بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>ورتالىقتىڭ ءۇنى

شي جينپيڭ لاوس حالىقتىق توڭكەرىس پارتياسى ورتالىق كوميتەتىنىڭ باس شۋجيى، مەملەكەت ءتوراعاسى بىنياڭمەن تاعى دا كەزدەستى

لاوستىڭ زۇڭليى تۇڭلۇنمەن، لاوس پارلامەنتىنىڭ ءتوراعاسى بانيمەن جەكە - جەكە كەزدەستى

2017.11.17 08:31     كەلۋ قاينارى : شينجياڭ گازەتى

  ج ك پ ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ 14 - قاراشادا ۆەنتيانداعى ءوزى تۇسكەن قوناق ۇيدە لاوس حالىقتىق توڭكەرىس پارتياسى ورتالىق كوميتەتىنىڭ باس شۋجيى، مەملەكەت ءتوراعاسى بىنياڭمەن تاعى دا كەزدەستى. سۋرەتتى شينحۋا اگەنتتىگىنىڭ ءتىلشىسى ديڭ لين تۇسىرگەن

  شينحۋا اگەنتتىگىنىڭ 14 - قاراشادا ۆەنتياننان بەرگەن حابارى (تىلشىلەر لي جيانمين، لو جۇن). ج ك پ ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ 14 - قاراشادا ۆەنتيانداعى ءوزى تۇسكەن قوناق ۇيدە لاوس حالىقتىق توڭكەرىس پارتياسى ورتالىق كوميتەتىنىڭ باس شۋجيى، مەملەكەت ءتوراعاسى بىنياڭمەن تاعى دا كەزدەستى.


  شي جينپيڭ لاوس جاقتىڭ ىقىلاستى، دوستىق بەينەمەن قارسى العانىنا، بىنياڭنىڭ ساپار اياقتالعان ساتتە ارنايى كەلىپ قوشتاسقانىنا العىس ايتتى. شي جينپيڭ مىنالاردى باسا دارىپتەدى: وسى رەتكى ساپارىمنىڭ ۋاقىتى قىسقا بولعانىمەن، تابىسى مول بولدى. لاوس حالىقتىق توڭكەرىس پارتياسىنىڭ، لاوس ۇكىمەتىنىڭ باسشىلارىمەن ىشكەرىلەي اۋىس - كۇيىس جاساپ، ءار سالاداعى دوس قايراتكەرلەرمەن جاقىن ارالاستىم. تاراپتار جۇڭگو مەن لاوس قاتىناسىن بەكەمدەۋ جانە دامىتۋ، جان - جاقتى ستراتەگيالىق ىنتىماقتاستىقتى ىلگەرىلەتۋ جونىندە ورتاق تانىمعا كەلدى. ساپار بارىسىندا باس شۋجي، مەملەكەت ءتوراعاسى بىنياڭ ەكەۋىمىز جۇڭگو مەن لاوستىڭ ستراتەگيالىق ماڭىزعا يە تاعدىرلاس ورتاق تۇلعاسىن تۇلعالاۋدى ءبىر اۋىزدان قۇپتاپ، ستراتەگيالىق ۇشتاسۋدى كۇشەيتەتىن، ءوزارا تيىمدىلىك جەتكىزىپ، تەڭ يگىلىككە كەنەلۋدى جۇزەگە اسىراتىن ىنتىماقتاستىق مازمۇندارىن جوسپارلاپ، ءداستۇرلى دوستىقتى ساۋلەلەندىرىپ، نەگىزگى ساتىداعى حالىقتىڭ تۇرمىسىنا تيىمدىلىك جاساۋدىڭ بەتالىسىن ايقىندادىق. ساپار وتە ءساتتى بولدى، مەن جۇڭگو مەن لاوس قاتىناسىنىڭ دامۋ بولاشاعىنا كامىل سەنىمدەمىن. تاراپتار وسى رەتكى ساپاردىڭ جەمىستەرىن جان - جاقتى تىڭعىلىقتى تياناقتاندىرىپ، ستراتەگيانى جەتەكشى ەتۋدى مىقتاپ يگەرىپ، ستراتەگيالىق ۇشتاسۋدى تىڭعىلىقتى جۇرگىزىپ، حالىق تۇرمىسى قىزمەتىن جاقسى ىستەپ، جاڭا داۋىردەگى جۇڭگو مەن لاوستىڭ جان - جاقتى ستراتەگيالىق ىنتىماقتاستىق سەرىكتەستىك قاتىناسىنىڭ اناعۇرلىم جاقسى دامۋىن ىلگەرىلەتۋ كەرەك.


  بىنياڭ بىلاي دەدى: باس شۋجي، مەملەكەت ءتوراعاسى شي جينپيڭنىڭ لاوستاعى تاريحي ساپارى وتە تابىستى بولدى، لاوس پەن جۇڭگونىڭ ۇزاق ۋاقىتتىق، ورنىقتى جان - جاقتى ستراتەگيالىق ىنتىماقتاستىق سەرىكتەستىك قاتىناسىن جاڭا ورەگە كوتەرىپ، ەكى ەلدىڭ ءداستۇرلى دوستىعىن تولىق ايگىلەدى. لاوستىڭ تۇتاس پارتياسى مەن بۇكىل ەلى شات - شادىمان بولىپ، لاوس - جۇڭگو قاتىناسىنىڭ كەلەشەك دامۋىنا زور ءۇمىت ارتتى. لاوس جاق جۇڭگو جاقپەن تىزە قوسا قۇلشىنىپ، باس شۋجي، مەملەكەت ءتوراعاسى شي جينپيڭنىڭ وسى رەتكى ساپارىنىڭ مول جەمىستەرىن مۇقيات تياناقتاندىرىپ، «4 جاقسى» رۋحىنىڭ نەگىزىندە، ەكى جاقتىڭ ءار سالاداعى ىنتىماقتاستىعىنىڭ اناعۇرلىم زور دامۋىن جەبەۋدى قالايدى. جۇڭگو كومپارتياسى مەن حالقىنىڭ الۋان ىستەرىنىڭ اناعۇرلىم مول جەڭىستەرگە جەتە بەرۋىن شىن جۇرەكتەن تىلەيدى.


  كەزدەسۋدەن كەيىن، شي جينپيڭ مەن بىنياڭ «جۇڭحۋا حالىق رەسپۋبليكاسى سىرتقى ىستەر مينيسترلىگى مەن لاوس حالىق دەموكراتيالىق رەسپۋبليكاسى سىرتقى ىستەر مينيسترلىگىنىڭ جاڭا جاعدايداعى ىنتىماقتاستىقتى كۇشەيتۋ جونىندەگى كەلىسىمىنە» قول قويىلۋىنا بىرگە كۋا بولدى.


  قول قويۋ راسىمىنەن كەيىن، شي جينپيڭ بىنياڭمەن ىقىلاسپەن قوشتاستى. لاوستىڭ جاس وسپىرىمدەرى شي جينپيڭگە گۇل ۇسىندى.


  ديڭ شۋەشياڭ، ليۋ حى، ياڭ جيەچى قاتارلى جۇڭگو جاقتان بارعان ساپارلاستارى، لاوس حالىقتىق توڭكەرىس پارتياسى ورتالىق كوميتەتى ساياسي بيۋروسىنىڭ مۇشەسى، ورتالىق كوميتەت شۋجيچۋىنىڭ شۋجيى، پارتيا ورتالىق كوميتەتى كەڭسەسىنىڭ مەڭگەرۋشىسى كانپان، لاوس حالىقتىق توڭكەرىس پارتياسى ورتالىق كوميتەتى ساياسي بيۋروسىنىڭ مۇشەسى، ورىنباسار زۇڭلي سۇڭساي، ورىنباسار زۇڭلي، قوسىمشا قازىنا مينيسترى سۇڭدي قاتارلىلار جوعارىدا اتالعان قيمىلدارعا قاتىناستى.


  شينحۋا اگەنتتىگىنىڭ 14 - قاراشادا ۆەنتياننان بەرگەن حابارى (تىلشىلەر لو جۇن، جىڭ شياۋ - ي). ج ك پ ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ 14 - قاراشادا ۆەنتيان مەملەكەتتىك جينالىس ورتالىعىندا لاوستىڭ زۇڭليى تۇڭلۇنمەن كەزدەستى.


  شي جينپيڭ بىلاي دەپ اتاپ كورسەتتى: جۇڭگو مەن لاوس تاۋ - وزەنى تۇتاسقان دوس كورشى ەل، ەكى ەل حالقىنىڭ ءداستۇرلى دوستىعىنىڭ تاريحى ارىدا جاتىر. باس شۋجي، مەملەكەت ءتوراعاسى بىنياڭ ەكەۋىمىز ءبىر اۋىزدان: جاڭا جاعدايدا جۇڭگو مەن لاوستىڭ قاتىناسىن بەكەمدەۋدە جانە دامىتۋدا، جۇڭگو مەن لاوستىڭ ستراتەگيالىق ماڭىز الاتىن تاعدىرلاس ورتاق تۇلعاسىن تۇلعالاۋعا كۇش سالۋ كەرەك دەپ قارادىق. جۇڭگو جاق لاوسپەن قاتىناسىن دامىتۋعا وسكەلەڭ ءمان بەرىپ، لاوسپەن دوستىق قاتىناس ساياساتىن تاباندىلىقپەن اتقارىپ، لاوس حالقىنىڭ جاڭالىققا كوشۋ، ەسىك اشۋ ىستەرىندە تىڭ دا اناعۇرلىم زور تابىستارعا قول جەتكىزەتىنىنە كامىل سەنەدى.


  شي جينپيڭ مىنانى باسا دارىپتەدى: جۇڭگو مەن لاوس جوعارى جىكتەگىلەرىنىڭ بارىس - كەلىسىن ۇزدىكسىز ساقتاپ، پارتيانى، مەملەكەتتى باسقارۋ جاعىندا ىشكەرىلەي تاجىريبە اۋىستىرىپ، قورعانىس جانە زاڭ اتقارۋ حاۋىپسىزدىگى سالاسىنداعى سەلبەستىكتى كۇشەيتىپ، حالىقتىڭ دوستىق سۇيىسپەنشىلىگىن تەرەڭدەتىپ، جۇڭگو مەن لاوستىڭ ءوزارا سەنىمدى، ءوزارا كومەكتەسەتىن، ءوزارا تيىمدىلىك جەتكىزەتىن جان - جاقتى ستراتەگيالىق ىنتىماقتاستىق سەرىكتەستىك قاتىناسىن ۇزدىكسىز بايىتادى جانە دامىتادى. جۇڭگو مەن لاوستىڭ ىنتىماقتاستىعىنىڭ ءبىر - ءبىرىن تولىقتىرۋ سيپاتى وتە كۇشتى، تاراپتار جۇڭگو مەن لاوستىڭ ەكونوميكالىق ءدالىز قۇرىلىسىن ورنىقتى قاداممەن ىلگەرىلەتىپ، جۇڭگو - لاوس تەمىر جول قۇرىلىسىنىڭ ءساتتى جۇرگىزىلۋىنە كەپىلدىك ەتىپ، ەنەرگيا بايلىعى، ەلەكتر قۋاتى، فينانس سياقتى سالالارداعى ىنتىماقتاستىقتى كەڭدىككە، تەرەڭدىككە ءورىس الدىرىپ، وقۋ - اعارتۋ، ەمدەۋ، كەدەيلىكتەن قۇتىلدىرۋ سياقتى حالىق تۇرمىسى سالاسىنداعى ىنتىماقتاستىق تەبىنىن كۇشەيتىپ، ەكى ەل حالقىنىڭ جۇڭگو مەن لاوستىڭ ىنتىماقتاستىعىنان كوپ پايداعا، كوپ يگىلىككە كەنەلۋىنە مۇمكىندىك جاراتادى. كوپ جاقتان تىعىز سەلبەسىپ جانە سايكەسىپ، ءوزارا كوڭىل ءبولىپ وتىرعان ماسەلەلەردە ءبىر - ءبىرىن قولدايدى. جۇڭگو جاق لاوس جاقتىڭ لانساڭجياڭ - مەكونگ ىنتىماقتاستىعىنا 2018 - جىلعى ورتاق ءتوراعا ەل بولۋىن قولدايدى.


  تۇڭلۇن بىلاي دەدى: شي جينپيڭ جولداستىڭ جۇڭگو كوممۋنيستىك پارتياسى ورتالىق كوميتەتىنىڭ باس شۋجيى بولىپ قايتا سايلانعانىن قىزۋ قۇتتىقتايمىن، شي جينپيڭ جولداستى ۇيتقى ەتكەن جۇڭگو كوممۋنيستىك پارتياسى ورتالىق كوميتەتىنىڭ باسشىلىعىندا، جۇڭگو حالقىنىڭ ۇلى ستراتەگيالىق نىسانانى جۇزەگە اسىرۋدىڭ جاڭا جورىعىندا، ءسوز جوق، ۇزدىكسىز جاڭا جەڭىسكە جەتەتىنىنە سەنەمىن. بۇل لاوستىڭ سوتسياليزم ىستەرىنە دە اسا زور دەم بەردى. لاوس حالقى باس شۋجي، مەملەكەت ءتوراعاسى شي جينپيڭنىڭ ساپارلاي كەلۋىن كوپتەن كۇتكەن ەدى. وسى رەتكى تاريحي ساپاردىڭ ەكى ەلدىڭ جان - جاقتىلى ستراتەگيالىق ىنتىماقتاستىق سەرىكتەستىك قاتىناسىن بارىنشا جەبەيتىندىگىنە سەنەمىن. لاوس جاق جۇڭگو جاقپەن بىرگە وسى رەتكى ساپاردىڭ ناتيجەسىن مۇقيات تياناقتاندىرىپ، لاوس پەن جۇڭگونىڭ ءار سالاداعى بارىس - كەلىسىن، ىنتىماقتاستىعىن تەرەڭدەتىپ، ەكى ەلدىڭ مىزعىماس تاعدىرلاس ورتاق تۇلعاسىن تۇلعالاۋدى قالايدى.


  ديڭ شۋەشياڭ، ليۋ حى، ياڭ جيەچى قاتارلى جۇڭگو جاقتان بارعان ساپارلاستارى، لاوس حالىقتىق توڭكەرىس پارتياسى ورتالىق كوميتەتى ساياسي بيۋروسىنىڭ مۇشەسى، ورىنباسار زۇڭلي سۇڭساي، ورىنباسار زۇڭلي جانە قازىنا مينيسترى سۇڭدي قاتارلىلار كەزدەسۋگە قاتىناستى.


  شينحۋا اگەنتتىگىنىڭ 14 - قاراشادا ۆەنتياننان بەرگەن حابارى (تىلشىلەر حو شياۋگۋاڭ، ۋاڭ فىڭفىڭ). ج ك پ ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ 14 - قاراشادا ۆەنتيان مەملەكەتتىك جينالىس ورتالىعىندا لاوس پارلامەنتىنىڭ ءتوراعاسى بانيمەن كەزدەستى.


  شي جينپيڭ مىنانى باسا دارىپتەدى: جۇڭگو مەن لاوستىڭ ساياسي ءتۇزىمى ۇقساس، مۇرات - سەنىمى ۇلاسقان، بولاشاعى مەن تاعدىرى بايلانىسقان، ورتاق مۇددەسى كوپ، ىنتىماقتاستىق كومەسكى كۇشى زور. جۇڭگو لاوسپەن قاتىناستى دامىتۋعا ايرىقشا ءمان بەرەدى، لاوسپەن «ۇزاق ۋاقىتتىق، ورنىقتى، تاتۋ - ءتاتتى كورشى، ءوزارا سەنەتىن، جالپى بەتتىك ىنتىماقتاستىق» سىندى باعىت پەن «جاقسى كورشى، جاقسى دوس، جاقسى جولداس، جاقسى سەرىك» رۋحىنا ۇزدىكسىز مۇراگەرلىك ەتىپ، وسى رەتكى ساپار كەزىندە جۇڭگو مەن لاوس پارتيالارى، ەلدەرى باسشىلارىنىڭ جۇڭگو مەن لاوستىڭ جاڭا داۋىردەگى جالپى بەتتىك ستراتەگيالىق ىنتىماقتاستىعىن ىلگەرىلەتۋ جونىندە كەلىسكەن ورتاق تانىمىن ويداعىداي تياناقتاندىرىپ، جۇڭگو مەن لاوستىڭ ستراتەگيالىق ماڭىزعا يە تاعدىرلاس ورتاق تۇلعاسىن بىرگە قۇرۋعا پەيىل.


  شي جينپيڭ لاوس پارلامەنتىنىڭ جۇڭگو مەن لاوس قاتىناسىنىڭ دامۋىنا قوسقان ۇلەسىنە بەلسەندى باعا بەردى. شي جينپيڭ مىنانى اتاپ كورسەتتى: جۇڭگو مەملەكەتتىك حالىق قۇرىلتايى مەن لاوس پارلامەنتىنىڭ اۋىس - كۇيىسى، ىنتىماقتاستىعى جۇڭگو مەن لاوستىڭ جالپى بەتتىك ستراتەگيالىق ىنتىماقتاستىعىنىڭ ماڭىزدى قۇرامداس بولىگى. ەكى ەلدىڭ زاڭ شىعارۋ قۇرىلىمدارىنىڭ جوعارى جىكتەگىلەردىڭ بارىس - كەلىس جاساۋ ءداستۇرىن ساقتاپ، سايكەس قۇرىلىمدار مەن جەرگىلىكتى پارلامەنتتىڭ اۋىس - كۇيىسىن كۇشەيتىپ، ەل باسقارۋ، دامۋدى جوبالاۋ، زاڭ شىعارۋ قىزمەتىنىڭ تاجىريبەلەرىن ءوزارا ۇيرەنۋدى، ءوزارا ۇلگى الۋدى تەرەڭدەتىپ، كوپ جاقتى ورىندارداعى سايكەستىك پەن جاراسىمدىلىقتى كۇشەيتىپ، سوتسياليستىك زاڭمەن جونگە سالىناتىن مەملەكەت قۇرۋعا تىڭ ۇلەس قوسۋىن، ەكى ەلدىڭ تاتۋ - ءتاتتى كورشىلەستىك دوستىعىن جانە جالپى بەتتىك ىنتىماقتاستىعىن تەرەڭدەتۋگە تىڭ قوزعاۋشى كۇش بەرۋىن ءۇمىت ەتەمىن.


  شي جينپيڭ بانيعا جۇڭگونىڭ مەملەكەتتى زاڭ بويىنشا جونگە سالۋدى جاپپاي ىلگەرىلەتۋ تاجىريبەلەرىن تانىستىردى.


  باني بىلاي دەدى: باس شۋجي، مەملەكەت ءتوراعاسى شي جينپيڭنىڭ جۇڭگو كوممۋنيستىك پارتياسىنىڭ 19 - قۇرىلتايى جابىلعاننان كەيىنگى تۇڭعىش رەتكى ساپارىندا لاوسقا كەلگەنىن قىزۋ قارسى الامىن. لاوس پەن جۇڭگونىڭ ىنتىماقتاستىعى لاوس ەلىنىڭ دامۋىنا ماڭىزدى ۇلەس قوستى. لاوس پارلامەنتى ەكى پارتيا، ەكى مەملەكەت باسشىلارىنىڭ وسى رەتكى ساپار كەزىندە كەلىسكەن ماڭىزدى ورتاق تانىمدارى مەن قول جەتكىزگەن جەتىستىكتەرىن ويداعىداي تياناقتاندىرۋدى قۇلشىنا ىلگەرىلەتىپ، لاوس پەن جۇڭگونىڭ ۇزاق ۋاقىتتىق، ورنىقتى جالپى بەتتىك ستراتەگيالىق ىنتىماقتاستىق سەرىكتەستىك قاتىناسىن تەرەڭدەتەدى. لاوس پارلامەنتى جۇڭگو مەملەكەتتىك حالىق قۇرىلتايىمەن اۋىس - كۇيىستى، ىنتىماقتاستىقتى كۇشەيتۋگە كۇش سالادى.


  ديڭ شۋەشياڭ، ليۋ حى، ياڭ جيەچى قاتارلى جۇڭگو جاقتان بارعان ساپارلاستارى، لاوس پارلامەنتىنىڭ ورىنباسار ءتوراعاسى، پارلامەنتتىڭ لاوس - جۇڭگو دوستىق كوميتەتىنىڭ قوسىمشا مىندەتتەگى ءتوراعاسى شيساي قاتالىلار كەزدەسۋدە بىرگە بولدى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

مادەنيەت