لي كىچياڭ قازاقستان پرەمەر – مينيسترى باقىتجان ساعىنتايەۆپەن كەزدەستى

2017.12.04 15:51   كەلۋ قاينارى : حالىق تورابى

　　حالىق تورابى، 4 – جەلتوقسان، بەيجيڭ. جەرگىلىكتى ۋاقىت 1 – جەلتوقسان تۇستەن بۇرىن، مەملەكەتتىك كەڭەستىڭ زۇڭليى لي كىچياڭ سوچيعا قونعان قوناقجايىندا قازاقستان پرەمەر – مينيسترى باقىتجان ساعىنتايەۆپەن كەزدەستى.

　　لي كىچياڭ بىلاي دەدى: جۇڭگو مەن قازاقستان جوعارى دەڭگەيدەگى، سەنىمدى، جان - جاقتى ستراتەگيالىق ارىپتەس، بيىل جۇڭگو مەن قازاقستاننىڭ ديپلوماتيالىق بايلانىس ورناتقانىنىڭ 25 جىلدىعى، ەكى ەل قاتىناسى دامۋىنداعى ۇلكەن جەتىستىككە جەتكەن تاعى ءبىر جىل. ءبىز جۇڭگو مەن قازاقستاننىڭ ءوندىرىس قۋاتى سەلبەستىگى جاعىنداعى جەمىسىن ەرتە كورگەنىنە قۋانىشتامىز. ەكى جاقتىڭ جالعاستى قۇلشىنىپ، كەلىسىمگە كەلگەن ءارقايسى ورتاق تانىمدارىن جالعاستى تياناقتاندىرۋىن ءارى قاتىستى جەتىستىكتەرى مەن تاجىربيەلەرىن الماستىرۋدى كۇشەيتۋىن ءۇمىت ەتەمىن، سول ارقىلى ەكى جاقتىڭ ناعىز سەلبەستىگىن جەدەلدەتۋىن، اسىرەسە ءوندىرىس قۋاتى جاعىنداعى سەلبەستىگىنىڭ ونان ارى دامۋىن ءۇمىت ەتەمىن. جۇڭگو جاق ساۋدا، زالالسىز اۋىل شارۋاشىلىق قاتارلى سالالاردا قازاقستان جاقپەن سەلبەستىك ورناتۋدى قالايدى. قازاقستان جاقتىڭ جالعاستى ەكى ەل ازاماتىنىڭ كەلىپ – كەتۋىن قولايلىلاستىرىپ، ەكى جاق كاسىپورىندار اراسىنداعى سەلبەستىگىنە تاماشا شارت – جاعداي جاراتۋىن ءۇمىت ەتەمىن.

　　باقىتجان ساعىنتايەۆ بىلاي دەدى: قازاقستان جاق قازاقستان مەن جۇڭگو قاتىناسىنىڭ جەتكەن جەتىستىگىنە ءدان ريزا. قازاقستان مەن جۇڭگونىڭ ءوندىرىس قۋاتى جاعىنداعى سەلبەستىگى ەكى ەل ەكونوميكا سەلبەستىگىنىڭ ءساتتى ۇلگىسى بولىپ، ەكى ەل قاتىناسىنىڭ جان – جاقتى دامۋىنا مىعىم قوزعاۋشى كۇش بەردى. تۇڭعىش كەزەكتى قازاقستان – جۇڭگو جەرگىلىكتى سەلبەستىك فورۋمىنىڭ ءساتتى وتكىزىلۋى ەكى سەلبەستىگىنىڭ جاڭا سالاسىنداعى ءورىسىن اشتى. قازاقستان جاق بەلسەندى تۇردە ەكى ەل باسشىلارىنىڭ بىرلىككە كەلگەن ماڭىزدى ورتاق تانىمدارىن تياناقتاندىرىپ، ءوندىرىس قۋاتى سەلبەستىگىنىڭ ونان ارى دامۋىنا تاماشا شارت – جاعداي جاراتىپ، قازاقستان مەن جۇڭگونىڭ ءارقايسى سالاداعى ناقتى سەلبەستىگىنىڭ دامۋىن جەدەلدەتۋگە رازى.

　　كەلۋ قاينارى: حالىق تورابى