بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>ورتالىقتىڭ ءۇنى

شي جينپيڭ: قوعامدى جونگە سالۋدىڭ جۇڭگوشا سوتسياليستىك جولىنان اۋىتقىماي، حالىقتىڭ الاڭسىز تىرشىلىك ەتۋىنە، قوعامنىڭ تىنىش، ءتارتىپتى بولۋىنا كەپىلدىك ەتۋ كەرەك

2017.09.20 15:46     كەلۋ قاينارى : حالىق تورابى


  «حالىق گازەتى»، 19 – قىركۇيەك، بەيجيڭ (ءتىلشى لي ۋەيحۇڭ). قوعام اماندىعىن جاپپاي جونگە سالۋداعى وزاتتاردى ماداقتاپ - سيلاۋ جونىندەگى مەملەكەتتىك جينالىس 19 - قىركۇيەك تۇستەن بۇرىن بەيجيڭدە وتكىزىلدى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ جينالىسقا قاتىناسقان ۋاكىلدەرمەن ىقىلاسپەن كەزدەستى ءارى ماڭىزدى ءسوز سويلەدى. ول مىنالاردى دارىپتەدى: دامۋ ــ بۇلتارتپاس اقيقات، ورنىقتىلىق تا بۇلتارتپاس اقيقات، دامۋدى دا، ورنىقتىلىقتى دا مىقتى يگەرۋ كەرەك. قوعامدى جونگە سالۋدىڭ جۇڭگوشا سوتسياليستىك جولىنان اۋىتقىماي، پارتيا باسشىلىعى مەن سوتسياليستىك ءتۇزىم باسىمدىعىن قوعامدى جونگە سالۋ باسىمدىعىنا اينالدىرۋعا شەبەر بولىپ، قوعامدى جونگە سالۋدىڭ جۇيەلىلەنۋىن، عىلميلانۋىن، زەردەلىلەنۋىن، زاڭمەن جونگە سالىنۋىن كۇش سالا ىلگەرىلەتىپ، قوعامدى جونگە سالۋدىڭ جۇڭگوشا سوتسياليستىك جۇيەسىن ۇزدىكسىز كەمەلدەندىرىپ، حالىقتىڭ الاڭسىز تىرشىلىك ەتۋىنە، قوعامنىڭ تىنىش، ءتارتىپتى بولۋىنا، مەملەكەتتىڭ باياندى تىنىشتىعىنا كەپىلدىك ەتۋ كەرەك.

  ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي كىچياڭ، ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ ورىنباسار زۇڭليى جاڭ گاۋلي كەزدەسۋدە بىرگە بولدى.

  شاتىرلاعان شاپالاق ءۇنى ىشىندە شي جينپيڭ ماڭىزدى ءسوز سويلەپ، اۋەلى پارتيا ورتالىق كوميتەتى، مەملەكەتتىك كەڭەس اتىنان ماداقتالىپ - سيلانعان وزات كوللەكتيۆتەردى جانە وزاتتاردى قىزۋ قۇتتىقتادى، بۇكىل ەلدەگى قوعام اماندىعىن جاپپاي جونگە سالۋ شەبىندە قاجىرلى قىزمەت ىستەپ جاتقان جولداستاردان شىنايى حال سۇرادى.

  شي جينپيڭ مىنالاردى اتاپ كورسەتتى: جولداستار ءوز قىزمەت ورىندارىندا قوعامدى جونگە سالۋ قىزمەتىندە جاڭالىق اشۋ، تىنىش جۇڭگو قۇرۋ ءۇشىن كورنەكتى ۇلەس قوستى، ولار ــ جاپپاي جونگە سالۋ شەبىندەگى مەملەكەتتىك ۇلگى ءارى تۇتاس قوعام ۇيرەنەتىن ونەگە. مەن بۇل رەتكى ماداقتاپ - سيلاۋدىڭ دۇرىس سالتتى ساۋلەلەندىرۋدە، بۇكىل ەلدىڭ جاپپاي جونگە سالۋ شەبىندەگى قالىڭ كادرلاردى، جۇمىسشى - قىزمەتكەرلەردى پارتيا مەن حالىق جۇكتەگەن كەلەلى قىزمەت جاۋاپكەرلىگى مەن داڭقتى بورىشىن اناعۇرلىم جاقسى ارقالاۋعا شابىتتاندىرۋدا، ءسوز جوق، كەلەلى ىلگەرىلەتۋ رولىن اتقاراتىنىنا سەنەمىن.

  شي جينپيڭ مىنالاردى دارىپتەدى: پارتيانىڭ 18 - قۇرىلتايىنان بەرى پارتيا مەن مەملەكەت ىستەرىندە تاريحي وزگەرىس تۋىلدى، تاريحي ناتيجەگە قول جەتتى. بۇل ــ پارتيا ورتالىق كوميتەتىنىڭ باسشىلىعىندا بۇكىل پارتيانىڭ، بۇكىل ەلدەگى ءار ۇلت حالقىنىڭ ورتاق قۇلشىنۋىنىڭ جەمىسى، سونداي - اق وعان بۇكىل ەلدىڭ، جاپپاي جونگە سالۋ شەبىندەگى قالىڭ كادرلاردىڭ، جۇمىسشى - قىزمەتكەرلەردىڭ اقىل - پاراساتى مەن قان - تەرى سىڭگەن. 5 جىلدان بەرى جولداستار جۇڭگوشا سوتسياليزم ۇلى تۋىن بيىك ۇستاپ، پارتيا ورتالىق كوميتەتىنىڭ شەشىم، ورنالاستىرۋلارىن مۇقيات دايەكتىلەندىرىپ، تياناقتاندىرىپ، وزەكتى ارقاۋ ەتۋدە، جالپى جاعدايعا قىزمەت وتەۋدە تاباندى بولىپ، ءبىر جاعىنان، حاۋىپسىزدىكتى ساقتاۋدى، ورنىقتىلىقتى قورعاۋدى يگەرىپ، ەندى ءبىرجاعىنان، نەگىز قالاۋدى، ۇزاق بولاشاقتى جوبالاۋدى يگەرىپ، قوعامدى جونگە سالۋ ۇستانىمىن، وي جەلىسىن، ءتۇزىلىسىن، مەحانيزمىن، ءادىسىن، شاراسىن ۇزدىكسىز جاڭالاپ، قوعام ورنىقتىلىعىنا ىقپال كورسەتەتىن كورنەكتى ماسەلەلەردەن ساقتانىپ، ونى ءبىر جاقتى ەتىپ، حالىق بۇقاراسىنىڭ حاۋىپسىزدىك سەزىمى مەن ريزا بولۋ دەڭگەيىن ارتتىرىپ، رەفورما، دامۋ جالپى جاعدايىن قورعاۋعا ماڭىزدى ۇلەس قوستى، سونداي - اق وسى سالادا ءبىر توپ ۇزدىك تيپتەر جارىققا شىقتى.

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار