لي كىچياڭ مەملەكەتتىك كەڭەستىڭ ۇنەمىلىك ىستەر ءماجىلىسىن باسقارىپ اشتى
2017.08.24 16:26 كەلۋ قاينارى : حالىق تورابى
شينحۋا اگەنتتىگى، 23 – تامىز، بەيجيڭ. مەملەكەتتىك كەڭەستىڭ زۇڭليى لي كىچياڭ 23 - تامىزدا مەملەكەتتىك كەڭەستىڭ ۇنەمىلىك ىستەر ءماجىلىسىن باسقارىپ اشتى. ماجىلىستە ورتالىق كاسىپورىندارىنىڭ رەفورماسىن تەرەڭدەتىپ، سۇيمەندىك شاماسىن تومەندەتۋدى ىلگەرىلەتۋ قىزمەتى ورنالاستىرىلىپ، كاسىپورىنداردىڭ ساپاسىن جوعارىلاتىپ، ونىمدىلىگىن ارتتىرۋ جەبەلدى؛ جارنا ۇقىعى، كەسىكتى ساۋدا ۇقىعى جانە پايدانى ءبولۋ سياقتى شابىتتاندىرۋ ساياساتىنىڭ تياناقتانۋى، عىلمي زەرتتەۋ نىساندارى مەن قاراجاتىن باسقارۋ ءتۇزىم رەفورماسىنىڭ اياق الىس جاعدايى جونىندەگى دوكلاد تىڭدالىپ، دامۋ قوزعاۋشى كۇشىندە جاڭالىق جاراتۋ نىعايتىلدى.
ماجىلىستە بىلاي دەلىندى: ورتالىق كاسىپورىندارى ــ حالىق شارۋاشىلىعىنىڭ تىرەگى، مەملەكەت مەنشىگىندەگى كاسىپورىندار رەفورماسىندا جەتەكشىلىك جانە ۇلگىلىك رول اتقارادى. پارتيا ورتالىق كوميتەتىنىڭ، مەملەكەتتىك كەڭەستىڭ ورنالاستىرۋلارى بويىنشا، ورتالىق كاسىپورىندارى جاڭا دامۋ تانىمىن دايەكتىلەندىرىپ، رەفورمانى ءۇرتىس تەرەڭدەتىپ، قامداۋ تۇرىندەگى قۇرىلىمدىق رەفورمانى ىشكەرىلەي ىلگەرىلەتىپ، قالىپتان تىس اسىپ، قاتاردان قالعان مەشەۋ ءوندىرىس قۋاتىن ازايتۋ، قارىز قاتەرىنەن ساقتانۋ، ساپانى جوعارىلاتىپ، ونىمدىلىكتى ارتتىرۋدى جەبەۋ، وزەكتى باسەكە قۋاتىن جوعارىلاتۋ جاقتارىندا بەلسەندى ونىمدىلىككە قول جەتكىزدى، تيجارات جاعدايى كورنەكتى جاقساردى، بيىل الدىڭعى 7 ايدا ورتالىق كاسىپورىندارىنىڭ پايدا جالپى سوماسى وتكەن جىلدىڭ ۇقساس مەزگىلىندەگىدەن %16.4 ارتتى، بۇل كورسەتكىش بىلتىر الدىنداعى جىلدىڭ ۇقساس مەزگىلىندەگىدەن %3.7 تومەندەگەن بولاتىن، مۇلىكتە قارىزدانۋ شاماسى جىل باسىنداعىدان 0.2 پايىز تومەندەدى، ساپانى جوعارىلاتىپ، ونىمدىلىكتى ارتتىرۋدان قامال الۋ شايقاسىندا كەزەڭدىك تابىسقا قول جەتكىزىلدى، ناتيجە وڭاي – وسپاق قولعا كەلگەن جوق. قازىر ورتالىق كاسىپورىندارىنىڭ ونىمدىلىگى جوعارىلاعان ءتيىمدى ءساتتى ويداعىداي يگەرىپ، ورتالىق كاسىپورىندارىنىڭ سۇيمەندىك شاماسىن تومەندەتۋدى ماڭىزدى قىزمەت رەتىندە يگەرىپ، ورتالىق كاسىپورىندارىنىڭ قارىز شاماسىن تومەندەتۋ قىزمەتىن جاقسى ىستەۋ كەرەك. بىرىنشىدەن، قارىزعا سالالار بويىنشا جاۋاپتى بولۋدا ساقتىق سىزىعىن باسقارۋدىڭ قاتاڭ ءتۇزىمىن ورناتۋ كەرەك. ساقتىق سىزىعىنان جوعارى تۇرعان كاسىپورىنداردىڭ جىلدىق شارۋاشىلىق جۇرگىزۋ ناتيجەسىن باعالاۋ بارىسىندا مۇلىكتە قارىزدانۋ شاماسىنىڭ ۇقىق سالماعىن ارتتىرۋ ءارى نەگىزگى كاسىپكە قارجى قوسۋدى قاتاڭ مەڭگەرۋ، قوسىمشا كاسىپكە قارجى قوسۋدى قاتاڭ تەجەۋ، قارىزدى كوبەيتەتىن قارجىلاندىرۋ نىساندارىن ورنالاستىرۋدى شەكتەۋ كەرەك. ەكىنشىدەن، كاسىپورىنداردىڭ قارىزىن كوپتەگەن جولمەن ازايتۋ مەحانيزمىن ورناتۋ كەرەك. ونىمدىلىگىنىڭ ارتۋى ءبىرشاما تەز كاسىپورىندارعا قاراتا ولاردىڭ قالىپتى ءوندىرىس، تيجاراتقا كەپىلدىك ەتۋ العى شارتىندا پايدانىڭ ءمالىم ۇلەسىنەن پايدالانىپ قارىزدى ازايتۋىنا قۋزاۋشىلىق ەتۋ كەرەك. قارىزى ساقتىق شەگىنەن تومەن نەمەسە پايدا تابۋ قۋاتى ءبىرشاما مىعىم كاسىپورىندارعا قاراتا ولاردىڭ تاريحتان قالعان كونە ماسەلەلەردى ىرىقتىلىقپەن شەشۋىنە شابىت بەرۋ كەرەك. ۇشىنشىدەن، قارىزدى جارناعا جاتقىزۋدى بازارلاندىرۋ، زاڭمەن باسقارۋ جولىمەن بەلسەندى دە ورنىقتى ىلگەرىلەتۋ، قول قويىلعان جۇلگەلىك كەلىسىمنىڭ جەدەل تياناقتانۋىن قۋزاۋ كەرەك. دامۋ بولاشاعى جاقسى، قارىزدى جارناعا جاتقىزۋ نيەتى بار ورتالىق كاسىپورىندارىنىڭ ۇلگىدە جاڭالىق جاراتۋىن ىلگەرىلەتۋ، قارىزدى جارناعا جاتقىزۋدى تەزدەتۋ كەرەك. تورتىنشىدەن، جاۋاپكەرلىكتى قۋزاۋدى كۇشەيتۋ، قارىزى ءۇرتىس كوبەيگەن كاسىپورىندارعا ەسكەرتۋ بەرىپ، اۋىر زيان نەمەسە ناشار ىقپال تۋدىرعاندارىنىڭ جاۋاپكەرلىگىن قاتاڭ قۋزاۋ كەرەك. جەرگىلىكتى ورىندارمەن سەلبەسكەن نىسانداردا جەرگىلىكتى ۇكىمەتتىڭ كومەسكى قارىزىن كوبەيتىپ جىبەرۋدەن قاتاڭ ساقتانۋ كەرەك. بەسىنشىدەن، جاڭا، كونە قوزعاۋشى كۇشتەردىڭ الماسۋىن ىلگەرىلەتۋ بارىسىندا كاسىپتىڭ تيپتە بۇرىلىس جاساۋ نەگىزىندە دارەجەسىنىڭ جوعارىلاتىلۋىن جانە سۇيمەندىك شامانى تومەندەتۋدى ىسكە اسىرۋ كەرەك. ءونىمدى شارا قولدانىپ بيىلعى بولات – تەمىر، كومىر كاسىپتەرىندەگى قالىپتان تىس اسىپ قالعان ءوندىرىس قۋاتىن ازايتۋ، سۇلدەرى قالعان كاسىپورىنداردى ءبىر جاقتى ەتۋ، قيىنشىلىعى اۋىر كاسىپورىنداردى جونگە سالۋ سياقتى قىزمەت مىندەتتەرىن ورىنداپ بولۋعا كەپىلدىك ەتۋ كەرەك. وت ەلەكتر، ەلەكتروليزدىك اليۋمين، قۇرىلىس ماتەريالدارى سياقتى كاسىپتەردە ءونىم مولشەرىن ازايتۋ، ءوندىرىس قۋاتىنىڭ تىڭنان ارتۋىن قاتاڭ تەجەۋ كەرەك. «جۇڭگو جاساۋ كاسىبىنىڭ 2025 - جىلعا دەيىنگى جوسپارىن» جانە «عالامتور +» شاراسىن ىشكەرىلەي اتقارىپ، جاڭا كاسىپتى، جاڭا كاسىپ كۇيىن، جاڭا ۇلگىنى بەلسەندىلىكپەن دامىتىپ، ءداستۇرلى قوزعاۋشى كۇشتىڭ دەڭگەيىن جوعارىلاتىپ، سيفرلانۋعا، توراپتانۋعا، زەيىندەنۋگە قاراي بۇرىلىس جاساۋدى تەزدەتىپ، دامۋ كومەسكى كۇشىن نىعايتۋ كەرەك. ماجىلىستە ورتالىق كاسىپورىندارىنىڭ سۇيمەندىك شاماسىن تومەندەتىپ، قارىزىن ازايتۋدى ىشكەرىلەي بەلسەندىلىكپەن ورنىقتى ىلگەرىلەتۋدەگى جەتەكشى پىكىردى بەلگىلەپ، ورتالىق كاسىپورىندارىنىڭ مۇلىكتە قارىزدانۋ شاماسىن جالپى جاقتان ورنىقتىلىق نەگىزىندە تومەندەتۋدى ىلگەرىلەتىپ، قارىزى كوپ كاسىپورىنداردىڭ قارىزىنىڭ بىرتىندەپ ۇيلەسىمدى دەڭگەيگە تومەندەۋىن جەبەۋ تالاپ ەتىلدى.
كەلۋ قاينارى: حالىق تورابى
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
