شي جينپيڭ پارتيا 19 - كەزەكتى ورتالىق كوميتەتى ساياسي بيۋروسىنىڭ تۇراقتى مۇشەلەرىمەن بىرگە جۇڭگولىق، شەتەلدىك تىلشىلەرمەن كەزدەسكەندە مىنانى دارىپتەدى:
جاڭا داۋىردە تىڭ تىنىس قالىپتاسۋى، ءتىپتى دە تىڭ ناتيجەگە قول جەتۋى، جۇڭگو حالقىنىڭ تۇرمىسى، ءسوزسىز، جىلدان - جىلعا جاقسارۋى كەرەك
2017.10.26 14:28 كەلۋ قاينارى : حالىق تورابى
شينحۋا اگەنتتىگى، 25 - قازان، بەيجيڭ. دۇنيە ءجۇزى نازارىن تاعى ءبىر رەت جۇڭگوعا اۋداردى، پارتيا 19 - كەزەكتى ورتالىق كوميتەتىنىڭ 1 - جالپى ماجىلىسىندە جاڭا سايلانعان ج ك پ ورتالىق كوميتەتىنىڭ باس شۋجيى شي جينپيڭ مەن ج ك پ ورتالىق كوميتەتى ساياسي بيۋروسىنىڭ تۇراقتى مۇشەلەرى لي كىچياڭ، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ قازاننىڭ 25 - كۇنى تۇستە حالىق سارايىندا پارتيا 19 - قۇرىلتايىن حابارلاۋعا قاتىناسقان جۇڭگولىق، شەتەلدىك تىلشىلەرمەن ىقىلاستى كەزدەستى.
شي جينپيڭ مىنانى اتاپ كورسەتتى: جاڭا عانا اشىلعان پارتيا 19 - كەزەكتى ورتالىق كوميتەتىنىڭ 1 - جالپى ماجىلىسىندە پارتيا ورتالىق كوميتەتىنىڭ جاڭا كەزەكتى باسشىلىق قۇرىلىمى سايلانىپ شىقتى، جالپى ءماجىلىس مەنى ج ك پ ورتالىق كوميتەتىنىڭ باس شۋجيلىگى مىندەتىن جالعاستى اتقارۋعا سايلادى. بۇل __ مەنىڭ قىزمەتىمدى تۇراقتاندىرعاندىق، سوندايى - اق مەنى جەبەگەندىك، شابىتتاندىرعاندىق.
شي جينپيڭ كوپشىلىككە ج ك پ ورتالىق كوميتەتى ساياسي بيۋروسى تۇراقتى كوميتەتىنىڭ باسقا مۇشەلەرىن تانىستىرعاننان كەيىن، ج ك پ ورتالىق كوميتەتى جاڭا كەزەكتى باسشىلىق قۇرامىنداعىلار اتىنان بۇكىل پارتياداعى جولداستاردىڭ سەنىمىنە العىس ايتىپ، ءسوزسىز، قىزمەتتىڭ ۇددەسىنەن شىعىپ، قاجىرلىلىقپەن ىستەپ، بورىشتى ادا ەتىپ، سەنىمدى اقتايتىندىقتارىن ءبىلدىردى.
شي جينپيڭ مىنانى اتاپ كورسەتتى: وتكەن بەس جىلدا كوپ قىزمەتتەر ىستەدىك، ونىڭ كەيبىرى ىستەلىپ بولدى، كەيبىرىن ۇزبەي ىستەۋ قاجەت. پارتيا 19 - قۇرىلتايىندا تاعى دا تىڭ نىسانا، تىڭ مىندەتتەر العا قويىلدى، ءبىز ونى ءبىر تۇتاس مەڭگەرۋدى، تياناقتاندىرۋدى مىقتى ۇستاۋىمىز كەرەك. ۇزاق ۋاقىتتىق قۇلشىنىس ارقىلى جۇڭگوشا سوتسياليزم جاڭا داۋىرگە قادام تاستادى. جاڭا داۋىردە تىڭ سەرپىلىس تانىتىپ، اناعۇرلىم تىڭ ۇلەس قوسۋىمىز كەرەك. پارتيا 19 - قۇرىلتايىنان پارتيا 20 - قۇرىلتايىنا دەيىنگى بەس جىل - «قوس ءجۇز جىلدىق» كۇرەس نىساناسىنىڭ تاريحي توعىساتىن مەزگىلىنە تۋرا كەلدى، ياعني 1 - ءجۇز جىلدىق نىسانا جۇزەگە اسىرىلىپ، 2 - ءجۇز جىلدىق كۇرەس نىساناسىنا قادام تاستالادى. مۇندا ءبىرسىپىرا ماڭىزدى ۋاقىت تۇيىندەرى بار، ول __ ءبىزدىڭ قىزمەتىمىزدىڭ كوورديناتاسى.شي جينپيڭ مىنالاردى دارىپتەدى: 2018 - جىلى رەفورما جاساپ، قاقپا اشقانىمىزعا 40 جىل تولادى. رەفورما جاساپ، قاقپا اشۋ - جۇڭگونىڭ تاعدىرىن بەلگىلەيتىن كەلەلى ءتاسىل، 40 جىلدىق رەفورما، قاقپا اشۋ _ جۇڭگو حالقىنىڭ تۇرمىسىن دوڭگەلەك داۋلەتتىلىككە جەتكىزىپ، بىرتە - بىرتە اۋقاتتاندىرا باستادى. ءبىز تاجىريبەلەردى قورىتىندىلاپ، قاجىرلىلىقپەن العا تارتىپ، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ۇزدىكسىز ىلگەرىلەتىپ، ءارقايسى جاقتارداعى رەفورمانى تەرەڭدەتۋدەن اۋىتقىماي، قاقپانى كەڭ اشۋدا ۇزدىكسىز تاباندى بولۋىمىز، رەفورما مەن قاقپا اشۋ ءوزارا ءبىر - ءبىرىن جەبەيتىن، ءوزارا ءبىر - بىرىنە ءتيىمدى بولاتىن جاعداي جاساۋىمىز كەرەك. مەن جۇڭحۋا ۇلتتارىنىڭ ۇلى كوركەيۋىنىڭ رەفورما جۇرگىزىپ، قاقپا اشۋ بارىسىندا جۇزەگە اساتىنىنا كامىل سەنەمىن.
شي جينپيڭ مىنانى اتاپ كورسەتتى: 2019 - جىلى جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن قارسى الامىز. جاڭا دامۋ تانىمىن دايەكتىلەندىرۋ ارقىلى جۇڭگو ەكونوميكاسىنىڭ ءۇرتىس، اقاۋسىز دامۋىن ىلگەرىلەتىپ، جۇڭگو حالقى مەن دۇنيەدەگى ءار ەل حالقىن يگىلىككە كەنەلتۋىمىز كەرەك. ءبىز «13 - بەسجىلدىق» جوسپاردا بەلگىلەنگەن ءتۇرلى مىندەتتەردى ويداعىداي تياناقتاندىرۋىمىز ءارى بولاشاق دامۋ بەتالىسىمىز ءۇشىن تىڭ جوبا جاساۋىمىز، ءتۇرلى ىستەردىڭ جاپپاي دامۋىن ىلگەرىلەتۋىمىز، ءوز حالقىمىزدىڭ رەسپۋبليكاسىن اناعۇرلىم كوركەيتۋىمىز، قۇدىرەتتەندىرۋىمىز كەرەك.
شي جينپيڭ مىنالاردى دارىپتەدى: 2020 - جىلى ءبىز جاپپاي دوڭگەلەك داۋلەتتى قوعام قۇرىپ شىعامىز. جاپپاي دوڭگەلەك داۋلەتتى قوعام قۇرىپ شىعۋدىڭ ءبىر قادامىنىڭ دا كەم بولۋىنا؛ تەڭ اۋقاتتانۋ جولىندا ەشكىمنىڭ دە قاتاردان قالىپ قالۋىنا بولمايدى. ءبىز بۇكىل پارتيانىڭ، بۇكىل مەملەكەتتىڭ كۇشىمەن كەدەيلىكتەن قۇتىلدىرۋدان قامال الۋ مىندەتىن باتىل ورىنداپ، بەرگەن ۋادەمىزگە كەپىلدىك ەتەمىز. حالىقتىڭ تاماشا تۇرمىس ىنتاسى _ ءبىزدىڭ كۇرەس نىسانامىز ەكەنىن كوكەيدە بەرىك ساقتاپ، حالىقتى وزەك ەتۋ سىندى دامۋ يدەياسىندا تاباندى بولىپ، حالىق تۇرمىسىنا كەپىلدىك ەتۋگە جانە حالىق تۇرمىسىن جاقسارتۋعا قاتىستى ءتۇرلى قىزمەتتى مىقتى ۇستاۋعا قۇلشىنىپ، حالىقتىڭ تابىسقا جەتۋدى، باقىتتى، حاۋىپسىزدىكتى سەزىنۋىن ۇزدىكسىز ارتتىرىپ، جالپى حالىقتىڭ بىردەي اۋقاتتانۋىن ۇزدىكسىز ىلگەرىلەتەمىز. مەن جۇڭگو حالقى تۇرمىسىنىڭ جىلدان - جىلعا جاقساراتىنىنا كامىل سەنەمىن (ەگجەي - تەگجەيلى مازمۇنىن حالىق تورابىنىڭ حانزۋشا ارناسىنان وقي الاسىزدار).
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
