جۇڭگو كوممۋنيستىك پارتياسىنىڭ مەملەكەتتىك 19 - قۇرىلتايى بەيجيڭدە جابىلدى
جاڭا كەزەكتى ورتالىق كوميتەت جانە ورتالىق ءتارتىپ تەكسەرۋ كوميتەتى سايلاندى
2017.10.26 14:24 كەلۋ قاينارى : ءتاڭىرتاۋ تورابى
24 - قازان كۇنى جۇڭگو كوممۋنيستىك پارتياسىنىڭ مەملەكەتتىك 19 - قۇرىلتايى بەيجيڭدەگى حالىق سارايىندا جەڭىسپەن جابىلدى. شي جينپيڭ جولداس قۇرىلتايدىڭ جابىلۋ جينالىسىن باسقاردى. سۋرەتتى شينحۋا اگەنتتىگىنىڭ ءتىلشىسى لان حۇڭگۋاڭ تۇسىرگەن
پارتيا 18 - كەزەكتى ورتالىق كوميتەتىنىڭ بايانداماسى جونىندەگى قاۋلى، ورتالىق ءتارتىپ تەكسەرۋ كوميتەتىنىڭ قىزمەت بايانداماسى جونىندەگى قاۋلى، «جۇڭگو كوممۋنيستىك پارتياسىنىڭ ۋستاۆى (وزگەرىس ەنگىزىلگەن نۇسقا)» جونىندەگى قاۋلى ماقۇلداندى
شي جينپيڭ جينالىستى باسقاردى ءارى ماڭىزدى ءسوز سويلەدى
شي جينپيڭ مىنالاردى باسا دارىپتەدى: جۇڭگو كوممۋنيستەرىنىڭ اۋەلگى ماقساتى مەن بورىشى − جۇڭگو حالقىنىڭ باقىتىن كوزدەۋ، جۇڭحۋا ۇلتىنىڭ ۇلى گۇلدەنۋىن كوزدەۋ. وسى اۋەلگى ماقسات پەن بورىش جۇڭگو كوممۋنيستەرىن ۇزدىكسىز العا ىلگەرىلەۋگە جىگەرلەندىرەتىن ءتۇبىرلى قوزعاۋشى كۇش. بۇكىل پارتياداعى جولداستار، ءسوز جوق، حالىقپەن ماڭگى تىنىستاس، تاعدىرلاس، جۇرەكتەس بولىپ، حالىقتىڭ كوركەم ومىرگە دەگەن تالپىنىسىن ماڭگى كۇرەس نىساناسى ەتىپ، ەشقاشان دا مويىمايتىن رۋحاني كۇيمەن جانە العان بەتىنەن قايتپايتىن كۇرەسكەرلىك بەينەمەن، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ ايبىندى نىساناسىنا قاراي توقتاۋسىز ەرلىكپەن شەرۋ تارتۋى كەرەك. بۇكىل پارتيا پارتيا ورتالىق كوميتەتىنىڭ توڭىرەگىنە تىعىز ىنتىماقتاسىپ، جۇڭگوشا سوتسياليزم ۇلى تۋىن بيىك ۇستاپ، يدەيانى ازات ەتىپ، رەفورما جاساپ، جاڭالىق اشىپ، قايراتتانا ىلگەرىلەپ، شوگەلدىلىكپەن ىستەپ، بۇكىل ەلدەگى ءار ۇلت حالقىن باستاپ پارتيا 19 - قۇرىلتايىندا بەلگىلەنگەن نىسانا - مىندەتتەردى جۇزەگە اسىرۋ جولىندا كۇرەس جۇرگىزۋى كەرەك
شينحۋا اگەنتتىگىنىڭ 24 - قازاندا بەيجيڭنەن بەرگەن حابارى. جۇڭگو كوممۋنيستىك پارتياسىنىڭ مەملەكەتتىك 19 - قۇرىلتايى جاڭا كەزەكتى ورتالىق كوميتەتتى جانە ورتالىق ءتارتىپ تەكسەرۋ كوميتەتىن سايلاپ، پارتيا 18 - كەزەكتى ورتالىق كوميتەتىنىڭ بايانداماسى جونىندەگى قاۋلىنى، پارتيا 18 - كەزەكتى ورتالىق ءتارتىپ تەكسەرۋ كوميتەتىنىڭ قىزمەت بايانداماسى جونىندەگى قاۋلىنى، «جۇڭگو كوممۋنيستىك پارتياسىنىڭ ۋستاۆى (وزگەرىس ەنگىزىلگەن نۇسقا)» جونىندەگى قاۋلىنى ماقۇلداعاننان كەيىن، 24 - قازان كۇنى تۇستەن بۇرىن حالىق سارايىندا جەڭىسپەن جابىلدى.
قۇرىلتاي بۇكىل پارتيانى، بۇكىل ەلدەگى ءار ۇلت حالقىن شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە تىعىز ىنتىماقتاسىپ، جۇڭگوشا سوتسياليزم ۇلى تۋىن بيىك ۇستاپ، شي جينپيڭنىڭ جاڭا داۋىردەگى جۇڭگوشا سوتسياليزم يدەياسىن مۇقيات ۇيرەنىپ جانە دايەكتىلەندىرىپ، ارىندى جىگەرمەن العا ۇمتىلىپ، جاپاعا شىداپ بەرىلە ىستەپ، وسىزامانداندىرۋ قۇرىلىسىن ىلگەرىلەتۋ، وتاننىڭ بىرلىككە كەلۋىن ورىنداۋ، دۇنيە ءجۇزىنىڭ بەيبىتشىلىگىن قورعاۋ مەن بىرگە دامۋدى جەبەۋ سىندى 3 ءىرى تاريحي مىندەتتى ىسكە اسىرۋ، جاپپاي دوڭگەلەك داۋلەتتى قوعام قۇرىپ شىعۋدىڭ شەشۋشى جەڭىسىنە جەتىپ، جۇڭگوشا سوتسياليزمنىڭ ۇلى جەڭىسىنە قول جەتكىزۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن ورىنداۋ، حالىقتىڭ كوركەم ومىرگە دەگەن تالپىنىسىن ىسكە اسىرۋ جولىندا ۇزدىكسىز كۇرەس جۇرگىزۋگە ۇندەدى.
شي جينپيڭ جولداس قۇرىلتايدىڭ جابىلۋ جينالىسىن باسقاردى.
قۇرىلتاي ءتوراعالار القاسى تۇراقتى كوميتەتىنىڭ قۇرامىنداعىلاردان شي جينپيڭ، لي كىچياڭ، جاڭ دىجياڭ، يۇي جىڭشىڭ، ليۋ يۇنشان، ۋاڭ چيشان، جاڭ گاۋلي، ما كاي، ۋاڭ حۋنيڭ، ليۋ ياندۇڭ، ليۋ چيباۋ، شۇي چيلياڭ، سۇن چۇنلان، لي جيانگو، لي يۋانچاۋ، ۋاڭ ياڭ، جاڭ چۇنشيان، فان چاڭلۇڭ، مىڭ جيانجۋ، جاۋ لىجي، حۋ چۇنحۋا، لي جانشۋ، گو جينلۇڭ، حان جىڭ، جياڭ زىمين، حۋ جينتاۋ، لي پىڭ، جۋ رۇڭجي، لي رۇيحۋان، ۋ باڭگو، ۋىن جياباۋ، جيا چيڭلين، سۇڭ پيڭ، لي لانچيڭ، زىڭ چيڭحۇڭ، ۋ گۋانجىڭ، لي چاڭچۇن، حى گوچياڭ، دۋ چيڭلين، جاۋ حۇڭجۋ، ياڭ جيڭ قاتارلىلار ءتوراعالار مىنبەسىنىڭ الدىڭعى قاتارىنان ورىن الدى.
جابىلۋ جينالىسى تۇستەن بۇرىن ساعات 9دا باستالدى.
جينالىسقا قاتىناسۋعا ءتيىستى ۋاكىل مەن ۇسىنىس ەتىلگەن ۋاكىل 2354، ناقتى 2336 ادام قاتىناستى. قاتىناسقان ۋاكىل سانى قاتىناسۋعا ءتيىستى ۋاكىل سانىنىڭ جارتىسىنان استى، بۇل قۇرىلتايدىڭ سايلاۋ ءادىسىنىڭ بەلگىلەمەسىنە ۇيلەسەدى.
جينالىس الدىمەن 2 باس بەلەت باقىلاۋشى مەن 36 بەلەت باقىلاۋشىنىڭ ەسىمدىگىن ماقۇلدادى.
باس بەلەت باقىلاۋشىلار مەن بەلەت باقىلاۋشىلاردىڭ باقىلاۋىندا، جينالىسقا قاتىناسقان ۋاكىلدەر مەن ۇسىنىس ەتىلگەن ۋاكىلدەر جاسىرىن داۋىس بەرۋ ءتاسىلى ارقىلى، 204 مۇشە، 172 كانديدات مۇشەدەن قۇرالعان پارتيانىڭ 19 - كەزەكتى ورتالىق كوميتەتىن، پارتيا 19 - كەزەكتى ورتالىق ءتارتىپ تەكسەرۋ كوميتەتىنىڭ 133 مۇشەسىن سايلادى.
ساعات 11دەن 12 مينۋت وتكەندە، شي جينپيڭ 19 - كەزەكتى ورتالىق كوميتەت پەن ورتالىق ءتارتىپ تەكسەرۋ كوميتەتىنىڭ پارتيانىڭ مەملەكەتتىك 19 - قۇرىلتايىنىڭ سايلاۋىمەن جارىققا شىققاندىعىن جاريالادى. تۇتاس زالدا قىزۋ قول شاپالاق ءۇنى ۇزاققا دەيىن تولاستامادى. وسىدان كەيىن، جينالىس پارتيا 18 - كەزەكتى ورتالىق كوميتەتىنىڭ بايانداماسى جونىندەگى قاۋلىنى ماقۇلدادى. جينالىس شي جينپيڭ جولداستىڭ پارتيا 18 - كەزەكتى ورتالىق كوميتەتى اتىنان جاساعان بايانداماسىن بەكىتتى. قاۋلىدا مىنالار اتاپ كورسەتىلدى: باياندامادا جاپپاي دوڭگەلەك داۋلەتتى قوعام قۇرىپ شىعۋدىڭ شەشۋشى جەڭىسىنە جەتىپ، جاڭا داۋىردەگى جۇڭگوشا سوتسياليزمنىڭ ۇلى جەڭىسىنە قول جەتكىزۋدىڭ ايبىندى جوباسى جاسالىپ، پارتيا مەن مەملەكەت ىستەرىنىڭ العا باسۋ بەتالىسى ونان ارى ايقىن كورسەتىلدى، بايانداما − بۇكىل پارتيانىڭ، بۇكىل ەلدەگى ءار ۇلت حالقىنىڭ اقىل - پاراساتىنىڭ جاۋھارى، پارتيامىزدىڭ بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، جاڭا داۋىردە جۇڭگوشا سوتسياليزمگە تاباندى بولۋىنىڭ جانە ونى دامىتۋىنىڭ ساياسي جارناماسى جانە ارەكەت باعدارناماسى، ماركسيزمدىك باعدارنامالىق حۇجات. قۇرىلتاي بىلاي دەپ قارادى: باياندامادا بايىمدالعان قۇرىلتايدىڭ نەگىزگى تاقىرىبى پارتيامىزدىڭ حالىقتى باستاپ، تاباندىلىقپەن قۇدىرەتتەنۋگە ۇمتىلىپ، ءورىس اشا العا ىلگەرىلۋىندە ايرىقشا ماڭىزدى ءمان الادى. بۇكىل پارتيا اۋەلگى ماقساتتى ۇمىتپاي، بورىشتى ەستە بەرىك ساقتاپ، جۇڭگوشا سوتسياليزم ۇلى تۋىن بيىك ۇستاپ، جاپپاي دوڭگەلەك داۋلەتتى قوعام قۇرىپ شىعۋدىڭ شەشۋشى جەڭىسىنە جەتىپ، جاڭا داۋىردەگى جۇڭگوشا سوتسياليزمنىڭ ۇلى جەڭىسىنە قول جەتكىزىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن ىسكە اسىرۋ جولىندا قاجىماي - تالماي كۇرەس جۇرگىزۋى قاجەت.
قۇرىلتاي پارتيانىڭ 18 - كەزەكتى ورتالىق كوميتەتىنىڭ قىزمەتتەرىنە جوعارى باعا بەرىپ، پارتيانىڭ 18 - قۇرىلتايىنان بەرگى 5 جىل پارتيا مەن مەملەكەتتىڭ دامۋ ۇدەرىسىندەگى وتە وزگەشە 5 جىل بولدى، رەفورما جاساۋ، ەسىك اشۋ ىستەرى مەن سوتسياليستىك وسىزامانداندىرۋ قۇرىلىسىندا تاريحي جەتىستىكتەرگە قول جەتتى. 5 جىلدان بەرگى جەتىستىكتەر جان - جاقتى، جاسامپازدىققا تولى، 5 جىلدان بەرگى وزگەرىستەر تەرەڭ، تۇبەگەيلى بولدى دەپ اتاپ كورسەتتى.
قۇرىلتاي مىنالاردى باسا دارىپتەدى: ۇزاق مەزگىل قۇلشىنىس جاساۋ ارقىلى جۇڭگوشا سوتسياليزم جاڭا داۋىرگە ءوتتى، بۇل ەلىمىز دامۋىنىڭ جاڭا تاريحي بەلەسى. جۇڭگوشا سوتسياليزم جاڭا داۋىرگە ءوتىپ، ەلىمىز قوعامىنداعى باستى قايشىلىق حالىقتىڭ كۇن سايىن ارتىپ وتىرعان تاماشا تۇرمىس قاجەتى مەن دامۋدىڭ بىركەلكى، تولىق بولماۋى اراسىنداعى قايشىلىققا وزگەردى. ەلىمىز قوعامىنداعى باستى قايشىلىقتىڭ وزگەرۋى جالپى جاعدايعا قاتىستى تاريحي وزگەرىس، بۇل پارتيا مەن مەملەكەت قىزمەتىنە كوپتەگەن جاڭا تالاپتار قويدى.
قۇرىلتاي مىنالاردى باسا دارىپتەدى: جاڭا داۋىردە قانداي جۇڭگوشا سوتسياليزمگە تاباندى بولۋ جانە ونى دامىتۋ، جۇڭگوشا سوتسياليزمگە قالاي تاباندى بولۋ جانە ونى دامىتۋ دەگەن كەلەلى داۋىرلىك تاقىرىپقا جاۋاپ بەرۋ توڭىرەگىندە، پارتيامىز كوممۋنيستىك پارتيانىڭ بيلىك جۇرگىزۋ زاڭدىلىعى، سوتسياليستىك قۇرىلىستىڭ زاڭدىلىعى، ادامزات قوعامىنىڭ دامۋ زاڭدىلىعى جونىندەگى تانىمدى شىت جاڭا كوز ايامەن تەرەڭدەتىپ، جاپالى نازاريالىق ىزدەنىس جاساپ، ماڭىزدى نازاريالىق جاسامپازدىق جەتىستىگىنە قول جەتكىزىپ، شي جينپيڭنىڭ جاڭا داۋىردەگى جۇڭگوشا سوتسياليزم يدەياسىن جاراتتى. شي جينپيڭنىڭ جاڭا داۋىردەگى جۇڭگوشا سوتسياليزم يدەياسى − ماركسيزم - لەنينيزمنىڭ، ماۋ زىدۇڭ يدەياسىنىڭ، دىڭ شياۋپيڭ نازارياسىنىڭ، «ۇشكە ۋاكىلدىك ەتۋ» ماڭىزدى يدەياسىنىڭ، عىلمي دامۋ كوزقاراسىنىڭ جالعاستىرىلۋى جانە دامىتىلۋى، ماركسيزمنىڭ جۇڭگوشالانۋىنىڭ ەڭ جاڭا جەتىستىگى، پارتيا مەن حالىقتىڭ امالياتتىق تاجىريبەسى مەن كوللەكتيۆ اقىل - پاراساتىنىڭ جاۋھارى، جۇڭگوشا سوتسياليزم نازاريا جۇيەسىنىڭ ماڭىزدى قۇرامداس بولىگى، بۇكىل پارتيانىڭ، بۇكىل ەل حالقىنىڭ جۇڭحۋا ۇلتىنىڭ ۇلى گۇلدەنۋىن ىسكە اسىرۋ جولىنداعى كۇرەسىنىڭ ارەكەت قىبلاناماسى، وعان، ءسوز جوق، ۇزاق ۋاقىت تاباندى بولۋ جانە ونى ۇزدىكسىز دامىتۋ كەرەك.
قۇرىلتاي مىنالاردى باسا دارىپتەدى: بارلىق قىزمەتتە پارتيانىڭ باسشىلىعىنا تاباندى بولۋ، حالىقتى وزەك ەتۋگە تاباندى بولۋ، رەفورمانى جاپپاي تەرەڭدەتۋگە تاباندى بولۋ، جاڭا دامۋ ۇستانىمىنا تاباندى بولۋ، حالىقتىڭ قوجا بولۋىنا تاباندى بولۋ، مەملەكەتتى جاپپاي زاڭمەن جونگە سالۋعا تاباندى بولۋ، سوتسياليستىك وزەكتى قۇن جۇيەسىنە تاباندى بولۋ، دامۋ بارىسىندا حالىق تۇرمىسىن قامتاماسىز ەتۋ مەن جاقسارتۋعا تاباندى بولۋ، ادام مەن تابيعاتتىڭ جاراسىمدى قاتار ءومىر سۇرۋىنە تاباندى بولۋ، جالپىلىق مەملەكەت حاۋىپسىزدىگى كوزقاراسىنا تاباندى بولۋ، پارتيانىڭ حالىق ارمياسىنا شارتسىز باسشىلىعىنا تاباندى بولۋ، «ءبىر ەل، ەكى تۇزىمگە» جانە وتاننىڭ بىرلىككە كەلۋىن ىلگەرىلەتۋگە تاباندى بولۋ، ادامزاتتىڭ تاعدىرلاس ورتاق تۇلعاسىنىڭ قالىپتاسۋىن ىلگەرىلەتۋگە تاباندى بولۋ، پارتيانى جاپپاي قاتاڭ جونگە سالۋعا تاباندى بولۋ، وسى ون ءتورتى جاڭا داۋىردە جۇڭگوشا سوتسياليزمگە تاباندى بولۋدىڭ جانە ونى دامىتۋدىڭ نەگىزگى جالپى جوباسىن قۇرايدى. بۇكىل پارتياداعى جولداستار پارتيانىڭ نەگىزگى نازارياسىن، نەگىزگى لۋشيانىن، نەگىزگى جالپى جوباسىن، ءسوز جوق، جاپپاي دايەكتىلەندىرىپ، پارتيا مەن حالىق ىستەرىنىڭ دامۋىنا اناعۇرلىم ويداعىداي جەتەكشىلىك ەتۋى كەرەك.
قۇرىلتاي قازىردەن باستاپ 2020 - جىلعا دەيىن − جاپپاي دوڭگەلەك داۋلەتتى قوعام قۇرىپ شىعۋدىڭ شەشۋشى جەڭىسىنە جەتۋ مەزگىلى ەكەندىگىن العا قويدى. قۇرىلتاي بىلاي دەپ ەسەپتەدى: پارتيانىڭ 19 - قۇرىلتايىنان 20 - قۇرىلتايىنا دەيىنگى كەزەڭ − «قوس 100 جىل» كۇرەس نىساناسىن ىسكە اسىرۋدىڭ تاريحي توعىسۋ مەزگىلى. ءبىز جاپپاي دوڭگەلەك داۋلەتتى قوعام قۇرىپ، ءبىرىنشى 100 جىلدىق كۇرەس نىساناسىن ىسكە اسىرۋىمىز ءارى ۇتىمدى جاعدايدان پايدالانىپ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارىن باستاپ، ەكىنشى 100 جىلدىق كۇرەس نىساناسىنا قاراي جورىق جاساۋىمىز كەرەك. حالىقارالىق جانە ىشكى جاعدايعا، ەلىمىزدىڭ دامۋ شارت - جاعدايىنا جان - جاقتى تالداۋ جاساعاندا، 2020 - جىلدان وسى عاسىردىڭ ورتاسىنا دەيىنگى ارالىقتى 2 ساتىعا ءبولىپ ورنالاستىرۋعا بولادى. ءبىرىنشى ساتىدا، 2020 - جىلدان 2035 - جىلعا دەيىن، جاپپاي دوڭگەلەك داۋلەتتى قوعام قۇرىپ شىعۋ نەگىزىندە، تاعى دا 15 جىل كۇرەس جۇرگىزىپ، سوتسياليستىك وسىزامانداندىرۋدى نەگىزىنەن ىسكە اسىرامىز. ەكىنشى ساتىدا، 2035 - جىلدان وسى عاسىردىڭ ورتاسىنا دەيىن، وسىزامانداندىرۋدى نەگىزىنەن ىسكە اسىرۋ نەگىزىندە، تاعى دا 15 جىل كۇرەس جۇرگىزىپ، ەلىمىزدى باي، قۇدىرەتتى، دەموكراتيالى، وركەنيەتتى، جاراسىمدى، كورىكتى سوتسياليستىك وسىزاماندانعان قۇدىرەتتى مەملەكەت ەتىپ قۇرىپ شىعامىز.
قۇرىلتاي بايانداماداعى ەلىمىزدىڭ سوتسياليستىك ەكونوميكالىق قۇرىلىسى، ساياسي قۇرىلىسى، مادەنيەت قۇرىلىسى، قوعام قۇرىلىسى، ەكولوگيالىق وركەنيەت قۇرىلىسى جونىندەگى ورنالاستىرۋلارىن قۇپتادى.
قۇرىلتاي مىنالاردى باسا دارىپتەدى: ءسوز جوق، ارميانى قۇدىرەتتەندىرۋدىڭ جۇڭگوشا جولىمەن جۇرۋگە تاباندى بولىپ، شي جينپيڭنىڭ ارميانى قۇدىرەتتەندىرۋ يدەياسىن جاپپاي دايەكتىلەندىرىپ، جاڭا جاعدايداعى اسكەري ىستەر ستراتەگيالىق باعىتىن دايەكتىلەندىرىپ، مەملەكەت قورعانىسى مەن ارميانىڭ وسىزاماندانۋىن جاپپاي ىلگەرىلەتىپ، حالىق ارمياسىن الەمدەگى ماڭداي الدى ارميا ەتىپ قۇرىپ شىعۋ كەرەك. قۇرىلتاي مىنالاردى باسا دارىپتەدى: شياڭگاڭنىڭ، اۋمىننىڭ ۇزاق مەزگىل گۇلدەنىپ - كوركەيۋى مەن ورنىقتىلىعىن ساقتاپ، ءسوز جوق، «ءبىر ەل، ەكى ءتۇزىم»، «شياڭگاڭدى شياڭگاڭدىقتار باسقارۋ»، «اۋمىندى اۋمىندىقتار باسقارۋ»، وسكەلەڭ اۆتونوميا باعىتىن جاپپاي، دۇرىس دايەكتىلەندىرىپ، قاتاڭ تۇردە نەگىزگى زاڭ مەن ءتۇبىرلى زاڭ بويىنشا ءىس جۇرگىزىپ، شياڭگاڭدىق، اۋمىندىق باۋىرلاستاردىڭ وتان حالقىمەن بىرگە ۇلتتى گۇلدەندىرۋدىڭ تاريحي جاۋاپكەرشىلىگىن تەڭ ارقالاپ، وتاننىڭ گۇلدەنۋى مەن قۇدىرەتتەنۋىنىڭ ۇلى داڭقىنان تەڭ يگىلىكتەنۋىنە مۇمكىندىك جاساۋ كەرەك. ءسوز جوق، «بەيبىت بىرلىككە كەلۋ، ءبىر ەل، ەكى ءتۇزىم» باعىتىنا ۇزدىكسىز تاباندى بولىپ، ەكى جاعالاۋدىڭ ەكونوميكالىق، مادەني بايلانىسى مەن سەلبەستىگىن كەڭەيتىپ، ەكى جاعالاۋداعى باۋىرلاستاردىڭ جۇڭحۋا مادەنيەتىن بىردەي ساۋلەلەندىرۋىن ىلگەرىلەتىپ، ەكى جاعالاۋ قارىم - قاتىناسىنىڭ بەيبىت جولمەن دامۋىن ىلگەرىلەتىپ، وتاننىڭ بەيبىت جولمەن بىرلىككە كەلۋ اياق الىسىن ىلگەرىلەتۋ كەرەك، ءارقانداي ادامنىڭ، ءارقانداي ۇيىمنىڭ، ءارقانداي ساياسي پارتيانىڭ ءارقانداي ۋاقىتتا، ءارقانداي تاسىلمەن جۇڭگو تەرريتورياسىنىڭ ءارقانداي ءبىر بولىگىن جۇڭگودان ءبولىپ اكەتۋىنە استە جول بەرىلمەيدى.قۇرىلتاي باياندامانىڭ حالىقارالىق جاعداي جونىندەگى تالداۋلارى مەن باياندامادا العا قويىلعان ديپلوماتيالىق قىزمەتتىڭ باعىتىن قۇپتاپ، مىنالاردى باسا دارىپتەدى: جۇڭگو «ءبىر بەلدەۋ، ءبىر جول» حالىقارالىق ىنتىماقتاستىعىن بەلسەنە ىلگەرىلەتىپ، جاھاندىق باسقارۋ جۇيەسىن رەفورمالاۋ مەن ورناتۋعا ۇزدىكسىز تۇردە بەلسەنە ات سالىسىپ، ءوزارا قۇرمەتتەيتىن، ءادىل دە ادىلەتتى، ءوزارا پايدالى ىنتىماقتاستىق جاسايتىن جاڭاشا حالىقارالىق قاتىناستىڭ ورناۋىن ىلگەرىلەتىپ، ادامزاتتىڭ تاعدىرلاس ورتاق تۇلعاسىنىڭ قالىپتاسۋىن جەبەپ، الەمدەگى ءار ەل حالىقتارىمەن بىرگە باياندى بەيبىتشىلىك ورناعان، جاپپاي حاۋىپسىز، قاتار گۇلدەنىپ - كوركەيەتىن، اشىق، باۋىرمال، تازا، كورىكتى دۇنيە قۇرادى.
قۇرىلتاي مىنالاردى باسا دارىپتەدى: تەمىر سوعۋ ءۇشىن قۇرىشتاي بەرىك بولۋ كەرەك. جاڭا داۋىردەگى پارتيا قۇرىلىسىنىڭ باس تالابى: پارتيانىڭ جاپپاي باسشىلىعىنا تاباندى بولىپ جانە ونى نىعايتىپ، پارتيانى پارتيا باسقارۋعا، پارتيانى جاپپاي قاتاڭ جونگە سالۋعا تاباندى بولىپ، پارتيانىڭ ۇزاق مەرزىم بيلىك جۇرگىزۋ قابىلەتى قۇرىلىسىن، العاباسارلىق جانە كىرشىكسىزدىك قۇرىلىسىن كۇشەيتۋدى نەگىزگى جەلى، پارتيانىڭ ساياسي قۇرىلىسىن ءبىر تۇتاس جەتەكشى، مۇرات - سەنىم مەن باستى ماقساتتى بەكەمدەۋدى تاعان، بۇكىل پارتيانىڭ بەلسەندىلىگىن، ىرىقتىلىعىن، جاسامپازدىعىن جۇمىلدىرۋدى كۇش سالۋ ءتۇيىنى ەتىپ، پارتيانىڭ ساياسي قۇرىلىسىن، يدەيالىق قۇرىلىسىن، ۇيىمدىق قۇرىلىسىن، ستيل قۇرىلىسىن، ءتارتىپ قۇرىلىسىن جاپپاي ىلگەرىلەتىپ، ءتۇزىم قۇرىلىسىن وسىلارمەن ساباقتاستىرىپ، جەمقورلىققا قارسى كۇرەستى ىشكەرىلەي ىلگەرىلەتىپ، پارتيا قۇرىلىسىنىڭ ساپاسىن ۇزبەي كوتەرىپ، پارتيانى ءارقاشان دا ءداۋىردىڭ الدىڭعى لەگىندە جۇرەتىن، حالىق شىن جۇرەكپەن قولدايتىن، ءوز - وزىنە جۇرەكتىلىكپەن توڭكەرىس جاسايتىن، ءتۇرلى قيىندىقتىڭ سىناعىنان سۇرىنبەي وتەتىن جالىن - جىگەرى قاۋلاعان ماركسيزمدىك ساياسي پارتيا ەتىپ قۇرىپ شىعۋ.
قۇرىلتاي مىنالاردى باسا دارىپتەدى: بۇكىل پارتيا، ءسوز جوق، ساياسي تانىمدى، جالپى جاعداي تانىمىن، ۇيتقى تانىمىن، ساپ تۇزەۋ تانىمىن كۇشەيتىپ، پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىنا تاباندى بولىپ، پارتيانىڭ ساياسي لۋشيانىن باتىل اتقارىپ، ساياسي تارتىپكە جانە ساياسي قاعيداعا قاتاڭ بويسۇنىپ، ساياسي تۇرعىدا، ساياسي بەتالىستا، ساياسي پرينسيپتە، ساياسي جولدا پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاۋ كەرەك.
قۇرىلتاي ج ك پ 18 - كەزەكتى ورتالىق ءتارتىپ تەكسەرۋ كوميتەتىنىڭ قىزمەت بايانداماسى جونىندەگى قاۋلىنى ماقۇلدادى. قۇرىلتاي ج ك پ 18 - كەزەكتى ورتالىق ءتارتىپ تەكسەرۋ كوميتەتىنىڭ قىزمەتىن تولىق تۇراقتاندىردى.
قۇرىلتاي «جۇڭگو كوممۋنيستىك پارتياسىنىڭ ۋستاۆى (وزگەرىس ەنگىزىلگەن نۇسقا)»جونىندەگى قاۋلىنى ماقۇلداپ، وسى وزگەرىس ەنگىزىلگەن نۇسقانىڭ ماقۇلدانعان كۇننەن باستاپ كۇشكە يە بولاتىندىعىن ۇيعاردى.
قۇرىلتاي بىلاي دەپ قارادى: شي جينپيڭنىڭ جاڭا داۋىردەگى جۇڭگوشا سوتسياليزم يدەياسى − ماركسيزم - لەنينيزمنىڭ، ماۋ زىدۇڭ يدەياسىنىڭ، دىڭ شياۋپيڭ نازارياسىنىڭ، «ۇشكە ۋاكىلدىك ەتۋ» ماڭىزدى يدەياسىنىڭ، عىلمي دامۋ كوزقاراسىنىڭ جالعاستىرىلۋى جانە دامىتىلۋى، ماركسيزمنىڭ جۇڭگوشالانۋىنىڭ ەڭ جاڭا جەتىستىگى، پارتيا مەن حالىقتىڭ امالياتتىق تاجىريبەسى مەن كوللەكتيۆ اقىل - پاراساتىنىڭ جاۋھارى، جۇڭگوشا سوتسياليزم نازاريا جۇيەسىنىڭ ماڭىزدى قۇرامداس بولىگى، بۇكىل پارتيانىڭ، بۇكىل ەل حالقىنىڭ جۇڭحۋا ۇلتىنىڭ ۇلى گۇلدەنۋىن ىسكە اسىرۋ جولىنداعى كۇرەسىنىڭ ارەكەت قىبلاناماسى، وعان، ءسوز جوق، ۇزاق ۋاقىت تاباندى بولۋ جانە ونى ۇزدىكسىز دامىتۋ كەرەك. قۇرىلتاي: پارتيا ۋستاۆىندا شي جينپيڭنىڭ جاڭا داۋىردەگى جۇڭگوشا سوتسياليزم يدەياسىن ماركسيزم - لەنينيزممەن، ماۋ زىدۇڭ يدەياسىمەن، دىڭ شياۋپيڭ نازارياسىمەن، «ۇشكە ۋاكىلدىك ەتۋ» ماڭىزدى يدەياسىمەن، عىلمي دامۋ كوزقاراسىمەن بىرگە پارتيانىڭ ارەكەت قىبلاناماسى ەتىپ تۇراقتاندىرۋدى ءبىر اۋىزدان قۇپتادى. قۇرىلتاي بۇكىل پارتيادان يدەيا مەن ارەكەتتى شي جينپيڭنىڭ جاڭا داۋىردەگى جۇڭگوشا سوتسياليزم يدەياسىمەن بىرلىككە كەلتىرىپ، ۇيرەنۋ، دايەكتىلەندىرۋ سانالىلىعى مەن تاباندىلىعىن كۇشەيتىپ، شي جينپيڭنىڭ جاڭا داۋىردەگى جۇڭگوشا سوتسياليزم يدەياسىن سوتسياليستىك وسىزامانداندىرۋ قۇرىلىسىنىڭ جالپى بارىسىندا دايەكتىلەندىرۋدى، پارتيا قۇرىلىسىنىڭ بارلىق جاعىندا بەينەلەۋدى تالاپ ەتتى.
قۇرىلتاي جۇڭگوشا سوتسياليزم مادەنيەتىن جۇڭگوشا سوتسياليزم جولىمەن، جۇڭگوشا سوتسياليزم نازاريا جۇيەسىمەن، جۇڭگوشا سوتسياليزم تۇزىمىمەن بىرگە پارتيا ۋستاۆىنا ەنگىزۋگە قوسىلدى، بۇل بۇكىل پارتيانىڭ جۇڭگوشا سوتسياليزم جونىندەگى تانىمىن تەرەڭدەتۋگە، جۇڭگوشا سوتسياليزمنىڭ ءمانىن جاپپاي يگەرۋگە پايدالى. قۇرىلتاي مىنالاردى باسا دارىپتەدى: بۇكىل پارتياداعى جولداستار پارتيانىڭ جاپا - ماشاقاتتى كەشىرمەلەرىمەن اشقان وسى جولدى، وسى نازاريا جۇيەسىن، وسى ءتۇزىمدى، وسى مادەنيەتتى بارىنشا قاستەرلەپ، وعان ۇزاق ۋاقىت تاباندى بولىپ جانە ونى ۇزدىكسىز دامىتىپ، جۇڭگوشا سوتسياليزم ۇلى تۋىن بيىك ۇستاپ، جول سەنىمىن، نازاريا سەنىمىن، ءتۇزىم سەنىمىن، مادەنيەت سەنىمىن بەكەمدەپ، پارتيانىڭ نەگىزگى نازارياسىن، نەگىزگى لۋشيانىن، نەگىزگى جالپى جوباسىن دايەكتىلەندىرۋ كەرەك.
قۇرىلتاي بىلاي دەپ قارادى: جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ − جۇڭحۋا ۇلتىنىڭ تاياۋ زاماننان بەرگى ەڭ ۇلى ارمانى، پارتيامىزدىڭ حالىققا، تاريحقا بەرگەن ايبىندى ۋادەسى. قۇرىلتاي پارتيا ۋستاۆىندا «قوس 100 جىلدىق» كۇرەس نىساناسىن جۇزەگە اسىرۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ ايبىندى نىساناسىن ايقىن تۇراقتاندىرۋعا قوسىلدى.
قۇرىلتاي بىلاي دەپ ەسەپتەدى: پارتيا 19 - قۇرىلتايىندا جاسالعان ەلىمىز قوعامىنداعى باستى قايشىلىقتىڭ حالىقتىڭ كۇن سايىن ارتىپ وتىرعان تاماشا تۇرمىس قاجەتى مەن دامۋدىڭ بىركەلكى، تولىق بولماۋى اراسىنداعى قايشىلىققا وزگەرگەندىگى جونىندەگى كەلەلى ساياسي تۇجىرىم ەلىمىزدىڭ قوعامدىق دامۋىنىڭ وبيەكتيۆ امالياتىن بەينەلەدى، بۇل پارتيا مەن مەملەكەتتىڭ كەلەلى باعىت - ساياساتتارىن، ۇزاق بولاشاقتىق ستراتەگياسىن بەلگىلەۋدىڭ ماڭىزدى نەگىزى. پارتيا ۋستاۆىنا وسى نەگىزدە سايكەستى وزگەرىس ەنگىزىلدى. قۇرىلتاي بىلاي دەپ قارادى: حالىق شارۋاشىلىعىنىڭ اناعۇرلىم ساپالى، اناعۇرلىم ءونىمدى، اناعۇرلىم ءادىل، اناعۇرلىم باياندى دامۋىن جەبەۋ، جۇڭگوشا سوتسياليزم ءتۇزىمىن جاقسارتۋ جانە دامىتۋ، مەملەكەتتى جونگە سالۋ جۇيەسى مەن جونگە سالۋ قابىلەتىنىڭ وسىزاماندانۋىن ىلگەرىلەتۋ، رەفورمانىڭ جۇيەلىك، جالپىلىق، سايكەستىلىك سيپاتىنا اناعۇرلىم ءمان بەرۋ سياقتى مازمۇنداردىڭ پارتيا ۋستاۆىنا ەنگىزىلۋى بۇكىل پارتيانىڭ يدەيا مەن ارەكەتتى پارتيا ورتالىق كوميتەتىنىڭ عىلمي تۇجىرىمدارىمەن جانە ستراتەگيالىق ورنالاستىرۋلارىمەن بىرلىككە كەلتىرۋىن ىلگەرىلەتىپ، جاڭا دامۋ ۇستانىمىن ورناتىپ جانە امالياتتا ايگىلەپ، رەفورمانىڭ، دامۋدىڭ جاڭا جاعدايىن ۇزدىكسىز اشۋعا پايدالى. قۇرىلتاي بىلاي دەپ قارادى: پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى ەكونوميكالىق قۇرىلىس، ساياسي قۇرىلىس، مادەنيەت قۇرىلىسى، قوعامدىق قۇرىلىس، ەكولوگيالىق وركەنيەت قۇرىلىسى جاقتارىندا ءبىرسىپىرا جاڭا ۇستانىمداردى، جاڭا يدەيالاردى، جاڭا ستراتەگيالاردى العا قويدى. وسى مازمۇنداردىڭ تولىقتانۋى بۇكىل پارتيانىڭ اناعۇرلىم سانالىلىقپەن، اناعۇرلىم تاباندىلىقپەن پارتيانىڭ نەگىزگى نازارياسىن، نەگىزگى لۋشيانىن، نەگىزگى جالپى جوباسىن دايەكتىلەندىرۋ، «بەستى ءبىر تۇلعالاندىرۋ» جالپىلىق ورنالاستىرۋىن ءبىر تۇتاس جوبالاۋ، ىلگەرىلەتۋ جونىنەن اسا ماڭىزدى رول اتقارادى.
قۇرىلتاي بىلاي دەپ قارادى: پارتيا 18 - قۇرىلتايىنان بەرى، شي جينپيڭ جولداستىڭ مەملەكەت قورعانىسى مەن ارميا قۇرىلىسىن، ۇلتتار ىنتىماعىن، «ءبىر ەل، ەكى ءتۇزىمدى» جانە وتاننىڭ تۇتاستىعىن، بىرلىكساپتى، ديپلوماتيالىق قىزمەتتى كۇشەيتۋ جونىندە ءبىرسىپىرا ماڭىزدى يدەيالاردى، كوزقاراستاردى العا قويۋى ارميانى قۇدىرەتتەندىرۋدىڭ جۇڭگوشا جولىنان اۋىتقىماۋعا، تەڭ، ىنتىماقتى، قايىرىمدى، جاراسىمدى سوتسياليستىك ۇلت قاتىناسىن قورعاۋعا جانە دامىتۋعا، وتاننىڭ تۇتاستىعىن جەبەۋگە، ادامزاتتىڭ تاعدىرلاس ورتاق تۇلعاسىن قالىپتاستىرۋدى ىلگەرىلەتۋگە ونان ارى ايقىن بەتالىس كورسەتتى. وسى مازمۇنداردىڭ تولىقتانۋى پارتيانىڭ حالىق ارمياسىنا بولعان شارتسىز باسشىلىعىن كۇشەيتۋگە، مەملەكەت قورعانىسى مەن ارميانى وسىزامانداندىرۋ دەڭگەيىن جوعارىلاتۋعا پايدالى، ۇلتتار ىنتىماعىن كۇشەيتۋگە پايدالى، ەلىمىزدىڭ اشىق ۇلگىدەگى ەكونوميكالىق ورەسىن جوعارىلاتۋعا پايدالى.
قۇرىلتاي بىلاي دەپ ەسەپتەدى: پارتيانىڭ 18 - قۇرىلتايىنان بەرى، پارتيامىز پارتيانى جاپپاي قاتاڭ جونگە سالۋدى تىڭعىلىقتى ىلگەرىلەتىپ، پارتيا قۇرىلىسىن كۇشەيتۋ جاعىندا جان - جاقتى ىزدەنىستەر جاساپ، كوپتەگەن تابىستى تاجىريبەلەر مەن كەلەلى جەتىستىكتەرگە قول جەتكىزدى، ءسوز جوق، ونى دەر كەزىندە پارتيا ۋستاۆىندا ايگىلەپ، بۇكىل پارتيانىڭ ورتاق ەركى مەن ورتاق ولشەمىنە اينالۋىنا مۇمكىندىك جاساۋ كەرەك.
قۇرىلتاي بىلاي دەپ ەسەپتەدى: جۇڭگو كوممۋنيستىك پارتياسىنىڭ باسشىلىعى − جۇڭگوشا سوتسياليزمنىڭ ەڭ ماندىك ەرەكشەلىگى، جۇڭگوشا سوتسياليستىك ءتۇزىمنىڭ ەڭ ۇلكەن باسىمدىعى. پارتيا، ۇكىمەت، ارميا، حالىقتىق ۇيىمدار، مادەنيەت، وقۋ - اعارتۋ قاتارلى بارلىق سالاعا جانە بارلىق جەرگە پارتيا باسشىلىق ەتەدى. قۇرىلتاي وسى كەلەلى ساياسي پرينسيپتى پارتيا ۋستاۆىنا ەنگىزۋگە قوسىلدى.
قۇرىلتاي بىلاي دەپ ەسەپتەدى: پارتيانىڭ 18 - قۇرىلتايىنان بەرگى پارتيا قىزمەتى مەن پارتيا قۇرىلىسىنداعى تابىستى تاجىريبەلەردى قورىتىندىلاپ، قابىلداپ ءارى ونى باس باعدارلامانىڭ ءىشىنارا جەرلەرىنە وزگەرىس ەنگىزۋمەن ساباقتاستىرىپ، پارتيا ۋستاۆىنىڭ ءىشىنارا تارماقتارىنا ۇيلەسىمدى وزگەرىس ەنگىزۋ اسا قاجەتتى. قۇرىلتاي ءتۇرلى كەڭەستىك تارتىپتەرىن اياقتاعان سوڭ، شي جينپيڭ ىقىلاسقا تولى شاپالاق ءۇنى ىشىندە ماڭىزدى ءسوز سويلەدى. ول بىلاي دەدى: بارلىق ۋاكىلدەردىڭ بىرگە قۇلشىنۋىندا، بۇل جولعى قۇرىلتاي اۋەلگى ماقساتتى ۇمىتپاي، بورىشتى ەستە بەرىك ساقتاعان، تۋدى بيىك ۇستاعان، ىنتىماقتاسا العا ىلگەرىلەگەن قۇرىلتاي بولدى. قۇرىلتاي ماقۇلداعان 18 - كەزەكتى ورتالىق كوميتەتتىڭ بايانداماسىندا جۇڭگوشا سوتسياليزم تۋى بيىك ۇستالىپ، ماركسيزم - لەنينيزم، ماۋ زىدۇڭ يدەياسى، دىڭ شياۋپيڭ نازارياسى، «ۇشكە ۋاكىلدىك ەتۋ» ماڭىزدى يدەياسى، عىلمي دامۋ كوزقاراسى، جاڭا داۋىردەگى جۇڭگوشا سوتسياليزم يدەياسى جەتەكشى ەتىلىپ، حالىقارالىق، ەل ءىشى جاعدايىنىڭ دامۋى مەن وزگەرىستەرىنە تالداۋ جاسالدى، وتكەن 5 جىلداعى قىزمەتتەر مەن تاريحي وزگەرىستەر ەسكە ءتۇسىرىلدى جانە قورىتىندىلاندى، جاڭا داۋىردەگى جۇڭگو كوممۋنيستىك پارتياسىنىڭ تاريحي بورىشى تەرەڭ بايىمدالدى، جاڭا داۋىردەگى جۇڭگوشا سوتسياليزم يدەياسى مەن نەگىزگى جالپى جوباسى العا قويىلدى، جاپپاي دوڭگەلەك داۋلەتتى قوعام قۇرىپ شىعۋدىڭ شەشۋشى جەڭىسىنە جەتۋ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارىن باستاۋ نىساناسى بەلگىلەندى، جاڭا داۋىردە جۇڭگوشا سوتسياليزم ۇلى ءىسىن جانە پارتيا قۇرىلىسىنىڭ جاڭا ۇلى ينجەنەرياسىن ىلگەرىلەتۋ جونىندە جاپپاي ورنالاستىرۋ جاسالدى، پارتيا مەن مەملەكەت ىستەرىنىڭ العا باسۋ بەتالىسى اناعۇرلىم ايقىن كورسەتىلدى. قۇرىلتايدا ماقۇلدانعان ورتالىق ءتارتىپ تەكسەرۋ كوميتەتىنىڭ قىزمەت بايانداماسىندا 18 - كەزەكتى ورتالىق ءتارتىپ تەكسەرۋ كوميتەتىنىڭ قىزمەتى قورىتىندىلانىپ، پارتيا ورتالىق كوميتەتىنىڭ پارمەندى باسشىلىعىندا ءار دارەجەلى ءتارتىپ تەكسەرۋ كوميتەتتەرىنىڭ پارتيا ۋستاۆىندا جۇكتەلگەن بورىشتارىن ادالدىقپەن وتەپ، پارتيا ستيلى، پاكتىك قۇرىلىسىن جانە جەمقورلىققا قارسى كۇرەستى ىشكەرىلەي ورىستەتىپ، ورتالىقتىڭ «8 ءتۇرلى بەلگىلەمەسىنىڭ» رۋحىن بۇلجىماي تياناقتاندىرىپ، ساياسي ءتارتىپ پەن ساياسي قاعيدانى قاتايتىپ، ءار دارەجەلى پارتيا ۇيىمدارىنىڭ پارتيانى باسقارۋ، پارتيانى جونگە سالۋ ساياسي جاۋاپكەرلىگىن تياناقتاندىرۋىن ىلگەرىلەتىپ، شارلاۋدىڭ الماس قىلىشتىق رولىن ساۋلەلەندىرىپ، ءتارتىپتى الدىعا قويىپ، جەمقورلىقتىڭ ءورشۋ اۋقىمىن باتىل اۋىزدىقتاپ، پارتيانىڭ ىشكى ساياسي ەكولوگياسىن تازارتىپ، جەمقورلىققا قارسى كۇرەستىڭ تەگەۋرىندى كۇيىنىڭ قالىپتاسۋى مەن بەكەمدەلۋىن ىلگەرىلەتكەندىگى تولىق تۇراقتاندىرىلدى. قۇرىلتايدا ماقۇلدانعان پارتيا ۋستاۆىنىڭ وزگەرىس ەنگىزىلگەن نۇسقاسىندا پارتيانىڭ 18 - قۇرىلتايىنان بەرگى پارتيانىڭ نازاريادا، امالياتتا، تۇزىمدە جاڭالىق اشۋدا قول جەتكەن جەتىستىكتەر ايگىلەنىپ، پارتيا 19 - قۇرىلتايىنىڭ بايانداماسىندا تۇراقتاندىرىلعان كەلەلى نازاريالىق كوزقاراس پەن كەلەلى ستراتەگيالىق يدەيا ايگىلەنىپ، وسى جىلدارداعى پارتيا قۇرىلىسىنداعى تابىستى تاجىريبەلەر بەينەلەنىپ، پارتيانىڭ جاپپاي باسشىلىعىن كۇشەيتۋ، پارتيانى جاپپاي قاتاڭ جونگە سالۋدى ىلگەرىلەتۋ جونىندە ايقىن تالاپتار قويىلدى. قۇرىلتاي جاڭا كەزەكتى ورتالىق كوميتەتى سايلاپ، كونەنىڭ ورنىن جاڭانىڭ باسۋىن ىسكە اسىردى. قۇرىلتاي جاڭا كەزەكتى ورتالىق ءتارتىپ تەكسەرۋ كوميتەتىن دە سايلاپ شىقتى. ءبىز وسى جولعى قۇرىلتايدا جاسالعان شەشىمدەر مەن ورنالاستىرۋلاردىڭ، قول جەتكەن جەتىستىكتەردىڭ جاپپاي دوڭگەلەك داۋلەتتى قوعام قۇرىپ شىعۋدىڭ شەشۋشى جەڭىسىنە جەتۋدە، جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارىن باستاۋدا، پارتيانى جاپپاي قاتاڭ جونگە سالۋدى ىلگەرىلەتۋدە، پارتيا قۇرىلىسىنىڭ جاڭا ۇلى ينجەنەرياسىن ىلگەرىلەتۋدە، جاڭا داۋىردەگى جۇڭگوشا سوتسياليزمنىڭ ۇلى جەڭىسىنە قول جەتكىزۋدە، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋدا، ءسوز جوق، اسا ماڭىزدى جەتەكشىلىك رولى مەن كەپىلدىك رولىن ساۋلەلەندىرەتىندىگىنە سەنەمىز.
شي جينپيڭ بىلاي دەپ باسا دارىپتەدى: ءبىز پارتيانىڭ مەملەكەتتىك قۇرىلتايىنىڭ ۋاكىلى رەتىندە، داڭقتى بورىش، كەلەلى جاۋاپكەرشىلىك ارقالاپ وتىرمىز، سوندىقتان، ءسوز جوق، پارتيانىڭ اۋەلگى ماقساتى مەن بورىشىن ەستە بەرىك ساقتاپ، ارقالاپ وتىرعان قاسيەتتى قىزمەت جاۋاپكەرشىلىگىمىزدى جادىمىزدا ساقتاپ، پارتيانىڭ نازارياسىن جانە لۋشيان، باعىت - ساياساتتارىن مۇقيات ۇيرەنىپ، پارتيانىڭ جاپپاي دوڭگەلەك داۋلەتتى قوعام قۇرىپ شىعۋدىڭ شەشۋشى جەڭىسىنە جەتۋ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارىن باستاۋ جونىندەگى ستراتەگيالىق ورنالاستىرۋىن دايەكتىلەندىرىپ، تياناقتاندىرىپ، اناعۇرلىم سانالى تۇردە پارتيا ۋستاۆىن ۇيرەنىپ، پارتيا ۋستاۆىنا بويسۇنىپ، پارتيا ۋستاۆىن دايەكتىلەندىرىپ، پارتيا ۋستاۆىن قورعاپ، يدەيادا، ساياسيدا، ارەكەتتە پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاۋىمىز؛ قالىڭ پارتيا مۇشەلەرىمەن جانە حالىق بۇقاراسىمەن بايلانىستى، ءسوز جوق، نىعايتىپ، قالىڭ پارتيا مۇشەلەرى مەن حالىق بۇقاراسىنىڭ ءۇنىن جەتكىزىپ، ۋاكىلدىك ۇقىقتى دۇرىس جۇرگىزىپ، پارتيا مەن حالىقتىڭ باقىلاۋىن سانالى تۇردە قابىلداۋىمىز؛ ۇلگىلىك، باستاماشىلدىق رولىمىزدى، ءسوز جوق، ساۋلەلەندىرىپ، جاڭا داۋىردەگى پارتيا قۇرىلىسىنىڭ باس تالابىنا سانالى تۇردە نەگىزدەلىپ ءوزىمىزدى جاڭالاپ جانە ءوسىرىپ، جاڭا داۋىردەگى جۇڭگوشا سوتسياليزمنىڭ ۇلى امالياتىنا بەلسەنە ات سالىسىپ، پارتيا مەن مەملەكەت ىستەرىنە اقىل - پاراساتىمىز بەن كۇش - قۋاتىمىزدى قوسىپ، بۇكىل پارتيا مۇشەلەرىنە ۇلگى بولۋىمىز، قالىڭ پارتيا مۇشەلەرىنىڭ سەنىمىن اقتاۋىمىز كەرەك.
شي جينپيڭ مىنالاردى ءبىلدىردى: قۇرىلتاي كەزىندە، دەموكراتيالىق پارتيا - توپتاردىڭ ورتالىق كوميتەتتەرى، مەملەكەتتىك ساۋدا - ونەركاسىپشىلەر بىرلەستىگى جانە ءار ۇلت، ءار سالا قايراتكەرلەرى قۇرىلتايدى قۇتتىقتادى، قالىڭ حالىق بۇقاراسى ءتۇرلى فورمالارمەن قۇرىلتايدى قۇتتىقتادى، كوپتەگەن ەلدەردىڭ باسشىلارى، ساياسي پارتيالارى، ۇيىمدارى، سونداي - اق ءار سالاداعى قايراتكەرلەرى تەلەفون سوعىپ، حات جولداپ، قۇرىلتايدى قۇتتىقتادى، قۇرىلتاي ءتوراعالار القاسى ولارعا شىن جۇرەكتەن العىس ايتادى.
شي جينپيڭ بىلاي دەپ باسا دارىپتەدى: جۇڭگو كوممۋنيستىك پارتياسىنىڭ قۇرىلعانىنا 96 جىل بولدى، جۇڭحۋا حالىق رەسپۋبليكاسىنىڭ قۇرىلعانىنا 68 جىل بولدى، رەفورما جاسالىپ، ەسىك اشىلعانعا 39 جىل بولدى. ۇزاق ۋاقىتتان بەرى، پارتيامىز جۇڭگو حالقىن جانە جۇڭحۋا ۇلتىن ىنتىماقتاستىرىپ جانە باستاپ، قاجىماي - تالماي كۇرەس جۇرگىزىپ، قايسارلىقپەن ۇمتىلىپ، اپيىن سوعىسىنان كەيىن كونە جۇڭگونىڭ قورلىققا ۇشىراعان ايانىشتى كۇيىن ءۇزىلدى - كەسىلدى وزگەرتتى، جۇڭگو حالقى مەن جۇڭحۋا ۇلتىنىڭ كەدەيلىك پەن السىزدىك جايلاعان ايانىشتى كۇيىن ءۇزىلدى - كەسىلدى وزگەرتتى. بۇگىنگى تاڭدا، ءبىر ميلليارد 300 ميلليوننان استام جۇڭگو حالقىنىڭ قايراتى تاسقىنداپ، بويلارىن ماقتانىش سەزىمى كەرنەۋدە، وتانىمىزدىڭ 9 ميلليون 600 نەشە مىڭ شارشى كيلومەترلىك بايتاق دالاسىندا تىرشىلىك تىنىسى جالىنداپ، كوكتەم لەبى ەسۋدە. ءبىزدىڭ 5000 جىلدان استام تاريحى بار جۇڭحۋا وركەنيەتىمىز ماڭگىلىك كەرەمەتىمەن كوز تارتادى. پارتيامىزدىڭ باسشىلىعى مەن ەلىمىزدىڭ سوتسياليستىك ءتۇزىمى پارمەندى دە بەرىك، ومىرشەڭدىك كۇشكە تولى، جۇڭگو حالقى مەن جۇڭحۋا ۇلتىنىڭ كەلەشەگى ۇلى، بولاشاعى نۇرلى. وسىنداي ۇلى داۋىردە تۇرعان ءبىزدى سەنىم، ماقتانىش كەرنەيدى، سونداي - اق جاۋاپكەرشىلىگىمىزدىڭ اۋىر ەكەنىن دە جەتە سەزىنۋدەمىز. ءبىز ەرلىك - جىگەرمەن، ارىندى سەرپىنمەن نەشە بۋىن جۇڭگو كوممۋنيستەرى حالىقتى ىنتىماقتاستىرىپ، باستاپ جاراتقان تاريحي ۇلى ءىس نەگىزىندە، داۋىرگە سايما - ساي كەلەتىن ناتيجەلەر جاساپ، ۇمىتكە تولى بولاشاققا ارشىندى قادام تاستاۋىمىز كەرەك.
شي جينپيڭ مىنالاردى باسا دارىپتەدى: جۇڭگو كوممۋنيستەرىنىڭ اۋەلگى ماقساتى مەن بورىشى − جۇڭگو حالقىنىڭ باقىتىن كوزدەۋ، جۇڭحۋا ۇلتىنىڭ ۇلى گۇلدەنۋىن كوزدەۋ. وسى اۋەلگى ماقسات پەن بورىش جۇڭگو كوممۋنيستەرىن ۇزدىكسىز العا ىلگەرىلەۋگە جىگەرلەندىرەتىن ءتۇبىرلى قوزعاۋشى كۇش. بۇكىل پارتياداعى جولداستار، ءسوز جوق، حالىقپەن ماڭگى تىنىستاس، تاعدىرلاس، جۇرەكتەس بولىپ، حالىقتىڭ كوركەم ومىرگە دەگەن تالپىنىسىن ماڭگى كۇرەس نىساناسى ەتىپ، ەشقاشان دا مويىمايتىن رۋحاني كۇيمەن جانە العان بەتىنەن قايتپايتىن كۇرەسكەرلىك بەينەمەن جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ ايبىندى نىساناسىنا قاراي توقتاۋسىز ەرلىكپەن شەرۋ تارتۋى كەرەك. بۇكىل پارتيا پارتيا ورتالىق كوميتەتىنىڭ توڭىرەگىنە تىعىز ىنتىماقتاسىپ، جۇڭگوشا سوتسياليزم ۇلى تۋىن بيىك ۇستاپ، يدەيانى ازات ەتىپ، رەفورما جاساپ، جاڭالىق اشىپ، قايراتتانا ىلگەرىلەپ، شوگەلدىكپەن ىستەپ، بۇكىل ەلدەگى ءار ۇلت حالقىن باستاپ پارتيا 19 - قۇرىلتايىندا بەلگىلەنگەن نىسانا - مىندەتتەردى جۇزەگە اسىرۋ جولىندا كۇرەس جۇرگىزۋى كەرەك.
قۇرىلتاي سايلاۋىنان كەيىن، مەملەكەتتىك حالىق قۇرىلتايى تۇراقتى كوميتەتىنىڭ مىندەت وتەپ جاتقان جانە كەزىندە مىندەت وتەگەن ورىنباسار باستىقتارى، مەملەكەتتىك ساياسي كەڭەستىڭ ورىنباسار ءتوراعالىق مىندەتىن وتەپ جاتقان جانە كەزىندە وتەگەن پارتيا سىرتىنداعى قايراتكەرلەر، دەموكراتيالىق پارتيا - توپتار ورتالىق كوميتەتتەرىنىڭ، مەملەكەتتىك ساۋدا - ونەركاسىپشىلەر بىرلەستىگىنىڭ بەيجيڭدە تۇراتىن ورىنباسار ءتوراعالارى، پارتيادا، توپتا جوق قايراتكەرلەردىڭ ۋاكىلدەرى، ءدىن سالاسىنداعى قايراتكەرلەردىڭ ۋاكىلدەرى، مەملەكەتتىك حالىق قۇرىلتايىنىڭ، مەملەكەتتىك ساياسي كەڭەستىڭ بەيجيڭدەگى تۇراقتى مۇشەلەرى اراسىنداعى دەموكراتيالىق پارتيا - توپتاردىڭ قايراتكەرلەرى، پارتيادا، توپتا جوق قايراتكەرلەر جانە ۇلت، ءدىن سالاسىنداعى قايراتكەرلەر قۇرىلتايعا قوناق رەتىندە سىرتتاي قاتىناستى. پارتيا ىشىندەگى قاتىستى جاۋاپتى جولداستار دا قۇرىلتايعا سىرتتاي قاتىناستى. قۇرىلتاي ايبىندى «ينتەرناتسيونال» ءانى ىشىندە تابىسپەن اياقتادى. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
