شي جينپيڭ تۇڭعىش رەت قۇمداۋىت الاڭدا اسكەري پاراتتى كوزدەن كەشىردى
ازاتتىق ارمياعا دۇنيە ءجۇزى بويىنشا الدىڭعى قاتارداعى ارميا بولۋ جولىندا قۇلشىنۋعا بۇيرىق بەردى
2017.07.31 17:07 كەلۋ قاينارى : حالىق تورابى
شينحۋا اگەنتتىگى، 30 – شىلدە، ىشكى موڭعۇل زۇركى (تىلشىلەر ساۋ جى، لي شۋانلياڭ، مەي شىشيۇڭ). داڭقتى تاريحتى ەستە بەرىك ساقتاپ، مەملەكەتتىڭ، ارميانىڭ قۇدىرەتتەنۋىن جەبەيىك. 30 – شىلدە تۇستەن بۇرىن جۇڭگو حالىق ازاتتىق ارمياسى قۇرىلعانىنىڭ 90 جىلدىعىن قۇتتىقتاۋعا ارنالعان اسكەري پارات زۇركى بىرلەسكەن جاتتىعۋ بازاسىندا سالتاناتپەن وتكىزىلدى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ اسكەري پاراتتى كوزدەن كەشىردى ءارى ماڭىزدى ءسوز سويلەدى (ءسوزدىڭ تولىق مازمۇنىن «حالىق گازەتىنىڭ» 2 – بەتىنەن وقي الاسىزدار).
جازعى دالانىڭ اسپانى جايناپ، كۇنگە كۇيگەن قۇمداۋىت الاڭ جورىق دابىلىن قاقتى. پارات مىنبەسىنىڭ الدىڭعى جاعىنداعى «1927 – 2017» دەگەن جازۋ ەرەكشە كوز تارتادى. اسكەري پاراتتان وتەتىن 12 مىڭ وفيتسەر – جاۋىنگەر، 600 دەن استام كولىك ساپ تۇزەپ، قۇرىش قورعانداي قاسقايىپ تۇر. 100 دەن اسا اسكەري ۇشاق 6 اۋەجايدا ساقاداي سايلانىپ، ۇشۋعا ءازىر تۇر. بۇل ــ جۇڭگو حالىق ازاتتىق ارمياسىنىڭ تۇڭعىش رەت ارميا مەرەكەسىنە ارناپ وتكىزگەن سالتاناتتى اسكەري پاراتى، دالالىق، جاۋىنگەرلىك، مايداندىق پاراتى، حالىق ارمياسىنىڭ جالپىلىق، توڭكەرىستىك وزگەرىستەردەن كەيىنگى شىت جاڭا بەينەسى.
ساعات ءدال 9 دا اسكەري پارات باستالدى، بەس جۇلدىزدى قىزىل تۋ باياۋ كوتەرىلىپ، تۇتاس الاڭدى مەملەكەت گيمنىنىڭ اۋەنى كەرنەدى. شي جينپيڭ ارنايى كولىكپەن اسكەري پارات جولىنا كەلدى. اسكەري پاراتتىڭ باس قولباسشىسى، ورتالىق سوعىس رايونىنىڭ سىليڭيۋانى حان ۋەيگو پاراتتان وتەتىن اسكەري ءبولىمنىڭ دايىن بولعانىن مالىمدەگەننەن كەيىن شي جينپيڭ پاراتتى باستاۋعا بۇيرىق بەردى.
پاراتتىق اسكەري بولىمدەر پاراتتان وتە سالا پارات مىنبەسىنىڭ قارسى الدىنا شۇعىل جينالدى. قايتا جينالعان اسكەري بولىمدەر قۇرىشتاي بولىپ شەپ الدىندا ايبارلانىپ تۇر.
ساعات 10 مولشەرىندە شي جينپيڭ ماڭىزدى ءسوز سويلەدى. ول بىلاي دەدى: 90 جىلدىڭ الدىندا نانچاڭ قالاسىندا اتىلعان مىلتىق ءۇنى جۇڭگودا جۇڭگو كوممۋنيستىك پارتياسى باسشىلىق ەتەتىن جاڭا حالىق ارمياسى دۇنيەگە كەلگەنىن جاريالادى. 90 جىلدان بەرى حالىق ارمياسى پارتيا تۋىن بيىك ۇستاپ، وتاننىڭ بايتاق دالاسىنا نىقتاپ تابان تىرەپ، ۇلتتىڭ ءۇمىتىن ارقالاپ، قان كەشە شايقاس جۇرگىزىپ، ەرلىكپەن العا ۇمتىلىپ، بارلىق جاۋدى جەڭىپ، بارلىق قيىندىقتى ەڭسەرىپ، جۇڭگو حالىقىنىڭ ەڭسە كوتەرۋى، بايىپ – قۇدىرەتتەنۋى ءۇشىن وشپەس ەڭبەك كورسەتتى. ءبىزدىڭ حالىق ارميامىز اتى زاتىنا ساي پارتيانىڭ قولباسشىلىعىنا بويسۇناتىن قاھارمان ارميا، وتاننىڭ ءۇمىتىن ادالدىقپەن اقتايتىن قاھارمان ارميا، جۇڭحۋا ۇلتتارىنىڭ ۇلى گۇلدەنۋى ءۇشىن ەرلىكپەن كۇرەس جۇرگىزەتىن قاھارمان ارميا.
كەلۋ قاينارى: حالىق تورابى
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
