جاپپاي دوڭگەلەك داۋلەتتى قوعام قۇرىپ شىعۋدىڭ شەشۋشى جەڭىسىنە جەتىپ، جاڭا داۋىردەگى جۇڭگوشا سوتسياليزمنىڭ ۇلى جەڭىسىنە قول جەتكىزەيىك
جۇڭگو كوممۋنيستىك پارتياسىنىڭ مەملەكەتتىك 19 - قۇرىلتايى بەيجيڭدە اشىلدى
شي جينپيڭ ج ك پ 18 - كەزەكتى ورتالىق كوميتەتى اتىنان قۇرىلتايعا بايانداما جاسادى
2017.10.19 15:16 كەلۋ قاينارى : شينجياڭ گازەتى
شي جينپيڭ بىلاي دەپ اتاپ كورسەتتى: ۇزاق ۋاقىت قۇلشىنۋ ارقىلى جۇڭگوشا سوتسياليزم جاڭا داۋىرگە ءوتتى، بۇل − ەلىمىز دامۋىنىڭ جاڭا تاريحي بەلەسى. بۇل ەلىمىز قوعامىنداعى باستى قايشىلىقتىڭ حالىقتىڭ كۇن سايىن ارتىپ وتىرعان تاماشا تۇرمىس قاجەتى مەن دامۋدىڭ بىركەلكى، تولىق بولماۋى اراسىنداعى قايشىلىققا وزگەرگەنىن كورسەتتى
جاڭا داۋىردەگى جۇڭگوشا سوتسياليزم يدەياسى جۇڭگوشا سوتسياليزمگە تاباندى بولۋ جانە ونى دامىتۋ كەرەكتىگىن، باس مىندەت − سوتسياليستىك وسىزامانداندىرۋ مەن جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ؛ جاپپاي دوڭگەلەك داۋلەتتى قوعام قۇرىپ شىعۋ نەگىزىندە، ەكى ساتىعا ءبولىپ ءجۇرىپ، وسى عاسىردىڭ ورتاسىندا ەلىمىزدى باي، قۇدىرەتتى، دەموكراتيالى، وركەنيەتتى، جاراسىمدى، كورىكتى سوتسياليستىك وسىزاماندانعان قۇدىرەتتى ەل ەتىپ قۇرۋ ەكەنىن ايقىنداپ بەردى
قۇرىلتايدى لي كىچياڭ باسقاردى، 2338 ۋاكىل جانە ۇسىنىس ەتىلگەن ۋاكىل قۇرىلتايعا قاتىناستى
شينحۋا اگەنتتىگىنىڭ 18 - قازاندا بەيجيڭنەن بەرگەن حابارى. ۇلى ارماننىڭ جاڭا جوباسىن جاساپ، ۇلى ءىستىڭ جاڭا ءداۋىرىن اشتى. كۇللى الەم نازار اۋدارعان جۇڭگو كوممۋنيستىك پارتياسىنىڭ مەملەكەتتىك 19 - قۇرىلتايى 18 - قازان كۇنى ءتۇستىڭ الدىندا حالىق سارايىندا اشىلدى.
شي جينپيڭ ج ك پ 18 - كەزەكتى ورتالىق كوميتەتى اتىنان قۇرىلتايعا «جاپپاي دوڭگەلەك داۋلەتتى قوعام قۇرىپ شىعۋدىڭ شەشۋشى جەڭىسىنە جەتىپ، جاڭا داۋىردەگى جۇڭگوشا سوتسياليزمنىڭ ۇلى جەڭىسىنە قول جەتكىزەيىك» دەگەن تاقىرىپتا بايانداما جاسادى. شي جينپيڭ بىلاي دەپ اتاپ كورسەتتى: جۇڭگو كوممۋنيستىك پارتياسىنىڭ مەملەكەتتىك 19 - قۇرىلتايى − جاپپاي دوڭگەلەك داۋلەتتى قوعام قۇرىپ شىعۋدىڭ جەڭىسىنە جەتۋ كەزەڭىندە، جۇڭگوشا سوتسياليزم جاڭا داۋىرگە وتكەن شەشۋشى مەزگىلدە اشىلعان ءبىر رەتكى توتەنشە ماڭىزدى قۇرىلتاي. قۇرىلتايدىڭ باستى تاقىرىبى: اۋەلگى ماقساتتى ۇمىتپاي، بورىشتى ەستە بەرىك ساقتاپ، جۇڭگوشا سوتسياليزم ۇلى تۋىن بيىك ۇستاپ، جاپپاي دوڭگەلەك داۋلەتتى قوعام قۇرىپ شىعۋدىڭ شەشۋشى جەڭىسىنە جەتىپ، جاڭا داۋىردەگى جۇڭگوشا سوتسياليزمنىڭ ۇلى جەڭىسىنە قول جەتكىزىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ جولىندا قاجىماي - تالماي كۇرەس جۇرگىزۋ.
ايبىندى دا اسقاق حالىق سارايىنىڭ 10 مىڭ ادامدىق جيىن زالى شات مەرەيگە شومدى. ءتوراعالار مىنبەسىنىڭ تورىنە «جۇڭگو كوممۋنيستىك پارتياسىنىڭ مەملەكەتتىك 19 - قۇرىلتايى» دەگەن جازۋ جازىلعان قۇرىلتاي بەلگىسى ىلىنگەن، ارتقى پەردەنىڭ ءدال ورتاسىنا وراق پەن بالعادان قۇرالعان پارتيا گەربى قادالعان، ونىڭ ەكى جاعىنا 10 بەس جۇلدىزدى قىزىل تۋ بەس - بەستەن قويىلعان. 2 -، 3 - قاباتتاعى مىنبەنىڭ جيەگىنە «اۋەلگى ماقساتتى ۇمىتپاي، بورىشتى ەستە بەرىك ساقتاپ، جۇڭگوشا سوتسياليزم ۇلى تۋىن بيىك ۇستاپ، جاپپاي دوڭگەلەك داۋلەتتى قوعام قۇرىپ شىعۋدىڭ شەشۋشى جەڭىسىنە جەتىپ، جاڭا داۋىردەگى جۇڭگوشا سوتسياليزمنىڭ ۇلى جەڭىسىنە قول جەتكىزىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ جولىندا قاجىماي - تالماي كۇرەس جۇرگىزەيىك»، «ۇلى، داڭقتى، دۇرىس جۇڭگو كوممۋنيستىك پارتياسى جاساسىن» دەگەن جازۋلار جازىلعان كەرمە تۋ ىلىنگەن.
قۇرىلتاي ءتوراعالار القاسى تۇراقتى كوميتەتىنىڭ قۇرامىنداعىلاردان شي جينپيڭ، لي كىچياڭ، جاڭ دىجياڭ، يۇي جىڭشىڭ، ليۋ يۇنشان، ۋاڭ چيشان، جاڭ گاۋلي، ما كاي، ۋاڭ حۋنيڭ، ليۋ ياندۇڭ، ليۋ چيباۋ، شۇي چيلياڭ، سۇن چۇنلان، لي جيانگو، لي يۋانچاۋ، ۋاڭ ياڭ، جاڭ چۇنشيان، فان چاڭلۇڭ، مىڭ جيانجۋ، جاۋ لىجي، حۋ چۇنحۋا، لي جانشۋ، گو جينلۇڭ، حان جىڭ، جياڭ زىمين، حۋ جينتاۋ، لي پىڭ، جۋ رۇڭجي، لي رۇيحۋان، ۋ باڭگو، ۋىن جياباۋ، جيا چيڭلين، سۇڭ پيڭ، لي لانچيڭ، زىڭ چيڭحۇڭ، ۋ گۋانجىڭ، لي چاڭچۇن، حى گوچياڭ، دۋ چيڭلين، جاۋ حۇڭجۋ، ياڭ جيڭ ءتوراعالار مىنبەسىنىڭ الدىڭعى قاتارىنان ورىن الدى.
قۇرىلتايدى لي كىچياڭ باسقاردى. قۇرىلتاي تۇستەن بۇرىن ساعات 9دا باستالدى. كوپشىلىك ورىندارىنان تۇرىپ، «جۇڭحۋا حالىق رەسپۋبليكاسىنىڭ مەملەكەت گيمنىن» اسقاقتاتا شىرقادى. ودان سوڭ بارلىق جولداس ماۋ زىدۇڭ، جوۋ ىنلاي، ليۋ شاۋچي، جۋ دى، دىڭ شياۋپيڭ، چىن يۇن سياقتى اعا بۋىن پرولەتاريات توڭكەرىسشىلەرى مەن توڭكەرىستىك قۇرباندارعا ءۇنسىز ازا ءبىلدىردى.
لي كىچياڭ پارتيا 19 - قۇرىلتايىنا قاتىناسۋعا ءتيىستى ۋاكىل 2280، ۇسىنىس ەتىلگەن ۋاكىل 74، جيىنى 2354 ۋاكىل ەكەندىگىن، بۇگىن 2338 ۋاكىل قۇرىلتايعا قاتىناسقاندىعىن جاريالادى. ول قۇرىلتايعا سىرتتاي قاتىناسقان پارتيا سىرتىنداعى دوستاردى جانە قاتىستى جاقتارداعى جاۋاپتى جولداستاردى قىزۋ قارسى الدى.
شي جينپيڭنىڭ پارتيا 18 - كەزەكتى ورتالىق كوميتەتى اتىنان قۇرىلتايعا جاساعان بايانداماسى مىناداي 13 بولىكتەن تۇرادى: 1. وتكەن 5 جىلداعى قىزمەتتەر جانە تاريحي وزگەرىستەر؛ 2. جاڭا داۋىردەگى جۇڭگو كوممۋنيستىك پارتياسىنىڭ تاريحي بورىشى؛ 3. جاڭا داۋىردەگى جۇڭگوشا سوتسياليزم يدەياسى جانە نەگىزگى جالپى جوباسى؛ 4. جاپپاي دوڭگەلەك داۋلەتتى قوعام قۇرىپ شىعۋدىڭ شەشۋشى جەڭىسىنە جەتىپ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا جورىعىن باستاۋ؛ 5. جاڭا دامۋ ۇستانىمىن دايەكتىلەندىرىپ، وسىزاماندانعان شارۋاشىلىق جۇيەسىن ورناتۋ؛ 6. حالىقتىڭ وزىنە - ءوزى قوجا بولۋ ءتۇزىم جۇيەسىن اقاۋسىزداندىرىپ، سوتسياليستىك دەموكراتيالىق ساياسيدى دامىتۋ؛ 7. مادەنيەت جونىندەگى سەنىمدى بەكەمدەپ، سوتسياليستىك مادەنيەتتىڭ گۇلدەنىپ - كوركەيۋىن جەبەۋ؛ 8. حالىقتىڭ تۇرمىسىن قامتاماسىز ەتۋ جانە جاقسارتۋ ورەسىن جوعارىلاتىپ، قوعامدىق باسقارۋدى كۇشەيتۋ جانە وندا جاڭالىق اشۋ؛ 9. ەكولوگيالىق وركەنيەت ءتۇزىلىسى رەفورماسىن تەزدەتىپ، كورىكتى جۇڭگو قۇرۋ؛ 10. جۇڭگوشا ەرەكشەلىككە يە ارميانى قۇدىرەتتەندىرۋ جولىمەن جۇرۋگە تاباندى بولىپ، مەملەكەت قورعانىسى مەن ارميانى وسىزامانداندىرۋدى جاپپاي ىلگەرىلەتۋ؛ 11. «ءبىر ەل، ەكى تۇزىمگە» تاباندى بولىپ، وتاننىڭ بىرلىككە كەلۋىن ىلگەرىلەتۋ؛ 12. بەيبىت دامۋ جولىنا تاباندى بولىپ، ادامزاتتىڭ تاعدىرلاس ورتاق تۇلعاسىن قالىپتاستىرۋدى ىلگەرىلەتۋ؛ 13. پارتيانى جاپپاي قاتاڭ باسقارۋدان باتىل اۋىتقىماي، پارتيانىڭ بيلىك جۇرگىزۋ قابىلەتى مەن باسشىلىق ورەسىن ۇزدىكسىز جوعارىلاتۋ.
شي جينپيڭ بايانداماسىندا بىلاي دەپ اتاپ كورسەتتى: 18 - قۇرىلتايدان بەرگى 5 جىلدا، ءبىز قىزمەتتى ورنىقتىلىق بارىسىندا ىلگەرىلەتۋ سىندى نەگىزگى اۋەننەن جازباي، قيىنشىلىقتان تايسالماي، ءورىس اشا ىلگەرىلەپ، رەفورمالاۋ، ەسىك اشۋ جانە سوتسياليستىك وسىزامانداندىرۋ قۇرىلىسىندا تاريحي تابىستارعا قول جەتكىزىپ، پارتيا مەن مەملەكەت ىستەرىندە جالپى بەتتىك جاڭا جاعداي اشتىق؛ ەكونوميكالىق قۇرىلىستا كەلەلى جەتىستىكتەرگە قول جەتكىزدىك؛ رەفورمانى جاپپاي تەرەڭدەتۋدە كەسەك تابىستارعا قول جەتكىزدىك؛ دەموكراتيا، زاڭمەن باسقارۋ قۇرىلىسىندا ماڭىزدى قادام تاستادىق؛ يدەيا - مادەنيەت قۇرىلىسىندا كەلەلى ىلگەرىلەۋشىلىكتەرگە قول جەتكىزدىك؛ حالىقتىڭ تۇرمىسىن ۇزدىكسىز جاقسارتتىق؛ ەكولوگيالىق وركەنيەت قۇرىلىسىندا كورنەكتى تابىستارعا قول جەتكىزدىك؛ ارميانى قۇدىرەتتەندىرۋدىڭ، كوركەيتۋدىڭ جاڭا جاعدايىن قالىپتاستىردىق؛ شياڭگاڭ، اۋمىن، تايۋان قىزمەتىندە تىڭ ىلگەرىلەۋشىلىككە قول جەتكىزدىك؛ جان - جاقتى ديپلوماتيالىق ورنالاستىرۋلاردى ىشكەرىلەي ورىستەتتىك؛ پارتيانى جاپپاي قاتاڭ باسقارۋدا كورنەكتى تابىستارعا قول جەتكىزدىك. سونىمەن قاتار، قىزمەتىمىزدە ءالى دە ءبىرتالاي جەتەرسىزدىكتەردىڭ ورىن الىپ، ءبىرسىپىرا قيىنشىلىقتار مەن سىندارعا دا ءدوپ كەلىپ وتىرعاندىعىمىزدى دا سەرگەكتىكپەن كورە ءبىلۋىمىز كەرەك.
شي جينپيڭ بىلاي دەدى: 5 جىلدان بەرگى تابىستار جان - جاقتى، باستامالىق سيپات الادى، 5 جىلدان بەرگى وزگەرىستەر − تەرەڭ قاتپارلى، ءتۇبىرلى سيپات الادى. 5 جىلدان بەرى، پارتيامىز اسقان ساياسي ەرلىكپەن، كۇشتى جاۋاپكەرلىك بورىشپەن ءبىر قىدىرۋ جاڭا ۇستانىم، جاڭا يدەيا، جاڭا ستراتەگيانى العا قويىپ، ءبىر قىدىرۋ كەلەلى باعىت - ساياساتتاردى بەلگىلەپ، ءبىر قىدىرۋ كەلەلى شارالاردى شىعارىپ، ءبىر قىدىرۋ كەلەلى قىزمەتتەردى جۇرگىزىپ، ۇزاق ۋاقىتتان بەرى شەشۋدى ويلاساق تا شەشە الماعان ءبىرتالاي قيىن ماسەلەلەردى شەشىپ، ىلگەرى ىستەۋدى ويلاساق تا ىستەي الماعان ءبىرتالاي ءىرى ىستەردى ىستەپ، پارتيا مەن مەملەكەت ىستەرىندە تاريحي بۇرىلىس بولۋىن ىلگەرىلەتتىك. مۇنداي تاريحي بۇرىلىس پارتيا مەن مەملەكەت ىستەرىنىڭ دامۋىنا كەلەلى دە تەرەڭ ىقپال جاسايدى.
شي جينپيڭ بىلاي دەپ اتاپ كورسەتتى: ۇزاق ۋاقىت قۇلشىنۋ ارقىلى جۇڭگوشا سوتسياليزم جاڭا داۋىرگە ءوتتى، بۇل − ەلىمىز دامۋىنىڭ جاڭا تاريحي بەلەسى. بۇل ەلىمىز قوعامىنداعى باستى قايشىلىقتىڭ حالىقتىڭ كۇن سايىن ارتىپ وتىرعان تاماشا تۇرمىس قاجەتى مەن دامۋدىڭ بىركەلكى، تولىق بولماۋى اراسىنداعى قايشىلىققا وزگەرگەنىن كورسەتتى.
ەلىمىز قوعامىنداعى باستى قايشىلىق وزگەرگەنمەن، ەلىمىزدىڭ سوتسياليزمنىڭ قانداي تاريحي ساتىسىندا تۇرعانى جونىندەگى تۇجىرىمىمىز وزگەرگەن جوق، ەلىمىزدىڭ ءالى دە سوتسياليزمنىڭ العاشقى ساتىسىندا تۇرعاندىعى ءارى ۇزاق ۋاقىت تۇراتىندىعى سىندى نەگىزگى جاعدايى وزگەرگەن جوق، ەلىمىزدىڭ دۇنيە جۇزىندەگى ەڭ ءىرى دامۋ ۇستىندەگى مەملەكەت سىندى حالىقارالىق ورنى وزگەرگەن جوق.
شي جينپيڭ بىلاي دەپ باسا دارىپتەدى: بۇكىل پارتيا سوتسياليزمنىڭ العاشقى ساتىسى سىندى وسى نەگىزگى مەملەكەت جاعدايىن بەرىك يگەرىپ، سوتسياليزمنىڭ العاشقى ساتىسى سىندى وسى ەڭ ۇلكەن امالياتتى بەرىك تياناق ەتىپ، پارتيا مەن مەملەكەتتىڭ جان تامىرى، حالىقتىڭ باقىت ارقاۋى بولعان پارتيانىڭ نەگىزگى لۋشيانىنا بۇلجىماي تاباندى بولىپ، بۇكىل ەلدەگى ءار ۇلت حالقىنا باسشىلىق ەتىپ جانە ولاردى ىنتىماقتاستىرىپ، ەكونوميكالىق قۇرىلىستى وزەك ەتىپ، ءتورت نەگىزگى پرينسيپكە تاباندى بولىپ، رەفورما جاساپ، ەسىك اشۋدان جازباي، ءوز كۇشىنە سۇيەنىپ ءومىر ءسۇرىپ، قاجىرلىلىقپەن شارۋاشىلىق قۇرىپ، ەلىمىزدى باي، قۇدىرەتتى، دەموكراتيالى، وركەنيەتتى، جاراسىمدى، كورىكتى سوتسياليستىك وسىزاماندانعان قۇدىرەتتى ەل ەتىپ قۇرىپ شىعۋ جولىندا كۇرەس جۇرگىزۋ كەرەك.
جاڭا داۋىردەگى جۇڭگو كوممۋنيستىك پارتياسىنىڭ تاريحي بورىشى جونىندە، شي جينپيڭ بىلاي دەپ اتاپ كورسەتتى: جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ − تاياۋ زاماننان بەرگى جۇڭحۋا ۇلتىنىڭ ەڭ ۇلى ارمانى. جۇڭگو كوممۋنيستىك پارتياسى قۇرىلا سالا كوممۋنيزمدى جۇزەگە اسىرۋدى پارتيانىڭ ەڭ وسكەلەڭ مۇراتى جانە ەڭ سوڭعى نىساناسى ەتىپ، ادىلەت جولىندا ەشتەڭەدەن تايىنباي، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ سىندى تاريحي بورىشتى ارقالادى. بۇگىن ءبىز جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ نىساناسىنا ءارقانداي تاريحي كەزەڭدەگىدەن دە اناعۇرلىم جاقىنداي تۇستىك، جۇڭحۋا ۇلتىنىڭ ۇلى گۇلدەنۋى سىندى نىسانانى جۇزەگە اسىرۋعا سەنىمىمىز كامىل، قۋاتىمىز قاپتال جەتەدى.
شي جينپيڭ بىلاي دەپ باسا دارىپتەدى: ۇلى ارماندى جۇزەگە اسىرۋ ءۇشىن، ۇلى كۇرەستەر جۇرگىزۋ كەرەك؛ ۇلى ارماندى جۇزەگە اسىرۋ ءۇشىن، ۇلى ينجەنەريا جۇرگىزۋ قاجەت؛ ۇلى ارماندى جۇزەگە اسىرۋ ءۇشىن، ۇلى ىستەردى ىلگەرىلەتۋ قاجەت؛ ۇلى كۇرەس، ۇلى ينجەنەريا، ۇلى ءىس، ۇلى ارمان ءبىر - بىرىمەن تىعىز بايلانىسىپ، ءبىر - بىرىمەن ساباقتاسىپ، ءبىر - بىرىمەن ىقپالداسىپ وتىرادى، بۇلاردىڭ ىشىندە پارتيا قۇرىلىسى سىندى جاڭا دا ۇلى ينجەنەريا شەشۋشى رول اتقارادى.
شي جينپيڭ جاڭا داۋىردەگى جۇڭگوشا سوتسياليزم يدەياسىن «8 ايقىنداپ بەردىمەن» ءتۇسىندىردى. ول بىلاي دەدى: جاڭا داۋىردەگى جۇڭگوشا سوتسياليزم يدەياسى جۇڭگوشا سوتسياليزمگە تاباندى بولۋ جانە ونى دامىتۋ ەكەنىن، باس مىندەت − سوتسياليستىك وسىزامانداندىرۋ مەن جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ، جاپپاي دوڭگەلەك داۋلەتتى قوعام قۇرىپ شىعۋ نەگىزىندە، ەكى ساتىعا ءبولىپ ءجۇرىپ، وسى عاسىردىڭ ورتاسىندا ەلىمىزدى باي، قۇدىرەتتى، دەموكراتيالى، وركەنيەتتى، جاراسىمدى، كورىكتى سوتسياليستىك وسىزاماندانعان قۇدىرەتتى ەل ەتىپ قۇرىپ شىعۋ ەكەنىن ايقىنداپ بەردى.
شي جينپيڭ بىلاي دەپ اتاپ كورسەتتى: جاڭا داۋىردەگى جۇڭگوشا سوتسياليزم يدەياسى − ماركسيزم - لەنينيزمگە، ماۋ زىدۇڭ يدەياسىنا، دىڭ شياۋپيڭ نازارياسىنا، «ۇشكە ۋاكىلدىك ەتۋ» ماڭىزدى يدەياسىنا، عىلمي دامۋ كوزقاراسىنا مۇراگەرلىك ەتۋ جانە دامىتۋ، ماركسيزمدى جۇڭگوشالاندىرۋدىڭ ەڭ جاڭا جەتىستىگى، پارتيا مەن حالىقتىڭ امالياتتىق تاجىريبەسى مەن كوللەكتيۆ اقىل - پاراساتىنىڭ جاۋھارى، جۇڭگوشا سوتسياليزم نازاريالىق جۇيەسىنىڭ ماڭىزدى قۇرامداس بولىگى، بۇكىل پارتيانىڭ، بۇكىل ەل حالقىنىڭ جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ جولىنداعى كۇرەسىنىڭ ارەكەت قىبلاناماسى، وعان ۇزاق ۋاقىت تاباندى بولۋ جانە ونى ۇزدىكسىز دامىتۋ قاجەت.
شي جينپيڭ جاڭا داۋىردەگى جۇڭگوشا سوتسياليزمگە تاباندى بولۋدىڭ جانە ونى دامىتۋدىڭ نەگىزگى جالپى جوباسىن قالىپتاستىراتىن «14 تاباندى بولۋعا» تۇسىنىك جاسادى: بارلىق قىزمەتتە پارتيانىڭ باسشىلىعىنا تاباندى بولۋ؛ حالىقتى وزەك ەتۋگە تاباندى بولۋ؛ رەفورمانى جاپپاي تەرەڭدەتۋگە تاباندى بولۋ؛ جاڭا دامۋ ۇستانىمىنا تاباندى بولۋ؛ حالىقتىڭ وزىنە - ءوزى قوجا بولۋىنا تاباندى بولۋ؛ مەملەكەتتى جاپپاي زاڭمەن باسقارۋعا تاباندى بولۋ؛ سوتسياليستىك وزەكتى قۇن جۇيەسىنە تاباندى بولۋ؛ دامۋ بارىسىندا حالىق تۇرمىسىن قامتاماسىز ەتۋگە جانە جاقسارتۋعا تاباندى بولۋ؛ ادام مەن تابيعاتتىڭ جاراسىمدى قاتار ءومىر سۇرۋىنە تاباندى بولۋ؛ جالپى تۇلعالىق مەملەكەت حاۋىپسىزدىگى كوزقاراسىنا تاباندى بولۋ؛ پارتيانىڭ حالىق ارمياسىنا شارتسىز باسشىلىعىنا تاباندى بولۋ؛ «ءبىر ەل، ەكى تۇزىمگە» جانە وتاننىڭ بىرلىككە كەلۋىن ىلگەرىلەتۋگە تاباندى بولۋ؛ ادامزاتتىڭ تاعدىرلاس ورتاق تۇلعاسىن قالىپتاستىرۋدى ىلگەرىلەتۋگە تاباندى بولۋ؛ پارتيانى جاپپاي قاتاڭ باسقارۋعا تاباندى بولۋ.
شي جينپيڭ «قوس 100 جىلدىق» كۇرەس نىساناسىنا توقتالعاندا، بىلاي دەدى: رەفورمالاۋ، ەسىك اشۋدان كەيىن پارتيامىز ەلىمىزدىڭ سوتسياليستىك وسىزامانداندىرۋ قۇرىلىسى جونىندە ستراتەگيالىق ورنالاستىرۋ جاساپ، «3 باسقىشقا ءبولىپ ءجۇرۋ» ستراتەگيالىق نىساناسىن العا قويدى. حالىقتىڭ ىشەر اس، كيەر كيىم ماسەلەسىن شەشۋ، حالىقتىڭ تۇرمىسىن تۇلعالىق جاقتان دوڭگەلەك داۋلەتتى ورەگە جەتكىزۋ سىندى ەكى نىسانا مەزگىلىنەن بۇرىن جۇزەگە استى. قازىردەن باستاپ 2020 - جىلعا دەيىن جاپپاي دوڭگەلەك داۋلەتتى قوعام قۇرىپ شىعۋدىڭ شەشۋشى جەڭىسىنە جەتۋ كەزەڭى. پارتيانىڭ 19 - قۇرىلتايىنان 20 - قۇرىلتايىنا دەيىنگى كەزەڭ «قوس 100 جىلدىق» كۇرەس نىساناسىنىڭ تاريحي توعىسۋ كەزەڭى. ءبىز جاپپاي دوڭگەلەك داۋلەتتى قوعام قۇرىپ شىعىپ، ءبىرىنشى 100 جىلدىق كۇرەس نىساناسىن جۇزەگە اسىرۋىمىز ءارى وسى قولايلى ساتتەن پايدالانىپ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارىن باستاپ، ەكىنشى 100 جىلدىق كۇرەس نىساناسىن ورىنداۋعا جورىق جاساۋىمىز كەرەك.
شي جينپيڭ مىنالاردى العا قويدى: 2020 - جىلدان وسى عاسىردىڭ ورتاسىنا دەيىنگى كەزەڭدى ەكى باسقىشقا ءبولىپ ورنالاستىرۋعا بولادى. ءبىرىنشى باسقىش، 2020 - جىلدان 2035 - جىلعا دەيىنگى مەزگىل، جاپپاي دوڭگەلەك داۋلەتتى قوعام قۇرىپ شىعۋ نەگىزىندە تاعى 15 جىل كۇرەس جاساۋ ارقىلى، سوتسياليستىك وسىزاماندانۋدى نەگىزىنەن جۇزەگە اسىرامىز. ەكىنشى باسقىش، 2035 - جىلدان وسى عاسىردىڭ ورتاسىنا دەيىنگى مەزگىل، وسىزاماندانۋدى نەگىزىنەن جۇزەگە اسىرۋ نەگىزىندە تاعى 15 جىل كۇرەس جاساۋ ارقىلى، ەلىمىزدى باي، قۇدىرەتتى، دەموكراتيالى، وركەنيەتتى، جاراسىمدى، كوركەم سوتسياليستىك وسىزاماندانعان قۇدىرەتتى ەل ەتىپ قۇرىپ شىعامىز.
شي جينپيڭ مىنالاردى اتاپ كورسەتتى: جاڭا دامۋ ۇستانىمىن دايەكتىلەندىرىپ، وسىزاماندانعان شارۋاشىلىق جۇيەسىن ورناتۋ كەرەك. قامداۋ جاعىنداعى قۇرىلىمدىق رەفورمانى تەرەڭدەتۋ؛ جاڭاشىل ەل قۇرۋدى تەزدەتۋ؛ اۋىل - قىستاقتاردى كوركەيتۋ ستراتەگياسىن اتقارۋ؛ وڭىرلىك سايكەستى دامۋ ستراتەگياسىن اتقارۋ؛ سوتسياليستىك بازار شارۋاشىلىعى ءتۇزىلىسىن جەدەل كەمەلدەندىرۋ؛ جاپپاي ەسىك اشاتىن جاڭا جاعدايدىڭ قالىپتاسۋىن جەبەۋ قاجەت.
شي جينپيڭ حالىقتىڭ وزىنە - ءوزى قوجا بولۋ ءتۇزىم جۇيەسىنە تۇسىنىك جاسادى، سوتسياليستىك دەموكراتيالىق ساياسيدى دامىتۋدىڭ مازمۇنى: ءبىرىنشى، پارتيا باسشىلىعىنىڭ، حالىقتىڭ وزىنە - ءوزى قوجا بولۋىنىڭ، مەملەكەتتى زاڭمەن باسقارۋدىڭ ورگانيكالى بىرلىگىنە تاباندى بولۋ؛ ەكىنشى، حالىقتىڭ وزىنە - ءوزى قوجا بولۋ ءتۇزىمىن قامتاماسىز ەتۋدى كۇشەيتۋ؛ ءۇشىنشى، سوتسياليستىك كەڭەستىك دەموكراتيانىڭ ماڭىزدى رولىن ساۋلەلەندىرۋ؛ ءتورتىنشى، مەملەكەتتى زاڭمەن باسقارۋ امالياتىن تەرەڭدەتۋ؛ بەسىنشى، قۇرىلىمدىق جانە اكىمشىلىك ءتۇزىلىس رەفورماسىن تەرەڭدەتۋ؛ التىنشى، وتانشىلدىق بىرلىكساپتى بەكەمدەۋ جانە دامىتۋ كەرەك.
شي جينپيڭ بىلاي دەپ اتاپ كورسەتتى: مادەنيەت جونىندەگى سەنىمدى بەكەمدەپ، سوتسياليستىك مادەنيەتتىڭ گۇلدەنىپ - كوركەيۋىن جەبەۋ كەرەك. يدەولوگيا قىزمەتىنە بولعان باسشىلىق ۇقىقتى مىقتى يگەرۋ؛ سوتسياليستىك وزەكتى قۇن كوزقاراسىن جەتىلدىرۋ جانە امالياتتا ايگىلەۋ؛ يدەيا - ءمورال قۇرىلىسىن كۇشەيتۋ؛ سوتسياليستىك ادەبيەت - كوركەمونەردى گۇلدەندىرۋ جانە دامىتۋ؛ مادەنيەت ىستەرى مەن مادەنيەت شارۋاشىلىعىنىڭ دامۋىن ىلگەرىلەتۋ ءتيىس.
شي جينپيڭ مىنالاردى باسا دارىپتەدى: حالىقتىڭ تۇرمىسىن قامتاماسىز ەتۋ جانە جاقسارتۋ ورەسىن جوعارىلاتىپ، قوعامدىق باسقارۋدى كۇشەيتۋ جانە وندا جاڭالىق اشۋ كەرەك. وقۋ - اعارتۋ ىستەرىن الدىمەن دامىتۋ؛ جۇمىستانۋ ساپاسى مەن حالىقتىڭ كىرىس دەڭگەيىن جوعارىلاتۋ؛ قوعامدىق قامتاماسىزداندىرۋ جۇيەسى قۇرىلىسىن كۇشەيتۋ؛ كەدەيلىكتەن ارىلتۋدان قامال الۋ شايقاسىندا، ءسوزسىز، جەڭىسكە جەتۋ؛ سالاماتتى جۇڭگو ستراتەگياسىن اتقارۋ؛ قوعامدىق باسقارۋدىڭ بىرگە قۇرىپ، بىرگە باسقارىپ، تەڭ يگىلىكتەنەتىن ارناسىن قالىپتاستىرۋ؛ مەملەكەت حاۋىپسىزدىگىن ۇتىمدى قورعاۋ ءتيىس.
شي جينپيڭ بىلاي دەپ اتاپ كورسەتتى: ەكولوگيالىق وركەنيەت ءتۇزىلىسى رەفورماسىن تەزدەتىپ، كورىكتى جۇڭگو قۇرۋ كەرەك. جاسىل دامۋدى ىلگەرىلەتۋ؛ ورتاعا قاتىستى كورنەۋ ماسەلەلەردى كۇش سالا شەشۋ؛ ەكولوگيالىق جۇيەنى قورعاۋ تەبىنىن ارتتىرۋ؛ ەكولوگيالىق ورتانى باقىلاۋ - باسقارۋ تۇزىلىسىنە رەفورما جاساۋ ءتيىس.
شي جينپيڭ بىلاي دەپ اتاپ كورسەتتى: جۇڭگوشا ەرەكشەلىككە يە ارميانى قۇدىرەتتەندىرۋ جولىمەن جۇرۋگە تاباندى بولىپ، مەملەكەت قورعانىسى مەن ارميانى وسىزامانداندىرۋدى جاپپاي ىلگەرىلەتۋ كەرەك. پارتيانىڭ جاڭا داۋىردەگى ارميانى قۇدىرەتتەندىرۋ يدەياسىن جاپپاي دايەكتىلەندىرىپ، جاڭا جاعدايداعى اسكەري ستراتەگيا باعىتىن دايەكتىلەندىرىپ، قۇدىرەتتى وسىزاماندانعان قۇرلىق ارمياسىن، تەڭىز ارمياسىن، اۋە ارمياسىن، راكەتا ارمياسىن جانە ستراتەگيالىق كومەك بەرۋ قوسىنىن قۇرىپ، سوعىس مايدانىندا بىرلەسىپ سوعىس جۇرگىزە الاتىن قۋاتتى، الىمدى قولباسشىلىق قۇرىلىمىن قالىپتاستىرىپ، جۇڭگوشا وسى زامانعى سوعىس جۇرگىزۋ جۇيەسىن قۇرىپ، پارتيا مەن حالىق جۇكتەگەن جاڭا داۋىردەگى بورىش پەن مىندەتتى ارقالاۋىمىز قاجەت.
شي جينپيڭ بىلاي دەپ اتاپ كورسەتتى: «ءبىر ەل، ەكى تۇزىمگە» تاباندى بولىپ، وتاننىڭ بىرلىككە كەلۋىن ىلگەرىلەتۋ كەرەك. شياڭگاڭنىڭ، اۋمىننىڭ ۇزاق ۋاقىت گۇلدەنىپ - كوركەيۋى مەن ورنىقتىلىعىن ساقتاۋ، شياڭگاڭنىڭ، اۋمىننىڭ مەملەكەتتىڭ دامۋ جالپى جاعدايىمەن توعىسۋىن قولداۋ، وتاندى، شياڭگاڭدى، اۋمىندى سۇيەتىن كۇشتەردى تولىستىرۋ جانە جەتىلدىرۋ، شياڭگاڭدىق، اۋمىندىق باۋىرلاستارعا وتان حالقىمەن بىرگە ۇلتتى گۇلدەندىرۋ سىندى تاريحي جاۋاپكەرشىلىكتى جۇكتەپ، ولاردى وتانىمىزدىڭ گۇلدەنىپ - كوركەيۋى، باي - قۇدىرەتتى بولۋى سىندى ۇلى داڭققا بىردەي كەنەلدىرۋىمىز كەرەك. «بەيبىت بىرلىككە كەلۋ، ءبىر ەل، ەكى ءتۇزىم» باعىتىنا ۇزدىكسىز تاباندى بولىپ، ەكى جاعالاۋ قاتىناسىنىڭ بەيبىت دامۋىن جەبەپ، وتاندى بەيبىت بىرلىككە كەلتىرۋ اياق الىسىن ىلگەرىلەتۋ قاجەت. مەملەكەتتىڭ يەلىك ۇقىعى مەن تەرريتوريا تۇتاستىعىن باتىل قورعاۋىمىز، مەملەكەت بولشەكتەنگەن تاريحي تراگەديانىڭ قايتالانۋىنا استە جول بەرمەۋىمىز كەرەك.
شي جينپيڭ بىلاي دەپ اتاپ كورسەتتى: بەيبىت دامۋ جولىنا تاباندى بولىپ، ادامزاتتىڭ تاعدىرلاس ورتاق تۇلعاسىن قالىپتاستىرۋدى ىلگەرىلەتۋ كەرەك. جۇڭگو بەيبىتشىلىك، دامۋ، ىنتىماقتاستىق، تەڭ يگىلىكتەنۋ تۋىن بيىك ۇستاپ، دۇنيە ءجۇزىنىڭ بەيبىتشىلىگىن قورعاۋ، قاتار دامۋدى دەمەۋ ديپلوماتيالىق ساياساتىنىڭ تۇپكىلىكتى ماقساتىنا بويسۇنىپ، بەيبىت قاتار تۇرۋدىڭ بەس پرينسيبىنەن اۋىتقىماۋ نەگىزىندە، ءار ەلمەن دوستىق ىنتىماقتاستىقتى دامىتىپ، ءبىرىن - ءبىرى قۇرمەتتەيتىن، ءادىل دە ادىلەتتى، ىنتىماقتاستىقپەن تەڭ يگىلىككە كەنەلەتىن جاڭاشا حالىقارالىق قاتىناس ورناتۋدى جەبەيدى.
شي جينپيڭ بىلاي دەپ باسا دارىپتەدى: پارتيانى جاپپاي قاتاڭ باسقارۋدان باتىل اۋىتقىماي، پارتيانىڭ بيلىك جۇرگىزۋ قابىلەتى مەن باسشىلىق ورەسىن ۇزدىكسىز جوعارىلاتۋ كەرەك.
شي جينپيڭ جاڭا داۋىردەگى پارتيا قۇرىلىسىنىڭ جالپى تالابى مەن مىقتى يگەرۋگە ءتيىستى 8 جاقتاعى ماڭىزدى مىندەتتى العا قويدى: پارتيانىڭ ساياسي قۇرىلىسىن ماڭداي الدى ورىنعا قويۋ؛ بۇكىل پارتيانى جاڭا داۋىردەگى جۇڭگوشا سوتسياليزم يدەياسىمەن قارۋلاندىرۋ؛ ماماندانعان جوعارى ساپالى كادرلار قوسىنىن قۇرۋ؛ نەگىزگى ساتى ۇيىمدارىنىڭ قۇرىلىسىن كۇشەيتۋ؛ ستيل دۇرىستاپ، ءتارتىپتى قاتايتۋدان جازباۋ؛ جەمقورلىققا قارسى كۇرەستىڭ تۇبەگەيلى جەڭىسىنە جەتۋ؛ پارتيا مەن مەملەكەتتىڭ باقىلاۋ جۇيەسىن اقاۋسىزداندىرۋ؛ بيلىك جۇرگىزۋ قابىلەتىن جاپپاي كۇشەيتۋ.
شي جينپيڭ بايانداما جاساۋ بارىسىندا قىزۋ شاپالاق ءۇنى ءالسىن - ءالى كوتەرىلىپ تۇردى.
مەملەكەتتىك حالىق قۇرىلتايى تۇراقتى كوميتەتىنىڭ مىندەت وتەپ جاتقان جانە كەزىندە مىندەت وتەگەن ورىنباسار باستىقتارى، مەملەكەتتىك ساياسي كەڭەستىڭ ورىنباسار ءتوراعالىق مىندەتىن وتەپ جاتقان جانە كەزىندە وتەگەن پارتيا سىرتىنداعى قايراتكەرلەر، دەموكراتيالىق پارتيا - توپتار ورتالىق كوميتەتتەرىنىڭ، مەملەكەتتىك ساۋدا - ونەركاسىپشىلەر بىرلەستىگىنىڭ بەيجيڭدە تۇراتىن ورىنباسار ءتوراعالارى، پارتيادا، توپتا جوق قايراتكەرلەردىڭ ۋاكىلدەرى، ءدىن سالاسىنداعى قايراتكەرلەردىڭ ۋاكىلدەرى، مەملەكەتتىك حالىق قۇرىلتايىنىڭ، مەملەكەتتىك ساياسي كەڭەستىڭ بەيجيڭدەگى تۇراقتى مۇشەلەرى اراسىنداعى دەموكراتيالىق پارتيا - توپتاردىڭ قايراتكەرلەرى، پارتيادا، توپتا جوق قايراتكەرلەر جانە ۇلت، ءدىن سالاسىنداعى قايراتكەرلەر قۇرىلتايعا قوناق رەتىندە سىرتتاي قاتىناستى. پارتيا ىشىندەگى قاتىستى جاۋاپتى جولداستار دا قۇرىلتايعا سىرتتاي قاتىناستى.
جۇڭگولىق، شەتەلدىك 3000نان استام ءتىلشى قۇرىلتايدىڭ اشىلۋ سالتاناتىن حابارلادى.
كەلۋ قاينارى: شينجياڭ گازەتى، حۋيۇي تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
