شي جينپيڭنىڭ جاڭا داۋىردەگى جۇڭگوشا سوتسياليزم يدەياسىن جەتە تۇسىنەيىك
− پارتيا 19 - قۇرىلتايىنىڭ رۋحىن ۇيرەنۋ، دايەكتىلەندىرۋ جونىندە (4)
2017.11.03 16:26 كەلۋ قاينارى : شينجياڭ گازەتى
جاڭا ءداۋىر جاڭا نازارياعا جار سالادى، جاڭا نازاريا جاڭا امالياتقا جەتەكشىلىك ەتەدى.
پارتيانىڭ 19 - قۇرىلتايى شي جينپيڭنىڭ جاڭا داۋىردەگى جۇڭگوشا سوتسياليزم يدەياسىن پارتيامىزدىڭ، ءسوزسىز، ۇزاق ۋاقىت تاباندى بولاتىن جەتەكشى يدەياسى ەتىپ تۇراقتاندىرىپ، وسى جەتەكشى يدەيانىڭ رۋحاني ءمانى مەن باي مازمۇنىن ىشكەرىلەي بايىمدادى، سونداي - اق پارتيا ۋستاۆىندا شي جينپيڭنىڭ جاڭا داۋىردەگى جۇڭگوشا سوتسياليزم يدەياسىن ماركسيزم - لەنينيزممەن، ماۋ زىدۇڭ يدەياسىمەن، دىڭ شياۋپيڭ نازارياسىمەن، «ۇشكە ۋاكىلدىك ەتۋ» ماڭىزدى يدەياسىمەن، عىلمي دامۋ كوزقاراسىمەن بىرگە پارتيانىڭ قيمىل قىبلاناماسى ەتىپ تۇراقتاندىردى. بۇل پارتيانىڭ 19 - قۇرىلتايىنىڭ ماڭىزدى تاريحي ۇلەسى بولىپ، پارتيانىڭ جەتەكشى يدەياسىنىڭ تاعى ءبىر رەت داۋىرمەن بىرگە العا باسۋىن جۇزەگە اسىردى. پارتيانىڭ 19 - قۇرىلتايىنىڭ رۋحىن ۇيرەنۋدە، دايەكتىلەندىرۋدە، ەڭ ماڭىزدىسى، شي جينپيڭنىڭ جاڭا داۋىردەگى جۇڭگوشا سوتسياليزم يدەياسىن − پارتيا 19 - قۇرىلتايىنىڭ وسى جان جۇيەسىن ىشكەرىلەي ۇيرەنىپ، ءتۇسىنىپ، پارتيانىڭ جاسامپاز نازارياسىمەن وي - سانانى قارۋلاندىرىپ، امالياتقا جەتەكشىلىك ەتىپ، ءتۇرلى قىزمەتتەردە جاپپاي دۇرىس دايەكتىلەندىرىپ، تياناقتاندىرىپ، ونى پارتيا مەن مەملەكەت ىستەرىنىڭ دامۋىن ىلگەرىلەتۋدەگى قۇدىرەتتى يدەيالىق قارۋعا جانە ارەكەت قىبلاناماسىنا اينالدىرۋ كەرەك.
ۇلى ءىس عىلمي نازارياعا مۇقتاج. پارتيانىڭ 18 - قۇرىلتايىنان بەرى، ەلىمىزدىڭ دامۋى جاڭا تاريحي دەڭگەيدە تۇرعان تۇستاردا، ءبىز ىلگەرىلەتىپ وتىرعان ۇلى ىستەر ءبىر قىدىرۋ ماڭىزدى نازاريالىق، امالياتتىق ماسەلەلەردى العا قويدى، سايىپ كەلگەندە، مۇنى جاڭا داۋىردە قانداي جۇڭگوشا سوتسياليزمگە تاباندى بولۋ جانە ونى دامىتۋ، جۇڭگوشا سوتسياليزمگە قالاي تاباندى بولۋ جانە ونى دامىتۋ سىندى وسى ءبىر كەلەلى داۋىرلىك تاقىرىپقا جيناقتاۋعا بولادى. شي جينپيڭ جولداستى ۇيتقى ەتكەن پارتيا ورتالىق كوميتەتى وسى كەلەلى داۋىرلىك تاقىرىپتى مىقتاپ ارقاۋ ەتىپ، جاڭا ءداۋىردىڭ شارت - جاعدايى مەن امالياتتىڭ تالابىنا تىعىز بىرلەستىرىپ، كوممۋنيستىك پارتيانىڭ بيلىك جۇرگىزۋ زاڭدىلىعى، سوتسياليستىك قۇرىلىس زاڭدىلىعى، ادامزات قوعامىنىڭ دامۋ زاڭدىلىعى جونىندەگى تانىمدى شىت جاڭا كوز ايامەن تەرەڭدەتىپ، ماشاقاتتى نازاريالىق ىزدەنىستەر جاساپ، عىلمي، جۇيەلى جاۋاپ بەرىپ، شي جينپيڭنىڭ جاڭا داۋىردەگى جۇڭگوشا سوتسياليزم يدەياسىن قالىپتاستىردى. پارتيا مەن حالىقتىڭ امالياتتىق تاجىريبەسى مەن كوللەكتيۆ اقىل - پاراساتىنىڭ جاۋھارى بولعان بۇل عىلمي نازاريا جۇڭگوشا سوتسياليزمگە تاباندى بولۋ جانە ونى دامىتۋ ۇلى امالياتىنا پارمەندى جەتەكشىلىك ەتىپ، جۇڭگوشا سوتسياليزمنىڭ جاڭا ءداۋىرىن جاپپاي اشتى.
عىلمي نازاريا ۇلى ىستەرگە جەتەكشىلىك ەتەدى. شي جينپيڭنىڭ جاڭا داۋىردەگى جۇڭگوشا سوتسياليزم يدەياسى − پارتيامىزدىڭ امالياتتى ىشكەرىلەي ىلگەرىلەتۋ نەگىزىندە نازاريالىق جاسامپازدىق جاساۋدا قول جەتكىزگەن كەلەلى تابىسى. جاڭا داۋىرگە قادام تاستاعاندا، ءتۇرلى جاپا - ماشاقات پەن كەدەرگىلەر الدىندا ۇلى ارماندى تاباندىلىقپەن جۇزەگە اسىرۋ، جەدەل وزگەرىپ وتىرعان داۋىردە ىرىقتىلىقتى يەلەۋ، جاڭا ۇلى كۇرەستە جەڭىسكە جەتۋ ءۇشىن، ماركسيزمنىڭ نەگىزگى قاعيداسىنا تاباندى بولۋ نەگىزىندە، پارتيا مەن مەملەكەتتىڭ بولاشاقتاعى دامۋىندا ءدوپ كەلەتىن ءبىرسىپىرا ماڭىزدى ستراتەگيالىق ماسەلەلەرگە اناعۇرلىم كەڭ كوز ايامەن، ۇزاق بولاشاقتى بولجايتىن اسا كورەگەندىكپەن وي جۇگىرتىپ جانە ونى مەڭگەرىپ، نازاريالىق جاقتا ۇزدىكسىز جاڭا ءورىس اشىپ، جاڭا تۇجىرىم جاساۋ كەرەك. «8 ايقىنداپ بەرۋدىڭ» نەگىزگى مازمۇنى، «14 تاباندى بولۋدىڭ» نەگىزگى جالپى جوباسى جۇيەلى دە كەمەلدى عىلمي نازاريا جۇيەسىن قالىپتاستىردى. پارتيانىڭ 18 - قۇرىلتايىنان بەرگى 5 جىل وتە ەرەكشە 5 جىل بولدى، پارتيا مەن مەملەكەت ىستەرىندە قول جەتكەن تاريحي تابىس، جارىققا شىققان تاريحي وزگەرىس، سايىپ كەلگەندە، وسى عىلمي نازاريانىڭ جەتەكشىلىك ەتۋىنىڭ ناتيجەسى.
ماركسيزم − اشىق، داۋىرمەن بىرگە العا باساتىن نازاريالىق جۇيە، شي جينپيڭنىڭ جاڭا داۋىردەگى جۇڭگوشا سوتسياليزم يدەياسى زامانىمىزداعى جۇڭگودا ماركسيزمنىڭ دامۋىنىڭ جاڭا ءورىسىن اشتى. مازمۇنى باي، يدەياسى تەرەڭ وسى عىلمي نازاريا جاڭا داۋىردە جۇڭگوشا سوتسياليزمگە تاباندى بولۋدىڭ جانە ونى دامىتۋدىڭ باس نىساناسى، باس مىندەتى، جالپى تۇلعالىق ورنالاستىرۋى، ستراتەگيالىق ورنالاستىرۋى جانە دامۋ بەتالىسى، دامۋ ءتاسىلى، دامۋ قوزعاۋشى كۇشى، ستراتەگيالىق شاراسى، سىرتقى شارت - جاعداي، ساياسي كەپىلدىك سياقتى نەگىزگى ماسەلەلەردى قامتيدى. ماركسيزمنىڭ جۇڭگوشالانۋىنىڭ ەڭ جاڭا جەتىستىگى سانالاتىن شي جينپيڭنىڭ جاڭا داۋىردەگى جۇڭگوشا سوتسياليزم يدەياسى − جۇڭگوشا سوتسياليزم نازاريا جۇيەسىنىڭ ماڭىزدى قۇرامداس بولەگى، ول ماركسيزمنىڭ نەگىزگى قاعيداسىن جۇڭگونىڭ ناقتى امالياتىمەن ۇشتاستىرۋدىڭ تاعى ءبىر رەتكى تاريحي سەكىرۋىن جۇزەگە اسىردى، ماركسيزمنىڭ جاڭا ءورىسىن، جۇڭگوشا سوتسياليزمنىڭ جاڭا ءورىسىن، پارتيانىڭ ەل باسقارۋداعى جاڭا ءورىسىن، پارتيانى باسقارۋدىڭ، پارتيانى جونگە سالۋدىڭ جاڭا ءورىسىن اشتى، ول بۇكىل پارتيانىڭ، بۇكىل ەل حالقىنىڭ جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ جولىندا كۇرەس جۇرگىزۋىنە جول نۇسقايتىن شام - شىراق.
ۇلى اماليات اتاۋلىنىڭ ءبارى يدەيانىڭ جەتەكشىلىگىنە مۇقتاج. جاڭا ءداۋىر كەلىپ جەتتى، اناعۇرلىم كوركەم جاڭا جورىق باستالۋدا. پارتيانىڭ 19 - قۇرىلتايىنىڭ رۋحىن مۇقيات ۇيرەنىپ، دايەكتىلەندىرىپ، شي جينپيڭنىڭ جاڭا داۋىردەگى جۇڭگوشا سوتسياليزم يدەياسىن ىشكەرىلەي ۇيرەنىپ، جەتە ءتۇسىنىپ، «4 تانىمدى» بەرىك ورناتاتىن بولساق، ءبىز، ءسوزسىز، جاڭا داۋىردە پارتيانىڭ جاڭا بورىشىن، حالىق بۇقاراسىنىڭ جاڭا تىلەگىن ورىنداپ، جۇڭحۋا ۇلتىنىڭ ۇلى گۇلدەنۋىنىڭ تىڭ پاراعىن ۇزدىكسىز اشا الامىز.
(شينحۋا اگەنتتىگىنىڭ 31 - قازاندا بەيجيڭنەن بەرگەن حابارى)
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
