جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىن قۇتتىقتاۋ بايلانىسىمەن وتكىزىلگەن اسكەري پاراتتا سويلەنگەن ءسوز
(2017 - جىلى 30 - شىلدە)
شي جينپيڭ
2017.08.02 15:38 كەلۋ قاينارى : شينجياڭ گازەتى
جولداستار:
بۇگىن ءبىز بۇل جەردە سالتاناتتى مايداندىق اسكەري پارات وتكىزىپ، جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىن قۇتتىقتاپ وتىرمىز.
90 جىلدىڭ الدىندا نانچاڭ قالاسىندا اتىلعان مىلتىق ءۇنى جۇڭگودا جۇڭگو كوممۋنيستىك پارتياسى باسشىلىق ەتەتىن جاڭا حالىق ارمياسى دۇنيەگە كەلگەنىن جاريالادى. 90 جىلدان بەرى، حالىق ارمياسى پارتيا تۋىن بيىك ۇستاپ، وتاننىڭ بايتاق دالاسىنا نىق تابان تىرەپ، ۇلتتىڭ ءۇمىتىن ارقالاپ، قان كەشە شايقاس جۇرگىزىپ، ەرلىكپەن العا ۇمتىلىپ، بارلىق جاۋدى جەڭىپ، بارلىق قيىندىقتى ەڭسەرىپ، جۇڭگو حالقىنىڭ ەڭسە كوتەرۋى، بايۋى، قۇدىرەتتەنۋى ءۇشىن وشپەس ەڭبەك كورسەتتى.
تاريح ءبىزدىڭ حالىق ارميامىز دەسە دەگەندەي پارتيانىڭ قولباسشىلىعىنا بويسۇناتىن قاھارمان ارميا ەكەنىن، دەسە دەگەندەي وتاننىڭ ءۇمىتىن ادالدىقپەن اقتايتىن قاھارمان ارميا ەكەنىن، دەسە دەگەندەي جۇڭحۋا ۇلتىنىڭ ۇلى گۇلدەنۋى ءۇشىن ەرلىكپەن كۇرەس جۇرگىزەتىن قاھارمان ارميا ەكەنىن تولىق دالەلدەدى. پارتيامىز وسىنداي ەرجۇرەك ارمياسى بولعانىن ماقتان ەتەدى! بۇكىل ەلدەگى ءار ۇلت حالقى وسىنداي ەرجۇرەك ارمياسى بولعانىن ماقتان ەتەدى!
بەيبىتشىلىكتىڭ يگىلىگىن كورۋ −− حالىقتىڭ باقىتى، بەيبىتشىلىكتى قورعاۋ −− حالىق ارمياسىنىڭ جاۋاپكەرشىلىگى. الەم ءالى بەيبىت ەمەس، بەيبىتشىلىك قورعاۋعا مۇقتاج. بۇگىن ءبىز جۇڭحۋا ۇلتىنىڭ ۇلى گۇلدەنۋى سىندى نىساناعا تاريحتاعى ءارقانداي كەزدەگىدەن دە جاقىنبىز، ءبىز قۇدىرەتتى حالىق ارمياسىن قۇرۋعا تاريحتاعى ءارقانداي كەزدەگىدەن دە ارتىق ءزارۋمىز. ءبىز پارتيانىڭ ارميانى قۇدىرەتتەندىرۋ يدەياسىن ىشكەرىلەي دايەكتىلەندىرىپ، ارميانى قۇدىرەتتەندىرۋدىڭ جۇڭگوشا جولىمەن جۇرۋگە بۇلجىماي تاباندى بولىپ، پارتيانىڭ جاڭا جاعدايداعى ارميانى قۇدىرەتتەندىرۋ نىساناسىن جۇزەگە اسىرۋعا قۇلشىنۋىمىز، حالقىمىزدىڭ ەرجۇرەك ارمياسىن الەم بويىنشا ماڭداي الدى ارميا ەتىپ قۇرىپ شىعۋىمىز كەرەك.
بۇكىل ارمياداعى وفيتسەر مەن جاۋىنگەرلەر! سىزدەر پارتيانىڭ ارمياعا ابسوليۋتتى باسشىلىعى سىندى ءتۇبىرلى پرينسيپكە جانە تۇزىمگە بۇلجىماستان تاباندى بولىپ، ءارقاشان پارتيانىڭ سوزىنە قۇلاق اسىپ، پارتياعا ىلەسۋلەرىڭىز، پارتيا قايدا نۇسقاسا، سول جەرگە جورىق جاساۋلارىڭىز كەرەك.
بۇكىل ارمياداعى وفيتسەر مەن جاۋىنگەرلەر! سىزدەر بۇكىل ىنتا - پەيىلدەرىڭىزبەن حالىق ءۇشىن قىزمەت ەتۋ سىندى ءتۇبىرلى ماقساتقا بۇلجىماستان تاباندى بولىپ، قاشاندا حالىقپەن بىرگە بولىپ، حالىقتى ءارقاشان جۇرەكتە ساقتاپ، ماڭگى حالىقتىڭ پەرزەنت اسكەرى بولۋلارىڭىز كەرەك.
بۇكىل ارمياداعى وفيتسەر مەن جاۋىنگەرلەر! سىزدەر جاۋىنگەرلىك قۋات سىندى بىردەن - ءبىر ءتۇبىرلى ولشەمگە مىزعىماستان تاباندى بولىپ، نازاردى سوعىس دايىندىعىنا، سوعىس جۇرگىزۋگە شوعىرلاندىرىپ، شاقىرسا جەتىپ كەلەتىن، كەلە سالىسىمەن سوعىسقا كىرىسەتىن، سوعىسسا، ءسوز جوق، جەڭەتىن تاڭداۋلى سارباز تاربيەلەپ، تەگەۋرىندى قوسىن جاساقتاۋلارىڭىز كەرەك.
بۇكىل ارمياداعى وفيتسەر مەن جاۋىنگەرلەر! سىزدەر ساياسيدى باسشىلىققا الىپ ارميا قۇرۋعا، رەفورما ارقىلى ارميانى قۇدىرەتتەندىرۋگە، عىلىم - تەحنيكا ارقىلى ارميانى كوركەيتۋگە، ارميانى زاڭمەن جونگە سالۋعا مىزعىماي تاباندى بولىپ، مەملەكەت قورعانىسى مەن اسكەري قوسىنداردى وسىزامانداندىرۋ قۇرىلىسىنىڭ دەڭگەيىن جاپپاي جوعارىلاتۋلارىڭىز كەرەك.
مەن ءبىزدىڭ ەرجۇرەك قوسىنىمىزدا سۇعاناقتىق جاساپ كىرگەن ءارقانداي جاۋدى جەڭەتىن سەنىمى دە، قۋاتى دا بار ەكەنىنە كامىل سەنەمىن! ءبىزدىڭ ەرجۇرەك قوسىنىمىزدىڭ مەملەكەتتىڭ يەلىك ۇقىعىن، حاۋىپسىزدىگىن، دامۋ مۇددەسىن قورعايتىن سەنىمى دە، قۋاتى دا بار ەكەنىنە كامىل سەنەمىن! ءبىزدىڭ ەرجۇرەك قوسىنىمىزدىڭ ارميانى قۇدىرەتتەندىرۋ ءىسىنىڭ جاڭا تاراۋىن جازىپ، «قوس 100 جىلدىق» كۇرەس نىساناسىن جۇزەگە اسىرۋ ءۇشىن، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ ءۇشىن، دۇنيە ءجۇزىنىڭ بەيبىتشىلىگىن قورعاۋ ءۇشىن، تىڭ، ءتىپتى دە كەسەك ۇلەس قوساتىن سەنىمى دە، قۋاتى دا بار ەكەنىنە كامىل سەنەمىن!
(شينحۋا اگەنتتىگىنىڭ 30 - شىلدەدە ىشكى موڭعۇلدىڭ زۇركىنان بەرگەن حابارى)
كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
