بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>ورتالىقتىڭ ءۇنى

شي جينپيڭ ازيا - تىنىق مۇحيت ەكونوميكالىق سەلبەستىك ۇيىمى باسشىلارىنىڭ 25 - رەتكى بەيرەسمي ماجىلىسىنە قاتىناسادى ءارى ۆيەتنامدا، لاوستا مەملەكەت ىستەرى ساپارىندا بولادى

سىرتقى ىستەر مينيسترلىگى جۇڭگو - شەتەل مەديالارىنا قۇلاققاعىس ەتۋ  جينالىسىن اشىپ، قاتىستى جاعدايلاردى تانىستىردى

2017.11.07 16:57     كەلۋ قاينارى : شينجياڭ گازەتى

  شينحۋا اگەنتتىگىنىڭ 3 - قاراشادا بەيجيڭنەن بەرگەن حابارى. سىرتقى ىستەر مينيسترلىگى 3 - قاراشادا جۇڭگو - شەتەل مەديالارىنا قۇلاققاعىس ەتۋ جينالىسىن اشتى، سىرتقى ىستەر مينيسترلىگىنىڭ ورىنباسار مينيسترى لي باۋدۇڭ، مينيستردىڭ كومەكشىسى چىن شياۋدۇڭ، ساۋدا ىستەرى مينيسترلىگىنىڭ ورىنباسار مينيسترى ۋاڭ شوۋ - ۋىن باس شۋجي، مەملەكەت ءتوراعاسى شي جينپيڭنىڭ جاقىندا ۆيەتنامنىڭ داناڭ قالاسىنا بارىپ، ازيا - تىنىق مۇحيت ەكونوميكالىق سەلبەستىك ۇيىمى (APEC) باسشىلارىنىڭ 25 - رەتكى بەيرەسمي ماجىلىسىنە قاتىناساتىنى ءارى ۆيەتنامدا، لاوستا مەملەكەت ىستەرى ساپارىندا بولاتىنى جونىندەگى قاتىستى جاعدايلاردى تانىستىردى، سونداي - اق تىلشىلەردىڭ سۇراۋىنا جاۋاپ بەردى.


  1. ازيا - تىنىق مۇحيت ەكونوميكالىق سەلبەستىك ۇيىمى باسشىلارىنىڭ 25 - رەتكى بەيرەسمي ماجىلىسىنە قاتىناساتىنى جونىندە


  لي باۋدۇڭ بىلاي دەدى: ءتوراعا شي جينپيڭ 10 - قاراشادان 11 - قاراشاعا دەيىن ۆيەتنامنىڭ داناڭ قالاسىندا وتكىزىلەتىن APEC باسشىلارىنىڭ 25 - رەتكى بەيرەسمي ماجىلىسىنە قاتىناسادى. بۇل ج ك پ 19 - قۇرىلتايى جەڭىسپەن جابىلعاننان كەيىن، جۇڭگو باسشىسىنىڭ العاش رەت حالىقارالىق كوپ جاقتى ماجىلىسكە قاتىناسۋى، ول اسا ماڭىزدى مانگە يە، حالىقارالىق قوعامنىڭ وسكەلەڭ نازارىن قوزعايدى. ءتوراعا شي جينپيڭنىڭ داناڭ ماجىلىسىنە قاتىناسۋى جۇڭگو جاقتىڭ ازيا - تىنىق مۇحيت ەكونوميكالىق سەلبەستىگىن كۇشەيتۋگە وسكەلەڭ ءمان بەرەتىنىن تولىق ايگىلەيدى. وسى بارىستا، ءتوراعا شي جينپيڭ APEC ونەركاسىپ - ساۋدا جوعارى دارەجەلى باسشىلارىنىڭ ماجىلىسىنە قاتىناسادى ءارى ارقاۋ ءسوز سويلەيدى، ەكى كەزەڭدىك باسشىلاردىڭ بەيرەسمي ماجىلىسىنە جانە قىزمەتتىك تۇسكى قوناعاسىعا قاتىناسادى، APEC باسشىلارى مەن شىعىس - وڭتۇستىك ازيا ەلدەرى وداعى باسشىلارىنىڭ ديالوگ ماجىلىسىنە قاتىناسادى، APEC باسشىلارى مەن APEC ونەركاسىپ - ساۋدا اقىل - كەڭەس القالار كەڭەسى ۋاكىلدەرىنىڭ ديالوگ ماجىلىسىنە قاتىناسادى ءارى قاتىستى ەكونوميكالىق تۇلعالاردىڭ باسشىلارىمەن كەزدەسەدى.


  لي باۋدۇڭ بىلاي دەدى: بۇل رەتكى ءماجىلىستىڭ تاقىرىبى «شىت جاڭا قوزعاۋشى كۇش قالىپتاستىرىپ، ورتاق يگىلىككە كەنەلەتىن بولاشاق اشايىق» ەكونوميكالىق تۇلعالاردىڭ باسشىلارى جانە ۋاكىلدەرى وڭىرلىك ەكونوميكانى ءبىر تۇلعالاندىرۋ، قامتىمدى دامۋ، جاڭالىق اشا ارتتىرۋ، ءوزارا تۇتاستىرۋ، اۋىل شارۋاشىلىعى جانە استىق حاۋىپسىزدىگى سىندى تالقى تاقىرىپتارىن ارقاۋ ەتىپ ىشكەرىلەي كوزقاراس اۋىستىرادى، ماجىلىستەگى ورتاق تانىم ماجىلىستەن كەيىنگى باسشىلاردىڭ جارناماسىندا بەينەلەنەدى. APEC ۇلكەن شاڭىراعىنىڭ ماڭىزدى مۇشەسى رەتىندە، جۇڭگو جاق ۆيەتنامنىڭ وسى رەتكى باسشىلار ءماجىلىسىن ءساتتى وتكىزۋىن باتىل قولدايدى، ءماجىلىستىڭ تومەندەگىدەي جاقتاردا بەلسەندى ناتيجەگە قول جەتكىزۋىن ءۇمىت ەتەدى: ءبىرىنشى، ازيا - تىنىق مۇحيتتىڭ اشىق دامۋ زور بەتالىسىن بىرگە قورعاپ، سىرتقا قاراتا بەلسەندى دە ۇنامدى سيگنال تاراتىپ، دۇنيە ءجۇزىنىڭ اشىق ەكونوميكاسىنا وڭ ەنەرگيا ۇستەۋ. ەكىنشى، ازيا - تىنىق مۇحيت ءوڭىرىن دامىتۋدىڭ جاڭا قوزعاۋشى كۇشىن بىرگە اشىپ، ازيا - تىنىق مۇحيت ءوڭىرىن ءوزارا تۇتاستىرۋ جوباسىن تياناقتاندىرۋدى ىلگەرىلەتىپ، مۇشەلەردىڭ تۇلعالى ەكونوميكاسىنىڭ دامۋىن جەبەۋ. ءۇشىنشى، بولاشاق سەلبەستىكتىڭ جاڭا ءۇمىت - تىلەگىن بىرگە تۇلعالاۋ. جۇڭگو جاق تاراپتارمەن بىرگە ازيا - تىنىق مۇحيت ەكونوميكالىق سەلبەستىگىنىڭ ورنىقتى ىلگەرىلەپ دامۋىن ۇزدىكسىز جەبەپ، ازيا - تىنىق مۇحيت ءوڭىرى مەن دۇنيە ءجۇزىنىڭ دامۋىن، گۇلدەنۋىن جەبەيدى.


  ۋاڭ شوۋ - ۋىن بىلاي دەدى: بيىلعى APEC ءماجىلىسىنىڭ تومەندەگىدەي ساۋدا - ساتتىق تابىستارىنا قول جەتكىزۋىنەن ءۇمىت بار: ءبىرىنشى، ساۋدا - ساتتىقتىڭ ىركىلىسسىز ارناسىن جان - جاقتى ىلگەرىلەتىپ، «APEC شەكارا اتتاعان ەلەكتروندىق ساۋدانى قولايلىلاندىرۋ جۇلگەسىن» بەكىتىپ، «APEC قامداۋ تىزبەگىن ءوزارا تۇتاستىرۋ ارەكەت جوسپارىن باقىلاۋ جۇلگەسىن» جاساپ، APEC كومەكشى كاسىپ دارىپتەمەسىن ورتاعا قويىپ، قىزمەت كورسەتۋ كاسىبىندەگى سەلبەستىكتى جاپپاي ىلگەرىلەتۋ. ەكىنشى، بەيجيڭ ءماجىلىسىنىڭ تابىستارىن ىشكەرىلەي تياناقتاندىرىپ، ازيا - تىنىق مۇحيت ءوڭىرى ەركىن ساۋدا رايونىنىڭ دامۋىن ءۇرتىس ىلگەرىلەتىپ، دۇنيە ءجۇزى قۇن سەلبەستىگىندە ماڭىزدى كەزەڭدىك تابىسقا جەتۋدى جەبەپ، ەلەكتروندىق كەدەن جانە جاسىل قامداۋ تىزبەگى سەلبەستىگىن تەرەڭدەتۋ. ءۇشىنشى، كوپ جاقتى ساۋدا - ساتتىق ءتۇزىلىسىن قولداۋ جونىندە بەلسەندى سيگنال تاراتۋ.


  2. ۆيەتنام مەن لاوستا بولاتىن مەملەكەت ىستەرى ساپارى جونىندە


  چىن شياۋدۇڭ بىلاي دەدى: باس شۋجي، مەملەكەت ءتوراعاسى شي جينپيڭ 12 - قاراشادان 14 - قاراشاعا دەيىن ۆيەتنامدا، لاوستا مەملەكەت ىستەرى ساپارىندا بولادى. بۇل ج ك پ 19 - قۇرىلتايى جەڭىسپەن جابىلعاننان كەيىن، جۇڭگو پارتياسىنىڭ جانە مەملەكەتىنىڭ ەڭ جوعارى باسشىسىنىڭ تۇڭعىش رەت ساپارعا شىعۋى ءارى جاڭا داۋىردەگى جۇڭگوشا توڭىرەك ديپلوماتياسىنىڭ باستاڭعىسى، ول جاڭا داۋىردەگى جۇڭگوشا توڭىرەك ديپلوماتياسىنىڭ جاڭا ءورىسىن اشادى. باس شۋجي، مەملەكەت ءتوراعاسى شي جينپيڭنىڭ پارتيا 19 - قۇرىلتايىنان كەيىن، العاش رەت ساپارعا شىققاندا ۆيەتنام، لاوس ەلدەرىن تاڭداۋى، جۇڭگو جاقتىڭ جۇڭگو مەن ۆيەتنامنىڭ، جۇڭگو مەن لاوستىڭ تاتۋ كورشىلىك دوستىعىن بەكەمدەپ، جان - جاقتى ستراتەگيالىق سەلبەستىكتى ىلگەرىلەتۋگە وسكەلەڭ ءمان بەرەتىنىن تولىق ايگىلەدى. ۆيەتنام، لاوس ەكى پارتياسى، ەكى ەلى دە بۇعان وسكەلەڭ ءمان بەرۋدە ءارى باس شۋجي، مەملەكەت ءتوراعاسى شي جينپيڭنىڭ ساپارلاي كەلۋىن ءتورت كوزبەن كۇتۋدە.


  چىن شياۋدۇڭ بىلاي دەدى: وسى رەتكى ۆيەتنامعا ساپارلاۋ ەكى پارتيانىڭ، ەكى ەلدىڭ ەڭ جوعارى باسشىلارىنىڭ وسى جىل ىشىندە تاعى ءبىر رەت ءوزارا ساپارلاۋى ەسەپتەلەدى. وسى بارىستا، باس شۋجي، مەملەكەت ءتوراعاسى شي جينپيڭ رۋان فۋجۇڭ باس شۋجيمەن، چىن داگۋاڭ توراعامەن، يۋان چۇنفۋ زۇڭليمەن جانە رۋانشى جينين پارلامەنت توراعاسىمەن جەكە - جەكە كەڭەستىك كەزدەسۋ وتكىزىپ، جۇڭگو - ۆيەتنام ەكى پارتياسىنىڭ، ەكى ەلىنىڭ ستراتەگيالىق قارىم - قاتىناسىن تەرەڭدەتۋ، پارتيانى، مەملەكەتتى جونگە سالۋداعى تاجىريبەلەردى اۋىستىرۋ، ماڭىزدى دامۋ ستراتەگيالارىن ۇشتاستىرۋ، ناقتى سەلبەستىكتى تەرەڭدەتۋ، گۋمانيتارلىق اۋىس - كۇيىستى كەڭەيتۋ جانە ەكى ەل بىردەي كوڭىل ءبولىپ وتىرعان وڭىرلىك جانە حالىقارالىق ماسەلەلەر سياقتىلاردا ىشكەرىلەي پىكىر اۋىستىرىپ، جاڭا داۋىردەگى ەكى ەل قاتىناسىن ىلگەرىلەتۋ جولى جونىندە جان - جاقتى ورنالاستىرۋ جانە جوسپار جاسايدى. وسى رەتكى لاوسقا ساپارلاۋ جۇڭگو پارتياسى مەن مەملەكەتىنىڭ ەڭ جوعارى باسشىسىنىڭ 11 جىلدان كەيىنگى تاعى ءبىر رەت ساپارلاۋى ەسەپتەلەدى. وسى بارىستا، باس شۋجي، مەملەكەت ءتوراعاسى شي جينپيڭ باس شۋجي، مەملەكەت ءتوراعاسى بىن ياڭمەن، تۇڭ لۇن زۇڭليمەن، پارلامەنت ءتوراعاسى با نيمەن جەكە - جەكە كەڭەستىك كەزدەسۋ وتكىزىپ، ءداستۇرلى دوستىقتى ساۋلەلەندىرۋ، ساياسي سەنىمدىلىكتى بەكەمدەۋ، ستراتەگيالىق قارىم - قاتىناستى كۇشەيتۋ، ناقتى سەلبەستىكتى تەرەڭدەتۋ جونىندە ىشكەرىلەي پىكىر اۋىستىرىپ، جاڭا داۋىردەگى جۇڭگو - لاوس قاتىناسىن دامىتۋ جونىندە جان - جاقتى جوسپار جانە جۇيەلى ورنالاستىرۋ جاسايدى. ەكى پارتيا، ەكى ەل باسشىلارى جۇڭگو جاق لاوس جاققا كومەكتەسىپ سالاتىن حالىق تۇرمىسى نىساندارىنىڭ ىرگەتاس قالاۋ راسىمىنە قاتىناسادى. ۆيەتنام مەن لاوستا ساپاردا بولعان كەزدە، جۇڭگو مەن ۆيەتنام، جۇڭگو مەن لاوس ءارقايسى سالالاردا ءبىر قىدىرۋ ماڭىزدى تابىستارعا قول جەتكىزەدى. وسى رەتكى ساپاردىڭ جاڭا داۋىردەگى جۇڭگو - ۆيەتنام، جۇڭگو - لاوس قاتىناسىنىڭ دامۋىنا، سونداي - اق جۇڭگونىڭ شىعىس - وڭتۇستىك ازيا ەلدەرىمەن ءوزارا تيىمدىلىك جەتكىزىپ، بىرگە يگىلىككە كەنەلىپ، سەلبەستىك ورناتۋىنا جاڭا وراي ازىرلەپ، جاڭا قوزعاشى كۇش ۇستەپ، جاڭا تاراۋلار باستايتىنىنا كامىل سەنەمىز.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

مادەنيەت