شي جينپيڭ لاوس حالىقتىق توڭكەرىس پارتياسى ورتالىق كوميتەتىنىڭ باس شۋجيى، مەملەكەت ءتوراعاسى بىنياڭمەن كەڭەس وتكىزدى
تاراپتار جۇڭگو مەن لاوستىڭ ستراتەگيالىق ماڭىزعا يە تاعدىرلاس ورتاق تۇلعاسىن بىرگە تۇلعالاۋدى قۇپتادى
2017.11.17 08:23 كەلۋ قاينارى : شينجياڭ گازەتى
 |
13 - قاراشادا ج ك پ ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ ۆەنتيانداعى مەملەكەت ءتوراعاسى سارايىندا لاوس حالىقتىق توڭكەرىس پارتياسى ورتالىق كوميتەتىنىڭ باس شۋجيى، مەملەكەت ءتوراعاسى بىنياڭمەن كەڭەس وتكىزدى. سۋرەتتە: كەڭەستەن بۇرىن، بىنياڭ ءتوراعا سارايى الاڭىندا شي جينپيڭدى قارسى الىپ، سالتاناتتى ءراسىم وتكىزدى.
سۋرەتتى شينحۋا اگەنتتىگىنىڭ ءتىلشىسى ما جانچىڭ تۇسىرگەن
|
شينحۋا اگەنتتىگىنىڭ 13 - قاراشادا ۆەنتياننان بەرگەن حابارى(تىلشىلەر چىن جى، حو شياۋگۋاڭ، لو جۇن.) ج ك پ ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ 13 - قاراشادا ۆەنتيانداعى مەملەكەت ءتوراعاسى سارايىندا لاوس حالىقتىق توڭكەرىس پارتياسى ورتالىق كوميتەتىنىڭ باس شۋجيى، مەملەكەت ءتوراعاسى بىنياڭمەن كەڭەس وتكىزدى. تاراپتار ءبىر - ءبىرىنىڭ دامۋ جەتىستىكتەرىن جوعارى باعالاي كەلىپ، اۋىس - كۇيىس جاساۋدى، ءوزارا تاجىريبە اۋىستىرۋدى كۇشەيتۋدى، جۇڭگونىڭ رەفورما جاساپ، ەسىك اشۋى مەن لاوستىڭ جاڭالىققا كوشۋ ىستەرىن ۇزدىكسىز العا ىلگەرىلەتۋدى، جاقسى كورشى، جاقسى دوس، جاقسى جولداس، جاقسى سەرىك رۋحىن ءۇرتىس ساقتاۋدى، جۇڭگو مەن لاوستىڭ ءداستۇرلى دوستىعىن بەكەمدەۋدى، جۇڭگو مەن لاوستىڭ ۇزاق ۋاقىتتىق، ورنىقتى جان - جاقتى ستراتەگيالىق ىنتىماقتاستىق سەرىكتەستىك قاتىناسىن تىڭ ساتىعا كوتەرۋدى جەبەۋدى قۇپتادى.
شي جينپيڭ ج ك پ 19 - قۇرىلتايىنىڭ قاتىستى جاعدايلارىن تانىستىردى، بىنياڭ لاوستىڭ پارتيا مەن مەملەكەت ىستەرىنىڭ قاتىستى جاعدايلارىن تانىستىردى.
شي جينپيڭ لاوستىڭ ءوز ەلىنىڭ ەرەكشەلىگىندەگى سوتسياليزم جولىنا تاباندى بولعانىن القاپ، لاوس ەكونوميكاسىنىڭ، قوعامىنىڭ دامۋىندا قول جەتكىزگەن زور تابىستارىن بەلسەندى باعالاپ، بىلاي دەپ باسا دارىپتەدى: باس شۋجي بىنياڭ باستاعان لاوس حالىقتىق توڭكەرىس پارتياسى ورتالىق كوميتەتىنىڭ پارمەندى باسشىلىعىندا، لاوس حالقىنىڭ، ءسوزسىز، جاپپاي جاڭالىققا كوشۋ ىستەرىندە تىڭ دا اناعۇرلىم زور تابىستارعا قول جەتكىزەتىنىنە سەنەمىن.
بىنياڭ ج ك پ 19 - قۇرىلتايىنىڭ تولىق تابىسقا جەتكەنىن قۇتتىقتاپ، قۇرىلتايدىڭ شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جۇڭگو كوممۋنيستىك پارتياسىنىڭ جەتەكشى يدەياسى ەتىپ تۇراقتاندىرعانىن جوعارى باعالاپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، جۇڭگو حالقىنىڭ «قوس 100 جىلدىق» كۇرەس نىساناسىن بەتكە الىپ ءساتتى ىلگەرىلەيتىنىنە سەنەتىنىن ءبىلدىردى. بىنياڭ: ج ك پ 19 - قۇرىلتايىنىڭ تابىستارى جاڭا ءداۋىر سوتسياليزم نازارياسىنىڭ دامۋىنا، وڭىرلىك جانە دۇنيە جۇزىلىك بەيبىتشىلىككە، دوستىققا، ىنتىماقتاستىققا، دامۋعا ماڭىزدى ۇلەس قوسادى، - دەپ اتاپ كورسەتتى.
شي جينپيڭ مىنالاردى باسا دارىپتەدى: جۇڭگو مەن لاوس سوتسياليستىك تاتۋ كورشى ەل، ءداستۇرلى تاتۋ كورشىلىگىنىڭ تاريحى ۇزاق، نەگىزى بەرىك. ديپلوماتيالىق قاتىناس ورناتقان 56 جىلدان بەرى، ەكى جاقتىڭ ساياسي سەنىمدىلىگى ۇزدىكسىز نىعايىپ، ناقتى ىنتىماقتاستىقتارى ۇزدىكسىز كەڭەيىپ، گۋمانيتارلىق اۋىس - كۇيىسى كۇن سايىن قويۋلاپ، ەكى ەل قاتىناسى جان - جاقتى تەرەڭدەي دامىپ، ەكى ەل حالقىنا ناقتى يگىلىكتەر الا كەلدى. جۇڭگو مەن لاوستىڭ مۇرات - سەنىمى ۇقساس، ەكى ەل قاتىناسىنىڭ ستراتەگيالىق تۇرعىسى بيىك، دامۋ ءورىسى كەڭ. جۇڭگو جاق جۇڭگو مەن لاوستىڭ ءداستۇرلى دوستىعىن قاشاندا قاستەرلەيدى، لاوسپەن قارىم - قاتىناسقا وسكەلەڭ ءمان بەرەدى، لاوس جاقپەن قول ۇستاسا قۇلشىنىپ، وسكەلەڭ ءوزارا سەنىمدى، ءوزارا كومەكتەسەتىن، ءوزارا تيىمدىلىك جەتكىزەتىن جۇڭگو - لاوس جان - جاقتى ستراتەگيالىق ىنتىماقتاستىق سەرىكتەستىك قاتىناسىن ۇزدىكسىز بايىتىپ جانە دامىتىپ، ەكى ەلدىڭ ماڭگى جاقسى كورشى، جاقسى دوس، جاقسى جولداس، جاقسى سەرىك بولا بەرۋىن قالايدى.
بىنياڭ بىلاي دەدى: شي جينپيڭ جولداستىڭ ج ك پ ورتالىق كوميتەتىنىڭ باس شۋجيى بولىپ جالعاستى سايلانعاننان كەيىن العاشقى ساپارىندا لاوسقا كەلگەنىنە راقىمەت ايتامىن، وسى رەتكى ساپاردىڭ ەكى ەلدىڭ ءداستۇرلى دوستىعىن تەرەڭدەتىپ، ەكى ەلدىڭ ءار سالاداعى ىنتىماقتاستىعىن ىلگەرىلەتىپ، لاوس پەن جۇڭگونىڭ تاعدىرلاس ورتاق تۇلعاسىنىڭ جوسپار - جوباسىن قۇرۋعا ايقىن بەتالىس كورسەتىپ، لاوس پەن جۇڭگونىڭ جان - جاقتى ستراتەگيالىق ىنتىماقتاستىق سەرىكتەستىك قاتىناسىن تىڭ ساتىعا كوتەرۋدى جەبەيتىنىنە سەنەمىن. لاوس جۇڭگونىڭ دامۋ جەتىستىكتەرىنە سۇيىنەدى، جۇڭگو جاقتىڭ ۇزاق ۋاقىتتان بەرگى كومەگىنە العىس ايتادى، «4 جاقسى» رۋحىنا ساي، جۇڭگو مەن لاوستىڭ جان - جاقتى ستراتەگيالىق ىنتىماقتاستىق سەرىكتەستىك قاتىناسىن ۇزبەي ىلگەرىلەتۋدەن جازباي، جۇڭگونىڭ حالىقارالىق جانە وڭىرلىك ورنىقتىلىق پەن گۇلدەنۋ ءۇشىن اناعۇرلىم زور رول اتقارۋىن قولدايدى.
شي جينپيڭ مەن بىنياڭ ەكى پارتيا، ەكى ەل قاتىناسى جانە ورتاق كوڭىل ءبولىپ وتىرعان حالىقارالىق جانە وڭىرلىك ماسەلەلەر جونىندە ىشكەرىلەي پىكىر اۋىستىرىپ، ماڭىزدى ورتاق تانىمعا كەلدى. ەكى جاق ءبىر اۋىزدان بىلاي دەپ قارادى: جۇڭگو دا، لاوس تا كوممۋنيستىك پارتيا باسشىلىعىنداعى سوتسياليستىك مەملەكەتتەر. ەكى جاق ءوزارا سەنىم ارتۋ نەگىزىندە، جۇڭگو مەن لاوستىڭ ستراتەگيالىق ماڭىزعا يە تاعدىرلاس ورتاق تۇلعاسىن بىرگە تۇلعالاۋى ەكى پارتيانىڭ، ەكى ەلدىڭ جانە ەكى ەل حالقىنىڭ ءتۇبىرلى مۇددەسى مەن ورتاق ارمان - تىلەگىنە ۇيلەسەدى، ادامزاتتىڭ بەيبىتشىلىگى مەن دامۋى سىندى وسكەلەڭ ىسكە ءتيىمدى.
تاراپتار جوعارى جىكتەگىلەردىڭ ءوزارا ساپاردا بولۋى سىندى تاماشا ءداستۇرىن جالعاستىرىپ، جاڭا داۋىردەگى جۇڭگو - لاوس قاتىناسىنىڭ دامۋىنا جەتەكشىلىك ەتۋدى جانە ءجون سىلتەۋدى قۇپتادى. ەكى پارتيانىڭ دوستىق قارىم - قاتىناسىن، ىنتىماقتاستىعىن كۇشەيتىپ، پارتيانى، مەملەكەتتى جونگە سالۋداعى، ەل باسقارۋداعى تاجىريبە اۋىس - كۇيىسىن تەرەڭدەتىپ، ديپلوماتيا، مەملەكەت قورعانىسى جانە زاڭ اتقارۋ حاۋىپسىزدىگى سالالارىنداعى ىنتىماقتاستىقتى كۇشەيتۋدى قۇپتادى. ەكى جاق ءبىر - ءبىرىنىڭ وزەكتى مۇددەسى مەن كوڭىل اۋدارىپ وتىرعان كەلەلى ىستەرىن باتىل قولدايتىندىقتارىن قايتالاي دارىپتەدى.
تاراپتار جۇڭگونىڭ «ءبىر بەلدەۋ، ءبىر جول» دارىپتەمەسى مەن لاوستىڭ «ىشكى قۇرلىقتىق تۇيىقتالعان مەملەكەتتەن قۇرلىقتاعى تۇتاسپالى ەلگە اينالۋ» ستراتەگياسىن ۇشتاستىرۋدى جەدەلدەتىپ، جۇڭگو - لاوس ەكونوميكالىق ءدالىزىن بىرگە قۇرىپ، جۇڭگو - لاوس تەمىر جولى سياقتى بەلگى سيپاتتى نىسانداردى ىلگەرىلەتىپ، ەكونوميكا - ساۋدا ىنتىماقتاستىعىنىڭ كولەمى مەن ورەسىن كەڭەيتىپ، ەكى ەل ەكونوميكاسىنداعى باسىمدىقتار ارقىلى ءبىرىن - ءبىرى تولىقتىرۋدى جەبەپ، ءوندىرىس قۋاتى، فينانس، اۋىل شارۋاشىلىعى، ەنەرگيا، بايلىق، سۋ يگىلىگى، حابارلاسۋ، نەگىزگى قۇرىلعى قۇرىلىستارى، ەمدەۋ، دەنساۋلىق ساقتاۋ سياقتى سالالارداعى سەلبەستىكتى تەرەڭدەتىپ، ەكى جاقتىڭ ناقتى ىنتىماقتاستىقتارىن ىلگەرىلەتۋ ارقىلى ەكى ەلدىڭ نەگىزگى ساتىداعى بۇقاراسىنا اناعۇرلىم مول تيىمدىلىك جەتكىزۋدى قۇپتادى.
ەكى جاق مادەنيەت، وقۋ - اعارتۋ، عىلىم - تەحنيكا، ساياحات سياقتى سالالارداعى ىنتىماقتاستىقتى تەرەڭدەتىپ، لاوستاعى جۇڭگو مادەنيەتى ورتالىعىن جاقسى قۇرىپ، جاستار مەن وسپىرىمدەردىڭ دوستىق بارىس - كەلىسىن كۇشەيتىپ، جەرگىلىكتى ورىندار اراسىنداعى ىنتىماقتاستىقتى كەڭەيتۋدى قۇپتادى. بىرلەسكەن مەملەكەتتەر ۇيىمى، ازيا - ەۆروپا كەڭەسى، شىعىس ازيا ەلدەرى ىنتىماقتاستىعى، لانساڭجياڭ - مەكونگ ىنتىماقتاستىعى سياقتى كوپ جاقتى جۇلگەدەگى سەلبەستىك پەن سايكەسۋدى كۇشەيتۋدى قۇپتادى.
كەڭەستەن كەيىن، شي جينپيڭ مەن بىنياڭ جۇڭگو - لاوس ەكونوميكالىق ءدالىزى قۇرىلىسى، نەگىزدىك قۇرىلعى قۇرىلىستارى، سيفرلى جىبەك جولى، عىلىم - تەحنيكا، اۋىل شارۋاشىلىعى، ەلەكتر، ادام كۇشى بايلىعى، فينانس، سۋ يگىلىگى سياقتى سالالارداعى ىنتىماقتاستىق حۇجاتتارىنا قول قويۋعا بىرگە كۋا بولدى.
كەڭەستەن بۇرىن، بىنياڭ ءتوراعا سارايى الاڭىندا سالتاناتتى قارسى الۋ ءراسىمىن وتكىزدى.
قارسى الۋ راسىمىنەن بۇرىن، ءتوراعا سارايىنىڭ سىرتقى جولىندا مىڭنان استام جەرگىلىكتى بۇقارا جۇڭگو، لاوس ەلدەرىنىڭ مەملەكەت تۋىن بۇلعاپ، لاوستىڭ ءساندى كيىنگەن نەشە جۇزدەگەن ءار ۇلت حالقى ءان ايتىپ، ءبي بيلەپ، جۇڭگولىق سيلى قوناقتاردى قارسى الدى. ءتوراعا سارايىنىڭ ەسىگىنىڭ الدىنا جۇڭگو، لاوس ەلدەرى باسشىلارىنىڭ ۇلكەن سۋرەتى ءىلىندى.
شي جينپيڭ اۆتوكولىكپەن كەلگەن كەزدە بىنياڭ قىزۋ مەرەيمەن قارسى الدى. لاوس جاستارى شي جينپيڭگە گۇل سيلادى. شي جينپيڭ بىنياڭمەن بىرگە كوزدەن كەشىرۋ تۇعىرىنا شىقتى. اسكەري وركەستر جۇڭگو مەن لاوستىڭ مەملەكەت گيمندەرىن ورىندادى. شي جينپيڭ بىنياڭنىڭ سەرىك بولۋىندا قۇرمەت قاراۋىلىن كوزدەن كەشىردى. قۇرمەت قاراۋىلىنىڭ جاۋىنگەرلەرى لاوس تىلىندە «باس شۋجي شي جينپيڭگە دەنساۋلىق تىلەيمىز!»، «دەنساۋلىق! دەنساۋلىق! دەنساۋلىق!» دەپ ۇراندادى. شي جينپيڭ لاوس جاقتان بىرگە بولعاندارمەن قول الىستى، بىنياڭ جۇڭگو جاقتىڭ ساپارلاستارىمەن قول الىستى.
ديڭ شۋەشياڭ، ليۋ حى، ياڭ جيەچى قاتارلىلار جوعارىدا اتالعان قيمىلدارعا قاتىناستى. لاوس جاقتان لاوس حالىقتىق توڭكەرىس پارتياسى ورتالىق كوميتەتى ساياسي بيۋروسىنىڭ مۇشەسى، ورتالىق كوميتەت شۋجيچۋىنىڭ شۋجيى، پارتيا ورتالىق كوميتەتى كەڭسەسىنىڭ مەڭگەرۋشىسى كانپان، لاوس حالىقتىق توڭكەرىس پارتياسى ورتالىق كوميتەتى ساياسي بيۋروسىنىڭ مۇشەسى، ورىنباسار زۇڭلي سۇڭساي، ورىنباسار زۇڭلي، قوسىمشا قازىنا مينيسترى سۇڭدي جانە لاوس ۇكىمەتىنىڭ قاتىستى تاراۋلارىنىڭ جاۋاپتىلارى قيمىلدارعا قاتىناستى.
 |
13 - قاراشادا ج ك پ ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ ۆەنتيانداعى مەملەكەت ءتوراعاسى سارايىندا لاوس حالىقتىق توڭكەرىس پارتياسى ورتالىق كوميتەتىنىڭ باس شۋجيى، مەملەكەت ءتوراعاسى بىنياڭمەن كەڭەس وتكىزدى. سۋرەتتە: كەڭەستەن بۇرىن، بىنياڭ ءتوراعا سارايى الاڭىندا شي جينپيڭدى قارسى الىپ، سالتاناتتى ءراسىم وتكىزدى.
سۋرەتتى شينحۋا اگەنتتىگىنىڭ ءتىلشىسى ما جانچىڭ تۇسىرگەن
|
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
