شي جينپيڭ جۇڭگو كوممۋنيستىك پارتياسىنىڭ 1 - قۇرىلتايى اشىلعان جەردى قۇرمەتپەن كورگەن كەزدە مىنانى دارىپتەدى
پارتيانىڭ كۇرەس بارىسىن ەستە بەرىك ساقتاپ، اۋەلگى ماقساتتى قاي - قاشان دا ەستەن شىعارماي، پارتيانىڭ وسكەلەڭ بورىشىن ارقالاپ، ماڭگى كۇرەس جۇرگىزۋگە بەل بايلاۋ كەرەك
2017.11.01 14:16 كەلۋ قاينارى : حالىق تورابى
«حالىق گازەتى»، 31 – قازان، شاڭحاي، جىجياڭ جياشيڭ. پارتيانىڭ 19 - قۇرىلتايى جابىلىپ ءبىر اپتادان كەيىن ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ج ك پ ورتالىق كوميتەتى ساياسي بيۋروسىنىڭ تۇراقتى مۇشەلەرى لي كىچياڭ، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭداردى باستاپ، 31 - قازاندا بەيجيڭنەن شاڭحايعا جانە جىجياڭنىڭ جياشيڭ قالاسىنا ارنايى بارىپ، جۇڭگو كوممۋنيستىك پارتياسىنىڭ 1 - قۇرىلتايى وتكىزىلگەن جەردى جانە جىجياڭنىڭ جياشيڭ قالاسىنىڭ نانحۋ كولىندەگى قىزىل كەمەنى قۇرمەتپەن كورىپ، پارتيانىڭ قۇرىلۋ تاريحىنا قايىرىلا قاراپ، پارتياعا كىرۋ سەرتىن قايتالاي ەسكە ءتۇسىرىپ، جاڭا كەزەكتى پارتيا ورتالىق كوميتەتى باسشىلىق كوللەكتيۆىنىڭ بۇلجىماس بەرىك ساياسي سەنىمىن انىق ءبىلدىردى. شي جينپيڭ ماڭىزدى ءسوز سويلەپ مىنالاردى دارىپتەدى: اۋەلگى ماقساتتى ۇمىتپاي، بورىشتى ەستە بەرىك ساقتاپ، ماڭگى - باقي كۇرەس جۇرگىزگەندە عانا جۇڭگو كوممۋنيستىك پارتياسى جاستىق كوكتەمىن ماڭگى ساقتايدى. بۇكىل پارتيا، بۇكىل ەلدەگى ءار ۇلت حالقى ءبىر نيەتپەن تىعىز ىنتىماقتاسىپ، قاجىرلىلىقپەن قۇلشىنا ىستەگەندە عانا جۇڭحۋا ۇلتتارىنىڭ ۇلى گۇلدەنۋىنىڭ الىپ دوڭعالاعى بوگەتتى بۇزا العا ىلگەرىلەپ، شۇعىلالى بولاشاققا جەڭىسپەن ۇدىرە تارتاتىن بولادى.
31 - قازان تۇستەن بۇرىن شي جينپيڭ باستاعان باسشىلار ۇشاقتان تۇسە سالىسىمەن شاڭحاي قالاسىنىڭ شيڭيە داڭعىلىنداعى جۇڭگو كوممۋنيستىك پارتياسىنىڭ 1 - قۇرىلتايى وتكىزىلگەن 76 - ءنومىرلى ورىنعا كەلدى. سان وزگەرىستى باستان كەشكەن، شاڭحاي ۇلگىسىندە سالىنعان وسى قۇرىلىس 1952 - جىلى قىركۇيەكتە جوندەلىپ، سىرتقا اشىلعان بولاتىن، قۇرىلىس گۇلدەنىپ - كوركەيگەن وسى زامانعى الىپ قالادا ايبىندى دا سالتاناتتى بەينەسىمەن كوزگە وتتاي باسىلادى. 96 جىلدىڭ الدىنداعى 1921 - جىلى شىلدەدە جۇڭگو كوممۋنيستىك پارتياسىنىڭ مەملەكەتتىك 1 - قۇرىلتايى وسى ارادا وتكىزىلىپ، قۇرىلتاي جۇڭگو كوممۋنيستىك پارتياسىن قۇرۋدى باستى كۇن ءتارتىپ ەتكەن ەدى.
شي جينپيڭ باستاعان باسشىلار شيڭيە داڭعىلىندا اۆتوكولىكتەن ءتۇسىپ، جۇڭگو كوممۋنيستىك پارتياسىنىڭ 1 - قۇرىلتايى اشىلعان ەسكەرتكىش سارايعا ءجۇرىپ باردى. شي جينپيڭ شاڭحايدا قىزمەت ىستەگەن كەزىندە بۇل جەرگە 3 رەت كەلگەن بولاتىن. شي جينپيڭ مۇندا ەڭ اۋەلى جۇڭگو كوممۋنيستىك پارتياسىنىڭ 1 - قۇرىلتايى وتكىزىلگەن زالدى ارالادى. 18 شارشى مەترلىك وسى بولمە سول كەزدەگى ءماجىلىس احۋالىنا سايكەس جايعاستىرىلىپتى. شي جينپيڭ نەداۋىر ۋاقىت قادالا قاراپ تۇرىپ، قۇرىلتاي وتكىزىلگەن جەردى، ءسوز جوق، ويداعىداي قورعاۋدى، ونان ويداعىداي پايدالانۋدى تاپسىردى. شي جينپيڭ اسەرلەنە بىلاي دەدى: ماۋ زىدۇڭ جولداس بۇل جەردى جۇڭگو كوممۋنيستىك پارتياسىنىڭ بەسىگى دەپ اتاۋشى ەدى، بۇل تەڭەۋ اسا وبرازدى، مەنىڭشە، بۇل جەر جۇڭگو كوممۋنيستەرىنىڭ رۋحاني مەكەنى دە سانالادى.
كەلۋ قاينارى: حالىق تورابى
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
