بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>ورتالىقتىڭ ءۇنى

شي جينپيڭ ۆيەتنامنىڭ اقپارات قۇرالىندا اۆتورلى ماقالا جاريالادى

2017.11.10 15:07     كەلۋ قاينارى : حالىق تورابى

  «حالىق گازەتى»، 9 – قاراشا، بەيجيڭ. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ ۆيەتنام سوتسياليستىك رەسپۋبليكاسىندا مەملەكەتتىك ساپاردا بولۋ قارساڭىندا، اتاپ ايتقاندا 9 - قاراشادا ۆيەتنامنىڭ «حالىق گازەتىندە» «جۇڭگو، ۆيەتنام دوستىعىنىڭ جاڭا جاعدايىن جاراتايىق» دەگەن تاقىرىپتا اۆتورلى ماقالا جاريالادى.


  ماقالا تومەندەگىدەي:


  جۇڭگو، ۆيەتنام دوستىعىنىڭ جاڭا جاعدايىن جاراتايىق


  ج ك پ ورتالىق كوميتەتىنىڭ باس شۋجيى، جۇڭحۋا حالىق رەسپۋبليكاسىنىڭ ءتوراعاسى شي جينپيڭ


  ۆەتنام كوممۋنيستىك پارتياسى ورتالىق كوميتەتىنىڭ باس شۋجيى رۋان فۋجۇڭ مەن مەملەكەت ءتوراعاسى چىن داگۋاڭنىڭ ۇسىنىسىنا ساي الدا ۆيەتنام سوتسياليستىك رەسپۋبليكاسىندا مەملەكەتتىك ساپاردا بولامىن. بۇل __ 2015 – جىلدىڭ سوڭىندا ۆەتنامدا ساپاردا بولعاننان كەيىنگى وسى قۇتتى مەكەنگە جاسايتىن ەكىنشى ساپارىم، بۇعان توتەنشە قۋانىشتىمىن.


  جۇڭگو مەن ۆەتنام __ تاۋ – سۋى جالعاسقان، قويۋ بايلانىسى بار كورشىلەر. ەكى ەل حالقى ەجەلدەن كورشى وتىرىپ، ءبىر – بىرىمەن بايلانىس جاساپ، ءوزارا ۇلگى – ونەگە الىپ كەلگەن.


  تاياۋ زاماننان بەرى مەملەكەتتىڭ تاۋەلسىزدىگى مەن ۇلتتىڭ ازاتتىعىنا قول جەتكىزۋ كۇرەسىندە ەكى ەل حالىقتارى قول ۇستاسا كۇرەس جۇرگىزىپ، ءبىر – ءبىرىن قولداپ، ەرەكشە ەتەنە دوستىق ورناتتى. ءتوراعا حۋ جىميڭنىڭ جۇڭگودا توڭكەرىس ىستەرىن جالعاستىرعان ۋاقىتى ىلگەرىندى – كەيىندى 12 جىلعا جالعاستى، ول ءتوراعا ماۋ زىدۇڭ، جوۋ ىنلاي زۇڭلي قاتارلى جۇڭگو باسشىلارىمەن تەرەڭ دوستىق ورناتقان. ۆەتنامنان شىققان ايگىلى گەنەرال حۇڭ شۇي جۇڭگو توڭكەرىسىنە بەلسەندىلىكپەن ءۇن قوسىپ، قىزىل ارميانىڭ 25 مىڭ شاقىرىمدىق ۇزاق جورىعىنا قاتىناسىپ، جاڭا جۇڭگو اتاق بەرگەن بىردەن – ءبىر شەتەلدىك اسكەري ءمانساپتىعا اينالعان، ول سونداي – اق دۇنيە جۇزىندە سيرەك كەزدەسەتىن «ەكى ەلگە ورتاق گەنەرال» ەسەپتەلەدى. جۇڭگو حالقى دا ۆەتنامنىڭ ۇلت ازاتتىق كۇرەسىنە قالتقىسىز كومەك كورسەتكەن، ءتوراعا ماۋ زىدۇڭ كەزىندە: «700 ميلليون جۇڭگو حالقى __ ۆەتنام حالقىنىڭ كۇشتى تىرەگى، كەڭ – بايتاق جۇڭگو جەرى __ ۆەتنام حالقىنىڭ سەنىمدى بەكىنىسى» دەگەن بولاتىن. جۇڭگو ۆەتنامعا جىبەرگەن اسكەري اقىلشىلار توبىنىڭ العاشقى زەڭبىرەكشى اسكەرلەر اقىلشىسى دوۋ جينبو ۆەتنامدىق جولداستارعا كومەكتەسۋ مىندەتىن قابىلداعان سوڭ تۋىلعان قىزىنا «يۋەحۋا» (ۆەتنام – جۇڭگو دەگەن ماعىناداعى ءسوز) دەپ ات قويعان. شۇعىلالى بارىستى ەسكە الساق، ەكى پارتيانىڭ، ەكى ەلدىڭ اعا بۋىن باسشىلارى ورناتقان تەرەڭ دوستىق، ەكى ەل حالقىنىڭ قان كەشكەن سوعىس جىلدارىنداعى دوستىعى ماڭگىلىك ەستە ساقتاپ، قاستەرلەۋىمىزگە تاتيدى.


  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

مادەنيەت