەتىنىڭ مەملەكەتتىك 6 - رەتكى ءماجىلىسى 9 - شىلدەدەن 11 - شىلدەگە دەيىن شينجياڭنىڭ قاشقار قالاسىندا اشىلدى. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى يۇي جىڭشىڭ ماجىلىسكە قاتىناستى جانە ماڭىزدى ءسوز سويلەدى. ءماجىلىس باس شۋجي شي جينپيڭنىڭ جەلىلەس ماڭىزدى سوزدەرىنىڭ رۋحىن جانە ەل باسقارۋداعى جاڭا ۇستانىمدارىن، جاڭا يدەيالارىن، جاڭا ستراتەگيالارىن ىشكەرىلەي دايەكتىلەندىرىپ، پارتيا ورتالىق كوميتەتىنىڭ شينجياڭ قىزمەتى جونىندەگى ءبىرقاتار كەلەلى شەشىمدەرى مەن ورنالاستىرۋلارىن، اسىرەسە، ورتالىقتىڭ شينجياڭ قىزمەتى جونىندەگى 2 - رەتكى اڭگىمە ءماجىلىسىنىڭ رۋحىن مۇقيات دايەكتىلەندىرىپ، تياناقتاندىرىپ، 20 جىلدان بەرگى شينجياڭعا باعىتتامالى كومەكتەسۋ قىزمەتىن جان - جاقتى قورىتىندىلاپ، شينجياڭعا باعىتتامالى كومەكتەسۋ قىزمەتىنىڭ اناعۇرلىم جاقسى دامۋىن ىلگەرىلەتىپ، شينجياڭنىڭ قوعام ورنىقتىلىعى مەن باياندى تىنىشتىعىن جۇزەگە اسىرۋعا تىڭ، ءتىپتى دە كەسەك ۇلەس قوستى.

　　ج ك پ ورتالىق كوميتەتى ساياسي بيۋروسىنىڭ مۇشەسى، ورتالىق كوميتەت بىرلىكساپ ءبولىمىنىڭ باستىعى سۇن چۇنلان ماجىلىسكە قاتىناستى جانە ءماجىلىستى باسقاردى، ج ك پ ورتالىق كوميتەتى شۋجيچۋىنىڭ شۋجيى، مەملەكەتتىك كەڭەستىڭ مۇشەسى، مەملەكەتتىك كەڭەستىڭ باس حاتشىسى ياڭ جيڭ قورىتىندى ءسوز سويلەدى. اۆتونوميالى رايوننىڭ باسشىلارىنان چىن چۋانگو، شوكىرات زاكىر، سۇن جينلۇڭ، جۋ حايلۇن، لي پىڭشين، ت.ب ماجىلىسكە قاتىناستى.

　　يۇي جىڭشىڭ مىنالاردى اتاپ كورسەتتى: 20 جىلدان بەرى، اسىرەسە، پارتيا 18 - قۇرىلتايىنان بەرى، شينجياڭعا باعىتتامالى كومەكتەسۋ قىزمەتى باس نىسانانى تىعىز ارقاۋ ەتىپ، ورنىن ءتىپتى دە ايقىنداپ، نىساناسىن ءتىپتى دە انىقتاپ، ماڭىزدى ءتۇيىندى ءتىپتى دە كورنەكتىلەندىرىپ، شارالاردى ءتىپتى دە ءدال قولدانىپ، شينجياڭنىڭ قوعام ورنىقتىلىعى مەن باياندى تىنىشتىعى ءۇشىن ماڭىزدى رول اتقاردى. بۇل شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىنىڭ شاراپاتى، جۇڭگوشا سوتسياليستىك ءتۇزىمنىڭ باسىمدىعىنىڭ شاراپاتى، شينجياڭداعى ءار ۇلت كادر - جۇرتشىلىعىنىڭ تۇلعالىق رولىن تولىق ساۋلەلەندىرۋىنىڭ ارقاسى، شينجياڭعا باعىتتامالى كومەكتەسەتىن ولكە، قالالاردىڭ ساياسيدى دارىپتەپ، جالپى جاعدايمەن ساناسا وتىرىپ، قىزمەتتەردى زور كۇشپەن ىلگەرىلەتۋىنىڭ ارقاسى، شينجياڭعا كومەككە كەلگەن قالىڭ كادر - دارىندىلاردىڭ قالتقىسىز ۇلەس قوسۋى مەن تەر توگىپ، ەڭبەك ەتكەن قۇلشىنىسىنىڭ ارقاسى. اماليات پارتيا ورتالىق كوميتەتىنىڭ شينجياڭ قىزمەتى جونىندەگى ءبىرقاتار شەشىمدەرى مەن ورنالاستىرۋلارىنىڭ جانە شينجياڭعا ۇزاق ۋاقىت كومەكتەسۋ قىزمەت باعىتىنىڭ بۇكىلدەي دۇرىس ەكەنىن، شينجياڭعا كومەككە كەلگەن قالىڭ كادر - دارىندىلاردىڭ سىن - سىناقتان وتە الاتىنىن جانە سەنىمدى ەكەنىن تولىق دالەلدەدى.

　　يۇي جىڭشىڭ مىنالاردى باسا دارىپتەدى: جەر - جەر، قاتىستى تاراۋلار بەلسەنە ىزدەنىس جاساپ، باتىلدىقپەن جاڭالىق اشىپ، شينجياڭعا باعىتتامالى كومەكتەسۋ قىزمەتىندە باعالى تاجىريبە جيناقتادى، ياعني شينجياڭ قىزمەتىنىڭ باس نىساناسىن جالپى جەتەكشى ەتۋگە تاباندى بولىپ، حالىق تىلەگىن توعىستىرۋدان، باياندى تىنىشتىق نەگىزىن بەكەمدەۋدەن جازباي، ماڭىزدى ءتۇيىندى كورنەكتىلەندىرۋگە، دالمە - ءدال كۇش جۇمساۋعا تاباندى بولىپ، كومەك بەرۋشى - قابىلداۋشى ەكى جاقتىڭ بەلسەندىلىگىن ىسكە قوسۋدان جازباي، تۇزىمدەردى كەمەلدەندىرۋگە، عىلمي جولمەن باسقارۋعا تاباندى بولدى. بۇل تاجىريبەلەر ءارى شينجياڭعا كومەكتەسۋ قىزمەتىنىڭ وتكەنى جايلى قورىتىندى ءارى بۇدان كەيىنگى شينجياڭعا كومەكتەسۋ قىزمەتىندە تاباندى بولۋعا ءتيىستى ماڭىزدى پرينسيپتەر.

　　يۇي جىڭشىڭ مىنالاردى تالاپ ەتتى: كەزەكتە جانە الداعى ءبىر مەزگىلدە شينجياڭعا باعىتتامالى كومەكتەسۋ قىزمەتىندە پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن جانە شينجياڭعا كومەكتەسۋ قىزمەتى جونىندەگى شەشىمدەرى مەن ورنالاستىرۋلارىن مۇقيات دايەكتىلەندىرىپ، تياناقتاندىرىپ، شينجياڭنىڭ رەفورما، دامۋ، ورنىقتىلىق ىستەرىنە ساياتىن، ءتۇبىرلى، نەگىزدىك، ۇزاق بولاشاقتىق ماسەلەلەردە دالمە - ءدال كۇش جۇمساپ، شينجياڭعا باعىتتامالى كومەكتەسۋدى كەڭەيتۋگە، تەرەڭدەتۋگە، كۇشەيتۋگە كۇش سالىپ، شينجياڭعا باعىتتامالى كومەكتەسۋدىڭ جالپىلىق ونىمدىلىگىن ۇزدىكسىز جوعارىلاتىپ، ىنتىماقتى، جاراسىمدى، گۇلدەنگەن، باي، وركەنيەتتى، العا باسقان، حالقى الاڭسىز تىرشىلىك ەتەتىن جۇڭگوشا سوتسياليستىك شينجياڭ قۇرۋ ءۇشىن كۇش قوسۋ كەرەك. ءبىرىنشى، نازاردى جاپپاي دوڭگەلەك داۋلەتتى قوعام قۇرۋعا، كەدەيلىكتەن قۇتىلدىرۋدان قامال الۋدى ىلگەرىلەتۋگە بۇلجىتپاي شوعىرلاندىرىپ، كومەك قابىلداۋشى جەردىڭ كەدەيلىكتەن قۇتىلۋ نىساناسىن ۋاعىندا ورىنداۋىنا دەم بەرۋ كەرەك. ەكىنشى، نازاردى جۇمىسقا ورنالاستىرۋدى كەڭەيتۋگە، كاسىپ سالاسى بويىنشا شينجياڭعا كومەكتەسۋدى ىلگەرىلەتۋگە بۇلجىتپاي شوعىرلاندىرىپ، قيىنشىلىعى بار ءتىپتى دە كوپ بۇقارانىڭ جاقىن جەردە، سول جەردە جۇمىسقا ورنالاسۋىن جەبەۋ كەرەك. ءۇشىنشى، نازاردى حالىق ساپاسىن جوعارىلاتۋعا، ءبىلىم بەرۋ ارقىلى شينجياڭعا كومەكتەسۋدى ىلگەرىلەتۋگە بۇلجىتپاي شوعىرلاندىرىپ، ءبىلىم بەرۋ ساپاسىن كۇش سالا جوعارىلاتۋ كەرەك. ءتورتىنشى، نازاردى ناقتى ونىمدىلىكتى كۇشەيتۋگە، كادر - دارىندىلار ارقىلى شينجياڭعا كومەكتەسۋدى ىلگەرىلەتۋگە بۇلجىتپاي شوعىرلاندىرىپ، شينجياڭعا كومەككە كەلگەن كادر - دارىندىلارعا شىنايى قامقورلىق جاساۋ، ولاردى ويداعىداي ىستەتۋ، جاقسى باسقارۋ كەرەك. بەسىنشى، نازاردى ۇلتتار ىنتىماعىنا، ارالاسۋدى، ىشتەسۋدى، توعىسۋدى ىلگەرىلەتۋگە بۇلجىتپاي شوعىرلاندىرىپ، ارالاسۋ، ىشتەسۋ، توعىسۋدىڭ كوپ ساتىلى تۇعىرىن ورناتۋ كەرەك. التىنشى، نازاردى نەگىزدى بەكەمدەۋگە، نەگىزگى ساتى قۇرىلىسىن ىلگەرىلەتۋگە بۇلجىتپاي شوعىرلاندىرىپ، نەگىزگى ساتى ۇيىمدارىنىڭ ۇيىستىرۋ قۋاتىن، جاۋىنگەرلىك قۋاتىن كۇشەيتۋ كەرەك.

　　ءماجىلىس شينجياڭعا باعىتتامالى كومەكتەسۋدەگى مەملەكەتتىك وزاتتاردى ماداقتاپ - سيلادى. مەملەكەتتىك دامۋ جانە رەفورما كوميتەتىنىڭ، شينجياڭ ۇيعۇر اۆتونوميالى رايونىنىڭ، شينجياڭ ءوندىرىس - قۇرىلىس بيڭتۋانىنىڭ، بەيجيڭ قالاسىنىڭ، شاڭحاي قالاسىنىڭ، جياڭسۋ ولكەسىنىڭ، جىجياڭ ولكەسىنىڭ جاۋاپتى جولداستارى ماجىلىستە سوزگە شىقتى. ماجىلىسكە قاتىناسقاندار گرۋپپالارعا ءبولىنىپ، تالقى ورىستەتتى.

　　سۇن چۇنلان، ياڭ جيڭ ءماجىلىس رۋحىن دايەكتىلەندىرۋ، تياناقتاندىرۋ جونىندە ناقتى تالاپتار قويدى. ورتالىقتاعى قاتىستى تاراۋلار مەن ورىندار، شينجياڭعا كومەكتەسەتىن 19 ولكە، قالا جانە شينجياڭ ۇيعۇر اۆتونوميالى رايونى، شينجياڭ ءوندىرىس - قۇرىلىس بيڭتۋانى سياقتى قاتىستى جاقتاردىڭ جاۋاپتى جولداستارى ماجىلىسكە قاتىناستى.

　　قاشقارداعى كەزىندە يۇي جىڭشىڭ، سۇن چۇنلان، ياڭ جيڭ شينجياڭ جيفا حۋاحى كيىم - كەشەك شەكتى سەرىكتەستىگى، قاشقار جۇڭشيڭ قولقاپ شەكتى سەرىكتەستىگى، شينجياڭ دۇڭچۇنشيڭ توقىما شەكتى سەرىكتەستىگى سياقتى كاسىپورىنداردى ەكسكۋرسيالادى ءارى حالىققا قولايلى ساقشى پۋنكتىنە، بالا باقشاسىنا، ۇلتتار ىنتىماعى شاعىن اۋماعىنا بارىپ تەكسەرۋ - زەرتتەۋ جۇرگىزدى. «شينجياڭ گازەتى»