شي جينپيڭ لاوس حالىقتىق توڭكەرىس پارتياسى ورتالىق كوميتەتىنىڭ باس شۋجيى، مەملەكەت ءتوراعاسى بىنياڭمەن بىرگە ماحوسوت اۋرۋحاناسىنىڭ ىرگەسىن قالاۋ راسىمىنە قاتىستى
2017.11.17 08:33 كەلۋ قاينارى : شينجياڭ گازەتى
 |
ج ك پ ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ 14 - قاراشادا لاوس حالىقتىق توڭكەرىس پارتياسى ورتالىق كوميتەتىنىڭ باس شۋجيى، مەملەكەت ءتوراعاسى بىنياڭمەن بىرگە ۆەنتياندا ماحوسوت اۋرۋحاناسىنىڭ ىرگەسىن قالاۋ راسىمىنە قاتىستى. سۋرەتتى شينحۋا اگەنتتىگىنىڭ ءتىلشىسى لي تاۋ تۇسىرگەن
|
شينحۋا اگەنتتىگىنىڭ 14 - قاراشادا ۆەنتياننان بەرگەن حابارى (تىلشىلەر ليۋ حۋا، لي جيانمين). ج ك پ ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ 14 - قاراشادا لاوس حالىقتىق توڭكەرىس پارتياسى ورتالىق كوميتەتىنىڭ باس شۋجيى، مەملەكەت ءتوراعاسى بىنياڭمەن بىرگە ۆەنتياندا ماحوسوت اۋرۋحاناسىنىڭ ىرگەسىن قالاۋ راسىمىنە قاتىستى.
شي جينپيڭ اۆتوكولىكپەن ماحوسوت اۋرۋحاناسىنا بارعان كەزدە، بىنياڭ ونى كولىك توقتايتىن جەردە كۇتىپ الدى. شي جينپيڭ مەن بىنياڭ ماحوسوت اۋرۋحاناسى نىسانىنىڭ جوبا سۋرەتتەر تاقتاسىن كورىپ، جۇڭگو جاقتىڭ باس ساۋلەتشىسىنىڭ نىسان تۋرالى تانىستىرۋىن تىڭدادى. ىرگە قالاۋ ءراسىمى باستالعاندا، شي جينپيڭ مەن بىنياڭ مىنبەرگە شىعىپ، ىرگە تاسقا بىرگە توپىراق ءۇيىپ، گۇل شاشتى.
ىرگە قالاۋ راسىمىنەن كەيىن، شي جينپيڭ مەن بىنياڭ اۋرۋحانانىڭ بالنيتسا عيماراتىنا بارىپ، كوز اۋرۋلار بولىمىندەگى جۇڭگودان كومەككە كەلگەن ەمدەۋ قىزمەتكەرلەرىمەن ارەدىك پىكىرلەسىپ، بىرگە ەستەلىك سۋرەتكە ءتۇستى. شي جينپيڭ جۇڭگولىق ەمدەۋ قىزمەتكەرلەرىنىڭ ىزگىلىك پەن دوستىقتىڭ ەلشىسى رەتىندە، لاوستىق ناۋقاستاردىڭ جارىق دۇنيەنى كورۋىنە مۇمكىندىك جاساۋمەن بىرگە، جۇڭگو مەن لاوس دوستىعىنىڭ حالىقتىق نەگىزىن بەكەمدەۋگە بەلسەندى ۇلەس قوسىپ، جاڭا داۋىردەگى ينتەرناتسيوناليزم رۋحىن ايگىلەگەندىگىن القادى. شي جينپيڭ بىنياڭمەن بىرگە كوز اۋرۋلار بولمەسىنە كىرىپ، جۇڭگولىق ەمدەۋ قىزمەتكەرلەرىنىڭ تانىستىرۋىن تىڭدادى. ەمدەۋ قىزمەتكەرلەرى جۇڭگولىق ماماندارعا شەل اۋرۋى وتاسىن جاساتىپ جازىلعان لاوستىق 2 ناۋقاستىڭ كوز تارتقىشىن شەشتى. شي جينپيڭ 2 ناۋقاستىڭ دەنساۋلىعىنىڭ ەرتەرەك قالپىنا كەلۋىن، وتباسىلارىنىڭ باقىتتى بولۋىن تىلەدى. جارىق دۇنيەنى قايتا كورگەن لاوستىق ناۋقاستار جۇڭگو ۇكىمەتى جىبەرگەن ەمدەۋ قىزمەتكەرلەرىنىڭ وزدەرىن سۋ قاراڭعىلىقتان قۇتقارعانىنا، وزدەرىنىڭ باقىتتى ومىرگە قايتا ورالۋلارىنا مۇمكىندىك جاساعانىنا تەبىرەنە العىس ايتتى.
شي جينپيڭ مىنالاردى اتاپ كورسەتتى: جۇڭگو - لاوس ىنتىماقتاستىعى حالىق تۇرمىسى سالاسىنا كوبىرەك بەيىمدەلۋى، جەرگىلىكتى بۇقاراعا كوبىرەك پايدا جەتكىزۋى كەرەك. نەگىزگى قۇرىلعىلار دايىندالدى، ەندى قابىلەت - قارىم قۇرىلىسىن دا كۇشەيتۋ كەرەك. ەكى ەلدىڭ دەنساۋلىق ساقتاۋ سالاسىن باسقارۋ تاراۋلارى ساياساتتاردى بايلانىستىرۋدى جانە سىندارلى ىنتىماقتاستىقتى كۇشەيتىپ، بىرلەسە وتىرىپ ەمدەۋ دەڭگەيىن جوعارىلاتىپ، ەكى ەل حالقىنا باقىت سيلاۋى كەرەك.
ماحوسوت اۋرۋحاناسى جۇڭگونىڭ لاوسقا كومەك بەرىپ سالعان حالىق تۇرمىسى سالاسىنداعى نىشاندىق نىسانى، ول ماحوسوتتىڭ قازىرگى اۋرۋحاناسى نەگىزىندە جاڭادان جانە كەڭەيتىپ سالىنۋدا، لاوستىڭ ەمدەۋ شارت - جاعدايىن جاقسارتۋدى ماقسات ەتكەن بۇل اۋرۋحانا 2021 - جىلى پايدالانۋعا بەرىلەدى دەپ جوسپارلانعان.
سول كۇنى شي جينپيڭ لاوستاعى اتسىز جاۋىنگەرلەر ەسكەرتكىشىنە گۇلشەڭبەر قويدى.
ديڭ شۋەشياڭ، ليۋ حى، ياڭ جيەچى قاتارلى جۇڭگو جاقتان بارعان ساپارلاستارى اتالعان قيمىلدارعا قاتىناستى. لاوس حالىقتىق توڭكەرىس پارتياسى ورتالىق كوميتەتى ساياسي بيۋروسىنىڭ مۇشەسى، ۆەنتيان قالالىق پارتكومنىڭ شۋجيى جانە قالا باستىعى شين لافىڭ، لاوس حالىقتىق توڭكەرىس پارتياسى ورتالىق كوميتەتى ساياسي بيۋروسىنىڭ مۇشەسى، ورىنباسار زۇڭليى سۇڭساي قاتىستى قيمىلدارعا قاتىستى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
