سىرتقى ىستەر مينيسترلىگى ءۇندىستاننىڭ جۇڭگو – ءۇندىستان شەكاراسىنىڭ باتىس بولەگىندە جول سالا باستاعانىنا پىكىر ءبىلدىردى
2017.08.25 13:36 كەلۋ قاينارى : حالىق تورابى
شينحۋا اگەنتتىگى، 24 – تامىز، بەيجيڭ (يان زىمين) سىرتقى ىستەر مينيسترلىگىنىڭ مالىمدەمەشىسى حۋا چۇنيڭ 24 – تامىزدا ءۇندىستاننىڭ جۇڭگو – ءۇندىستان شەكاراسىنىڭ باتىس بولەگىندەگى ناقتى مەڭگەرۋ سىزىعى ماڭىندا جول سالۋدى ماقۇلداعانى تۋرالى پىكىر ءبىلدىرىپ، بۇل ارەكەتتىڭ جۇڭگو – ءۇندىستان شەكاراسىنىڭ باتىس بولەگىنىڭ بەيبىتشىلىگى مەن ورنىقتىلىعىن قورعاۋعا، ەكى ەلدىڭ قازىرگى تاڭداعى شەكارا وڭىردەگى جاعدايىن باسەڭدەتۋگە ءتيىمسىز ەكەنىن ايتتى.
سول كۇنى وتكىزىلگەن كەزەكتى تىلشىلەردى قابىلداۋ جيىنىندا، ءتىلشى بىلاي دەپ سۇرادى: «ءۇندىستان ۋاقىت گازەتىنىڭ» حابارلاۋىنشا، جۋىردا ءۇندىستان ىشكى ىستەر مينيسترلىگى مارسميكلادان رىچۋانعا دەيىن تاس جول سالۋدى ماقۇلداعان. مارسميكلادان بانگۇڭ كولىنىڭ سولتۇستىگىنە دەيىن تەك 20 كيلومەتر عانا. ءۇندىستان اقپارات قۇرالدارىنىڭ ايتۋىنشا، بۇل تاس جول سالىنىپ بولعاننان كەيىن، ءۇندىستاننىڭ شالعاي وڭىرلەرىندەگى حاۋىپسىزدىك قوسىندارىن جۇڭگو مەن ءۇندىستاننىڭ شەكاراسىنداعى تالاس تۋىلعان جەرمەن بايلانىستىرىپ، «ءۇندىستان شەكارا قورعانىس قوسىندارىنىڭ باسىمدىلىعىنا كەپىلدىك ەتەدى»، بۇل تۋرالى جۇڭگو قانداي پوزيتسيادا؟
حۋا چۇنيڭ بىلاي دەدى: بۇل حابار ارقىلى ءۇندىستاننىڭ ءبىر ءسوزى ەندى ءبىر سوزىنە قاراما – قايشى ەكەنىن كورىپ الۋعا بولادى، جۇڭگو ءوزىنىڭ تەرريتورياسىندا جول سالعان كەزدە، ءۇندىستان اتالمىش «حاۋىپسىزدىككە ساياتىن ءىس» دەگەن جەلەۋمەن شەكارادان زاڭسىز ءوتىپ، جول سالۋعا كەدەرگىلىك جاساعان بولاتىن. قازىر ءۇندىستاننىڭ بۇلاي ىستەۋى جۇڭگو – ءۇندىستان شەكاراسىنداعى ماسەلەدە ءۇندىستاننىڭ ءسوزى مەن ارەكەتى ءبىر جەردەن شىقپاي، ءبىر – بىرىنە قاراما - قارسى كەلىپ، الدىندا ايتقانى مەن كەيىنگى ارەكەتى سايكەسپەي قالعانىن تاعى ءبىر رەت دالەلدەدى.
حۋا چۇنيڭ بىلاي دەدى: مەن مىنانى قايتالاي دارىپتەيمىن: جۇڭگو – ءۇندىستان شەكاراسىنىڭ باتىس بولەگى ءالى دە بەكىتىلمەگەن. جۇڭگو مەن ءۇندىستان شەكارا ماسەلەسى شەشىلۋدەن بۇرىن، شەكارا ءوڭىردىڭ ورنىقتىلىعى مەن تىنىشتىعىن بىرگە قورعاۋعا ماقۇل بولعان، ءۇندىستان شەكارانىڭ باتىس بولەگىندەگى ناقتى مەڭگەرۋ سىزىعىنىڭ ماڭىندا اسكەري ماقساتتاعى نەگىزدىك قۇرىلعى سالماقشى بولۋدا، بۇل جۇڭگو – ءۇندىستان شەكاراسىنىڭ باتىس بولەگىنىڭ بەيبىتشىلىگى مەن ورنىقتىلىعىن قورعاۋعا، ەكى ەلدىڭ قازىرگى تاڭداعى شەكارا وڭىردەگى جاعدايىن باسەڭدەتۋگە ءتيىمسىز.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
