ادامزاتتىڭ اناعۇرلىم نۇرلى بولاشاعىنا بىرگە جول اشايىق
باس شۋجي شي جينپيڭنىڭ جۇڭگو كوممۋنيستىك پارتياسى مەن دۇنيە جۇزىندەگى ساياسي پارتيالاردىڭ جوعارى دارەجەلىلەر كەڭەسىندە سويلەگەن ارقاۋ ءسوزى تۋرالى (1)
□حالىق گازەتىنىڭ شولۋشىسى
2017.12.04 16:51 كەلۋ قاينارى : شينجياڭ گازەتى
ساياسي پارتيالار ادامزات وركەنيەتىنىڭ العا باسۋىن ىلگەرىلەتەتىن ماڭىزدى كۇش. ادامزاتتىڭ تاماشا ومىرگە دەگەن تالپىنىسى جونىندە، ساياسي پارتيالار ءوز جاۋاپكەرشىلىگى مەن بورىشىن قالاي ارقالاۋى كەرەك؟ بۇل دۇنيە جۇزىندەگى ءتۇرلى ساياسي پارتيالار ءدوپ كەلگەن ورتاق تاقىرىپ.
جۇڭگو حالقى جاڭا داۋىرگە ءوتىپ، جاڭا ساپار باستاعان ساتتە، جۇڭگو كوممۋنيستىك پارتياسى تۇڭعىش رەت دۇنيە جۇزىندەگى ءتۇرلى ساياسي پارتيالارمەن جوعارى دارەجەلىلەر كەڭەسىن وتكىزدى، الەمنىڭ ءار ەلىندەگى 300گە جۋىق ساياسي پارتيا مەن ساياسي ۇيىمنىڭ باسشىلارى بەيجيڭدە باس قوسىپ، ۇلى ءىستى اقىلداستى، بۇل ساياسي پارتيالاردىڭ ساياسي تاريحىندا جاسامپازدىق مانگە يە ۇلكەن ءىس. بۇرىن بولماعان اۋقىمدا وتكەن جاھاندىق سالتاناتتى جينالىس الەمنىڭ جۇڭگونىڭ دامۋ تابىسىن مويىنداعانىن، جۇڭگو كوممۋنيستىك پارتياسىنىڭ بيلىك جۇرگىزۋ ناتيجەسىن مويىنداعانىن كورسەتتى. جۇرت جۇڭگو كوممۋنيستىك پارتياسىنىڭ ەل باسقارۋداعى تابىستى تاجىريبەلەرىمەن ءبولىسۋدى، ادامزات ءدوپ كەلگەن قيىن ماسەلەلەردى شەشەتىن جۇڭگو پاراساتى مەن جۇڭگو جوباسىن ءبولىسۋدى ءۇمىت ەتتى.
«ءبىز تاريحي ورايدى مىقتى يگەرىپ، دۇرىس تاڭداۋ جاساپ، ادامزاتتىڭ اناعۇرلىم نۇرلى بولاشاعىنا بىرگە جول اشۋىمىز كەرەك». جينالىستا باس شۋجي شي جينپيڭ ارقاۋ ءسوز سويلەپ، الەمدەگى ساياسي پارتيالاردىڭ ورتاق جاۋاپكەرشىلىگىن تياناق ەتىپ، ادامزاتتىڭ دامۋى مەن الەمنىڭ بولاشاعىن كوزدەپ، ادامزاتتىڭ تاعدىرلاس ورتاق تۇلعاسىنىڭ جارقىن كەلەشەگىن تەرەڭ سۇيىسپەنشىلىكپەن كەسكىندەپ، قانداي نۇرلى الەم قۇرۋ، نۇرلى الەمدى قالاي قۇرۋ جونىندەگى 4 ءتۇيىندى پىكىرىن ىشكەرىلەي بايىمداپ، جۇڭگو كوممۋنيستىك پارتياسىنىڭ دۇنيە ءجۇزى ءۇشىن ۇلەس قوساتىن 3 ءتۇيىندى دارىپتەمەسىن ايقىنداپ، جۇڭحۋا ۇلتىنىڭ جاھاندىق سۇيىسپەنشىلىگىن تولىق ايگىلەپ، جۇڭگو كوممۋنيستىك پارتياسىنىڭ جاۋاپكەرشىلىك ارقالايتىنىن تولىق كورسەتىپ، جينالىسقا قاتىسقان سيلى قوناقتاردىڭ كۇشتى ورتاق تانىمىنا يە بولدى.
ءبارىمىز قاتار ءومىر ءسۇرىپ جاتقان وسىناۋ عالامشار سەن، مەن دەسپەيتىن تاعدىرلاس ورتاق تۇلعاعا اينالۋدا. باقىتتى، جارقىن ءومىر ءسۇرۋ ءۇشىن، ادامزات شۇعىلالى وركەنيەت جەمىستەرىن جاراتۋمەن قوسا، سانسىز قيىندىقتاردى باستان كەشىرىپ، اۋىر بوداۋ بەردى؛ ادامزاتتىڭ ءومىرى بۇرىن بولماعان دەڭگەيدە ءوزارا بايلانىسۋمەن بىرگە، ادامزات ءدوپ كەلگەن جاھاندىق ماسەلەلەر دە بۇرىن بولماعان دەڭگەيدە كوبەيىپ، اۋقىمدانىپ، اۋىرلاسىپ كەلەدى. بولاشاقتى بەتكە الىپ، ادامزاتتىڭ تاعدىرلاس ورتاق تۇلعاسىن قۇرۋ − ۇلكەن بەتالىس، ادامزاتتىڭ اناعۇرلىم جارقىن بولاشاعىن بىرگە اشۋ − داڭعىل جول. ءوزىنىڭ دامۋىن مەملەكەتتىڭ، ۇلتتىڭ، ادامزاتتىڭ دامۋىمەن تىعىز بىرلەستىرىپ، ءداۋىر بورىشىن سانالى تۇردە ارقالاۋ − الەمدەگى ءارقايسى ساياسي پارتيانىڭ جاۋاپكەرشىلىگى.
ءار ەل حالقىنىڭ جارقىن ءومىر تۋرالى تالپىنىس - تىلەگىن قايتكەندە جۇزەگە اسىرۋعا بولادى؟ بۇنىڭ تەتىگى − باس شۋجي شي جينپيڭ دارىپتەگەن 4 ءتۇيىندى پىكىر بويىنشا، ۇرەيدەن اۋلاق، جاپپاي حاۋىپسىز الەم قۇرۋعا قۇلشىنۋ، كەدەيلىكتەن اۋلاق، بىرگە گۇلدەنەتىن الەم قۇرۋ، تۇيىقتانۋدان اۋلاق، اشىق، قامتىمالى الەم قۇرۋ، تاۋى جاسىل، سۋى تۇنىق، تازا دا كورىكتى الەم قۇرۋ. وسىنداي نۇرلى الەم ءار ەل حالقىنىڭ ورتاق جۇرەك ءۇنىن جەتكىزدى. تۇرلىشە مەملەكەتتەردىڭ ساياسي پارتيالارى ءوزارا سەنىمدى نىعايتىپ، پىكىر اۋىسۋدى كۇشەيتىپ، تىعىز سايكەسكەندە، ايىرماشىلىقتاردى قايىرا تۇرىپ، ورتاقتىققا ۇمتىلاتىن، ءوزارا قۇرمەتتەيتىن، ءبىر - بىرىنەن ۇيرەنەتىن، ۇلگى الاتىن جاڭاشا ساياسي پارتيالار قاتىناسىن، ساياسي پارتيالار اۋىس - كۇيىسى مەن ىنتىماقتاستىعىنىڭ ءتۇرلى فورماداعى، ءتۇرلى جىكتەگى حالىقارالىق جەلىسىن ورناتقاندا عانا، ادامزاتتىڭ تاعدىرلاس ورتاق تۇلعاسىن قۇراتىن قۋاتتى كۇش توپتاي الادى.
«الەم جالعىز بىرەۋدىڭ مەنشىگى ەمەس، الەم جالپاق الەم حالقىنىكى». جۇڭحۋا ۇلتى «دۇنيە ءجۇزى ۇلكەن جاقتان بىردەي، جەر - جاھان − ءبىر شاڭىراق» دەيتىن تاريحي نەگىز بويىنشا، «بارشا ەلمەن تاتۋ بولۋ»، «كۇللى تىرشىلىك جاراسىمدىلىقتان ءوربيدى» دەيتىن مادەنيەت رۋحىن ۇلىقتاپ، «ناعىز ادىلدىك ۇستەمدىك قۇرىپ، جەر - جاھان بارشا حالىقتىڭ ورتاق ەنشىسى بولاتىن» نۇرلى الەمدى ارماندايدى. بۇكىل الەمدىك اۋىس - كۇيىس بارىسىندا ءار ەل حالقى ءبىر اسپان استىندا ءومىر ءسۇرىپ، ورتاق ءبىر مەكەندە جاساپ جاتقان سوڭ، ءبىر شاڭىراقتىڭ ادامى بولۋى ءتيىس دەپ قارايدى. جۇڭگو كوممۋنيستىك پارتياسى نە ىستەسە دە جۇڭگو حالقىن باقىتقا كەنەلتۋ، جۇڭحۋا ۇلتىن كوركەيتۋ، ادامزاتتىڭ بەيبىتشىلىگى مەن دامۋى ءۇشىن ىستەيدى. بىرنەشە جىلدان بەرى، ادامزاتتىڭ تاعدىرلاس ورتاق تۇلعاسىن ورناتۋ دارىپتەمەسىن ورتاعا قويعاننان «ءبىر بەلدەۋ، ءبىر جول» قۇرىلىسىن ىلگەرىلەتۋگە، ودان وسى رەتكى دۇنيە جۇزىندەگى ءتۇرلى ساياسي پارتيالارمەن بىرگە جوعارى دارەجەلىلەر كەڭەسىن وتكىزۋگە دەيىن، جۇڭگو كوممۋنيستىك پارتياسى ءوز ۋادەسىن ناقتى ارەكەتىمەن ورىنداۋعا تاباندى بولىپ، تىنباي قۇلشىنۋ ارقىلى ءوزىنىڭ ساياسي پارتيا رەتىندەگى جاۋاپكەرشىلىگىن ارقالادى. جۇڭگو كوممۋنيستىك پارتياسى بۇدان كەيىن دە الەمنىڭ بەيبىتشىلىگى مەن تىنىشتىعى ءۇشىن ۇلەس قوسادى، الەمنىڭ بىرگە دامۋى ءۇشىن ۇلەس قوسادى، الەمدىك وركەنيەتتەردىڭ اۋىس - كۇيىسى مەن ءوزارا ۇلگى الۋى ءۇشىن ۇلەس قوسادى.
«ءجون - جۇيە دەگەنىمىز زاتتاردىڭ تۇراقتى قاسيەتى، ال ءىس سونىڭ سالدارى». الەمدەگى ءار ساياسي پارتيا ءداۋىر دامۋىنىڭ اعىمىنا بەيىمدەلىپ، ادامزات العا باسۋىنىڭ جالپى بەتالىسىن يگەرىپ، حالىقتىڭ ورتاق تىلەگىنە ۇيلەسىپ، ءوز جاۋاپكەرشىلىگى مەن بورىشىن ارقالاسا، اناعۇرلىم جارقىن بولاشاققا جول اشۋعا، اناعۇرلىم نۇرلى الەم قۇرۋعا بولادى.
(شينحۋا اگەنتتىگىنىڭ 1 - جەلتوقساندا بەيجيڭنەن بەرگەن حابارى)
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
