مەملەكەتتى، ارميانى قۇدىرەتتەندىرۋدىڭ تىڭ داستانىن جازۋعا قۇلشىنايىق
ــ باس شۋجي شي جينپيڭنىڭ جۇڭگو حالىق ازاتتىق ارمياسى قۇرىلعانىنىڭ 90 جىلدىعىن قۇتتىقتاۋعا ارنالعان اسكەري پاراتتى كوزدەن كەشىرگەندەگى ماڭىزدى ءسوزى جەر – جەردەگى كادرلار مەن جۇرتشىلىق اراسىندا كۇشتى اڭىس قوزعادى
2017.08.01 17:03 كەلۋ قاينارى : حالىق تورابى
جۇڭگو حالىق ازاتتىق ارمياسى قۇرىلعانىنىڭ 90 جىلدىعىن قۇتتىقتاۋعا ارنالعان اسكەري پارات 30 – شىلدەدە زۇركى بىرلەسكەن جاتتىعۋ بازاسىندا سالتاناتپەن وتكىزىلدى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ اسكەري پاراتتى كوزدەن كەشىردى ءارى ماڭىزدى ءسوز سويلەدى.
باس شۋجي شي جينپيڭنىڭ ماڭىزدى ءسوزى جەر – جەردەگى كادرلار مەن جۇرتشىلىق اراسىندا كۇشتى اڭىس قوزعادى. كوپشىلىك بىلاي دەستى: باس شۋجي شي جينپيڭنىڭ ماڭىزدى ءسوزىنىڭ رۋحىن ىشكەرىلەي ۇيرەنىپ، ۇعىنۋىمىز كەرەك، ارميا مەن حالىق قول ۇستاسىپ، نيەتتەس بولىپ، ارميانى قۇدىرەتتەندىرىپ، گۇلدەندىرۋدىڭ، مەملەكەتتى بايىتىپ، حالىقتى تىنىش تۇرمىسقا كەنەلتۋدىڭ، بەيبىتشىلىكتى قورعاۋدىڭ قۇدىرەتتى كۇشىن ۇيىستىرۋى كەرەك.
پارتيا مەن حالىق قاھارمان ارمياسىمەن ماقتانادى
30 – شىلدە تاڭەرتەڭ. ىشكى موڭعۇلدىڭ بايانحونگر گاجا دەگەن جەرىندەگى 50 جاستاعى گىرىل ءۇي ىشىندەگىلەرمەن بىرگە تەلەۆيزوردىڭ الدىنا جينالدى. ولار ءبىر جاعىنان تەلەۆيزورداعى تىكەلەي بەرىلىمدى كورسە، ءبىر جاعىنان تەرەزە سىرتىنا مويىن بۇرىپ قارايدى، كوك جۇزىنەن زىمىراپ ءوتىپ جاتقان سوعىس ۇشاقتارى ءدال سول ساتتە تەلەۆيزوردا بەرىلىپ جاتقان كورىنىسپەن بىردەي ەدى.
گىرىل اسەرلەنىپ بىلاي دەدى: «كورىنىسى توتەنشە ايباتتى، اسىرەسە، ءار تۇردەگى وزىق اسكەري جابدىقتاردى كورىپ ەرەكشە اسەرلەندىك، باس شۋجي شي جينپيڭنىڭ ماڭىزدى ءسوزىن تىڭداپ، حالىق ارمياسىنىڭ قۇدىرەتتەنگەنىن سەزىنىپ، بەيىت داۋىردە باقىتتى دا تىنىش تۇرمىس كەشىرىپ وتىرعانىمىزعا شاتتانۋدامىز، جۇڭگولىق بولعانىمدى شەكسىز ماقتانىش سەزىنەمىن».
شاندۇڭ ولكەسى دۇڭيىڭ قالاسى گۋاڭراۋ اۋدانى شيليۋ قىستاعىنىڭ تۇرعىنى دۇڭ شىچيڭ بيىل 87 جاستا، كەزىندە جاپون شاپقىنشىلارىنا قارسى سوعىسقا جانە ازاتتىق سوعىسىنا قاتىناسقان. قارت جاۋىنگەر تەلەۆيزورداعى تىكە بەرىلىمدى كورىپ اسەرلەنە وتىرىپ بىلاي دەدى: «باس شۋجي شي جينپيڭ ماڭىزدى سوزىندە ءبىزدىڭ جۇرەك ءسوزىمىزدى ءدال جەتكىزدى، حالىق ارمياسى ءبىر قادام، ءبىر قادامنان بۇگىنگە جەتىپ، داڭقتى ءداستۇردى ۇرپاقتان – ۇرپاققا جالعاستىردى، قازىر ازاتتىق ارميا جابدىق، ادام ساپاسى، شايقاس قۋاتى جاقتارىنان بيىك دەڭگەيگە كوتەرىلدى، بارلىق شاپقىنشى جاۋدى جويىپ، مەملەكەتتىڭ، حالىقتىڭ تىنىشتىعىن قامتاماسىزداندىرا الادى، وتانىمىزدىڭ گۇلدەنىپ – قۇدىرەتتەنگەنىنە ماقتانامىن، وتانىمىزدىڭ وسىنداي قۇدىرەتتى ارمياسىنا ماقتانامىن».
كەلۋ قاينارى: حالىق تورابى
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
