تەبىندى ەلدەر باسشىلارىنىڭ 9 - كەزدەسۋى وتكىزىلدى
شي جينپيڭ كەزدەسۋدى باسقاردى ءارى ماڭىزدى ءسوز سويلەدى، تەبىندى ەلدەردىڭ سەرىكتەستىك قاتىناسىن جاپپاي تەرەڭدەتىپ، ءتىپتى دە نۇرلى بولاشاق جاراتۋدى دارىپتەدى
2017.09.05 16:44 كەلۋ قاينارى : حالىق تورابى
«حالىق گازەتى»، 4 – قىركۇيەك، شيامىن (تىلشىلەر جياڭ شىڭياڭ، لي ۋەيحۇڭ، جاۋ چىڭ). شينحۋا اگەنتتىگىنىڭ 4 - قىركۇيەكتە شيامىننان بەرگەن حابارى. تەبىندى ەلدەر باسشىلارىنىڭ 9 - رەتكى كەڭەسى 4 - قىركۇيەكتە شيامىنداعى حالىقارالىق ءماجىلىس ورتالىعىندا وتكىزىلدى. كەڭەستى مەملەكەت ءتوراعاسى شي جينپيڭ باسقاردى. وڭتۇستىك افريكانىڭ پرەزيدەنتى زۋما، برازيليانىڭ پرەزيدەنتى تيمير، رەسەيدىڭ پرەزيدەنتى پۋتين، ءۇندىستاننىڭ زۇڭليى مودي كەڭەسكە قاتىناستى. 5 ەل باسشىلارى «تەبىندى ەلدەردىڭ سەرىكتەستىك قاتىناسىن تەرەڭدەتىپ، اناعۇرلىم جارقىن بولاشاق اشۋ» نەگىزگى تاقىرىبىن توڭىرەكتەي وتىرىپ، قازىرگى حالىقارالىق جاعداي، دۇنيە ءجۇزى ەكونوميكاسىن جونگە سالۋ، تەبىندى ەلدەردىڭ سەلبەستىگى، حالىقارالىق جانە وڭىرلىك تولعاقتى ماسەلەلەر جونىندەگى كوزقاراستارىن ىشكەرىلەي ءبولىسىپ، تەبىندى ەلدەر سەلبەستىك جاساسقان 10 جىلعا قايىرىلا قاراپ، اشىق، سيىسىمدى بولۋ، سەلبەسە وتىرىپ تەڭ يگىلىككە كەنەلۋ سىندى تەبىندى ەلدەر رۋحىن قايتالاي دارىپتەپ، ءبىرسىپىرا ورتاق تانىمدارعا كەلىپ، تەبىندى ەلدەر سەلبەستىگىنىڭ بولاشاقتاعى دامۋ جوباسىن جاساپ، باعىت - باعدارىن ايقىن كورسەتىپ بەردى.
تۇستەن بۇرىنعى ساعات 9دان 50 مينۋت وتكەن مولشەردە تەبىندى ەلدەردىڭ باسشىلارى ءماجىلىس الاڭىنا ىركەس - تىركەس كەلىپ كىردى. شي جينپيڭ ىقىلاستى تۇردە قارسى الدى ءارى ولارمەن ءبىر - بىردەن قول الىسىپ امانداستى، ىلە - شالا توپتىق سۋرەتكە ءتۇستى.
كولەمدى ماجىلىستە شي جينپيڭ «تەبىندى ەلدەردىڭ سەرىكتەستىك قاتىناسىن تەرەڭدەتىپ، اناعۇرلىم جارقىن بولاشاق اشۋ» تاقىرىبىندا ماڭىزدى ءسوز سويلەپ، تەبىندى ەلدەردىڭ سەلبەستىگى باسىپ وتكەن 10 جىلدىق شۇعىلالى بارىسقا بەلسەندى باعا بەرىپ، تەبىندى ەلدەر سەلبەستىگىنىڭ ەكىنشى «التىن 10 جىلدىعىن» اشىپ، تەبىندى ەلدەر سەلبەستىگىنىڭ 5 ەل حالقىنا باقىت جاراتىپ، ءار ەل حالقىن يگىلىككە كەنەلتۋىنە مۇمكىندىك جاساۋدى دارىپتەدى.
شي جينپيڭ بىلاي دەپ اتاپ كورسەتتى: تەبىندى ەلدەر سەلبەستىگىنىڭ قارقىندى دامۋىنىڭ شەشۋشى ءتۇيىنى − ءوزارا قۇرمەت ەتىپ، ءوزارا قارايلاسىپ، قول ۇستاسىپ، ءوز ەلىنىڭ مەملەكەت جاعدايىنا ۇيلەسەتىن دامۋ جولىمەن ءجۇردى؛ اشىق، سيىسىمدى بولۋ، سەلبەسە وتىرىپ تەڭ يگىلىككە كەنەلۋ رۋحىن ۇستانىپ، ەكونوميكا، ساياسي، گۋمانيتارلىق سەلبەستىكتى بۇلجىتپاي، تاباندىلىقپەن العا ىلگەرىلەتتى؛ حالىقارالىق ادىلدىكتى، ادىلەتتى دارىپتەپ، بازارى جاڭادان گۇلدەنگەن ەلدەرمەن جانە دامۋ ۇستىندەگى ەلدەرمەن ءبىر جاعادان باس، ءبىر جەڭنەن قول شىعارىپ، تاماشا سىرتقى ورتانى بىرگە سومدادى.
شي جينپيڭ مىنالاردى دارىپتەدى: دۇنيە ءجۇزى اۋقىمىندا تەرەڭ دە كۇردەلى وزگەرىستەر تۋىلعان جاعدايدا تەبىندى ەلدەردىڭ سەلبەستىگى ءتىپتى دە ماڭىزدى بولا ءتۇستى. ءبىز كۇش ۇستىنە كۇش قوسىپ، تەبىندى ەلدەردىڭ سەرىكتەستىك قاتىناسىن تەرەڭدەتىپ، تەبىندى ەلدەر سەلبەستىگىنىڭ ەكىنشى «التىن 10 جىلدىعىن» اشۋىمىز كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
