بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى
حالىق تورابى>>ورتالىقتىڭ ءۇنى

جاڭ گاۋلي قازاقستان پرەمەر – مينيسترىنىڭ ءبىرىنشى ورىنباسارى اسقار مامينمەن كەزدەستى

ءارى تۇڭعىش كەزەكتى جۇڭگو – قازاقستان ءوڭىرارالىق ىنتىماقتاستىق فورۋمىنا قاتىناستى

2017.09.12 14:02   كەلۋ قاينارى : حالىق تورابى



  حالىق گازەتى، 11 – قىركۇيەك، ناننيڭ (ليۋ حۋاشين، ياڭ يە، ۋاڭ يۇننا) ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەس زۇڭليىنىڭ ورىنباسارى جاڭ گاۋلي 11 – قىركۇيەكتە گۋاڭشيدىڭ ناننيڭ قالاسىندا 14 – كەزەكتى جۇڭگو ــ شىعىس وڭتۇستىك ازيا ەلدەرى بىرلەستىگى (ش و ا ب) كورمەسى مەن جۇڭگو ــ ش و ا ب ساۋدا ىستەرى جانە قارجىلاندىرۋ سامميتىنە قاتىناسۋعا كەلگەن قازاقستان پرەمەر – مينيسترىنىڭ ءبىرىنشى ورىنباسارى اسقار مامينمەن كەزدەستى.

  جاڭ گاۋلي جۇڭگو ــ ش و ا ب كورمەسىنە قازاقستاننىڭ تۇڭعىش رەت ەرەكشە ۇسىنىس ەتىلگەن سەلبەستىك سەرىگى رەتىندە قاتىناسقانىن قارسى الدى. جاڭ گاۋلي بىلاي دەدى: جۇڭگو قازاقستانمەن قارىم – قاتىناسىن دامىتۋعا وسكەلەڭ ءمان بەرەدى. جۋىرداعى جىلداردان بەرى، ءتوراعا شي جينپيڭ مەن پرەزيدەنت نازاربايەۆ جىل سايىن كوپ رەت كەڭەس وتكىزىپ، ەكى ەلدىڭ قارىم – قاتىناسىن دامىتۋ جونىندە جوسپار جانە ورنالاستىرۋ جاسادى، العا ىلگەرىلەۋ باعىتىن ايقىندادى. ەكى جاق ەكى ەل باسشىلارىنىڭ بىرلىككە كەلگەن ماڭىزدى ورتاق تانىمدارىن مۇقيات تياناقتاندىرىپ، ناقتى سەلبەستىكتەردە ءدۇپ كەلگەن ماسەلەلەردى دەر كەزىندە كەڭەسە وتىرىپ شەشۋى كەرەك. ەكونوميكا مەن ساۋداداعى سەلبەستىكتى تەرەڭدەتىپ، ۇزدىك نىسانداردى جەبەپ، ءوندىرىس قۋاتى مەن قارجىلاندىرۋ ديالوگىنىڭ رولىن تولىق ساۋلەلەندىرىپ، ەنەرگەتيكا، ءوزارا بايلانىس جانە ادامدارعا قولايلىلىق جاساۋ جاقتارىنداعى سەلبەستىكتەردى نىعايتۋى، قورعاس حالىقارالىق شەكارا سەلبەستىك ورتالىعىنىڭ دامۋىن بىرگە ىلگەرىلەتىپ، قارجىلاندىرۋ مەن ساۋدا - ساتتىققا قولايلىلىق جاساۋ ورەسىن جوعارىلاتۋى، جان – جاقتىلى ستراتەگيالىق سەرىكتەستىك قارىم – قاتىناسىنىڭ جوعارى دەڭگەيدە اقاۋسىز، ورنىقتى دامۋىن ىلگەرىلەتۋى كەرەك.

  اسقار ءمامين بىلاي دەدى: جۇڭگو جاقتىڭ ورنالاستىرۋىندا جۇڭگو ــ ش و ا ب كورمەسىنە قاتىناسۋ جانە قازاقستاننىڭ ونىمدەرىن كورسەتۋ ورايىنا يە بولعانىمىزعا شىن جۇرەكتەن العىس ايتامىز. 25 جىلدان بەرى، قازاقستان – جۇڭگو قارىم – قاتىناسى باستان – اياق ورنىقتى، اقاۋسىز دامۋدا، مەملەكەت باسشىلارى جيى قارىم – قاتىناس جاساپ، ەكونوميكا مەن ساۋداداعى سەلبەستىكتەر ۇزدىكسىز تەرەڭدەۋدە. قازاقستان جۇڭگومەن بىرگە «ءبىر بەلدەۋ، ءبىر جول» قۇرىلىسىن قازاقستاننىڭ «نۇرلى جول» جاڭا ەكونوميكالىق ساياساتىمەن ستراتەگيالىق تۇرعىدان سايكەستىرۋدى، ەكى ەلدىڭ وڭىرلەر اراسىنداعى سەلبەستىگىنىڭ، ەكونوميكا مەن ساۋدا، ءوندىرىس قۋاتى، قاتىناس قاتارلى سالالارداعى سەلبەستىگىنىڭ اياسىن كەڭەيتۋدى قالايدى.

  كەلۋ قاينارى: حالىق تورابى

جاۋاپتى رەداكتورى : نۇرعيسا قۇرمانجان ۇلى

 سۋرەت