شي جينپيڭ ا ق ش - تىڭ پرەزيدەنتى ترامپپەن كەڭەس وتكىزدى
جۇڭگو، ا ق ش باسشىلارى مەملەكەت باسشىلارى ديپلوماتياسىنىڭ ەكى ەل قاتىناسىنداعى ستراتەگيالىق جەتەكتەۋ رولىن ۇزدىكسىز ساۋلەلەندىرىپ، جۇڭگو - ا ق ش قاتىناسىنىڭ اناعۇرلىم زور دامۋىن ىلگەرىلەتۋگە ءبىر اۋىزدان ماقۇل بولدى
2017.11.10 15:04 كەلۋ قاينارى : حالىق تورابى
«حالىق گازەتى»، 9 – قاراشا، بەيجيڭ (تىلشىلەر لي ۋەيحۇڭ، ياڭ شۇن). مەملەكەت ءتوراعاسى شي جينپيڭ 9 - قاراشادا حالىق سارايىندا ا ق ش - تىڭ پرەزيدەنتى ترامپپەن كەڭەس وتكىزدى. ەكى ەل باسشىلارى جۇڭگو - ا ق ش قاتىناسى، سونداي - اق بىرگە كوڭىل اۋدارىپ وتىرعان ماڭىزدى حالىقارالىق جانە وڭىرلىك ماسەلەلەر جونىندە كەڭ كولەمدە ىشكەرىلەي پىكىر الماستىردى. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ ورىنباسار زۇڭليى ۋاڭ ياڭ كەڭەسكە قاتىناستى.
ەكى جاق بىلاي دەپ ەسەپتەدى: بيىل جىل باسىنان بەرى جۇڭگو - ا ق ش قاتىناسىندا ماڭىزدى ىلگەرىلەۋشىلىككە قول جەتتى. جۇڭگو - ا ق ش قاتىناسى ەكى ەل حالىقتارىنىڭ باقىتىنا ءارى دۇنيە ءجۇزىنىڭ بەيبىتشىلىگىنە، ورنىقتىلىعىنا، گۇلدەنۋىنە سايادى. سەلبەستىك __ جۇڭگو مەن ا ق ش - تىڭ بىردەن - ءبىر دۇرىس تالعامى، تەڭ يگىلىككە كەنەلگەندە عانا اناعۇرلىم جارقىن بولاشاققا جول اشۋعا بولادى.
ەكى جاق مەملەكەت باسشىلارى ديپلوماتياسىنىڭ ەكى ەل قاتىناسىنداعى ستراتەگيالىق جەتەكتەۋ رولىن ۇزدىكسىز ساۋلەلەندىرىپ، ەكى ەلدىڭ جوعارى جىكتەرى، سونداي - اق ءار دارەجەلىلەرى اراسىنداعى قارىم - قاتىناستى كۇشەيتىپ، 4 جوعارى دارەجەلى كەڭەس مەحانيزمىنىڭ رولىن تولىق ساۋلەلەندىرىپ، ەكونوميكا - ساۋدا، ەكى ەل ارمياسى، زاڭ اتقارۋ، گۋمانيتارلىق سالالارداعى اۋىس - كۇيىستى، سەلبەستىكتى كەڭەيتىپ، كەلەلى حالىقارالىق جانە وڭىرلىك ماسەلەلەردەگى اۋىس - كۇيىس پەن سايكەسۋدى كۇشەيتىپ، جۇڭگو - ا ق ش قاتىناسىنىڭ اناعۇرلىم زور دامۋىن ىلگەرىلەتۋگە ماقۇل بولدى.
شي جينپيڭ مىنالاردى دارىپتەدى: جۇڭگو - ا ق ش قاتىناسى جاڭا تاريحي باستامادا تۇر. جۇڭگو ا ق ش - پەن بىرگە ءوزارا قۇرمەت ەتىپ، ءوزارا پايدا جەتكىزىپ، تيىمدىلىك جاساپ، نازاردى سەلبەستىككە شوعىرلاندىرىپ، الاۋىزدىقتى تەجەپ، ەكى ەل حالىقتارىنا اناعۇرلىم زور تابىس سەزىمىن، وڭىردەگى، سونداي - اق دۇنيە جۇزىندەگى حالىقتارعا اناعۇرلىم زور تابىس سەزىمىن سيلاۋدى قالايدى.
ترامپ بىلاي دەدى: ا ق ش - جۇڭگو قاتىناسى __ ۇلى قاتىناس، ا ق ش - جۇڭگو قاتىناسى ەكى ەلدىڭ ءتۇبىرلى مۇددەسىنە ۇيلەسەدى، بۇل بۇگىنگى تاڭداعى دۇنيە جۇزىندەگى ماڭىزدى ماسەلەلەردى شەشۋدە دە اسا ماڭىزدى. مەن ءتوراعا شي جينپيڭمەن ءجيى بايلانىستى ۇزدىكسىز جالعاستىرىپ، ا ق ش - جۇڭگو قاتىناسىنىڭ ىشكەرىلەي دامۋىن ىلگەرىلەتىپ، ەكى ەلدىڭ حالىقارالىق ىستەردەگى اناعۇرلىم تىعىز سەلبەستىگىن ىلگەرىلەتۋدى قالايمىن.
ەكى ەل باسشىلارى جۇڭگو مەن ا ق ش - تىڭ ديپلوماتيالىق حاۋىپسىزدىك كەڭەسى، جان - جاقتى ەكونوميكالىق كەڭەسى، قوعام جانە گۋمانيتارلىق كەڭەسى، زاڭ اتقارۋ، سونداي - اق عالامتور حاۋىپسىزدىگى كەڭەسى سىندى 4 جوعارى دارەجەلى كەڭەس مەحانيزمىنىڭ ەكى جاقتاعى جەتەكشىلەرىنىڭ مالىمەتىن تىڭدادى ءارى جۇڭگو مەن ا ق ش - تىڭ ءار سالاداعى اۋىس - كۇيىسىن، سەلبەستىگىن تەرەڭدەتۋ جونىندەگى جەتەكشى پىكىردى العا قويدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
