قورعانىس مينيسترلىگى سالتاناتتى قوناعاسى وتكىزىپ
جۇڭگو حالىق ازاتتىق ارمياسى قۇرىلعانىنىڭ 90 جىلدىعىن قىزۋ قۇتتىقتادى
2017.08.01 17:02 كەلۋ قاينارى : حالىق تورابى
ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ جانە لي كىچياڭ، جاڭ دىجياڭ، يۇي جىڭشىڭ، ليۋ يۇنشان، ۋاڭ چيشان، جاڭ گاۋلي قوناعاسىعا قاتىناستى.
«حالىق گازەتى»، 31 – شىلدە، بەيجيڭ (ءتىلشى ني گۋاڭحۇي). جۇڭحۋا حالىق رەسپۋبليكاسىنىڭ قورعانىس مينيسترلىگى 31 – شىلدەدە حالىق سارايىندا سالتاناتتى قوناعاسى وتكىزىپ، جۇڭگو حالىق ازاتتىق ارمياسى قۇرىلعانىنىڭ 90 جىلدىعىن قىزۋ قۇتتىقتادى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ جانە لي كىچياڭ، جاڭ دىجياڭ، يۇي جىڭشىڭ، ليۋ يۇنشان، ۋاڭ چيشان، جاڭ گاۋلي قوناعاسىعا قاتىناستى.
شىراقتارى جايناعان حالىق سارايىنىڭ قوناعاسى زالى قويۋ مەرەكەلىك تۇسكە بولەندى. ءتوراعالار مىنبەسىنىڭ ارتقى تۇسىنا «1 – تامىز» دەگەن ۇلكەن ارميا گەربى ىلىنگەن، ەكى شەتىنە نارت قىزىل 10 تۋ قويىلعان. ايرىقشا كوز تارتاتىن «2017 - 1927» دەگەن ساندار جۇڭگو حالىق ازاتتىق ارمياسى باسىپ وتكەن شۇعىلالى 90 جىلدىق بارىستى بەينەلەگەن. ساعات 18 مولشەرىندە ويناقى «قارسى الۋ مۋزىكاسى» شىرقالىپ، شي جينپيڭ قاتارلى پارتيا مەن مەملەكەت باسشىلارى قوناعاسى زالىنا قادام تاستاپ، 1800 دەن استام جۇڭگولىق – شەتەلدىك قوناقپەن باس قوستى.
قوناعاسى باستالار ساتتە ورتالىق اسكەري ىستەر كوميتەتىنىڭ مۇشەسى، مەملەكەتتىك كەڭەستىڭ مۇشەسى قوسىمشا قورعانىس مينيسترى چاڭ ۋانچۋان توست ءسوزىن سويلەدى. باس شۋجي شي جينپيڭنىڭ تاپسىرۋىمەن ول اۋەلى پارتيا ورتالىق كوميتەتى، مەملەكەتتىك كەڭەس، ورتالىق اسكەري ىستەر كوميتەتى اتىنان جۇڭگو حالىق ازاتتىق ارمياسىنىڭ كوماندير – جاۋىنگەرلەرىن، قارۋلى ساقشى قوسىنىنداعى وفيتسەر – جاۋىنگەرلەردى، زاپاس اسكەريلەردى جانە حالىق جاساقتارىن مەرەكە بايلانىسىمەن قۇتتىقتادى، قورعانىس عىلىم – تەحنيكا، ونەركاسىپ شەبىندە جاپالى قىزمەت ىستەپ جاتاقن جولداستارعا شىن ىقىلاسپەن سالەم جولدادى، جۇڭگو حالىق ازاتتىق ارمياسىنىڭ قۇرىلۋىنا ماڭىزدى ۇلەس قوسىپ زەينەتكە، دەمالىسقا شىققان ساقا جولداستاردان، ساقا جاۋىنگەرلەردەن، كاسىپ الماستىرىپ اسكەردەن شەگىنگەن جولداستاردان، توڭكەرىستە جارالانىپ مۇگەدەك بولعان اسكەرلەردەن، سونداي – اق توڭكەرىستىك قۇربانداردىڭ ءۇي ىشىندەگىلەردەن شىنايى حال سۇرادى. «1 – تامىز وردەنىن» العان جولداستارعا، اسكەري بولىمدەگى قاھارمان – ۇلگىلەردىڭ ۋاكىلدەرىنە، مەملەكەت بويىنشا قوس قولداۋداعى ۇلگىلەردىڭ ۋاكىلدەرىنە، مەملەكەت بويىنشا اسكەردەن كاسىپ الماستىرعان ۇلگىلى كادرلاردىڭ ۋاكىلدەرىنە وسكەلەڭ قۇرمەت ءبىلدىردى، قورعانىسقا جانە ارميا قۇرىلىسىنا ۇزاقتان بەرى كوڭىل ءبولىپ، قولداۋ كورسەتىپ كەلە جاتقان ءار دارەجەلى پارتكوم مەن ۇكىمەتكە جانە حالىقتىق ۇيىمدارعا، بۇكىل ەلدەگى ءار ۇلت حالقىنا شىن ىقىلاسپەن العىس ايتتى، قوناعاسىعا قاتىناسقان ءار ەلدىڭ جۇڭگودا تۇراتىن ەلشىلەرىن، اسكەري ءمانساپتىلارىن جانە ولاردىڭ حانىمدارىن، سونداي – اق باسقا دا سيلى قوناقتاردى قارسى الاتىنىن ءبىلدىردى.
كەلۋ قاينارى: حالىق تورابى
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
