شي جينپيڭ چيڭحۋا ۋنيۆەرسيتەتى ەكونوميكا باسقارۋ ينستيتۋتى اقىلشىلار كوميتەتىنىڭ شەتەلدىك مۇشەلەرىمەن جانە جۇڭگو جاقتىڭ كاسىپكەر مۇشەلەرىمەن كەزدەستى
2017.11.01 11:03 كەلۋ قاينارى : شينجياڭ گازەتى
شينحۋا اگەنتتىگىنىڭ 30 - قازاندا بەيجيڭنەن بەرگەن حابارى (ءتىلشى لي جۇڭفا). مەملەكەت ءتوراعاسى شي جينپيڭ 30 - قازاندا حالىق سارايىندا چيڭحۋا ۋنيۆەرسيتەتى ەكونوميكا باسقارۋ ينستيتۋتى اقىلشىلار كوميتەتىنىڭ شەتەلدىك مۇشەلەرىمەن جانە جۇڭگو جاقتىڭ كاسىپكەر مۇشەلەرىمەن كەزدەستى.
شي جينپيڭ مىنالاردى اتاپ كورسەتتى: جاڭا عانا جابىلعان ج ك پ 19 - قۇرىلتايى ماڭىزدى مانگە يە، ءبىزدىڭ جۇڭگوشا سوتسياليزم جولىمەن ءجۇرۋ سەنىمىمىزدى ونان ارمان بەكەمدەدى. جۇڭگوشا سوتسياليزم جاڭا داۋىرگە ءوتتى. جۇڭگونىڭ ەكونوميكاسى تەز قارقىنمەن ارتۋ كەزەڭىنەن جوعارى ساپالى دامۋ كەزەڭىنە بۇرىلىس جاسادى. جۇڭگو ەكونوميكاسى دامۋىنىڭ ستراتەگيالىق نىساناسى − ساپادا وزگەرىس جاساۋ، ونىمدىلىكتە وزگەرىس جاساۋ، قوزعاۋشى كۇشتە وزگەرىس جاساۋ نەگىزىندە، وسىزاماندانعان ەكونوميكا جۇيەسىن قۇرىپ، تۇتاس فاكتورلىق ءوندىرىس مولشەرىن جوعارىلاتىپ، ەكونوميكانىڭ جاڭالىق اشۋ قۋاتى مەن باسەكەلىك قۋاتىن ۇزدىكسىز كۇشەيتۋ. ءبىز جاڭا دامۋ ۇستانىمدارىن بۇلجىماستان دايەكتىلەندىرىپ، قامداۋ جاعىنداعى قۇرىلىمدىق رەفورمانى نەگىزگى جەلى ەتىپ، جاڭاشا ونەركاسىپتەندىرۋدى، ينفورماتسيالاندىرۋدى، قالا - قالاشىقتاندىرۋدى، اۋىل شارۋاشىلىعىن وسىزامانداندىرۋدى قاتار دامىتىپ، جاڭالىق اشۋ تيپىندەگى مەملەكەت قۇرۋدى جەدەلدەتىپ، اۋىل - قىستاقتاردى گۇلدەندىرۋ ستراتەگياسىن اتقارىپ، وڭىرلىك سايكەستى دامۋ ستراتەگياسىن جۇرگىزىپ، سوتسياليستىك بازار شارۋاشىلىعى ءتۇزىلىسىن جەدەل كەمەلدەندىرىپ، ءتىپتى دە جوعارى ورەدەگى اشىق ەكونوميكانى دامىتامىز.
شي جينپيڭ مىنالاردى اتاپ كورسەتتى: دارىندىلار جاڭالىق اشۋدىڭ نەگىزى، جاڭالىق اشۋدىڭ وزەكتى فاكتورى. دارىندىلاردى جەتىلدىرۋدە، ءتۇبىرلىسى وقۋ - اعارتۋعا سۇيەنۋ كەرەك. وقۋ - اعارتۋ قول قۋسىرىپ قاراپ تۇرۋشىلار مەن قارسى شىعۋشىلاردى ەمەس، جۇڭگوشا سوتسياليزم ىستەرىنىڭ قۇرىلىسشىلارى مەن ءىزباسارلارىن جەتىلدىرۋى كەرەك. قازىر جۇڭگو دۇنيە جۇزىندەگى ماڭداي الدى ۋنيۆەرسيتەتتەر مەن ماڭداي الدى ءپان قۇرۋ ستراتەگيالىق شەشىمىن شىعارىپ، جوعارى دارەجەلى وقۋ - اعارتۋدىڭ دامۋ ورەسىن جوعارىلاتىپ، مەملەكەتتىڭ وزەكتى باسەكەلىك قۋاتىن كۇشەيتتى.
شي جينپيڭ مىنالاردى باسا دارىپتەدى: جۇڭگو بۇرىن بولىپ كورمەگەن بەكىممەن جانە تەبىنمەن رەفورمانى جاپپاي تەرەڭدەتۋدى ىلگەرىلەتۋدە، ول ۇزدىكسىز ەسىك اشۋ ارقىلى رەفورمانى، دامۋدى جەبەيدى. جۇڭگو ءوزىنىڭ يەلىك ۇقىعىن، حاۋىپسىزدىگىن جانە دامۋ مۇددەسىن باتىل قورعاۋمەن بىرگە، سىرتقا ەسىك اشۋ سىندى نەگىزگى مەملەكەت ساياساتىنان جازباي، تەڭ يگىلىككە كەنەلۋدەي ەسىك اشۋ ستراتەگياسىن بۇلجىماستان اتقارىپ، ەسىك اشۋدىڭ ساپاسى مەن ورەسىن ۇزدىكسىز جوعارىلاتادى.
جۇڭگو ەكونوميكا جاھاندانۋىنىڭ پايداسىن كورۋشى، ونان دا ماڭىزدىسى ۇلەس قوسۋشى، جۇڭگونىڭ دامۋى − دۇنيە ءجۇزىنىڭ ورايى. جۇڭگونىڭ ەسىك اشۋى − سەن جەڭىلىپ، مەن جەڭۋ ەمەس، قايتا ىنتىماقتاسىپ تەڭ يگىلىككە كەنەلۋ. جۇڭگودا ساۋدا جۇزەگە اسپاسا دا مەيىرىمدىلىك پەن ادىلەتتىلىك جالعاسادى دەگەن ءتامسىل بار. جۇڭگو زورەكەرلىككە بارمايدى، باسقالاردان پايدا ءتۇسىرىپ قالۋدى كوزدەمەيدى. جۇڭگو ەسىك اشۋدى ونان ارى كەڭەيتەتىن ءبىر قىدىرۋ شارالاردى جولعا قويدى ءارى جالعاستى جولعا قويادى. جۇڭحۋا ۇلتى 5000 جىلدا بەيبىتشىلىك گەنىن جالعاستىرىپ كەلدى، جۇڭگو بەيبىت دامۋ جولىمەن جۇرۋگە تاباندى بولىپ، دۇرىس ۇجدان - مۇددە كوزقاراسىن ۇستانىپ، بىرگە اقىلداسىپ، بىرگە قۇرىپ، ورتاقتاساتىن الەمدىك جونگە سالۋ كوزقاراسىن جاقتايدى، دۇنيە جۇزىلىك جونگە سالۋ جۇيەسىنىڭ رەفورماسى مەن قۇرىلىسىنا بەلسەندىلىكپەن ات سالىسىپ، ادامزات تاعدىرىنىڭ ورتاق تۇلعاسىن قۇرۋدى ىلگەرىلەتەدى.
شي جينپيڭ مىنالاردى اتاپ كورسەتتى: مەن ا ق ش زۇڭتۇڭى ترامپتىڭ جاقىندا جۇڭگوعا ساپارلاي كەلۋىن كۇتۋدەمىن. جۇڭگو جاق ا ق ش جاقپەن بىرگە الىستى كوزدەپ، ءبىر - ءبىرىنىڭ مۇددەسى مەن ىقىلاسىن ءوزارا ويلاستىرىپ، الاۋىزدىقتار مەن قايشىلىقتاردى ۇيلەسىمدى شەشىپ، جۇڭگو - ا ق ش ىنتىماقتاستىعىن بىرگە ىلگەرىلەتىپ، بىرگە يگىلىككە كەنەلۋدى جۇزەگە اسىرۋدى قالايدى، ءبىز جۇڭگو - ا ق ش قاتىناسىنىڭ كەلەشەگى جونىندە ءۇمىتتى پوزيتسيادامىز.
شي جينپيڭ مۇشەلەردىڭ جۇڭگو ەكونوميكاسىنىڭ جانە باسقارۋ وقۋ - اعارتۋى ىستەرىنىڭ دامۋىن جەبەگەنىن، جۇڭگو مەن شەتەلدەردىڭ اۋىس - كۇيىسىن، ىنتىماقتاستىعىن ىلگەرىلەتۋ جولىندا قوسقان بەلسەندى ۇلەستەرىن القادى. مۇشەلەردىڭ ءوز باسىمدىقتارىن ساۋلەلەندىرىپ، جۇڭگونىڭ دامۋىنا كوبىرەك اقىل - كەڭەس بەرىپ، جۇڭگو جاقپەن كوبىرەك ءوزارا تيىمدىلىك جەتكىزەتىن ىنتىماقتاستىقتار جاساپ، دۇنيە جۇزىنە جۇڭگونى كوبىرەك وبيەكتيۆ، جان - جاقتى تانىستىرىپ، جۇڭگو حالقىنىڭ ءار ەل حالقىمەن ءوزارا ءتۇسىنىسۋىن جانە دوستاسۋىن كۇشەيتۋىن ءۇمىت ەتتى.
چيڭحۋا ۋنيۆەرسيتەتى ەكونوميكا باسقارۋ ينستيتۋتى اقىلشىلار كوميتەتىنىڭ ءتوراعاسى برەيەر، پاۋلسون قورى قوعامىنىڭ ءتوراعاسى پاۋلسون، بلاكستوۋن توبىنىڭ القا باستىعى شۆراتسمان، الما سەرىكتەستىگىنىڭ باس اتقارۋشى مەڭگەرۋشىسى كۇك، فەيسبۋك سەرىكتەستىگىنىڭ قۇرۋشىسى، قوسىمشا باس اتقارۋشى مەڭگەرۋشىسى زۇكەربەرگ قاتارلى ۋاكىل مۇشەلەر ىلگەرىندى - كەيىندى ءسوز سويلەدى. ولار ج ك پ 19 - قۇرىلتايىنىڭ جەڭىسپەن اشىلعانىن قۇتتىقتادى ءارى مىنالاردى ءبىلدىردى: ءتوراعا شي جينپيڭنىڭ پارتيا 19 - قۇرىلتايىنا جاساعان بايانداماسىنان تەرەڭ اسەر الدىق، جۇڭگو ەكونوميكانىڭ، قوعامنىڭ قۋاتتى دامۋىنا ءساتتى جەتەكشىلىك ەتتى، جۇڭگونىڭ كەدەيلەردى ازايتۋ ىستەرىندەگى تابىستارى، جاڭالىق اشا دامۋدى ىلگەرىلەتۋدەگى قۇلشىنىسى القاۋعا تاتيدى. ءبىز جۇڭگونىڭ كەلەشەگىنە نىق سەنىمدەمىز. حالىقارالىق قوعام جۇڭگونىڭ رەفورما جاساپ، ەسىك اشۋ ۇردىسىندە جۇڭگو جاقپەن ءوزارا تيىمدىلىك جەتكىزەتىن ىنتىماقتاستىقتى تەرەڭدەتۋدى كۇتۋدە، جۇڭگونىڭ حالىقارالىق ىستەردە اناعۇرلىم بەلسەندى رول اتقارۋىن كۇتۋدە. ا ق ش - تىڭ ءار سالاسى دا ترامپ زۇڭتۇڭنىڭ جۇڭگوعا ساپارلاۋىنىڭ جانە ا ق ش - جۇڭگو ەلباسىلارىنىڭ بەيجيڭدەگى كەزدەسۋىنىڭ بەلسەندى تابىستارعا قول جەتكىزۋىن كۇتۋدە، ا ق ش - جۇڭگو قاتىناسىنىڭ ۇزدىكسىز العا دامۋىن ءۇمىت ەتەمىز.
كەزدەسۋدەن ىلگەرى، شي جينپيڭ مۇشەلەرمەن ءبىر - بىرلەپ قول الىستى ءارى بىرگە سۋرەتكە ءتۇستى.
ج ك پ ورتالىق كوميتەتى ساياسي بيۋروسىنىڭ مۇشەسى، ورتالىق شۋجيچۋىنىڭ شۋجيى، ورتالىق كوميتەت كەڭسەسىنىڭ مەڭگەرۋشىسى ديڭ شۋەشياڭ، مەملەكەتتىك كەڭەستىڭ ورىنباسار زۇڭليى ما كاي، مەملەكەتتىك كەڭەستىڭ ورىنباسار زۇڭليى ليۋ ياندۇڭ، ج ك پ ورتالىق كوميتەتى ساياسي بيۋروسىنىڭ مۇشەسى، مەملەكەتتىك كەڭەس مۇشەسى ياڭ جيەچى، مەملەكەتتىك ساياسي كەڭەستىڭ ورىنباسار ءتوراعاسى چىن يۋان، مەملەكەتتىك ساياسي كەڭەستىڭ ورىنباسار ءتوراعاسى جوۋ شياۋچۋان قاتارلىلار كەزدەسۋگە قاتىناستى.
كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
