جۇڭگو كوممۋنيستىك پارتياسىنىڭ مەملەكەتتىك 19 – قۇرىلتايى بەيجيڭدە جابىلدى
2017.10.24 14:36 كەلۋ قاينارى : حالىق تورابى
شينحۋا اگەنتتىگى، 24 – قازان، بەيجيڭ. جۇڭگو كوممۋنيستىك پارتياسىنىڭ مەملەكەتتىك 19 – قۇرىلتايى جاڭا كەزەكتى ورتالىق كوميتەت پەن ورتالىق ءتارتىپ تەكسەرۋ كوميتەتىن سايلاپ، پارتيا 18 – كەزەكتى ورتالىق كوميتەتىنىڭ بايانداماسى جونىندەگى قاۋلىنى، پارتيا 18 – كەزەكتى ورتالىق ءتارتىپ تەكسەرۋ كوميتەتىنىڭ قىزمەت بايانداماسى جونىندەگى قاۋلىنى، «جۇڭگو كوممۋنيستىك پارتياسىنىڭ ۋستاۆى (وزگەرىس ەنگىزىلگەن نۇسقا)» جونىندەگى قاۋلىنى ماقۇلداعاننان كەيىن، 24 – قازان كۇنى تۇستەن بۇرىن حالىق قۇرىلتايى سارايىندا تابىسپەن جابىلدى.
شي جينپيڭ جولداس جابىلۋ ءماجىلىسىن باسقاردى.
جابىلۋ ءماجىلىسى تۇستەن بۇرىن ساعات 9دا باستالدى.
جابىلۋ ماجىلىسىنە قاتىناسۋعا ءتيىستى ۋاكىلدەر مەن ەرەكشە ۇسىنىس ەتىلگەن ۋاكىلدەر سانى 2354 ادام، ناقتى قاتىناسقان ادام سانى 2336 ادام. ناقتى قاتىناسقان ۋاكىلدەر سانى قاتىناسۋعا ءتيىستى ۋاكىلدەر سانىنىڭ جارىمىنان اسقاندىقتان، قۇرىلتايدىڭ سايلاۋ ءادىسناماسىنداعى بەلگىلەمەگە سايكەس كەلەدى.
جابىلۋ ماجىلىسىندە الدىمەن باس داۋىس ساناۋشى 2 ادامنىڭ جانە 36 داۋىس ساناۋشىنىڭ تىزىمدىگى ماقۇلداندى.
باس داۋىس ساناۋشىلار مەن داۋىس ساناۋشىلاردىڭ قاداعالاۋىندا، ماجىلىسكە قاتىناسقان ۋاكىلدەر مەن ەرەكشە ۇسىنىس ەتىلگەن ۋاكىلدەر جاسىرىن داۋىسقا سالۋ ءتاسىلى ارقىلى 204 مۇشە مەن 172 كانديدات مۇشەدەن قۇرام تاپقان پارتيا 19 – كەزەكتى ورتالىق كوميتەتىن سايلاپ شىقتى، پارتيا 19 – كەزەكتى ورتالىق ءتارتىپ تەكسەرۋ كوميتەتىنىڭ 133 مۇشەسىن سايلاپ شىقتى.
ساعات 11دەن 12 مينۋت وتكەندە، شي جينپيڭ پارتيا 19 – كەزەكتى ورتالىق كوميتەتى مەن ورتالىق ءتارتىپ تەكسەرۋ كوميتەتىنىڭ پارتيانىڭ مەملەكەتتىك 19 – قۇرىلتايىندا سايلانىپ شىققانىن جاريالادى. بۇكىل ءماجىلىس زالىن شاپالاق ءۇنى كەرنەدى.
ىلە – شالا، ماجىلىستە پارتيا 18 – كەزەكتى ورتالىق كوميتەتىنىڭ بايانداماسى جونىندەگى قاۋلى ماقۇلداندى. ماجىلىستە شي جينپيڭ جولداستىڭ پارتيا 18 – كەزەكتى ورتالىق كوميتەتى اتىنان جاساعان بايانداماسى بەكىتىلدى.
ماجىلىستە «جۇڭگو كوممۋنيستىك پارتياسىنىڭ ۋستاۆى (وزگەرىس ەنگىزىلگەن نۇسقا)» جونىندەگى قاۋلى ماقۇلدانىپ، وزگەرىس ەنگىزىلگەن وسى نۇسقا ماقۇلداننان كۇننەن باستاپ كۇشىنە يە بولادى دەپ ۇيعاردى. ماجىلىستە پارتيا ۋستاۆىنا شي جينپيڭنىڭ جاڭا داۋىردەگى جۇڭگوشا سوتسياليزم يدەياسىن ماركسيزم، ماۋ زىدۇڭ يدەياسى، دىڭ شياۋپيڭ نازارياسى، «ۇشكە ۋاكىلدىك ەتۋ» ماڭىزدى يدەياسى، عىلىمي دامۋ كوزقاراسىمەن بىرگە پارتيانىڭ ارەكەت قىبلاناماسى ەتىپ بەلگىلەۋدى ءبىر اۋىزدان ماقۇلدادى.
ءماجىلىستىڭ بارلىق كۇن تارتىپتەرى اياقتاعاننان كەيىن، شي جينپيڭ ىستىق ىقىلاستى شاپالاق ءۇنى ىشىندە ماڭىزدى ءسوز سويلەدى.
ءماجىلىس ايبىندى «ينتەرناتسيونال ءانى» ىشىندە تابىسپەن اياقتادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
