ناپوسقا قونباعان جان سانىن قالا ناپوسىنا قوندىرۋدى ىلگەرىلەتەيىك
دامۋ جانە رەفورما كوميتەتى: 2017 - جىلى قونىستانۋ كۋالىگى ءتۇزىمى جاپپاي اتقارىلادى
2017.07.13 16:00 كەلۋ قاينارى : حالىق تورابى
مەملەكەتتىك دامۋ جانە رەفورما كوميتەتى تاياۋدا مىنالاردى جاريالادى: 2017 - جىلى قالا - قالاشىقتانۋدى جەبەۋدەگى ماڭداي الدى مىندەت ناپوسقا قونباعان جان سانىن قالاعا قونىستاندىرۋدى ءۇرتىس جەبەۋ بولىپ، بيىل بۇل قىزمەت 4 ءتۇرلى جاقتان جۇرگىزىلىپ، 2017 - جىلى قونىستانۋ كۋالىگى ءتۇزىمى جاپپاي اتقارىلادى.
دامۋ جانە رەفورما كوميتەتى بىلاي دەدى: وتكەن جىلدىڭ سوڭىنا دەيىن، بۇكىل ەلدەگى بارلىق ولكە (اۆتونوميالى رايون، توتە قاراستى قالا)، شينجياڭ ءوندىرىس - قۇرىلىس بيڭتۋانى «ادام مەن جەردى بايلانىستىرۋ»، «ادام مەن قارجىنى بايلانىستىرۋ» سىندى ماڭىزدى تۇلعالىق ساياساتتى قامتىعان ناپوس ءتۇزىمى رەفورماسى پىكىرىن ورتاعا شىعاردى. سوڭعى 3 جىلدا، ناپوستاعى جان سانىنىڭ قالا - قالاشىقتانۋ سالىستىرماسى مەن ۇدايىلىق جان سانىنىڭ قالا - قالاشىقتانۋ سالىستىرماسى جەكە - جەكە 5.5، 3.62 پايىز جوعارىلادى. الايدا سونىمەن بىرگە، ءىس جۇزىندىك ناپوسقا قوندىرىلۋ اياق الىسى قوعامدىق مەجەگە جەتپەي وتىر، بۇنداعى نەگىزگى سەبەپ، جەرگىلىكتى ورىنداردىڭ ساياسات تياناقتاندىرۋى جەتكىلىكتى ەمەس، سايكەستى ءتۇزىلىس مەحانيزمى سىندى تۇزىمدەردىڭ ورنالاستىرىلۋى دا كەمشىل. سول ءۇشىن، 2017 - جىلدىڭ ماڭىزدى مىندەتى ناپوسقا قونباعان جان سانىن قالا - قالاشىق ناپوسىنا قوندىرۋدى ءۇرتىس جەبەۋ بولماق.
وسى ماسەلەلەرگە قاراتا، دامۋ جانە رەفورما كوميتەتى ۇقساماعان قالا تيپتەرىنە قاراي، ءتۇيىندى بۇقارالىق توپتاردى ناپوسقا قوندىرۋ شەكتەمەسىن جاپپاي كەڭەيتىپ، جەرگىلىكتى ورىنداردان ديحان - شارۋا جۇمىسكەرلەرىنىڭ ناپوسقا قونۋعا پەيىلدى بولماۋىن ناپوسقا قوندىرماۋدىڭ سىلتاۋى ەتپەۋىن تالاپ ەتتى. ءارقايسى جەرلەردى «ادام مەن جەردى بايلانىستىرۋ»، «ادام مەن قارجىنى بايلانىستىرۋ» ساياساتىن ناقتىلى اتقارۋ ءادىسى مەن ناقتى ەرەجەسىن جاپپاي تياناقتاندىرۋعا، قازىنالىق قارجى جانە جەر كورسەتكىشىمەن ماراپاتتاۋ، قولداۋ كورسەتۋ تەبىنىن ارتتىرىپ، جەرگىلىكتى اۋىل شارۋاشىلىعى كاسىبىنەن قالا تۇرعىندارىنا اينالۋدىڭ وزىندىك قۇنىن ۇيلەسىمدى ءبولىپ كوتەرۋگە باقىلاپ - قۋزاۋشىلىق ەتەدى.
قالاعا كىرىپ ناپوسقا قوندىرىلعان ديحانداردىڭ اۋىل - قىستاقتارداعى «ءۇش ۇقىعىن» قورعاۋ جانە ءوز ەركىمەن اقىلى شەگىنىپ شىعۋ مەحانيزمى جونىنەن جالعاستى ىزدەنىستەر جاساپ، اۋىل - قىستاقتارداعى جەردى كوتەرمەگە الۋ تيجارات ۇقىعى مەن ديحانداردىڭ تۇرعىن ءۇي، مال - مۇلىك ۇقىعىن كەپىلگە قويىپ قارىز اقشا الۋدى سىناق ءتۇيىن ەتۋ قىزمەتى ىلگەرىلەتىلەدى. ناپوسقا قونۋدىڭ شارت - جاعدايىن ۋاقىتشا ازىرلەمەگەن ديحاننان قالا ناپوسىنا قوندىرىلاتىندار قونىستانۋ كۋالىگى ءتۇزىمى ارقىلى قالا تۇرعىندارىنىڭ مامىلەسىنەن يگىلىكتەندىرىلەدى.
دامۋ جانە رەفورما كوميتەتى جوسپارلاۋ مەڭگەرمەسىنىڭ قاتىستى جاۋاپتىسى بىلاي دەدى: بيىلعى ماڭىزدى قىزمەت - قونىستانۋ كۋالىگى ءتۇزىمىن ءالى اتقارماعان وڭىرلەردىڭ ناقتى اتقارۋ ءادىسىن تەز ارادا ورتاعا شىعارۋىن باقىلاپ - قۋزايدى ءارى قونىستانۋ كۋالىگى ءتۇزىمىنىڭ اتقارىلۋ جاعدايىن تەكسەرۋگە ۇيىمداستىرىپ، ءارقايسى رايونداردىڭ قونىستانۋ كۋالىگىن الۋ تالابىن مەملەكەتتىك ولشەمنەن اسىرماۋىنا، يگىلىكتەنەتىن تۇرلىشە الەۋمەتتىك قىزمەت وتەۋ مەن ءىس بىتىرۋدەگى تيىمدىلىك مەملەكەتتىك ولشەمنەن تومەندەتىلمەۋگە كەپىلدىك ەتىلەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
