جۇڭگو – رەسەي دوستىعىن ۇرپاقتان – ۇرپاققا جالعاستىرايىق
ــ رەسەيدىڭ پرەمەر مينيسترى مەدۆەدەۆ حالىق تورابىنا كەلىپ، جۇڭگولىق توراپكەرلەرمەن لەنيادا پىكىر الماستىردى
2017.11.01 14:19 كەلۋ قاينارى : حالىق تورابى
«سالەمەتسىز بە!» 31 – قازان تۇستەن كەيىن رەسەيدىڭ پرەمەر مينيسترى مەدۆەدەۆ حالىق گازەتى مەكەمەسىنە كەلىپ، حالىق تورابى ارقىلى جۇڭگولىق توراپكەرلەرمەن لەنيادا پىكىر الماستىرعاندا اماندىق سۇراۋ ءسوزىن حانزۋشا باستاپ جاقىندىق سەزىمىن تۋدىردى. بۇل رەتكى پىكىر الماستىرۋعا جۇڭگو مەن رەسەي قاتىناسىنىڭ دامۋىن جەبەۋ، ۇرپاقتان ۇرپاققا جالعاسقان دوستىقتى بەكەمدەۋ مىندەتى جۇكتەلگەن ەدى.
حالىق تورابىنىڭ ستۋدياسىندا جۇڭگو مەن رەسەيدىڭ مەملەكەت تۋلارى ەرەكشە كوز تارتىپ تۇر، باس شۋجي شي جينپيڭ قاتارلى جۇڭگو باسشىلارىنىڭ پرەمەر مينيستر مەدۆەدەۆپەن قول الىسقان سۋرەتتەرى الىستان كەلگەن قوناقتى ءوز اۋىلىندا جۇرگەندەي سەزىمگە بولەگەن. حالىق گازەتى مەكەمەسىنىڭ باستىعى ياڭ جىن – ۋ مەن گازەتتىڭ ورىنباسار باس رەداكتورى، قوسىمشا حالىق تورابىنىڭ باس القاسى ۋاڭ ي – بياۋدىڭ سەرىك بولۋىندا پرەمەر مينيستر مەدۆەدەۆ ناق مايدانداعى كورەرمەندەردىڭ قول سوعىپ قوشامەت بىلدىرۋىندە ستۋدياعا قادام تاستادى.
«ج ك پ – نىڭ 19 – قۇرىلتايى ەرەكشە مانگە يە قۇرىلتاي، جۇڭگونىڭ بولاشاق دامۋىن جوسپارلاعان كەلەلى ءماجىلىس بولدى، رەسەي قۇرىلتايدىڭ اياق الىسىنا جانە تابىسىنا قاداعالاي نازار اۋدارىپ وتىردى». 19 – قۇرىلتايدان كەيىن جۇڭگوعا تۇڭعىش رەت ساپارلاي كەلگەن شەتەل ۇكىمەت باسشىسى رەتىندە مەدۆەدەۆ اۋەلى جۇڭگولىق توراپكەرلەردىڭ 19 – قۇرىلتاي جونىندەگى سۇراۋلارىنا جاۋاپ بەردى. ول بىلاي دەدى: «ج ك پ – نىڭ 19 – قۇرىلتايىندا ماقۇلدانعان ءبىرقىدىرۋ قاۋلى ستراتەگيالىق مانگە يە، جۇڭگولىق دوستاردىڭ وسى قاۋلىلاردى ءساتتى تياناقتاندىرۋىنا، تابىسقا جەتۋىنە تىلەۋلەسپىن!»
بىرنەشە كۇننىڭ الدىندا رەسەيدىڭ پرەزيدەنتى پۋتين مەن پرەمەر مينيسترى مەدۆەدەۆ جەكە – جەكە قۇتتىقتاۋ حاتىن جولداپ، شي جينپيڭنىڭ ج ك پ ورتالىق كوميتەتىنىڭ باس شۋجيى بولىپ سايلانعانىن قۇتتىقتاپ، جۇڭگو – رەسەي قاتىناسىنىڭ جاڭا داۋىردە ءۇرتىس دامۋىنىڭ بەتاشارىن اشقان بولاتىن. 26 – قازاندا ءتوراعا شي جينپيڭمەن تەلەفوندا سويلەسكەندە پۋتين: رەسەي - جۇڭگو قاتىناسى قازىرگى دۇنيە جۇزىندەگى ءىرى ەلدەردىڭ جاراسىمدى قاتار تۇرۋىنىڭ ۇلگىسى، ــ دەگەن بولاتىن. پرەمەر مينيستر مەدۆەدەۆتىڭ 19 – قۇرىلتاي جابىلىپ كوپ وتپەي جۇڭگوعا ساپارلاي كەلۋى جۇڭگو – رەسەي قاتىناسىنىڭ جوعارى ورەسى مەن ەرەكشە مانگە يە ەكەنىن تاعى ءبىر رەت ايگىلەدى.
كەلۋ قاينارى: حالىق تورابى
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
