شي جينپيڭ حات جولداپ 4 – كەزەكتى دۇنيە جۇزىلىك عالامتور ءماجىلىسىنىڭ اشىلۋ سالتىن قۇتتىقتاعاندا مىنانى دارىپتەدى
عالامتور يەلىك ۇقىعىنا قۇرمەت ەتىپ، ارىپتەستىك رۋحتى ساۋلەلەندىرىپ، عالامتور مەن سيفرلى شارۋاشىلىق دامۋىنىڭ جۇردەك پويەزىنە قاتار وتىرۋ كەرەك
2017.12.04 16:12 كەلۋ قاينارى : حالىق تورابى
«حالىق گازەتى»، 3 – جەلتوقسان، حاڭجوۋ (ءتىلشى ني ي). 4 – كەزەكتى دۇنيە جۇزىلىك عالامتور ءماجىلىسى 3 – جەلتوقسان تۇستەن بۇرىن جىجياڭ ولكەسىنىڭ ۋجىن قالاشىعىندا باستالدى. مەملەكەت ءتوراعاسى شي جينپيڭ قۇتتىقتاۋ حاتىن جولداپ، جۇڭگو ۇكىمەتى مەن حالقى اتىنان، سونداي - اق ءوز اتىنان ءماجىلىستىڭ اشىلۋىن قىزۋ قۇتتىقتادى، ماجىلىسكە قاتىناسقان ءار ەلدىڭ ۋاكىلدەرىن، حالىقارالىق قۇرىلىمداردىڭ جاۋاپتىلارىن جانە مامان، وقىمىستىلار، كاسىپورىنشىلار قاتارلى ءار سالاداعى قايراتكەرلەردى شىن ىقىلاسپەن قارسى الىپ، كوپشىلىكتىڭ اقىل قوسىپ، ورتاق تانىمدى جەبەپ، عالامتور مەن سيفرلى شارۋاشىلىق اۋىس – كۇيىس سەلبەستىگىن ىشكەرىلەي جۇرگىزىپ، عالامتوردىڭ دامۋ تابىسىمەن دۇنيەدەگى ءار ەل حالىقتارىنا ءتىپتى دە زور باقىت جاراتۋدى ءۇمىت ەتتى.
شي جينپيڭ قۇتتىقتاۋ حاتىندا بىلاي دەدى: قازىر ينفورماتسيا توڭكەرىسىن ۋاكىلدىك ەتكەن جاڭا كەزەكتى عىلىم – تەحنيكا جانە كاسىپ توڭكەرىسى وركەندەپ، ەكونوميكانىڭ، قوعامنىڭ دامۋىنا مىعىم كۇش قوستى، سونىمەن بىرگە، عالامتوردىڭ دامۋى دۇنيە جۇزىندەگى ءار ەلدىڭ يەلىك ۇقىعىنا، حاۋىپسىزدىگىنە، دامۋ مۇددەسىنە كوپتەگەن تىڭ سايىس تۋدىردى. دۇنيە ءجۇزىنىڭ عالامتوردى جونگە سالۋ جۇيەسىندەگى وزگەرىس جاڭا مەزگىلگە قادام تاستادى، عالامتور اياسىنداعى تاعدىرلاس ورتاق تۇلعانى قۇرۋ كۇن سايىن حالىقارالىق قوعامنىڭ ورتاق تانىمىنا اينالىپ وتىر. ءبىز «4 پرينسيپتى»، «5 دارىپتەمەنى» دارىپتەيمىز، مۇندا حالىقارالىق قوعاممەن بىرگە عالامتور يەلىك ۇقىعىنا قۇرمەت ەتۋدى، ارىپتەستىك رۋحتى ساۋلەلەندىرۋدى ءۇمىت ەتەمىز، كوپشىلىكتىڭ ءىسىن كوپشىلىك اقىلداسپ ءبىتىرۋى، دامۋدى بىرگە ىلگەرىلەتۋى، حاۋىپسىزدىكتى بىرگە قورعاۋى، جونگە سالۋعا بىرگە قاتىناسۋى، تابىستان بىرگە يگىلكتەنۋى كەرەك.
شي جينپيڭ مىنالاردى دارىپتەدى: پارتيانىڭ 19 – قۇرىلتايىندا جاڭا داۋىردەگى جۇڭگوشا سوتسياليزمنىڭ ارەكەت باعدارلاماسى مەن دامۋ جوسپارى جاسالىپ، عالامتوردا مىعىم ەل، سيفرلى جۇڭگو، پاراساتتى قوعام قۇرۋ، عالامتور، ءىرى ساندى مالىمەت، جاساندى زەيىن جانە ناقتى ەكونوميكانىڭ ىشكەرىلەي توعىسۋىن جەبەۋ، سيفرلى شارۋاشىلىقتى، ورتاق يگىلىكتەنەتىن شارۋاشىلىقتى دامىتۋ، جاڭا ارتۋ ءتۇيىنىن جەتىلدىرۋ، جاڭا قوزعاۋشى كۇش قالىپتاستىرۋ ورتاعا قويىلدى. جۇڭگونىڭ سيفرلى شارۋاشىلىعىنىڭ دامۋى الدا تەز قارقىنمەن دامىماق. جۇڭگو ءوز قۇلشىنىسى ارقىلى دۇنيە جۇزىندەگى ەلدەردىڭ عالامتور مەن سيفرلى شارۋاشىلىق دامۋىنىڭ جۇردەك پويەزىنە قاتار وتىرۋىن جەبەۋدى ءۇمىت ەتەدى. جۇڭگونىڭ قاقپاسى سىرتقا اشىق ۇستالا بەرەدى، جابىلمايدى، بارعان سايىن كەڭ اشىلادى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
