جاڭا قۇرىش قورعان سوعايىق
ــ جۇڭگو حالىق ازاتتىق ارمياسى قۇرىلعانىنىڭ 90 جىلدىعىن قۇتتىقتايمىز
2017.08.01 17:04 كەلۋ قاينارى : حالىق تورابى
ارميا تۋى جەلبىرەپ، شايقاس جىرى اۋەلەدى. ارميانى قۇدىرەتتەندىرىپ، گۇلدەندىرۋگە نىق قادام تاستاعان ساتتە جۇڭگو حالىق ازاتتىق ارمياسى ارميا قۇرىلعانىنىڭ 90 جىلدىعىن قارسى الدى. 90 جىلدان بەرى ۇلتتىڭ تاۋەلسىزدىگى، حالىقتىڭ ازاتتىعى، مەملەكەتتىڭ بايىپ – قۇدىرەتتەنۋى جولىندا وشپەس ۇلەس قوسقان حالىقتىڭ پەرزەنت اسكەرلەرىن قىزۋ قۇتتىقتايمىز! قورعانىس جانە ارميا قۇرىلىسى ءۇشىن ۇلەس قوسقاندارعا قۇرمەت بىلدىرەمىز!
«حالىقتىڭ ارمياسى بولماسا، حالىقتىڭ ەشنارسەسى بولماق ەمەس». 90 جىلدىڭ الدىنداعى نانچاڭ كوتەرىلىسىنىڭ مىلتىق ءۇنى جۇڭحۋا ۇلتتارىنىڭ ازاپتى كۇندەرگە قوش ايتىپ گۇلدەنىپ – كوركەيۋگە قادام تاستاۋىنىڭ بەتاشارىن اشتى. حالىق ارمياسى قۇرىلدى. جۇڭگو كوممۋنيستىك پارتياسى سودان باستاپ ءوزىنىڭ مۇلدەمدىك باسقارۋىنداعى، توڭكەرىستىك، ساياسي مىندەتتى ادالدىقپەن اتقاراتىن قارۋلى كۇشكە يە بولدى، جۇڭگو حالقى سودان باستاپ وزىمەن ەتەنە بايلانىسى بار، بۇكىل ىنتا – پەيىلىمەن حالىق ءۇشىن قىزمەت ىستەيتىن پەرزەنت اسكەرلەرگە يە بولدى، جۇڭحۋا ۇلتتارى سودان باستاپ تاۋەلسىزدىكتى، ازاتتىقتى جانە ۇلى گۇلدەنۋدى ىسكە اسىرۋدىڭ مىعىم تىرەگىنە يە بولدى.
سول كەزدەن باستاپ ولار جيڭگاڭ تاۋىنان جولعا شىعىپ، ادامزات تاريحىندا سيرەك ۇشىرايتىن ون مىڭ شاقىرىمدىق ۇزاق جورىقتى باسىپ، جاپا – ماشاقاتتى جەڭىپ، قان كەشە شايقاس جۇرگىزىپ، شاپقىنشىلارعا قارسى 14 جىلدىق سوعىستى باستان وتكەرىپ، «توڭكەرىس سوڭىنا دەيىن جالعاستىرىلعان» ازاتتىق سوعىسىن جۇرگىزىپ، شەكارانى قورعاۋ، جاۋدان ساقتانۋ، قۇرىلىس جۇرگىزۋ، رەفورما جورىعىنا اتتانۋ سياقتى داڭقتى بارىستاردى باسىپ ءوتتى، ارميا شاعىننان زورايىپ، السىزدەن كۇشەيدى. ول حالىق رەسپۋبليكاسىنىڭ مىعىم نەگىزىن قالاپ، بەيبىتشىلىكتى قورعاۋ، حالىق ءۇشىن قىزمەت وتەۋ اۋىر جۇگىن ارقالادى. تاياۋ زامان تاريحىندا اياۋسىز قورلانعان جۇڭگو ەندى «ارمياسى بولسا دا كۇش – قۇدىرەتى بولماۋ، مەملەكەتى بولسا دا قورعانىسى بەكەم بولماۋ» جايتىنەن الاڭدامايتىن بولدى، جۇڭگو حالقى شاتتىققا شومىپ، تىنىشتىقتان يگىلىكتەندى. رەسپۋبليكانىڭ تاريحىن پاراقتاساق، حالىقتىڭ پەرزەنت اسكەرلەرى وتاندى قورعاپ، شەكارا ءوڭىردى گۇلدەندىرگەن، قاتەردەن جانە اپاتتان شۇعىل قۇتقارعان، مۇھاجىرلاردى قايتارىپ الىپ كەلگەن، تەڭىز قاتىناسىن قورعاپ، حالىقارالىق بەيبىتشىلىكتى ساقتاۋ مىندەتىن اتقارعان، قايدا قيىنشىلىق بولسا سول جەرگە بارعان، قايسى جەر حالىق ارمياسىنا مۇقتاج بولسا، سول جەر ولاردىڭ جانيقارلىقپەن كۇرەس جۇرگىزەتىن شايقاس الاڭىنا اينالعان. ولار قالتقىسىز ۇلەس قوسۋ رۋحىمەن، قۇربان بولۋدان قايتپايتىن ەرلىكتەرىمەن شەكسىز داڭققا بولەنگەن، ولاردىڭ ۇلەسى حالىقتىڭ كوڭىلىنەن ماڭگىلىك ورىن العان. ولار، بەينە، سىزات تۇسپەيتىن قۇرىش قورعان سەكىلدى. پارتيامىز وسىنداي قاھارمان حالىق ارمياسىنىڭ بولعانىنا ماقتانادى! بۇكىل ەلدەگى ءار ۇلت حالقى وسىنداي ەرجۇرەك حالىق ارمياسىنىڭ بولعانىنا ماقتانادى!
كەلۋ قاينارى: حالىق تورابى
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
