ۋاڭ چيشان: تۋدى ايقىن ۇستاي وتىرىپ پارتيا باسشىلىعىندا تاباندى بولىپ، حالىققا بەرگەن ايبىندى ۋادەنى ورىنداۋ كەرەك

2017.10.20 16:04   كەلۋ قاينارى : حالىق تورابى

　　«حالىق گازەتى»، 19 – قازان، بەيجيڭ. 19 – قازاندا ۋاڭ چيشان جولداس ءوزى بولىنگەن پارتيانىڭ 19 – قۇرىلتايى حۋنان ولكەسى ۋاكىلدەر ۇيىرمەسىنىڭ تالقىسىنا قاتىناسقاندا بىلاي دەدى: شي جينپيڭ جولداس پارتيا 18 – كەزەكتى ورتالىق كوميتەتى اتىنان ماجىلىسكە جاساعان بايانداماسىندا جۇڭگوشا سوتسياليزم جاڭا داۋىرگە قادام تاستادى دەيتىن كەلەلى ساياسي تۇجىرىم جاساپ، جاپپاي دوڭگەلەك داۋلەتتى قوعام قۇرۋدىڭ شەشۋشى جەڭىسىنە، جاڭا داۋىردەگى جۇڭگوشا سوتسياليزمنىڭ ۇلى جەڭىسىنە قول جەتكىزۋدىڭ ايبىندى جوباسىن جاسادى، جول، سەنىم، ءتۇزىم، مادەنيەت سەنىمدەرىن ايگىلەدى، بۇل ــ جاڭا داۋىردەگى جۇڭگوشا سوتسياليزمنىڭ ۇلى جەڭىسىنە قول جەتكىزۋدەگى باعدارلامالىق قۇجات، جۇڭحۋا ۇلتتارىنىڭ ۇيىسۋ قۋاتى مەن بەرەكەسىن زور دارەجەدە نىعايتاتىن بولادى. ۋاكىل رەتىندە بۇل باياندامانى بۇكىلدەي قۇپتاپ، قولدايمىن.

　　ۋاڭ چيشان بىلاي دەدى: پارتيانىڭ 18 – قۇرىلتايىنان بەرگى 5 جىل پارتيا مەن مەملەكەت ىستەرىنىڭ دامۋ اياق الىسىنداعى ەرەكشە 5 جىل بولدى. شي جينپيڭ جولداس ۇيىتقى بولعان پارتيا ورتالىق كوميتەتى اۋەلگى ماقساتتى ۇمىتپاي، ۇدىرە العا تارتىپ، ىشكى – سىرتقى كوپتەگەن قاتەر مەن سايىسقا ويداعىداي توتەپ بەرىپ، ۇزاق ۋاقىتتان بەرى شەشۋدى ويلاساق تا شەشە الماعان ءبىرتالاي قيىن ماسەلەنى شەشىپ، ىلگەرى ىستەۋدى ويلاساق تا ىستەي الماعان ءبىرتالاي ءىرى ءىستى ىستەپ، جان – جاقتى تىڭ تابىسقا قول جەتكىزىپ، جۇڭگوشا سوتسياليزمنىڭ جاڭا ءداۋىرىن اشتى. پارتيا مەن مەملەكەت ىستەرىندە تاريحي وزگەرىستىڭ تۋىلۋى تۇپتەپ كەلگەندە شي جينپيڭ جولداس ۇيىتقى بولعان پارتيا ورتالىق كوميتەتىنىڭ پارمەندى باسشىلىعىنان بولدى. باس شۋجي شي جينپيڭ پارتيانىڭ باسشىلىعىندا تاباندى بولۋدا تۋدى ايقىن ۇستاپ، مايداندا بەرىك تۇردى، ايتىپ قانا قويماي، ارەكەتتە دە تىڭعىلىقتى بولدى، مەيلى قايسى سالاداعى، قاي جاقتاعى قىزمەت بولسىن، پارتيانىڭ باسشىلىعىن شارتسىز كۇشەيتۋدەن باستاپ يگەرىپ، كۇشتى جاۋاپكەرلىكپەن پارتيا ورتالىق كوميتەتىنىڭ شوعىرلى ءبىر تۇتاس باسشىلىق بەدەلىن ورناتتى، پارتيانىڭ باسشىلىعى السىرەۋ، پارتيا قۇرىلىسى بوساڭسۋ، پارتيانى قاتاڭ باسقارۋ پارمەندى بولماۋ جاعدايىن تۇبەگەيلى وڭاپ، جۇڭگوشا سوتسياليزمنىڭ ەڭ ءتۇبىرلى ەرەكشەلىگىن شىنايى ايگىلەدى، پارتيا مەن مەملەكەتتىڭ العا باسۋ باعدارىن تۇزەدى. تاريح پەن رەالدىق پارتيانىڭ باسشىلىعىندا بۇلجىماستان تاباندى بولعاندا عانا جۇڭحۋا ۇلتتارىنىڭ ۇلى گۇلدەنۋى بوگەتكە ۇشىرامايتىنىن تولىق دالەلدەدى.

　　كەلۋ قاينارى: حالىق تورابى