شي جينپيڭ پارتيانىڭ 19 – قۇرىلتايىنا قاتىناسقان گۇيجوۋ ولكەسى ۋاكىلدەر ۇيىرمەسىنىڭ تالقىسىنا قاتىناستى
شي جينپيڭ: جۇدىرىقتاي جۇمىلىپ، ءورىس اشا ۇمتىلىپ، جاڭا داۋىردەگى جۇڭگوشا سوتسياليزمدى العا ىلگەرىلەتۋ كەرەك
2017.10.20 16:00 كەلۋ قاينارى : حالىق تورابى
شينحۋا اگەنتتىگى، 19 – قازان، بەيجيڭ. شي جينپيڭ جولداس 19 – قازان تۇستەن بۇرىن پارتيا 19 – قۇرىلتايىنا قاتىناسىپ جاتقان گۇيجوۋ ولكەسىنىڭ ۋاكىلدەر ۇيىرمەسىنىڭ تالقىسىنا قاتىناسقاندا مىنانى دارىپتەدى: پارتيا 19 – قۇرىلتايىنىڭ بايانداماسىندا پارتيا مەن مەملەكەت ىستەرىنىڭ العا باسۋ باعىتى ءتىپتى دە ايقىن كورسەتىلدى، ول پارتيامىزدىڭ بۇكىل ەلدەگى ءار ۇلت حالقىن ىنتىماقتاستىرا باستاپ، جاڭا داۋىردە جۇڭگوشا سوتسياليزمدە تاباندى بولۋ جانە ونى دامىتۋ جونىندەگى ساياسي جارناما ءارى ارەكەت باعدارلاماسى. جۇڭگوشا سوتسياليزمنىڭ جاڭا داۋىرگە قادام تاستاعاندىعى جونىندەگى جاڭا تۇجىرىمدى؛ ەلىمىز قوعامىنداعى باستى قايشىلىقتىڭ تۋىلۋ، وزگەرۋ تىڭ ەرەكشەلىگىن؛ سوتسياليستىك وسىزاماندانعان مەملەكەتتى جاپپاي قۇرۋدىڭ ەكى قادامدىق جاڭا نىساناسىن؛ پارتيا قۇرىلىسىنىڭ تىڭ تالابىن ىشكەرىلەي ۇيرەنىپ جانە ۇعىنىپ، بۇكىل پارتيانى، بۇكىل ەل حالقىن جۇدىرىقتاي جۇمىلىپ، ءورىس اشا العا ىلگەرىلەپ، جاڭا داۋىردەگى جۇڭگوشا سوتسياليزمدى اناعۇرلىم العا ىلگەرىلەتۋگە شابىتتاندىرادى.
شي جينپيڭ تىڭداي وتىرىپ ەستەلىك الىپ، ۋاكىلدەرمەن ىشكەرىلەي تالقى جۇرگىزدى. ليۋپانشۇي قالاسى پانجوۋ قالاسى يۇيني اۋىلى يانبو قىستاعى پارتكومىنىڭ شۋجيى يۇي ليۋفىن ءسوز كەزەگىندە: قالىڭ ەگىنشى پارتيا 19 – قۇرىلتايىنىڭ بايانداماسىندا العا قويىلعان جەردى كوتەرمەگە الۋ مەرزىمى تولعاننان كەيىن تاعى دا 30 جىل ۇزارتۋعا بولادى دەگەن ساياساتقا ايرىقشا ريزا بولىپ وتىر دەدى. شي جينپيڭ مۇنى تىڭداعاننان كەيىن توتەنشە قۋانىپ، بۇل قالىڭ ەگىنشىنىڭ «كوڭىلىن ورنىقتىرعىش» دەدى. زۇن – ي قالاسى بوجوۋ رايونى فىڭشياڭ قالاشىعى حۋاماۋ قىستاعى پارتيا باس ياچەيكاسىنىڭ شۋجيى پان كىگاڭ اۋىل – قىستاقتاعى شارۋالار شاتتىعى ساياجايى ساياحاتىنىڭ اۋىلداستاردى اۋقاتتاندىراتىن تىڭ جولعا اينالعاندىعىن تىلگە تيەك ەتكەندە، شي جينپيڭ اۋىل – قىستاقتى شارۋالار شاتتىعى ساياجايىن دامىتۋعا جىگەرلەندىرۋمەن بىرگە، اۋىل – قىستاق ساياحاتىنا تالداۋ جاساۋ جانە ونى مولشەرلەپ، الدىن الا شارالار بەلگىلەپ، اۋىل – قىستاق ساياحاتىنىڭ باياندى دامۋىنا كەپىلدىك ەتۋ كەرەك دەدى. بيجيە قالالىق پارتكومنىڭ شۋجيى جوۋ جيانكۇن ياچەيكانى ءوندىرىس گرۋپپاسىندا قۇرىپ، كەدەيلىكتەن قۇتىلدىرۋدان قامال الۋ جونىندە ءبىلىم بەرۋ، تاجىريبە كورۋ ورنىن دامىتۋ جونىندە توقتالعاندا شي جينپيڭ بىلاي دەپ دارىپتەدى: جاڭا داۋىردەگى ەگىنشىلەرگە ءبىلىم بەرۋ، تاجىريبە كورۋ ورنىن ازىرلەۋ – جاڭالىق، پارتيانىڭ تياناعى نەگىزگى ساتىدا، نەگىزگى ساتى پارتيا قۇرىلىسىن، ءسوز جوق، مىقتى يگەرىپ، اۋىل – قىستاق باستان – اياق پارتيانىڭ باسشىلىعىندا تاباندى بولۋ كەرەك. چيانشينان وبلىسى جىنفىڭ اۋدانى لۇڭچاڭ قالاشىعى لۇڭحى قىستاعى ەمحاناسىنىڭ شيپاگەرى جۇڭ جيڭ اۋىل – قىستاقتاعى ەمدەلۋدى قامسىزداندىرۋ جونىندە سويلەگەندە، شي جينپيڭ قازىر ەگىنشىلەردىڭ ءبىر جىلدا تاپسىراتىن ەمدەلۋدى قامسىزداندىرۋ قاراجاتى قانشالىق، كەدەي اۋىل – قىستاقتاعى بۇقارانىڭ ءوندىرىس – تۇرمىس شارت – جاعدايى جاقساردى ما، جوق دەگەندى ەگجەي – تەگجەيلى سۇراستىردى. گۇيجوۋ ليۋپانشۇي قالاسى جۇڭشان رايونى داۋان قالاشىعى حايگا قىستاعى پارتيا ياچەيكاسىنىڭ ءبىرىنشى شۋجيى ياڭ بو ءوزىنىڭ ءۇرتىس 8 جىل قىستاقتىڭ ءبىرىنشى شۋجيى مىندەتىن وتەپ، اۋىلداستاردى كەدەيلىكتەن قۇتىلدىرىپ، اۋقاتتانۋعا باستاۋ جونىندەگى اسەرىن تىلگە تيەك ەتكەندە، شي جينپيڭ مىنانى ءبىلدىردى: كەدەيلىكتەن قۇتىلدىرۋدان قامال الۋدىڭ ءبىرىنشى شەبىندە قىزمەت ىستەپ جاتقان نەگىزگى ساتى كادرلارىنا كوڭىل ءبولۋ، قامقورلىق جاساۋ، ساپا، شارت – جاعداي جاعىندا تولىق پىسىپ - جەتىلگەن كادرلاردى ءوسىرىپ ىستەتۋ، سونىمەن بىرگە، جاس كادرلاردى كەدەيلىكتەن قۇتىلدىرۋدان قامال الۋدىڭ ءبىرىنشى شەبىنە بارىپ شىڭدالۋعا جىگەرلەندىرۋ كەرەك. شي جينپيڭ تاعى چياندۇڭنانجوۋ قالاشىعى يۋانشيان اۋدانى جياڭگۋ قالاشىعى سەنترلى باستاۋىش مەكتەبىنىڭ وقىتۋشىسى حۋاڭ جۇنچيۇڭعا بىلاي دەدى: شالعاي، كەدەي رايونداردىڭ وقۋ – اعارتۋ، تاربيەلەۋ قىزمەتى تەبىنىن ارتتىرىپ، اۋىل – قىستاق پەن نەگىزگى ساتىلارداعى ءتىپتى دە كوپ وقىتۋشىنىڭ كاسىپتىك تاربيەلەنۋىنە مۇمكىندىك جاراتۋ كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
