جۇڭگو كوممۋنيستىك پارتياسى مەملەكەتتىك 19 - قۇرىلتايىنىڭ پارتيا 18 - كەزەكتى ورتالىق كوميتەتىنىڭ بايانداماسى جونىندەگى قاۋلىسى
(جۇڭگو كوممۋنيستىك پارتياسىنىڭ مەملەكەتتىك 19 - قۇرىلتايىندا 2017 - جىلى 24 - قازاندا ماقۇلداندى)
2017.10.26 14:28 كەلۋ قاينارى : ءتاڭىرتاۋ تورابى
جۇڭگو كوممۋنيستىك پارتياسىنىڭ مەملەكەتتىك 19 - قۇرىلتايى شي جينپيڭ جولداستىڭ پارتيا 18 - كەزەكتى ورتالىق كوميتەتى اتىنان جاساعان بايانداماسىن بەكىتتى. قۇرىلتاي جۇڭگوشا سوتسياليزم ۇلى تۋىن بيىك ۇستاپ، ماركسيزم - لەنينيزمدى، ماۋ زىدۇڭ يدەياسىن، دىڭ شياۋپيڭ نازارياسىن، «ۇشكە ۋاكىلدىك ەتۋ» ماڭىزدى يدەياسىن، عىلمي دامۋ كوزقاراسىن، شي جينپيڭنىڭ جاڭا داۋىردەگى جۇڭگوشا سوتسياليزم يدەياسىن جەتەكشى ەتىپ، حالىقارالىق، ەل ءىشى جاعدايىنىڭ دامۋى مەن وزگەرىستەرىنە تالداۋ جاسادى، وتكەن 5 جىلداعى قىزمەتتەر مەن تاريحي وزگەرىستەردى ەسكە ءتۇسىردى جانە قورىتىندىلادى، جۇڭگوشا سوتسياليزم جاڭا داۋىرگە ءوتتى، ەلىمىز قوعامىنداعى باستى قايشىلىق حالىقتىڭ كۇن سايىن ارتىپ وتىرعان تاماشا تۇرمىس قاجەتى مەن دامۋدىڭ بىركەلكى، تولىق بولماۋى اراسىنداعى قايشىلىققا وزگەردى، ت.ب كەلەلى ساياسي تۇجىرىم جاسادى، جاڭا داۋىردەگى جۇڭگو كوممۋنيستىك پارتياسىنىڭ تاريحي بورىشىن تەرەڭ بايىمدادى، شي جينپيڭنىڭ جاڭا داۋىردەگى جۇڭگوشا سوتسياليزم يدەياسىنىڭ تاريحي ورنىن تۇراقتاندىردى، جاڭا داۋىردەگى جۇڭگوشا سوتسياليزمگە تاباندى بولۋدىڭ جانە ونى دامىتۋدىڭ نەگىزگى جالپى جوباسىن ورتاعا قويدى، جاپپاي دوڭگەلەك داۋلەتتى قوعام قۇرىپ شىعۋدىڭ شەشۋشى جەڭىسىنە قول جەتكىزۋدىڭ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارىن باستاۋ نىساناسىن تۇراقتاندىردى. جاڭا داۋىردەگى جۇڭگوشا سوتسياليزم ۇلى ىستەرىن جانە پارتيا قۇرىلىسىنىڭ جاڭا ۇلى ينجەنەرياسىن ىلگەرىلەتۋ جونىندە جاپپاي ورنالاستىرۋ جاسادى. قۇرىلتاي ماقۇلداعان پارتيا 18 - كەزەكتى ورتالىق كوميتەتىنىڭ بايانداماسىندا جاپپاي دوڭگەلەك داۋلەتتى قوعام قۇرىپ شىعۋدىڭ شەشۋشى جەڭىسىنە جەتىپ، جاڭا داۋىردەگى جۇڭگوشا سوتسياليزمنىڭ ۇلى جەڭىسىنە قول جەتكىزۋدىڭ ايبىندى جوباسى جاسالىپ، پارتيا مەن مەملەكەت ىستەرىنىڭ العاباسۋ بەتالىسى ونان ارى ايقىن كورسەتىلدى، بايانداما − بۇكىل پارتيانىڭ، بۇكىل ەلدەگى ءار ۇلت حالقىنىڭ اقىل - پاراساتىنىڭ جاۋھارى، پارتيامىزدىڭ بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، جاڭا داۋىردەگى جۇڭگوشا سوتسياليزمگە تاباندى بولۋىنىڭ جانە ونى دامىتۋىنىڭ ساياسي جارناماسى جانە ارەكەت باعدارناماسى، ماركسيزمدىك باعدارنامالىق حۇجات.
قۇرىلتاي بىلاي دەپ قارادى: باياندامادا بايىمدالعان قۇرىلتايدىڭ نەگىزگى تاقىرىبى پارتيامىزدىڭ حالىقتى باستاپ، تاباندىلىقپەن قۇدىرەتتەنۋگە ۇمتىلىپ، ءورىس اشا ىلگەرىلەۋىندە ايرىقشا ماڭىزدى ءمان الادى. بۇكىل پارتيا اۋەلگى ماقساتتى ۇمىتپاي، بورىشتى ەستە بەرىك ساقتاپ، جۇڭگوشا سوتسياليزم ۇلى تۋىن بيىك ۇستاپ، جاپپاي دوڭگەلەك داۋلەتتى قوعام قۇرىپ شىعۋدىڭ شەشۋشى جەڭىسىنە جەتىپ، جاڭا داۋىردەگى جۇڭگوشا سوتسياليزمنىڭ ۇلى جەڭىسىنە قول جەتكىزىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ جولىندا قاجىماي - تالماي كۇرەس جاساۋ كەرەك.
قۇرىلتاي پارتيا 18 - كەزەكتى ورتالىق كوميتەتىنىڭ قىزمەتتەرىنە جوعارى باعا بەردى. پارتيا 18 - قۇرىلتايىنان بەرگى 5 جىل پارتيا مەن مەملەكەتتىڭ دامۋ ۇدەرىسىندەگى وتە وزگەشە 5 جىل بولدى، رەفورما جاساۋ، ەسىك اشۋ ىستەرى مەن سوتسياليستىك وسىزامانداندىرۋ قۇرىلىسىندا تاريحي جەتىستىكتەرگە قول جەتتى. 5 جىلدان بەرى شي جينپيڭ جولداستى ۇيتقى ەتكەن پارتيا ورتالىق كوميتەتى اسقان ساياسي ەرلىكپەن، كۇشتى جاۋاپكەرلىك بورىشىن وتەپ ءبىر قىدىرۋ جاڭا ۇستانىم، جاڭا يدەيا، جاڭا ستراتەگيانى العا قويىپ، ءبىر قىدىرۋ كەلەلى باعىت - ساياساتتاردى بەلگىلەپ، ءبىر قىدىرۋ كەلەلى شارالاردى شىعارىپ، ءبىر قىدىرۋ كەلەلى قىزمەتتەردى جۇرگىزىپ، ۇزاقتان بەرى شەشۋدى ويلاساق تا شەشە الماعان ءبىرتالاي قيىن ماسەلەلەردى شەشىپ، ىلگەرى ىستەۋدى ويلاساق تا ىستەي الماعان ءبىرتالاي ءىرى ىستەردى تىندىرىپ، پارتيا مەن مەملەكەت ىستەرىندە تاريحي بۇرىلىستىڭ بولۋىن ىلگەرىلەتتى. شي جينپيڭ جولداستى ۇيتقى ەتكەن پارتيا ورتالىق كوميتەتى پارتيا ءدوپ كەلىپ وتىرعان كەلەلى حاۋىپ - قاتەرلەرگە، سىن - سىناقتارعا جانە پارتيا ىشىندە ورىن تەۋىپ وتىرعان ەلەۋلى ماسەلەلەرگە باتىلدىقپەن توتەپ بەرىپ، قايسار ەرىك - جىگەرى مەن قاسيەتى ارقىلى ستيلدى دۇرىستاپ، ءتارتىپتى قاتايتىپ، جەمقورلىققا قارسى تۇرىپ، سۇرقيالىقتى جازالاپ، پارتيا مەن مەملەكەتتىڭ ىشكى جاعىندا ورىن تەپكەن اۋىر كومەسكى كىناراتتاردى ارىلتىپ، پارتيانىڭ ىشكى ساياسي تۇرمىسىنىڭ تىنىسىن اناعۇرلىم جاڭالاپ، پارتيانىڭ ىشكى ساياسي ەكولوگياسىن كورنەكتى جاقسارتىپ، پارتيانىڭ جاسامپازدىق قۋاتىن، ۇيىسۋ قۋاتىن، جاۋىنگەرلىك قۋاتىن كورنەكتى دارەجەدە كۇشەيتتى، پارتيانىڭ ىنتىماعىن، بىرلىگىن اناعۇرلىم بەكەمدەپ، پارتيا مەن بۇقارانىڭ قاتىناسىن كورنەكتى جاقسارتىپ، پارتيانى توڭكەرىستىك شىڭدالۋ بارىسىندا اناعۇرلىم كۇشەيتىپ، جاڭا، قۇدىرەتتى، جالىندى ومىرشەڭدىك كۇشىن تاسقىنداتىپ، پارتيا مەن مەملەكەت ىستەرىنىڭ دامۋىنا پارمەندى ساياسي كەپىلدىك ازىرلەدى. 5 جىلدان بەرگى تابىستار جان - جاقتى، جاسامپازدىققا تولى، 5 جىلدان بەرگى وزگەرىستەر تەرەڭ، تۇبەگەيلى بولدى.
قۇرىلتاي مىنالاردى باسا دارىپتەدى: ۇزاق مەزگىل قۇلشىنىس جاساۋ ارقىلى جۇڭگوشا سوتسياليزم جاڭا داۋىرگە ءوتتى، بۇل ەلىمىز دامۋىنىڭ جاڭا تاريحي بەلەسى. جۇڭگوشا سوتسياليزم جاڭا داۋىرگە ءوتىپ، ەلىمىز قوعامىنداعى باستى قايشىلىق حالىقتىڭ كۇن سايىن ارتىپ وتىرعان تاماشا تۇرمىس قاجەتى مەن دامۋدىڭ بىركەلكى، تولىق بولماۋى اراسىنداعى قايشىلىققا وزگەردى. ەلىمىز قوعامىنداعى باستى قايشىلىقتىڭ وزگەرۋى جالپى جاعدايعا قاتىستى تاريحي وزگەرىس، بۇل پارتيا مەن مەملەكەت قىزمەتىنە كوپتەگەن جاڭا تالاپتار قويدى. ءبىز دامۋدى ۇزدىكسىز ىلگەرىلەتۋ نەگىزىندە، دامۋدىڭ بىركەلكى، تولىق بولماۋ ماسەلەسىن شەشۋگە كۇش سالىپ، دامۋ ساپاسى مەن ونىمدىلىگىن بارىنشا جوعارىلاتىپ، حالىقتىڭ ەكونوميكا، ساياسي، مادەنيەت، قوعام، ەكولوگيا سياقتى جاقتاردا كۇن سايىن ارتىپ وتىرعان قاجەتىن اناعۇرلىم قاناعاتتاندىرىپ، حالىقتىڭ جاپپاي دامۋىن، قوعامنىڭ جاپپاي العاباسۋىن اناعۇرلىم ىلگەرىلەتۋىمىز كەرەك.
قۇرىلتاي مىنالاردى باسا دارىپتەدى: جاڭا داۋىردە قانداي جۇڭگوشا سوتسياليزمگە تاباندى بولۋ جانە ونى دامىتۋ، جۇڭگوشا سوتسياليزمگە قالاي تاباندى بولۋ جانە ونى دامىتۋ دەگەن كەلەلى داۋىرلىك تاقىرىپقا جاۋاپ بەرۋ توڭىرەگىندە، پارتيامىز كوممۋنيستىك پارتيانىڭ بيلىك جۇرگىزۋ زاڭدىلىعى، سوتسياليستىك قۇرىلىستىڭ زاڭدىلىعى، ادامزات قوعامىنىڭ دامۋ زاڭدىلىعى جونىندەگى تانىمدى شىت جاڭا كوز ايامەن تەرەڭدەتىپ، جاپالى نازاريالىق ىزدەنىس جاساپ، ماڭىزدى نازاريالىق جاسامپازدىق جەتىستىگىنە قول جەتكىزىپ، شي جينپيڭنىڭ جاڭا داۋىردەگى جۇڭگوشا سوتسياليزم يدەياسىن جاراتتى. شي جينپيڭنىڭ جاڭا داۋىردەگى جۇڭگوشا سوتسياليزم يدەياسى − ماركسيزم - لەنينيزمنىڭ، ماۋ زىدۇڭ يدەياسىنىڭ، دىڭ شياۋپيڭ نازارياسىنىڭ، «ۇشكە ۋاكىلدىك ەتۋ» ماڭىزدى يدەياسىنىڭ، عىلمي دامۋ كوزقاراسىنىڭ جالعاستىرىلۋى جانە دامىتىلۋى، ماركسيزمنىڭ جۇڭگوشالانۋىنىڭ ەڭ جاڭا جەتىستىگى، پارتيا مەن حالىقتىڭ امالياتتىق تاجىريبەسى مەن كوللەكتيۆ اقىل - پاراساتىنىڭ جاۋھارى، جۇڭگوشا سوتسياليزم نازاريا جۇيەسىنىڭ ماڭىزدى قۇرامداس بولىگى، بۇكىل پارتيانىڭ، بۇكىل ەل حالقىنىڭ جۇڭحۋا ۇلتىنىڭ ۇلى گۇلدەنۋىن ىسكە اسىرۋ جولىنداعى كۇرەسىنىڭ ارەكەت قىبلاناماسى، وعان، ءسوز جوق، ۇزاق ۋاقىت تاباندى بولۋ جانە ونى ۇزدىكسىز دامىتۋ كەرەك.
قۇرىلتاي مىنالاردى باسا دارىپتەدى: بارلىق قىزمەتتە پارتيانىڭ باسشىلىعىنا تاباندى بولۋ، حالىقتى وزەك ەتۋگە تاباندى بولۋ، رەفورمانى جاپپاي تەرەڭدەتۋگە تاباندى بولۋ، جاڭا دامۋ ۇستانىمىنا تاباندى بولۋ، حالىقتىڭ قوجا بولۋىنا تاباندى بولۋ، مەملەكەتتى جاپپاي زاڭمەن جونگە سالۋعا تاباندى بولۋ، سوتسياليستىك وزەكتى قۇن جۇيەسىنە تاباندى بولۋ، دامۋ بارىسىندا حالىق تۇرمىسىن قامتاماسىز ەتۋ مەن جاقسارتۋعا تاباندى بولۋ، ادام مەن تابيعاتتىڭ جاراسىمدى قاتار ءومىر سۇرۋىنە تاباندى بولۋ، جالپىلىق مەملەكەت حاۋىپسىزدىگى كوزقاراسىنا تاباندى بولۋ، پارتيانىڭ حالىق ارمياسىنا شارتسىز باسشىلىعىنا تاباندى بولۋ، «ءبىر ەل، ەكى تۇزىمگە» جانە وتاننىڭ بىرلىككە كەلۋىن ىلگەرىلەتۋگە تاباندى بولۋ، ادامزاتتىڭ تاعدىرلاس ورتاق تۇلعاسىنىڭ قالىپتاسۋىن ىلگەرىلەتۋگە تاباندى بولۋ، پارتيانى جاپپاي قاتاڭ جونگە سالۋعا تاباندى بولۋ، وسى 14 تارماق جاڭا داۋىردە جۇڭگوشا سوتسياليزمگە تاباندى بولۋدىڭ جانە ونى دامىتۋدىڭ نەگىزگى جالپى جوباسىن قۇرايدى. بۇكىل پارتياداعى جولداستار پارتيانىڭ نەگىزگى نازارياسىن، نەگىزگى لۋشيانىن، نەگىزگى جالپى جوباسىن، ءسوز جوق، جاپپاي دايەكتىلەندىرىپ، پارتيا مەن حالىق ىستەرىنىڭ دامۋىنا اناعۇرلىم ويداعىداي جەتەكشىلىك ەتۋ كەرەك.
قۇرىلتاي مىنالاردى العا قويدى: قازىردەن باستاپ 2020 - جىلعا دەيىن − جاپپاي دوڭگەلەك داۋلەتتى قوعام قۇرىپ شىعۋدىڭ شەشۋشى جەڭىسىنە جەتۋ مەزگىلى. پارتيانىڭ 16 -، 17 -، 18 - قۇرىلتايلارىندا العا قويىلعان جاپپاي دوڭگەلەك داۋلەتتى قوعام قۇرىپ شىعۋ جونىندەگى تالاپتار بويىنشا، ءتۇيىندى كورنەكتى تۇردە مىقتى يگەرۋ، ولقىلىقتاردى تولىقتىرۋ، ءالسىز نىسانداردى كۇشەيتۋ، اسىرەسە، اۋىر حاۋىپ - قاتەردەن ساقتانۋدىڭ جانە ونى ارىلتۋدىڭ، كەدەيلەردى دالمە - ءدال سۇيەمەلدەۋدىڭ، لاستانۋدان ساقتانۋدىڭ جانە ونى تىزگىندەۋدىڭ قامال الۋ شايقاسىن باتىل ويداعىداي جۇرگىزىپ، جاپپاي دوڭگەلەك داۋلەتتى قوعام قۇرىپ شىعۋدى حالىق قۇپتايتىن، تاريحتىڭ سىنىنان وتەتىن ەتۋ كەرەك. قۇرىلتاي بىلاي دەپ قارادى: پارتيانىڭ 19 - قۇرىلتايىنان 20 - قۇرىلتايىنا دەيىنگى كەزەڭ − «قوس 100 جىلدىق» كۇرەس نىساناسىنىڭ تاريحي توعىسۋ مەزگىلى. ءبىز جاپپاي دوڭگەلەك داۋلەتتى قوعام قۇرىپ شىعىپ، ءبىرىنشى 100 جىلدىق كۇرەس نىساناسىن ىسكە اسىرۋىمىز ءارى ۇتىمدى جاعدايدان پايدالانىپ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارىن باستاپ، ەكىنشى 100 جىلدىق كۇرەس نىساناسىنا قاراي جورىق جاساۋىمىز كەرەك. حالىقارالىق جانە ىشكى جاعدايعا، ەلىمىزدىڭ دامۋ شارت - جاعدايىنا جان - جاقتى تالداۋ جاساپ، 2020 - جىلدان وسى عاسىردىڭ ورتاسىنا دەيىنگى ارالىقتى 2 ساتىعا ءبولىپ ورنالاستىرۋعا بولادى، 1 - ساتىدا، 2020 - جىلدان 2035 - جىلعا دەيىن، جاپپاي دوڭگەلەك داۋلەتتى قوعام قۇرىپ شىعۋ نەگىزىندە تاعى دا 15 جىل كۇرەس جۇرگىزىپ، سوتسياليستىك وسىزاماندانۋدى نەگىزىنەن ىسكە اسىرامىز. 2 - ساتىدا، 2035 - جىلدان وسى عاسىردىڭ ورتاسىنا دەيىن، وسىزامانداندىرۋدى نەگىزىنەن ىسكە اسىرۋ نەگىزىندە، تاعى دا 15 جىل كۇرەس جۇرگىزىپ، ەلىمىزدى باي، قۇدىرەتتى، دەموكراتيالى، وركەنيەتتى، جاراسىمدى، كورىكتى سوتسياليستىك وسىزاماندانعان قۇدىرەتتى مەملەكەت ەتىپ قۇرىپ شىعامىز.
قۇرىلتاي بايانداماداعى ەلىمىزدىڭ سوتسياليستىك ەكونوميكالىق قۇرىلىسى، ساياسي قۇرىلىسى، مادەنيەت قۇرىلىسى، قوعامدىق قۇرىلىسى، ەكولوگيالىق وركەنيەت قۇرىلىسى جونىندەگى ورنالاستىرۋلارعا قوسىلدى. قۇرىلتاي مىنانى باسا دارىپتەدى: تىڭ دامۋ ۇستانىمىن دايەكتىلەندىرىپ، وسىزاماندانعان ەكونوميكالىق جۇيە قۇرۋ، ساپانى ماڭداي الدى ورىنعا قويۋدان، ونىمدىلىكتى الدىمەن ويلاستىرۋدان جازباي، قامداۋ جاعىنداعى قۇرىلىمدىق رەفورمانى نەگىزگى جەلى ەتىپ، ەكونوميكانىڭ دامۋ ساپاسىنا بۇرىلىس جاساۋدى، ونىمدىلىگىنە بۇرىلىس جاساۋدى، قوزعاۋشى كۇشىنە بۇرىلىس جاساۋدى جەبەپ، تۇلعالىق ەكونوميكا، عىلىم - تەحنيكا جاسامپازدىعى، وسى زامانعى فينانس، ادام كۇشى بايلىعى سايكەستى دامىعان كاسىپ سالاسى جۇيەسىن بارىنشا جەدەلدەتە قۇرىپ، بازار مەحانيزمى ءونىمدى، ميكرولىق تۇلعا ومىرشەڭ، ماكرولىق رەتتەۋ - مەڭگەرۋ تەبىندى ەكونوميكالىق ءتۇزىلىستى كۇش سالا قۇرىپ، ەلىمىزدىڭ ەكونوميكالىق جاقتاعى جاڭالىق اشۋ قۋاتى مەن باسەكەلىك قۋاتىن ۇزدىكسىز كۇشەيتۋ كەرەك. قامداۋ جاعىنداعى قۇرىلىمدىق رەفورمانى تەرەڭدەتىپ، جاڭاشىل ەل قۇرۋدى جەدەلدەتىپ، اۋىل - قىستاقتى كوركەيتۋ ستراتەگياسىن، وڭىرلەردىڭ سايكەستى دامۋ ستراتەگياسىن اتقارىپ، سوتسياليستىك بازار شارۋاشىلىعى ءتۇزىلىسىن جەدەل كەمەلدەندىرىپ، جاپپاي ەسىك اشۋدىڭ جاڭا جاعدايىنىڭ قالىپتاسۋىن جەبەپ، اناعۇرلىم ساپالى، اناعۇرلىم ءونىمدى، اناعۇرلىم ءادىل، اناعۇرلىم باياندى دامۋدى قۇلشىنا جۇزەگە اسىرۋ كەرەك. حالىقتىڭ قوجا بولۋ ءتۇزىمى جۇيەسىن اقاۋسىزداندىرىپ، سوتسياليستىك دەموكراتيالىق ساياسيدى دامىتىپ، پارتيا باسشىلىعىنىڭ، حالىقتىڭ قوجا بولۋىنىڭ، مەملەكەتتى زاڭمەن جونگە سالۋدىڭ جاندى بىرلىگىنەن جازباي، حالىق قوجا بولۋ ءتۇزىمى جۇيەسىن كەمەلدەندىرىپ، سوتسياليستىك دەموكراتيالىق ساياسيدى دامىتىپ، پارتيانىڭ باسشىلىعىنا تاباندى بولىپ، حالىقتىڭ قوجا بولۋى مەن مەملەكەتتى زاڭمەن جونگە سالۋدى ورگانيكالى بىرلىككە كەلتىرىپ، حالىقتىڭ قوجا بولۋىن تۇزىممەن قامتاماسىزداندىرۋدى كۇشەيتىپ، سوتسياليستىك كەڭەستىك دەموكراتيانىڭ ماڭىزدى رولىن ساۋلەلەندىرىپ، مەملەكەتتى زاڭ ارقىلى جونگە سالۋ امالياتىن تەرەڭگە بويلاتىپ، قۇرىلىم جانە اكىمشىلىك ءتۇزىلىس رەفورماسىن تەرەڭدەتىپ، وتانشىلدىق بىرلىكساپتى بەكەمدەپ جانە دامىتىپ، جاندى دا جالىندى، تىنىش، ىنتىماقتى ساياسي جاعدايدى بەكەمدەۋ جانە دامىتۋ كەرەك. مادەنيەت سەنىمىن بەكەمدەپ، سوتسياليستىك مادەنيەتتىڭ كوركەيىپ - گۇلدەنۋىن جەبەپ، يدەولوگيا قىزمەتىنىڭ باسشىلىق ۇقىعىن مىقتى يگەرىپ، سوتسياليستىك وزەكتى قۇن كوزقاراسىن جەتىلدىرىپ جانە امالياتتا ايگىلەپ، يدەيا - ءمورال قۇرىلىسىن كۇشەيتىپ، ادەبيەت - كوركەمونەردى گۇلدەندىرىپ، دامىتىپ، مادەنيەت ىستەرى مەن مادەنيەت شارۋاشىلىعىنىڭ دامۋىن ىلگەرىلەتىپ، جالپى ۇلتتىڭ مادەنيەتتە جاڭالىق اشۋ، جاسامپازدىق جاراتۋ ومىرشەڭدىگىن قاۋلاتۋ كەرەك. حالىق تۇرمىسىن قامتاماسىز ەتۋ جانە جاقسارتۋ ورەسىن جوعارىلاتىپ، قوعامدى جونگە سالۋدى كۇشەيتىپ جانە وندا جاڭالىق اشىپ، حالىقتىڭ ەڭ كوڭىل بولەتىن، ەڭ تىكە، ەڭ رەال مۇددە ماسەلەسىن مىقتى يگەرىپ، وقۋ - اعارتۋ ىستەرىن الدىمەن دامىتىپ، جۇمىستاندىرۋ ساپاسى مەن حالىقتىڭ كىرىس دەڭگەيىن جوعارىلاتىپ، قوعامدىق قامتاماسىزداندىرۋ جۇيەسى قۇرىلىسىن نىعايتىپ، كەدەيلىكتەن قۇتىلدىرۋدان قامال الۋ شايقاسىندا باتىل جەڭىسكە جەتىپ، سالاماتتى جۇڭگو ستراتەگياسىن اتقارىپ، قوعامدىق باسقارۋدىڭ بىرگە قۇرىپ، بىرگە باسقارىپ، تەڭ يگىلىكتەنەتىن قۇرىلىمىن قالىپتاستىرىپ، مەملەكەتتىڭ حاۋىپسىزدىگىن ۇتىمدى قورعاپ، حالىقتىڭ تابىس سەزىمىنىڭ، باقىت سەزىمىنىڭ، حاۋىپسىزدىك سەزىمىنىڭ اناعۇرلىم كەمەلدى، اناعۇرلىم قامتاماسىز ەتىلۋىنە، اناعۇرلىم باياندى بولۋىنا مۇمكىندىك جاساۋ كەرەك. ەكولوگيالىق وركەنيەت ءتۇزىلىسى رەفورماسىن جەدەلدەتىپ، كورىكتى جۇڭگو قۇرىپ، جاسىل دامۋدى جەبەپ، قورشاعان ورتاعا قاتىستى كورنەكتى ماسەلەلەردى كۇش سالا شەشىپ، ەكولوگيالىق جۇيەنى قورعاۋ تەبىنىن ارتتىرىپ، ەكولوگيالىق قورشاعان ورتانى باقىلاۋ - باسقارۋ تۇزىلىسىنە رەفورما جاساپ، وسىزامانداندىرۋ قۇرىلىسىنىڭ ادام مەن تابيعات جاراسىمدى وركەندەيتىن جاڭا ارناسىنىڭ قالىپتاسۋىن جەبەۋ كەرەك.
قۇرىلتاي مىنانى باسا دارىپتەدى: مەملەكەتتىڭ حاۋىپسىزدىك ورتاسىنداعى تەرەڭ وزگەرىس الدىندا، مەملەكەتتى، ارميانى قۇدىرەتتەندىرۋدەي ءداۋىر تالابى الدىندا، ارميانى قۇدىرەتتەندىرۋدىڭ جۇڭگوشا جولىمەن، ءسوز جوق، بۇلجىماي ءجۇرىپ، شي جينپيڭنىڭ ارميانى قۇدىرەتتەندىرۋ يدەياسىن جاپپاي دايەكتىلەندىرىپ، جاڭا جاعدايداعى اسكەري ىستەر ستراتەگياسى باعىتىن دايەكتىلەندىرىپ، وسىزاماندانعان قۇدىرەتتى قۇرلىق ارمياسىن، تەڭىز ارمياسىن، اۋە ارمياسىن، راكەتا ارمياسىن جانە ستراتەگيالىق كومەك بەرۋ قوسىنىن قۇرىپ، سوعىس مايدانىندا بىرلەسىپ سوعىس جۇرگىزە الاتىن قايسار، ونىمدىلىگى جوعارى قولباسشىلىق قۇرىلىمىن قالىپتاستىرىپ، جۇڭگوشا وسى زامانعى سوعىس جۇرگىزۋ جۇيەسىن تۇلعالاپ، مەملەكەت قورعانىسى مەن ارميانىڭ وسىزاماندانۋىن جاپپاي ىلگەرىلەتىپ، حالىق ارمياسىن دۇنيە جۇزىندەگى ماڭداي الدى ارميا ەتىپ قۇرىپ شىعۋ كەرەك.
قۇرىلتاي مىنالاردى باسا دارىپتەدى: شياڭگاڭنىڭ، اۋمىننىڭ ۇزاق مەزگىل گۇلدەنىپ - كوركەيۋى مەن ورنىقتىلىعىن ساقتاپ، ءسوز جوق، «ءبىر ەل، ەكى ءتۇزىم»، «شياڭگاڭدى شياڭگاڭدىقتار باسقارۋ»، «اۋمىندى اۋمىندىقتار باسقارۋ»، وسكەلەڭ اۆتونوميا باعىتىن جاپپاي دۇرىس دايەكتىلەندىرىپ، قاتاڭ تۇردە نەگىزگى زاڭ مەن ءتۇبىرلى زاڭ بويىنشا ءىس جۇرگىزىپ، شياڭگاڭدىق، اۋمىندىق باۋىرلاستاردىڭ وتان حالقىمەن بىرگە ۇلتتى گۇلدەندىرۋدىڭ تاريحي جاۋاپكەرشىلىگىن تەڭ ارقالاپ، وتاننىڭ گۇلدەنۋى مەن قۇدىرەتتەنۋىنىڭ ۇلى داڭقىنان تەڭ يگىلىكتەنۋىنە مۇمكىندىك جاساۋ كەرەك. ءسوز جوق، «بەيبىت بىرلىككە كەلۋ، ءبىر ەل، ەكى ءتۇزىم» باعىتىنا ۇزدىكسىز تاباندى بولىپ، ەكى جاعالاۋدىڭ ەكونوميكالىق، مادەني بايلانىسى مەن سەلبەستىگىن كەڭەيتىپ، ەكى جاعالاۋداعى باۋىرلاستاردىڭ جۇڭحۋا مادەنيەتىن بىردەي ساۋلەلەندىرۋىن ىلگەرىلەتىپ، ەكى جاعالاۋ قاتىناسىنىڭ بەيبىت دامۋىن جەبەپ، وتاندى بەيبىت بىرلىككە كەلتىرۋ اياق الىسىن ىلگەرىلەتۋ قاجەت، ءارقانداي ادامنىڭ، ءارقانداي ۇيىمنىڭ، ءارقانداي ساياسي پارتيانىڭ ءارقانداي ۋاقىتتا، ءارقانداي تاسىلمەن جۇڭگو تەرريتورياسىنىڭ ءارقانداي ءبىر بولىگىن جۇڭگودان ءبولىپ اكەتۋىنە استە جول بەرىلمەيدى.
قۇرىلتاي باياندامانىڭ حالىقارالىق جاعداي جونىندەگى تالداۋلارى مەن باياندامادا العا قويىلعان ديپلوماتيالىق قىزمەتتىڭ باعىتىن قۇپتاپ، مىنالاردى باسا دارىپتەدى: جۇڭگو بەيبىت دامۋ جولىنا تاباندى بولىپ، بەيبىتشىلىك، دامۋ، ىنتىماقتاستىق، تەڭ يگىلىكتەنۋ تۋىن بيىك ۇستاپ، دۇنيە ءجۇزىنىڭ بەيبىتشىلىگىن قورعاۋ، قاتار دامۋدى دەمەۋ ديپلوماتيالىق ساياساتىنىڭ تۇپكىلىكتى ماقساتىنا بويسۇنىپ، بەيبىت قاتار تۇرۋدىڭ 5 پرينسيبىنەن جازباۋ نەگىزىندە، ءار ەلمەن دوستىق ىنتىماقتاستىقتى دامىتىپ، «ءبىر بەلدەۋ، ءبىر جول» حالىقارالىق ىنتىماقتاستىعىن بەلسەنە ىلگەرىلەتىپ، جاھاندىق باسقارۋ جۇيەسىن رەفورمالاۋ مەن ورناتۋعا ۇزدىكسىز بەلسەنە ات سالىسىپ، ءوزارا قۇرمەتتەيتىن، ءادىل دە ادىلەتتى، ءوزارا پايدالى ىنتىماقتاستىق جاسايتىن جاڭاشا حالىقارالىق قاتىناستىڭ ورناۋىن ىلگەرىلەتىپ، ادامزاتتىڭ تاعدىرلاس ورتاق تۇلعاسىنىڭ قالىپتاسۋىن جەبەپ، الەمدەگى ءار ەل حالىقتارىمەن بىرگە باياندى بەيبىتشىلىك ورناعان، جاپپاي حاۋىپسىز، بىرگە گۇلدەنىپ - كوركەيەتىن، اشىق، باۋىرمال، تازا، كورىكتى دۇنيە قۇرادى.
قۇرىلتاي مىنانى باسا دارىپتەدى: تەمىر سوعۋ ءۇشىن قۇرىشتاي بەرىك بولۋ كەرەك. پارتيا حالىقتى ىنتىماقتاستىرىپ جانە باستاپ ۇلى كۇرەستەر جۇرگىزۋ، ۇلى ىستەردى ىلگەرىلەتۋ، ۇلى ارماندى ورىنداۋ ءۇشىن پارتيانىڭ باسشىلىعىنا تاباندى بولۋدان جانە ونى جاقسارتۋدان، پارتيانى اناعۇرلىم قۇدىرەتتى دە قۋاتتى ەتىپ قۇرىپ شىعۋدان تيتتەي دە اۋىتقىماي تاباندى بولۋ كەرەك. جاڭا داۋىردەگى پارتيا قۇرىلىسىنىڭ باستى تالابى: پارتيانىڭ جاپپاي باسشىلىعىنا تاباندى بولىپ جانە ونى نىعايتىپ، پارتيانى پارتيا باسقارۋعا، پارتيانى جاپپاي قاتاڭ جونگە سالۋعا تاباندى بولىپ، پارتيانىڭ ۇزاق مەرزىم بيلىك جۇرگىزۋ قابىلەتى قۇرىلىسىن، العا باسارلىق جانە كىرشىكسىزدىك قۇرىلىسىن، كۇشەيتۋدى نەگىزگى جەلى، پارتيانىڭ ساياسي قۇرىلىسىن ءبىر تۇتاس جەتەكشى، مۇرات - سەنىم مەن باستى ماقساتتى بەكەمدەۋدى تاعان، بۇكىل پارتيانىڭ بەلسەندىلىگىن، ىرىقتىلىعىن، جاسامپازدىعىن جۇمىلدىرۋدى كۇش سالۋ ءتۇيىنى ەتىپ، پارتيانىڭ ساياسي قۇرىلىسىن، يدەيالىق قۇرىلىسىن، ۇيىمدىق قۇرىلىسىن، ستيل قۇرىلىسىن، ءتارتىپ قۇرىلىسىن جاپپاي ىلگەرىلەتىپ، ءتۇزىم قۇرىلىسىن وسىلارمەن ساباقتاستىرىپ، جەمقورلىققا قارسى كۇرەستى ىشكەرىلەي ىلگەرىلەتىپ، پارتيا قۇرىلىسىنىڭ ساپاسىن ۇزبەي كوتەرىپ، پارتيانى ءارقاشان دا ءداۋىردىڭ الدىڭعى لەگىندە جۇرەتىن، حالىق شىن جۇرەكتەن قولدايتىن، ءوز - وزىنە جۇرەكتىلىكپەن توڭكەرىس جاسايتىن، ءتۇرلى قيىندىقتىڭ سىناعىنان سۇرىنبەي وتەتىن، جالىن - جىگەرى قاۋلاعان ماركسيزمدىك بيلىك باسىنداعى پارتيا ەتىپ قۇرىپ شىعۋ.
قۇرىلتاي بىلاي دەپ باسا دارىپتەدى: پارتيانىڭ ساياسي قۇرىلىسىن ماڭداي الدى ورىنعا قويۋ كەرەك. بۇكىل پارتيا، ءسوز جوق، ساياسي تانىمدى، جالپى جاعداي تانىمىن، ۇيتقى تانىمىن، ساپ تۇزەۋ تانىمىن كۇشەيتىپ، پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىنا تاباندى بولىپ، پارتيانىڭ ساياسي لۋشيانىن باتىل اتقارىپ، ساياسي تارتىپكە جانە ساياسي قاعيداعا قاتاڭ بويسۇنىپ، ساياسي تۇرعىدا، ساياسي بەتالىستا، ساياسي پرينسيپتە، ساياسي جولدا پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاۋ كەرەك.
قۇرىلتاي بۇكىل پارتيانى، بۇكىل ەلدەگى ءار ۇلت حالقىن شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە تىعىز ىنتىماقتاسىپ، جۇڭگوشا سوتسياليزم ۇلى تۋىن بيىك ۇستاپ، شي جينپيڭنىڭ جاڭا داۋىردەگى جۇڭگوشا سوتسياليزم يدەياسىن مۇقيات ۇيرەنىپ جانە دايەكتىلەندىرىپ، ارىندى جىگەرمەن العا ۇمتىلىپ، جاپاعا شىداپ بەرىلە ىستەپ، وسىزامانداندىرۋ قۇرىلىسىن ىلگەرىلەتۋ، وتاننىڭ بىرلىككە كەلۋىن ورىنداۋ، دۇنيە ءجۇزىنىڭ بەيبىتشىلىگىن قورعاۋ مەن بىرگە دامۋدى جەبەۋ سىندى 3 ءىرى تاريحي مىندەتتى ىسكە اسىرۋ، جاپپاي دوڭگەلەك داۋلەتتى قوعام قۇرىپ شىعۋدىڭ شەشۋشى جەڭىسىنە جەتىپ، جاڭا داۋىردەگى جۇڭگوشا سوتسياليزمنىڭ ۇلى جەڭىسىنە قول جەتكىزۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن ورىنداۋ، حالىقتىڭ كوركەم ومىرگە دەگەن تالپىنىسىن ىسكە اسىرۋ جولىندا ۇزدىكسىز كۇرەس جۇرگىزۋگە ۇندەدى.(شينحۋا اگەنتتىگىنىڭ 24 - قازاندا بەيجيڭنەن بەرگەن حابارى) «شينجياڭ گازەتى»
(جۇڭگو ۇلتتار ءتىل - اۋدارما مەكەمەسى اۋدارعان)
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
