بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>ورتالىقتىڭ ءۇنى

«قىزىل قايىق رۋحىن» ساۋلەلەندىرىپ، ءداۋىردىڭ الدىڭعى لەگىندە جۇرەيىك

شي جينپيڭ

2017.12.01 15:52     كەلۋ قاينارى : حالىق تورابى

  1921 – جىلى تامىزدىڭ باس شەنىندە جۇڭگو كوممۋنيستىك پارتياسىنىڭ مەملەكەتتىك 1 – قۇرىلتايى جىجياڭ ولكەسى جياشيڭ قالاسىنىڭ نانحۋ كولىندەگى سەرۋەن كەمەسىندە تابىسپەن جابىلىپ، جۇڭگو كوممۋنيستىك پارتياسىنىڭ ومىرگە كەلگەنىن سالتاناتپەن جاريالادى. سونىمەن وسى سەرۋەن قايىعى جۇڭگونىڭ توڭكەرىس تاريحىنا «قىزىل قايىق» دەگەن اتپەن ماڭگىلىككە جازىلدى.


  قىزىل قايىق جۇڭگو تاريحىنداعى كەرەمەت ءىرى وزگەرىستىڭ كۋاگەرىنە، جۇڭگونىڭ توڭكەرىس قاينارىنىڭ سيمۆولىنا اينالدى. قىزىل قايىق سودان بەرى جۇرتشىلىق، اسىرەسە، كوممۋنيستەر قۇرمەتپەن كورەتىن بۇيىمعا اينالدى. وتكەن عاسىردىڭ 60 – جىلدارىندا ج ك پ – نىڭ 1 – قۇرىلتايىنىڭ ۋاكىلى دۇڭ بي – ۋ جولداس نانحۋ كولىنە ەكى رەت ارنايى بارىپ، زور شابىتپەن ولەڭ ارناعان بولاتىن. رەفورما جۇرگىزىلىپ، قاقپا اشىلعاننان بەرى دىڭ شياۋپيڭ، جياڭ زىمين، حۋ جينتاۋ قاتارلى پارتيا مەن مەملەكەت باسشىلارى پارتيانىڭ ومىرگە كەلگەن جەرىنە ىستىق ىقىلاس تانىتىپ، نە بولماسا قىزىل قايىقتى ىقىلاسپەن كوردى، نە بولماسا قولدارىنا قالام الىپ ارناۋ ءسوز جازىپ، ءبىزدى «نانحۋ كولىندەگى قىزىل قايىقتان باستالعان توڭكەرىستىك جولدى بويلاپ ەرلىكپەن العا باسۋعا» شابىتتاندىردى. 2002 – جىلى قازاندا جىجياڭعا الماسىپ كەلگەننەن كەيىن شەكسىز قۇرمەتپەن جياشيڭ قالاسىنداعى نانحۋ كولىنە ارنايى بارىپ قىزىل قايىقتى قۇرمەتپەن كورىپ، توڭكەرىستىك جىگەر تاربيەسىن الدىم. بيىل شاعاننان كەيىنگى ءبىرىنشى قىزمەت كۇنىندە جىجياڭ ولكەلىك كوميتەتىنىڭ نازاريا ۇيرەنۋ وزەكتى گرۋپپاسىنىڭ مۇشەلەرى نانحۋ كولىنە كەلىپ قىزىل قايىقتى قۇرمەتپەن كورىپ، جۇڭگو كوممۋنيستەرىنىڭ العاباسارلىعىن ساقتاۋ تاربيە قيمىلى ارناۋلى ۇيرەنۋ جيىنىن وتكىزدى. العاباسارلىق تاربيە قيمىلى مەزگىلىندە مىڭداعان پارتيا مۇشەسى وتانىمىزدىڭ جەر – جەرىنەن نانحۋ كولىنە كەلىپ، كورمەنى ارالاپ، پارتيا ساباعىن تىڭداپ، پارتيا ۋستاۆىن ۇيرەنىپ، ارناۋلى فيلمدى كورىپ، قىزىل قايىقتى قۇرمەتپەن كورىپ، پارتياعا كىرۋ سەرتىن قايتالاي ەسكە الدى. جياشيڭ قالاسى «رۋحتى جالعاپ، يدەيالىق دەڭگەيدى جوعارىلاتۋدى» نەگىزگى مازمۇن ەتكەن زور تالقى قيمىلىن كەڭ كولەمدە ورىستەتىپ، العاباسارلىق تاربيە قيمىلىن پارمەندى جەبەدى.


  قىزىل قايىق تولقىن جارىپ، رۋحى جۇرت تىلەگىن ۇيىستىردى. قىزىل قايىقتىڭ ۋاكىلدىك ەتەتىنى جانە ايگىلەيتىنى __ داۋىرلىك بيىك تۇرعى، دامۋ باعىتى، العا باسۋدىڭ باعدار شامى، جۇڭحۋا ۇلاندارىنىڭ كوكەيىندە ماڭگى وشپەستەي ساقتالاتىن رۋحاني ەسكەرتكىش. «قىزىل قايىق رۋحى» جيڭگاڭشان رۋحىمەن، ۇزاق جورىق رۋحىمەن، يان – ان رۋىىمەن، شيبايپو رۋحىمەن بىرگە جۇڭگو توڭكەرىسىنىڭ شۇعىلالى تاريحىمەن قابىسىپ، پارتيامىزدىڭ العا باسۋ جولىندا ءتۇرلى قيىندىق پەن قاتەردى جەڭىپ، ۇزدىكسىز العا ۇمتىىپ تىڭ جەڭىسكە جەتۋىندەگى قۇدىرەتتى رۋحاني كۇش جانە باعالى رۋحاني بايلىق بولىپ قالىپتاستى. 80 جىلدان استام ۋاقىتتان بەرى «قىزىل قايىق رۋحى» پارتيامىزدىڭ تاريحي بيىك تۇرعىدان جازباي، ءداۋىردىڭ الدىڭعى لەگىندە ءجۇرىپ، اتويلاپ سەركەلىك ەتىپ، جول اشىپ، توڭكەرىس، قۇرىلىس جانە رەفورما ىستەرىنىڭ جەڭىسىنە ۇزدىكسىز جەتە بەرۋىنە شابىت باعىشتاپ كەلەدى.


  كەلۋ قاينارى: حالىق تورابى


  
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار