شي جينپيڭ تەبىندى ەلدەر ساۋدا - ونەركاسىپشىلەر تالقى مىنبەسىنىڭ اشىلۋ سالتىنا قاتىناستى ءارى ارقاۋ ءسوز سويلەدى
تەبىندى ەلدەر سەلبەستىگىنىڭ ەكىنشى 10 جىلدىعىندا قوماقتى تابىسقا قول جەتكىزۋدى دارىپتەدى
2017.09.04 16:07 كەلۋ قاينارى : حالىق تورابى
«حالىق گازەتى»، 3 - قىركۇيەك، شيامىن (تىلشىلەر دۋ شاڭزى، جاۋ چىڭ، ياڭ شۇن). مەملەكەت ءتوراعاسى شي جينپيڭ 3 - قىركۇيەكتە شيامىن حالىقارالىق كورمە ورتالىعىندا تەبىندى ەلدەر ساۋدا - ونەركاسىپشىلەر تالقى مىنبەسىنىڭ اشىلۋ سالتىنا قاتىناستى ءارى «تەبىندى ەلدەر سەلبەستىگىنىڭ ەكىنشى 10 جىلدىعىندا قوماقتى تابىسقا قول جەتكىزەيىك» دەگەن تاقىرىپتا ارقاۋ ءسوز سويلەپ، تەبىندى ەلدەر سەلبەستىگىنىڭ ەكىنشى 10 جىلدىعىندا قوماقتى تابىسقا قول جەتكىزۋدى، سەلبەستىك تابىسىمەن 5 ەل حالقىنا يگىلىك جاراتۋدى، دۇنيە ءجۇزىنىڭ بەيبىتشىلىگى مەن دامۋىنا، ءار ەل حالىقتارىنا باقىت جاراتۋدى دارىپتەدى.
تۇستەن كەيىن ساعات 3 جارىم مولشەرىندە شي جينپيڭ شاتىرلاعان شاپالاق ۇنىمەن بىرگە ءماجىلىس الاڭىنا كىردى. شي جينپيڭ ارقاۋ سوزىندە بىلاي دەدى: تەبىندى ەلدەر سەلبەستىگى قازىر الدىڭعىعا مۇراگەر بولىپ، كەيىنگىگە جول سالۋدىڭ شەشۋشى ساتىندە تۇر. وتكەن 10 جىلدىقتا تەبىندى ەلدەر قول ۇستاسا العا باسىپ، دۇنيە ءجۇزى ەكونوميكاسىنىڭ جاڭا كورىنەۋ ءتۇيىنىن قالىپتاستىردى. 10 جىلدا تەبىندى ەلدەر ىزدەنىس بارىسىندا العا باسىپ، بىرگە دامۋ جولىندا تالپىندى؛ ناقتى جۇمىس ءبىتىرۋدى الدىڭعى ورىنعا قويىپ، ءتيىمدى سەلبەستىكتى ىلگەرىلەتتى؛ باتىلدىقپەن جاۋاپكەرلىك ارقالاپ، حالىقارالىق ساحنادا بەلسەندى رولىن ساۋلەلەندىردى. بارابار مامىلە جاساۋ، ورتاقتىققا تالپىنىپ، ەرەكشەلىكككە دە قۇرمەت ەتۋ، ناقتى ىستەپ جاڭالىق جاراتۋ، سەلبەستىك جاساپ بىرگە يگىلىكتەنۋ، دۇنيە جۇزىنە قۇشاق جايىپ، اڭعارلى بولۋ تەبىندى ەلدەر رۋحىنىڭ ناقتى بەينەلەنۋى، تەبىندى 5 ەلدىڭ 10 جىل سەلبەستىك جاساپ شوعىرلاندىرعان ورتاق قۇن بەتالىسى سانالادى. قازىر تەبىندى ەلدەردىڭ ۇزدىكسىز العا باسىپ، دامۋداعى كومەسكى كۇشى مەن اۋقىمى وزگەرگەن جوق. ءبىز بۇعان تولىق سەنىمدىمىز.
شي جينپيڭ مىنالاردى دارىپتەدى: بولاشاقتا تەبىندى ەلدەر ەكونوميكانى دامىتىپ، سەلبەستىكتى نىعايتۋدا ماڭىزدى مىندەتكە ءدوپ كەلەدى. ءبىز تەبىندى ەلدەر سەلبەستىگىنىڭ ەكىنشى 10 جىلدىعىندا قوماقتى تابىسقا قول جەتكىزۋىمىز كەرەك.
شي جينپيڭ مىنالاردى دارىپتەدى: ساۋدا - ونەركاسىپ سالاسى تەبىندى ەلدەر ەكونوميكاسىنىڭ دامۋىنداعى نەگىزگى قوسىن سانالادى. 10 جىلدان بەرى ساۋدا - ونەركاسىپ سالاسىنداعى قايراتكەرلەر كاسىپورىنداردىڭ دامۋىن تەبىندى ەلدەردىڭ سەلبەستىگىمەن توعىستىرىپ، تەبىندى ەلدەردىڭ ەكونوميكالىق ارىپتەستىك قاتىناسىن قالىپتاستىرۋعا ماڭىزدى ۇلەس قوستى. ساۋدا - ونەركاسىپ سالاسىنىڭ ينفورماتسيا، تەحنيكا، قارجى جاقتارىنداعى ابزالدىقتارىن ساۋلەلەندىرىپ، ءوزارا پايدا جەتكىزىپ، ورتاق يگىلىككە كەنەلتەتىن، مەملەكەتكە، حالىققا يگىلىك جاراتاتىن ءتىپتى دە كوپ ناقتى سەلبەستىك نىسانىن ورىستەتىپ، ەكونوميكانىڭ، قوعامنىڭ دامۋىن جەبەۋ، حالىققا باقىت جاراتۋ بارىسىندا ءتىپتى دە زور ۇلەس قوسۋىن ءۇمىت ەتەمىن.
شي جينپيڭ ەڭ سوڭىندا بىلاي دەدى: تەبىندى ەلدەر ەندى ومىرشەڭدى قۋاتى ءتىپتى دە زور ەكىنشى 10 جىلدىقتى قارسى الادى، بارلىعىمىز حالىقارالىق قوعاممەن بىرگە قۇلشىنىپ، سەلبەستىك تابىسىمەن 5 ەل حالقىنا يگىلىك جاراتايىق، دۇنيە ءجۇزىنىڭ بەيبىتشىلىگى مەن دامۋىنا، ءار ەل حالىقتارىنا باقىت جاراتايىق.
برزايليانىڭ پرەزيدەنتى تيمير، وڭتۇستىك افريكانىڭ پرەزيدەنتى زۋما، سونداي - اق قاتىستى حالىقارالىق ۇيىمداردىڭ جاۋاپتىلارى اشىلۋ سالتىنا قاتىناستى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
